黄记煌三汁焖锅

今日和朋友往尖沙咀黃記煌三汁燜鍋食燜鍋, 我們點了海鮮大軍燜鍋, 三黃雞件、白鱔片、讚歧烏冬和可樂。海鮮大軍燜鍋我們點了小麻辣, 海鮮大軍燜鍋有紅魚柳、白蝦、墨魚仔、廣島蠔、西芹、洋蔥和紅羅白。職員先奉上一個紅色的樽, 個樽叫六寶盒, 盒內原來是海鮮大軍燜鍋的材料, 採用無水方式烹調, 確保食物食出食物營養和鮮味,之後職員先後將食材, 麻辣醬、酣和莞茜放往鍋內燜煮, 燜鍋賣相吸引, 很有特色, 約5分鐘後便可食用, 紅魚柳肉質鮮甜味美, 白蝦和墨魚仔食落新鮮彈牙,廣島蠔食落鮮甜味美, 配菜西芹, 洋蔥和紅羅白食落爽口, 小麻辣辣度適中, 莞茜配上海鮮一起進食能食出海鮮的美味；食完燜鍋內的海鮮, 之後我們便將三黃雞件, 白鱔片和讚歧烏冬放往鍋內；三黃雞件, 雞肉肉質鮮嫩, 食落啖啖肉；白鱔食落新鮮爽脆；讚歧烏冬食落爽口；燜鍋很有特色, 將所有材料集中在鍋無水烹調, 很入味, 好好食；餐廳座位舒適, 食物美味, 我和朋友食了一頓美味特色的燜鍋。…查看更多

收工係尖沙咀行街，想揾啲岩4個人食既餐廳。但又唔想食雞煲，打邊爐又有啲悶，朋友就提議黎黃記煌食燜鍋！上到黎員工都好好服務同好nice。首先嗌左啲涼菜開下胃先，我地嗌左皮蛋同土豆絲，皮蛋好驚喜！個醬汁好入味個蛋好滑，土豆絲好爽口！哩到仲有酒嗌，我地都嗌左支柚子酒飲，仲好細心，怕我地覺得太濃，跟埋一桶冰上比我地用！重頭戲當然係個鍋啦！我地有人唔食辣，所以嗌左兩個鍋，一個麻辣汁既石班鍋，一個海鮮汁既海鮮鍋。個外型好得意，好似舊時皇帝啲野食咁！店員仲會過黎幫我地落醬搞勻佢，好好服務海鮮鍋個醬汁好夾，仲有好多海鮮，份量都好多，蠔、蝦、扇貝都有齊！啲海鮮食極都仲有，好飽呀～石班鍋同麻辣汁好夾，啲魚仲好滑！唔食開辣既我都忍唔住爭住食！食哂鍋入面啲野之後就當然要打下邊爐啦！除左嗌下啲丸同菜，打邊爐又點可以唔嗌牛？我地嗌左個牛既拼盤，啲牛掛哂上去好得意！哩到仲有得嗌許留山飲！一人整個多芒小丸子，非常滿足！唔想就咁打邊爐，又食厭左雞煲，食下燜鍋的確係個好選擇！仲有咁多個鍋有得揀，下次試下牛魔王鍋先！…查看更多

好耐無出街食飯，天氣轉涼就食打邊爐啦，行開尖沙咀呢邊，周圍都係打邊爐既宣傳，俾呢間個黃色招牌同燜鍋吸引住，原來呢度係賣三汁燜鍋。雖然唔知乜係燜鍋，但見價錢同普通打邊爐差唔多，咁不如就試下啦。今日一行二人都鍾意食海鮮叫左個「海鮮大軍燜鍋」有蝦魚蠔墨魚仔。上鍋時，有專人係個鍋底放一層菜和上湯，之之後整齊咁擺海鮮。等水滾無耐，就，放一啲好撻撻，外觀好似蠔油既汁。再焗一焗就食得啦。原來啲杰撻撻既汁係我地五選一既其中一種汁-咸鮮汁，食唔出有蠔油既味道，但係嗰鮮味就遠勝蠔油。個汁同啲海鮮好夾。…查看更多

