稻八日式火鍋炸物放題 (已結業)

假日book了5:30pm到，打算用7:30前結賬的85折優惠，原本打算選擇低一級的牛小排，但到店見到HSBC信用卡優惠，澳洲M6和牛盛合有8折，立即拍板。整體上，食物質素令我們非常滿意，這個價錢有這樣的質素，尤其是每次追加的牛肉能保持質素穩定一致，而我們叫的餐包了刺身任食，刺身新鮮、質素不俗，尤其是甜蝦及帶子都很鮮甜！此店CP值高，值得推薦！厭倦了大型商場的連鎖式店舖，最近轉戰舊墟小店，每每都有驚喜！…查看更多

晚飯時間因為唔想食肉，所以就嚟咗食海鮮拼盤餐！249加一價錢合理，店入邊六點唔算好多人，坐得好舒服，兩個人坐到四個人嘅卡位！🤓揀咗昆布湯底，覺得比較清新，可以帶出海鮮嘅甜味而唔會cover 曬太重口味！海鮮拼盤裏面有手掌咁大嘅帆立貝、北寄貝、螺、蜆、青口、蝦、蟹柳等等嘅海鮮！個人最推薦嘅係青口同埋帆立貝，帆立貝大隻得來唔會好韌好難咬，彈牙又爽口，啖啖肉又有海鮮嘅甜味！北寄貝我咁大個都未試過原隻（食開刺身一片個種），原隻口感好豐富，爽身唔霉！蟹柳相反就差少少啦，因為應該唔係真蟹而係麵粉個種嘅，但係除此之外，其他海鮮都十分清甜！另外，值得一讚嘅都係一個小墨魚，勁有心機整，斬左個頭淨得腳，所以就更加爽口，煮完仲脆口的！同埋海鮮拼盤仲有得無限追加，雖然帆立貝同北寄貝就無得選，但仲有好多其他種類。肉方面就有豬雞羊，不過不失，唔鞋但都有少少腥羊肉，個人覺得海鮮更好食！海鮮食到悶仲有炸物，除此之外仲有一個好特別嘅炸物櫃，可以自己做天婦羅，最值得一試嘅日本甜蕃薯🍠，手指咁大舊，唔會好膩，外皮炸得香脆入邊非常甜！係食個火鍋中間食嘅時候，真係覺得refresh味蕾！芝士丸都十分推薦！而自助吧裏邊都有好多種款式嘅食物可以揀，仲有特別嘅炸魚皮，出面真係好少見！蔬菜都十分之新鮮同爽脆！野飲方面除左普通汽水仲有無糖茶，好岩怕肥的我！職員都會好主動幫你加湯，服務唔錯。除咗普通雪條可以任食，最後尾仲可以食到Haagen-Dazs真係覺得好清爽！呢個價錢食到咁樣嘅質素火鍋真係十分之唔錯，最後咪仲個2周年抽獎，好開心呀！…查看更多

大埔既舊墟直街一向好多好野食~~~上次去完OPPA韓國燒肉放題，今次就選擇左日式火鍋+炸物放題 - 稻八!!!! . 而阿魚同朋友就選擇了「海鮮拼盤火鍋放題」($248)，除左有雞肉、羊肉同豬肉外，重有海鮮拼盤一大盤!!!! . 🐟💬： . 呢個放題，有好多湯底可以選擇，今次阿魚選擇了： (1) 鏗魚昆布清湯 (2) 北海道3.7牛乳牛骨湯 . 極推介「北海道3.7牛乳牛骨湯」，湯底都幾有奶味，同埋好滑!!!!! . 無論食肉或海鮮都岩!!!! . 而肉食方面，就有雞、羊、豬選擇，不過就無牛肉!! . 但係餐廳的雞肉同豬肉都係非常嫩滑~~~會令人不斷叫黎食!!! . 另外要推介的就是「八爪魚」，爽口彈牙!!!正!!!! . 同埋元貝同扇貝都好食!!!!! . 好大隻之餘，又有鮮味!!! . 生蠔有蠔味，同海水味!!! . 出面重有好多配料比你拎!!!!正!!! . 如果你玩炸物放題，一定要炸蝦，因為蝦好食、彈牙!!! . 亦有野飲同熱茶!!! . 除左臨走前，會有一杯雪糕送比你外，果到重有d雪條同燸米糍比你任拎!!!.有哈根大師同埋MOVENPICK比你選出 <3. 所以真係會捧住個肚離開...... . 🐟FISH'S REMINDER🐟💡阿魚提醒💡 . (1) 留意返，「海鮮拼盤火鍋放題」($248)係無牛肉的 . (2) 海鮮拼盤只有蝦、八爪魚、蜆、蠔等，係有得再叫，而帆立貝、北寄貝、螺、元貝係無得再叫的。 . (3) 記得要預留時間去玩「炸物放題」，炸物方面都好多選擇，不過阿魚就炸左燸米糍!!好似炸雪糕咁好正!!!記得千其唔好炸太耐，唔係既話，D雪糕會溶晒。 . (4) 多選一個湯底要另加18元 . 🐟📝：8.5/10 …查看更多

