蚊蚊豬老火鍋 (已結業)

無論咩季節打邊爐都係香港人嘅最愛，深水埗呢間火鍋放題唔止有火鍋食，一個價錢仲包埋烤魚同雞煲，仲要可以免費轉湯底，可以upgrade牛尾鍋。一個價錢，冇隱藏式收費。藥膳鮮雞鍋- 本來想試吓美蛙大魚頭湯，可惜田雞太好賣已經賣晒…- 真材實料，全部都係大大件雞件，藥材份量都比足- 採用比較瘦嘅雞，所以個湯都唔會太油，就咁飲都幾鮮味趁個湯未滾之前，叫幾款小食醫下肚先，落單之後好快就嚟咗。麻辣豬耳- 口感爽脆彈牙，切到條狀方便食用- 都真係好麻辣，食唔到辣嘅朋友要自己斟酌芝麻八爪魚🐙& 辣味螺肉- 估唔到呢度會有日式前菜小食- 八爪魚爽口，辣味螺肉甜甜辣辣幾開胃炸饅頭&炸墨丸&椒鹽雞軟骨- 炸物幾出色，即叫即炸，上碟熱辣辣- 火候啱啱好，炸到外面金黃色，裏面又唔會太乾- 炸墨丸彈牙，加咗少少椒鹽好香口惹味- 炸饅頭外脆內軟，配煉奶當甜品食- 雞軟骨香脆可口，唔會太油膩海鮮拼盤- 海蝦都幾大隻，肉質爽口鮮甜- 鮑魚已經起咗膽囊，肉質結實而不韌，大隻鮮味- 青口都幾厚肉，入口鮮味封門柳 Prime & 牛板腱 Prime- 牛肉都幾肥美，色澤鮮嫩- 個人比較推薦封門柳，肉質結實得來比牛板腱鬆軟，牛味濃而且有油香。- 牛肉厚度可能係因為手切關係有啲厚薄不一致萬州烤魚- 可以選擇清江魚或鱸魚- 湯底可以選擇蕃茄湯，泡椒酸湯，香辣蕃茄湯- 條魚烤得幾香，都幾大條，厚肉少骨- 肉質幾滑，新鮮結實食物：7/10環境：7/10服務：7.5/10性價比：7.5/10…查看更多

今日嚟深水埗食火鍋，呢間火鍋店好有人氣。兩個鐘嘅放題二百幾蚊，除咗可以任食火鍋，仲可以免費任轉湯底，仲有可以免費升級紅酒牛尾煲，仲有萬州烤魚，麻辣雞煲可以食，一次過滿足幾個願望。入座會奉送一份海鮮拼盤，極品牛皇拼盤，刺身拼盤，店員先上左個烤魚。萬州烤魚🐟可以選擇清江魚或鱸魚，店員介紹清江魚肉質比較滑冇咩細骨；鱸魚就比較多肉，我哋揀咗清江魚配蕃茄湯。上碟條魚比想像中大，外皮烤得好香脆，烤到金黃色；魚肉好嫩滑鮮味，厚肉而且冇咩骨，配上酸酸甜甜的蕃茄湯好夾，必食👍🏻刺身拼盤拼盤共有六款刺身，包括三文魚，甜蝦🦐，鮑片，馬刀貝，魷魚🦑，八爪魚🐙，其中三文魚刺身係任食🤩肥美嫩滑又有油香。另外其他刺身我發現咗個隱藏食法，就係拎去涮，特別係馬刀貝同魷魚，涮完爽口鮮味，一物兩食👍🏻海鮮拼盤拼盤有鮮蝦🦐，鮑魚，青口。鮑魚同青口已經清理咗內臟，食起上嚟好方便👍🏻鮮蝦肉質結實，爽口彈牙；鮑魚好厚肉鮮味；青口大隻鮮味，好想再encore，如果可以加錢食海鮮就好啦😝極品牛皇拼盤拼盤有手切安格斯，封門柳，牛板鍵，牛舌心。牛肉油花都幾靚，安格斯同封門柳油花比較重，比較肥美細滑；牛板鍵牛味比較香濃，肉質比較結實，封門柳同牛板鍵都可以encore。不過我認為牛肉切得太厚，而且厚薄不一，涮嘅時間耐左所以會有啲韌。火鍋配料可以喺出邊自取或者QR code落單，選擇都幾多，選擇同其他火鍋店都差唔多就唔多講啦，質素中規中矩，仲有雪糕做甜品。特別欣賞佢嘅炸物小食，炸饅頭同炸墨魚丸係必食，我仲encore左兩次😍炸饅頭外皮炸得酥脆，內裏十分軟熟，配上煉奶最佳配搭；炸墨魚丸外皮炸到金黃色，裏面有咬口，爽口彈牙，仲食到好多魷魚粒粒，外面曬左鹽酥粉好惹味，質素拍得住台式小食店😋本身想食埋佢個雞煲同紅酒牛尾鍋，無奈食到呢度胃容量已經飽和，戰鬥力下降😂 整體來講，食物選擇非常多，呢個價錢食到咁多款嘢食都好抵食，個人最推薦炸魚，海鮮同炸物小食，湯底款式都有好多；環境舒適，冷氣夠大，枱櫈都寬敞；服務態度熱情親切，店員會主動推介菜式，上菜速度亦都幾快，仲會主動問你要唔要加單。…查看更多