近年在香港又出現了很多不同形式的火鍋，有乾蒸的，亦有五層或九層塔，亦頗有趣。但港人吃火鍋，習慣了一定有煲有水，然後將食物放在沸騰的湯內淥，就是喜歡淥下淥下的感覺。這晚吃的叫做「三汁燜鍋」，食店【黃記煌】在內地非常有名的，看餐牌說...在各省市合共超過500間加盟店，開了一段時間，我還是首次來吃。.進駐了尖沙咀，在街頭中【黃記煌】，在遠處也能看見，一整層黃色，橫額十分搶眼。:)餐廳跟想像中一樣闊落啊，光猛又乾淨，等待安排座位時已經聞到香噴噴的燜鍋味道，十分期待的說...燜鍋款式很多，「有魚、雞、牛蛙、海鮮、牛肉、豬類，定價約$228-298」。想自由度多一點？！沒有怕啦，可以選擇自選配料四款，都係$298。自選的「有白蝦、蠔、牛柳、雞、魚柳、白蝦等等」..然後最重要的是醬汁自選「有招牌鹹鮮汁、麻辣汁、香辣豉皇汁、海鮮鹹鮮汁等等」...當你選好三汁燜鍋款式可以看看加不加個涼菜吃吧！麻辣土豆絲還挺吸引的。什麼是三汁燜鍋?【黃記煌】主打三汁燜鍋，意思就是不加水，放入底油、蔬菜，配搭海鮮肉類等主料，加上自家製醬汁，靠食物與蔬菜自身的水分將食物燜熟，務求食到食物的原味。喜歡鍋物朋友可以一試呢！基本上不能說是打邊爐，因為既無水，亦不需要用大火。但有其特點，就是可以自選食材，像我們這晚只有兩個人吃，只點海鮮大軍燜鍋$298。及肉類、一些配菜及飲品。配料有蔬菜、肉類、、丸餃滑類等等！！海鮮大軍燜鍋$298侍㒣先送上一個大紅色非常美麗的紅色大花瓶，花瓶掀開原來內有乾坤，裡面裝著一整個火鍋的料及配料，一應俱全。先在鍋上放素牛油然後下蔬菜 第一層是蔬菜配料🌿有紅蘿蔔，大量的蒜頭，洋蔥，青紅椒，紅棗，芹菜，第二層就是肉類有白蝦，紅魚柳，廣島蠔及墨魚仔。最底層是醬汁。服務員將食物排得精緻。鋪好後再落調味料，包括黑、白胡椒、五香粉等等，開著中火，上蓋焗大約兩分鐘後，再下最重要的秘製醬汁，然後淋上芫茜再上蓋燜大約10分鐘，撈勻後便可吃。鍋蓋是透明的玻璃蓋，眼看鍋𥚃的食物慢慢變了顏色十分興𡚒。個烹調過程的海鮮大軍燜鍋終於可以食了，滾到卟卟的聲音真叫人流口水...虎蝦、白蝦加埋都有接近20隻，相對白蝦，虎蝦嘅質素較好，既大隻啲，而肉質較彈牙爽口，感覺都幾新鮮。墨魚仔其實都好多，不過燜完縮哂水，細細隻但夠爽口鮮甜。用這秘製醬汁燜過的食物，帶有甜、酸、咸味和微辣，味道並沒有想像中的濃烈，初吃時會感到味道略為太淡，我們吃時繼續開著火，過了一陣後，才濃郁了不少。這個香辣豉皇汁真係可以帶出白蝦、紅魚柳、廣島蠔及墨魚仔的鮮味。幾款食物之中，以紅魚柳及廣島蠔最入味。而這湯汁最佳的食法，我認為是用來撈飯，真的非常開胃美味。紅魚柳很嫩滑、啖啖肉。好欣賞有大量蔬菜，索曬味道！而且可以減去了淨食肉類的飽滯感，蔬菜剩返一半嘅時候，我哋就開始打邊爐啦。海鮮鹹鮮汁，夠哂鮮味，打邊爐一定好正！愈煲愈入味。配料我地都食清光啦我們點了...三黃雞件、嚮鈴、萵筍。加左湯之後，味道會稍為調淡。 萵筍$42 外表似綠色的蘿蔔， 只要去皮、 切段， 便可灼來吃了，呢度份量十足，價錢十分抵食三黃雞件 $58之前猶疑食燜雞鍋還是海鮮大軍燜鍋，所以點了海鮮就散點雞件吧！雞件份量正常，配呢個鍋底都入味得黎又真係好夾，好好食呀！ 三黃雞果真會滑嫩一點呢！炸嚮鈴 $42所謂「打邊爐必食響鈴」，但響鈴真係邪惡無比，炸響鈴熱辣辣配上香辣豉皇汁，一口食落去，索晒汗好爽！海鮮大軍燜鍋真係冇叫錯，有冇promotion我都會叫呢個啊！因為當日呢個燜鍋做緊Promotion，7折就可以食到，讚一讚好【黃記煌】Facebook或者追蹤Instagram專頁及網上指定廣告就有7折，咁簡單既事，就慳咁啲...你懂的....呢個鍋完全冇失望，最重要是份量比我想像中多，下次要再點辣一點呢。.【黃記煌】有許留山既飲品提供，應該是互相合作緊吧！正牌許留山產品，芒椰奶西 $29芒椰不會太甜還有粒粒蘆薈幾有咬口，飲得到二杯有半價優惠。好抵呀！一路圍爐一路飲許留山呢個感覺又幾好！好耐冇飲過了。芒果果肉有誠意喔！埋單後有張$100現金券，去到2019年2月28日，有充足既時間round 2,滿$500就可以當$100，等我約埋屋低人再食過先。燜鍋係香港真係相對少見呀，「原汁原味」食到好野食又點可以錯過呢！呢間【黃記煌】又位於尖沙咀區，地點方便，而且地方又大，隨時都可以約埋三五知己一齊去食。重點係二百幾蚊一位但質素是很不錯啊！…查看更多

