極尚大喜屋 (加連威老道) (已結業)

大滿足放題！前一日網上book枱星期五17:30食兩個小時有優惠，每人$248另加一服務費。餐廳當日再whatsapp問我來確認訂位。餐廳就在The One旁邊，位置優越方便。進入餐廳前，服務員會幫我們量度體溫。食17:30時段的顧客不多，安排我們坐裏面的卡位，手提電話流動數據網絡接收比較差，連接餐廳的WIFI，上網掃QR Code點單會快一點。我們一行四人點了很多食物，這間放題餐廳的食物品質很高、有保證，重點推介的是鹽燒牛舌、炸貓山王、海膽軍艦、雪花肥牛鍋。鹽燒牛舌- 牛舌肉質爽口彈牙，沒有燒到過熟，鹽味加上檸檬汁的酸甜味道，剛剛好。我們重複點了這道牛舌起碼四次！炸貓山王- 我不喜歡食榴槤，所以家人吃，他們喜歡這個炸物，吃得出是用真的貓山王炸，入口軟綿綿，充滿榴槤的香味！海膽軍艦- 海膽入口即溶，鮮甜可口，沒有腥味。加上紫菜很脆，整體軍艦口感豐富、有層次。雪花肥牛鍋- 這個鍋物分量很大，材料豐富，有我喜愛的粉絲和豆腐，豆腐和牛肉片都很滑，亦有不少蔬菜，唯湯汁偏鹹。還有很多很多菜式都很美味，刺身、壽司很新鮮、鮮甜，燒菠蘿亦是另一必食推介！甜品好像提拉米蘇蛋糕、紫糯米雪條也不錯。不過豬骨湯、芝士蟹子手卷味道偏鹹，所以點了一次就沒有再點。最後，每人可選擇一杯雪糕，我們選擇Häagen-Dazs紅豆麻糬味和Movenpick士多啤梨味，作為這次高品質日式放題的結尾。下一次有機會一定會再來！…查看更多

窩夫與蝦子餅跟好友們一行六人多年前曾一起光顧尖沙咀的極尚大喜屋，日前重遊舊地大吃大喝，星期日下午五時入座，任飲任食兩小時，每位248元，另收加一服務費。第一輪刺身以魚為主，三文魚、油甘魚和池魚都切得厚厚的，新鮮肥美，大滿足！第二輪刺身有大大隻甜蝦，北寄貝、象拔蚌和北海道帶子，全部都鮮甜美味。海膽魷魚壽司、岩鹽鵝肝牛肉壽司和松葉蟹膏燒赤蝦壽司的水準都不差，只是海膽和鵝肝太細粒吧。海膽軍艦的海膽份量不少，味道鮮甜，一點也不腥，要安歌！沖繩海葡萄沙律的海葡萄份量也很足，不過稍嫌太鹹。鹽燒海蝦幾大隻，不會燒得過乾。其他串燒如牛舌和雞軟骨，以及香草燒羊鞍，上桌時都是熱辣辣的，值得一讚。蒜片牛柳粒的蒜片香口，牛柳粒不韌。風味淋燒魚干比較細塊，口感偏硬。沒想到日式放題會提供瑤柱豆苗，而且做得不錯。XO醬西芹炒鮮帶子也意外地出色，非常惹味，看來廚房有個很棒的中廚。窩夫是鹹蛋控，點了一客黃金蝦來試試，朋友們對黃金蝦興趣不大，反而被墊底的薯條吸引。朋友說比目魚西京燒看來有點像茄子，吃下去魚肉很嫩，蘸點沙律醬來吃更加滋味。天氣冷的日子吃雪花牛肉鍋，感覺溫暖，壽喜燒的味道調得剛剛好，不會太甜太濃，牛肉的水準不差，配料亦很豐富，有雞蛋、冬菇、粉絲、豆腐和菜等。燒有機菠蘿超甜且多汁，去了皮吃得更方便。最後是一人一杯雪糕，有六款口味選擇，Haagen Dazs有四款，另有兩款Movenpick，Haagen Dazs季節限定的紅豆麻糬雪糕最受歡迎。…查看更多