又係收工食好西既時間，今日三五知己聚首一堂， 一齊黎挑戰呢個無限飲食和牛既壯舉我們經商議後決定豪一豪佢，選左呢個$368既任食日本和牛套餐!各參賽者準備就緒後，選左地獄湯底牛乳湯底雙拼未正式開始之前先嚟一盤刺身暖暖胃， 值得讚呢度嘅刺身都係任食任點，而且都算好新鮮仲要全部係厚切如果唔夠後仲可以再order， 因為我哋係選最貴嘅套餐所以係唔使錢其他蔬菜丸類都係自助形式自己攞，佢哋啲菜非常新鮮，放落地獄湯地道滾一滾=爽!主菜黎啦，呢度既和牛係無限任食，以和牛級數黎計,A5係超頂級，而A4都已經係極高質素的和牛我鐘意食和牛係因為滿足我既色香味要求，首先佢啲油花較非常多而且密而平均細緻，觀感上完全滿足當放入鍋底後，薄切既和牛一拖就熟，而肉質嫩而多汁，仲要入口即溶，口感完全滿足最終緊係瘋狂點啦!呢度嘅海鮮都係咁點，相信係雪藏但都算好味又夠大隻除左日本和牛外，仲有好多其他肉類可以選擇，不過我哋嚟嘅目的係日本和牛，所以點左一round之後就冇再點其他肉大概食到一半，我哋仲出咗去試呢個自助天婦羅機， 自己整嘢天婦羅果然係特別好食最後飲飽食醉，到左食甜品時間， 呢度竟然有Dreyers既D collection雪糕食，平時買都唔平，又係任食總括呢度好適合好似我咁既大胃王黎挑戰， 咁嘅價錢食到咁高嘅質素，真係不枉此行…查看更多

今年嘅除夕雖然唔夠凍，但係都冇損打邊爐嘅心情😜當日打電話去約八點 但店員話已經full咗..話留咗啲位畀walk-in 嘅人 只可book 9點點知去到八點三左右唔使等就已經有位入😆同朋友點左個$238極上安格斯牛小排，湯底要左沙嗲味一直都好擔心佢個湯底係即沖嘅 但原來係我諗多左 佢係一個好足味湯底👍 沙嗲味超香😍第一round 點左牛粒、小牛排、豚肉同雞片牛粒雪花好靚，最中意食佢😋 又淋又有牛香味!! 正❤牛小排雪花都算唔錯 又唔係太肥 算係靚料 而且煮完牛味都仍然存在😃 算有樣又有內涵豚肉呢個反而冇乜特別有普通 所以點咗一次之後就冇再點啦雞肉本身以為係雞件 點知係肉片 煮完之後都相當鞋 所以冇再點 都係留肚食牛海鮮拼盤(有大蝦、青口、帶子、墨魚片同八爪魚仔)蝦夠大又彈牙😱 其他海鮮都有驚喜  無雪味😋見到呢度有響鈴非常開心 但原來係我開心得太早 佢啲響鈴全部都淋哂😵反而豆卜係大大塊 掛汁力特強 所以非常好食 菇又係必食😎菜都算新鮮同乾淨👍另外，呢度有自制沙津吧同少少日式前菜最特別一定係佢呢度個自助炸爐 有日本蕃薯仔、菇、蝦、茄子、秋葵等。番薯仔好好食 好甜 encore 左好多😆茄子炸完太油蝦都好好食，可惜一round之後無再出…😔值得一讚既係，員工加湯果陣會用手擋住 避免彈到客人…查看更多