係尖沙咀行完街都唔知食乜好之時！一抬起頭就是到黃記煌個大招牌，行近少少八下食乜，原來係食燜鍋既，仲有海鮮鍋，見價錢又唔貴，所以就上左去試下啦...海鮮大軍燜鍋 HK$298我地目標清晰，就係黎食佢個海鮮大軍燜鍋，上枱係一個紅色既六層塔，再由店員一一將配料排入鍋中，先落油，再放入配菜，再將蝦，魚，蠔同魷魚鋪係上面，燜一陣後再倒入秘製醬料，再燜多一陣就食得啦！食落海鮮好入味，秘製醬料提鮮了海鮮味道，非常之惹味涼拌鮑片海蜇頭 HK$48尖椒皮蛋 HK$19 （半價）係等食既同時，我地叫左d前菜黎食下，而家做推廣，第二份前菜有半價呀！海蜇頭好鬼爽口鴨血 HK$38滷水大腸 HK$48鮮淮山 HK$42食完海鮮後，同坊間一樣，店員會幫我地加入上湯用作打邊爐～由於唔係太肚餓既關係，我地只係叫左三款火鍋配料，鴨血比坊間其他店較厚實，比較有咬口的～食完後繼績行街！哈哈…查看更多

四個人去，叫左一個海鮮大軍燜鍋。同大陸分店唔同，係香港一個燜鍋係唔會夠飽既，所以叫左肥牛/丸/菜等等之後再做涮涮鍋。肥牛好好味，D手工丸都好正，環境清幽枱亦都坐得舒服，慢慢食傾足三粒鐘，埋單每位220，算係幾好。…查看更多

大學同學聚會，提議食依間，無乜所謂就試下囉，反正用Openrice預約有9折。樓上店嚟，地面入口不起眼，要花花眼力。初頭以為係食中式小菜，原來係類似雞煲，再打邊爐嘅模式！一如雞煲嘅做法，先叫一個燜鍋，再係菜單點食材打邊爐。最大路當然係海鮮啦，咩牛蛙田雞完全唔敢試。基本上店員全程服侍打點，幫你開火熄火落醬調味，唔洗自己郁手。所謂燜鍋，即係無落水而煮熟海鮮（不過有一大舊牛油防止焦燶），鮮味都有既，不過$300份量就偏少，廣島蠔每人得一粒左右，八爪魚仔都係得好少。相信係想客人多點其他菜單上既食材吧。所以我地都叫左「澳洲霜降牛面頰肉」、「響鈴」、「蜂巢豆腐」等等，不過質素實在只屬一般，不提也罷。銀菊露則好似由許留山提供，偏甜。總體而言：食物普通，唯獨勝在人少、地方夠大，座位好坐，店員都會主動幫手打點個鍋。同時幸好埋單並唔貴，除開每人$214，唔算伏亦唔算超正囉。…查看更多