每次經過The One都會見到果條極長的人龍排隊等位。估唔到極尚大喜屋開張咗咁耐，都一直咁長龍。今日終於可以試下喇！可能由於餐廳的接待處空間比較細，所以所有人到後都要係外面排隊，等員工編排枱號，俾張紙仔你，然後入座。一入去好多人啊！全場坐满！！好墟陷！每位員工都好忙，但仍會向客人用日文講歡迎。自己好白痴咁搵唔到紙仔上寫的枱號，員工都主動埋黎幫你。坐低後，見到枱上有兩本好靚好整齊的點菜紙，濕紙巾，仲有個垃圾桶。負責我地果枱的女員工十分之有禮貌，仲幫我地倒鼓油！真係第一次食放題有咁的服務。呢道有別於一般放題的係服務非常好，客人坐低後完全唔洗離開座位。飲品，食物，甜品全部都會由員工送上枱。甚至連點菜紙填完都唔洗大動作叫員工過嚟，放係枱唔洗1分鐘員工就會留意到拎走。食物選擇好多，點菜紙由A去到L。一開波即叫我至愛的刺身同壽司，好多選擇！最特別係有松葉蟹脚！刺身中最好味亦都係佢，味道鮮甜，肉質結實，蟹肉飽满，唔似有啲地方的蟹脚入面係空氣或海水多過蟹肉。象拔蚌同鮮赤貝都好爽腃鮮甜。壽司款式選擇非常之多，仲好特别有：“極”壽司，同“尚”壽司。極壽司係拖羅加甜蝦加黑松露，尚壽司係明太子沙律醬，芒果和呑拿魚味。我鐘意食生的極壽司多啲。壽司類呢到都做得好好，當中好好味的有：海膽軍艦係超級好味。海膽味香濃。親子花之戀壽司原來係一件放魚子，另一件放蟹子。普通的花之戀都好好食，上面的三文魚味道口感都係拖羅級的三文魚。柚子胡椒油甘鱼，柚子胡椒原條穴子。柚子味獨特，配油份重的油甘魚和穴子好夾。原條穴子差不多有成枝筷子咁長！松葉蟹膏燒赤蝦，蟹膏好甘香，配赤蝦的爽腃清甜，十分好。係極尚海之盛宴中(E)，全部都好吸引，好想叫哂。但知道自己眼闊肚窄，唔想做大嘥鬼，所以都係只叫2款試下。什菇露荀炒珊湖蚌， 好香蒜香味，係蒜蓉粉絲蒸扇貝嗰隻蒜蓉味，好好味。北海燒帆立貝，有芝士，沙律醬，洋葱碎，紅黃椒碎，味道偏濃，偏甜。食食下發現牆上有張海報顯示Movenpick ice cream & Haagen Dazs(季節限定)。因為見唔到點菜紙上有呢啲雪糕，於是詢問女員工。佢超級有禮，先道歉我地張枱可能用哂果張點菜紙，然後即刻係隔離枱拎一張(L)俾我地。又向我地解釋而家季節限定的味道係咩，每位客人只可點一杯Haagen Dazs 或Movenpick，仲提我地點菜紙上的甜品或雪條可以任叫。泰式鳳爪，係tabasco嘅辣味。沙律類中的蟹肉胡麻豆腐同埋黑松露帶子沙律都幾好味。食完壽司，刺身後都飽左一大半。無乜點到熱食。其中的燒牛舌同風味淋燒魚干都唔錯，而黃金蝦係最好食。又大隻，肉質結實， 外層被鹹蛋黃醬包住。香口好味，仲有炸薯條，連埋啲 鹹蛋黃醬一齊食超好味停唔到。最後食埋至愛的Movenpick雪糕後，只剩小量空間叫甜品。當中焦糖日式軟芝士蛋糕同埋Tiramisu係最啱我口味。仲想食多啲，無奈胃的空間唔夠大，唯有下次。總括今晚食物服務好好，比起之前去過的大喜屋更好，令我同朋友可以舒舒服服咁坐定定飲酒傾計食嘢。…查看更多