二百零蚊好抵食。火鍋、烤魚、三文魚刺身、麻辣燙放題，飲品任飲，雪糕任食。此外還送海鮮和刺身拼盤。真係包羅萬有。今晚和朋友來打邊爐，我們選了期間限定的紅酒牛尾鍋。鍋中真係有幾件大大件的牛尾，炆得骨肉分離夠入味。然後用QR Code落單選火鍋材料。火鍋材料說真的不算多，但店家特別推薦的三款牛肉（手切安格斯肥牛、牛板腱、封門柳）相當優質，肉類真係食呢三種就足夠。尤其是手切安格斯，完全無渣。牛尾鍋食得差不多後，我們轉了藥膳鍋，清清地用來淥菜就最啱了。第一啖的藥膳鍋由於只有藥材味會有點苦，但隨着紅棗和龍眼肉愈滾愈出味，之後就變得清甜好飲。最後，不得不提餐後的雪糕，是意大利雪糕Gelato呢，味道選擇也很多，特別推薦酸咪咪的柚子乳酪和幼滑的黑芝麻。…查看更多

火鍋放題競爭之大，令質素也越來越高。這間友人稱之為「九龍人必去」的火鍋店，在太子和深水埗都有分店，無論是湯底或是配料都打破我對放題級的深刻印象，而且價錢也不貴，店員友善，CP價非常不錯。120MINS火鍋放題 $228 (7:30PM前離座)湯底：第一次吃火鍋放題，不只可任選湯底，更可任換！我們試了2個湯底，2個都很滿意。萬州烤魚鍋是日可選鱸魚或清江魚。如店員推介一樣，少骨、魚肉滑，已預先煎過鎖住魚鮮味，肉質豐厚，吃得輕鬆方便，認真不錯。手打濃鮮茄味湯底也很惹味，不論是配烤魚或火鍋配料都很提鮮，而且清澈不帶一點油脂，美味健康！嗜辣的可以選擇香辣鮮茄味或泡椒酸湯味。五指毛桃鮮雞鍋友人推介，五指毛桃補肺益氣，很適合疫情下保健飲用，而且帶有淡淡的椰香味，還有粟米和蘿蔔等配料，十足一鍋老火靚湯，個人非常喜歡。雞件是另上的，如果想只要湯底也可以跟店員說將雞件Skip去。其他湯底還有重慶麻辣雞煲和紅酒牛尾鍋等，每款都很吸引，只好等Encore再試試！海鮮拼盤每檯只限免費1輪，大蝦、鮑魚和青口均大大隻，而且乾淨新鮮。刺身拼盤4款刺身包括三文魚、魷魚、甜蝦和馬刀貝，質素正常，三文魚更是厚切，可免費任添。其他Encore就要$18一碟。火鍋配料重點推介牛肉類，牛魔王和食肉獸絕對會滿足開心。有別於一般火鍋放題店Shaba Shaba般薄度的牛肉，這裡可以吃到滿滿誠意的手切厚度，口感實在，還可任食Prime級封門柳和牛板腱，接近外面散叫至少$2xx一碟的質素。很驚喜還可以吃到特別部位如牛胸爽和牛黃喉，牛舌也爽口富油香。配料每次Order的份量都不少，Re-order也保持同樣質素，個人覺得這個牛陣沒有什麼好挑剔，算是火鍋放題中數一數二的高質。除了火鍋配料，也是熟食炸物。炸饅頭和椒鹽雞中翼都是即叫即炸，上桌時脆身熱辣辣，味道中上。雪糕款式不多，選用香港品牌Low Fat Low Calorie的Gelato，4個口味Vanilla、Chocolate、Taro和Cookie中，Chocolate是意料之外的好味，屬於濃郁帶微苦的Dark Chocolate口味，口感軟滑，在超飽的情況下也忍不住要Encore！…查看更多