朋友介紹話呢間尖沙咀新開的餐廳好特別，既然咁特別梗係要試吓啦。上到去，發現環境都幾寬闊，兩個人比安排坐4人卡位， 鬆動舒服。原來餐廳在七月底才剛開張，新裝修，乾淨企理。首先，當然要看一下Menu啦。原來這裏用的是新鮮雞，可惜今日沒有供應，唯有轉其他啦。睇Menu先知，原來黃記煌以前是御前菜式，由於前名菜「香辣汁魚」演變而成的「三汁燜鍋」。只有皇室貴族才有得吃。聽落非常矜貴，而且歷史悠久，在香港很少有餐廳有類似的歷史（最少我好像沒有聽過，哈哈）你order完後，店員會送上一個「六寶盒」。裏面每一層都是配菜，店員會鋪一塊底油，把配菜逐層鋪在鍋裏。舖好了的底層蔬菜。重點是會加入秘製醬汁，燜上15分鐘。秘製醬汁非常濃稠，膠質甚豐。吃完裏面的配菜後，剩下來的蔬菜和醬汁就可以加入高湯再打邊爐。這天叫的是海鮮大軍燜鍋（$298）。裏面有白蝦、紅魚柳、廣島蠔、墨魚仔。其實Menu來會寫明哪種和配哪種醬汁較好，我們揀了招牌鹹鮮汁。男店員服務很好，細心地幫我們準備好燜爐，然後教我們要什麼吃。（仲要幾靚仔添，哈哈）蓋上金黃的蓋子，正待15分鐘之後，海鮮便變成了深啡色，散出陣陣鹹鮮香味。海鮮之中，個人比較欣賞的是廣島蠔和紅魚柳。至於墨魚仔，是會縮水的，所以要先吃。蝦就一般般。招牌鹹鮮汁煮出來的味道其實和雞煲有些少相似。但他更為鮮味突出。非常惹味，但是有點鹹，吃不慣的可能會覺得口味太重。我自己就覺得好正。食完仲想再食。底部的配菜還有番薯、洋蔥等等，吸收了醬汁之後更加好吃。食到咁上下加入高湯了，變成打邊爐。叫了很多配菜配菜。其中，我最欣賞的是蜂窩豆腐（ ＄38 )發明蜂窩豆腐的人，我簡直要俾個like佢。咁我豆腐中間的空隙吸收了醬汁後非常滋味，每一口都有醬爆的感覺。此外，魚皮($38)和響鈴($42)亦都甚為高質，非常爽脆。新鮮而不大油膩的感覺。這裡還有兩隻丸值得推介，分別是手工鵝肝蝦丸($38半份)和手工松露墨魚丸($38半份)。手工鵝肝蝦丸中間有鵝肝。味道很特別。至於手工松露墨魚丸，松露香味突出，識落也很彈牙。最後當然唔少得嘅係雲南紅薯粉（$30）。紅薯粉吸收了鹹鮮汁之後非常好味。而且這裏的紅薯粉係扁條狀，都幾高質，不會太淋，而且有彈性。總結兩個人吃一個燜鍋其實很飽，首先吃法很特別，醬汁味道佳。唯一係比較鹹，同埋水是逐枝收費的。打邊爐的配菜也很新鮮，質素相當好。價錢方面也算合理。同時店員的服務很好，態度親切友善，全晚也吃得很開心。吃完之後不停推介給親戚朋友同事。真係幫佢做咗好多宣傳啊，哈哈！…查看更多

琴日同朋友行街果陣過馬路果時望到咁大個banner寫住黃記煌御膳名餚，仲傾緊晚餐食咩好果陣..我地就決定試新野，之後大約7點左右我地就上左呢間新店試試喇！到底咩係"三汁燜鍋"? 起初以為一般打邊爐咁...經過店員耐心講解...原來個燜鍋係無水烹調..只係靠10款不同嘅蔬菜底料本身嘅水份將所有材料燜煮，真係100%原汁原味！我地叫左兩款燜鍋: 牛蛙燜鍋 同 海鮮大軍燜鍋店員會親自埋檯為每檯客人燜煮燜鍋...服務非常貼心。店員1邊講解，我地1邊食住Ｄ涼菜期待個燜鍋快Ｄ燜煮好～夫妻肺片，辣味適中涼拌鮑片海蜇頭，鮑片鮮甜，海蜇頭爽口十足店員先放上底油，再先放10款蔬菜底料~再鋪上主料(牛蛙)..全部都係腿部! 啖啖肉! 另一邊嘅海鮮大軍燜鍋都鋪好海鮮等待數分鐘燜煮一下..再加上拌好的醬汁..加埋芫茜燜多１陣就食得喇～食得喇！嘩～牛蛙脾好好食～肉質勁滑！醬汁入晒味整個燜鍋成到一半左右，店員就幫我地加入高湯，落涮菜黎食喇～因為燜鍋份量都好足料，我地加多幾款涮菜都已經好夠飽！手工牛肉芝士丸，好彈牙！食時入面芝士會流出黎，小心熱親個嘴珍寶活扇貝，好大隻又新鮮～牛魔煌拼盤，份量十足，牛味濃郁！整體黎講，成班朋友都食得好滿足，環境舒適，又有專人為你服務！呢個價錢絕對合理！唯一可能冷氣唔係太夠，不過好彩飲品夠冰凍～…查看更多