而家放題越開越多，開得快都執得快，因為質素真係十分參差想食有保證既放題我既首選一定係大喜屋，價錢同出面差唔多，但野食一定好食先大喜屋都分左幾間，我會將佢地分為3級，大喜屋(LV 1)，極尚大喜屋(LV 2)同埋殿。大喜屋(LV 3) 至於佢地有咩唔同，就係高一級就會有多Ｄ高級食材提供，當然價錢會相對較貴啦，其實大喜屋(LV 1)已經好高質好耐冇食過放題，今次揀左極尚大喜屋，因為都只係貴過普通果間小小BOOK 左17:30，呢個時段$288加一，有85折, 折完大概$270/人左右,  抵唔抵食就見仁見智, 但我個人覺得係抵既5點3左右過到去已經排哂長龍, 比返個訂枱編號職員就會幫你登記然後比張紙仔你入座我地3個人加1個2歲小朋友, BOOK位果陣都有提及可能因為咁樣職員安排左一張卡位比我地, 實在太好了坐低左首先要叫既就緊係刺身啦，相對我上次食極尚大喜屋今次好似多左松葉蟹腳，以下呢盤刺身仲有三文魚，油甘魚，池魚，帶子，帆立貝，象拔蚌，赤貝，甜蝦，赤海蝦，希靈魚，北寄貝松葉蟹腳: 好瘦，D肉冇乜味，試完味就冇再叫過其他刺身都好新鮮，甜蝦同赤海蝦相比，赤海蝦會甜少少同鮮味少少，有頭既甜蝦個人覺得冇乜味食放題就點可以太多壽司呢，要留返個肚食其他野架嘛但係壽司個人覺得有2款可以叫，就係中拖羅壽司同海膽軍艦拖羅未算係好靚既部位，但係食落去都有少少入口即溶既感覺，試完之後都有encore海膽都新鮮，唔會有苦味，放題黎講佢比既海膽份量一d都唔小架啦食多幾件要翻本根本冇難度蒲燒鰻魚又係可以encore既，冇骨，但如果燒得乾身少少個面微微脆就perfect啦羊鞍既羊味唔算太出, 同埋一定要襯熱食, 凍左就唔好食啦牛舌又係我另一encore既食品，爽口，牛味好香炸物我叫左三款，芝麻雞翼，炸鮮奶同埋炸榴蓮芝麻雞翼個皮脆卜卜，微辣，唔會炸到乾哂炸鮮奶個味道我覺得OK，但粉槳太厚，影響到味道炸榴蓮係榴蓮愛好者唔可以錯過，佢既榴蓮味都好香，食既時候小心辣到個咀，因為個心都幾熱除左以上食物仲有叫其他野食，包括天婦羅，燒菠蘿，辣魚鍋味道都唔錯既以於甜品方面，有蛋糕（任叫），雪條（任叫），雪糕(限每人一杯)我地冇叫到蛋糕, 叫左雪條, 有三種味, 朱古力, 牛奶同蜜瓜, 唔錯架呢三款雪條雪糕就係Haagen Dazs同Movenpick，有幾款唔同既口味揀以佢既食材黎計我覺得係抵食既，當然平日黎再會平Ｄ想食平Ｄ就平日過黎食啦，但記得一定要ＢＯＯＫ位因為WALK IN好大機會都係冇位…查看更多

好耐冇去食放題，女朋友又唔係食得好多嘢，所以放題得黎都要揀間食靚嘢食嘅先得。極尚大喜屋就係我哋嘅首選。呢度永遠都係座無虛席，今日雖然係禮拜一，但係一早條排隊嘅人龍已經喺馬路旁邊默默靜候咁等緊入座。職員都盡快幫我地安排入座，雖然兩個人，但佢好好咁俾咗張四人枱我哋，可能睇得出我一副大食樣特登比張大啲嘅枱我放食物🥰。一坐低二話不說就立即動手，每一張都點左好多唔同嘅食物。等左冇幾耐啲嘢食就陸陸續續咁上台。首先係個刺身拼盤，帶子、赤貝、甜蝦、北寄貝、象拔蚌等等，食材選料不俗，味道鮮甜。例如有時出面食赤貝會有啲腥味，但呢度嘅完全唔會，仲爽口鮮甜，分外美味。蒲燒鰻魚肉厚鬆軟，而且醬汁調味剛好，令人忍唔住再帶多2round。炒珊瑚蚌有意外驚喜，估唔到食放題嘅地方嘅小炒都如此爽口美味，蒜蓉帶出珊瑚蚌嘅鮮甜，值得一試。海膽軍艦用料十足，海膽連同海水鹹味喺口腔裏面徘徊，以放題來講呢度嘅份量真係超多。再嚟就係炙燒左口魚壽司，左口魚燒過嘅情況之下魚油溢出，滋潤壽司上嘅飯粒，更顯油香。最後每人都有一杯雪糕，呢期嘅限定就係Tiramisu，點可以唔試下佢呢。總括嚟講食放題首先梗係極尚大吉屋啦。…查看更多

今日經過尖沙咀，本來想食嗰間Giants Seafood， 但係要等好耐同埋唔知有冇位，所以就去咗同佢相隔唔係好遠嘅極尚大喜屋其實呢間話要卜位，佢都知要等一等有冇預約咗俾人入咗去之後通常都會可以有空位俾你。入到去嘅咁嗰度係同一般嘅食放題差唔多，佢嘅位置都係比較逼，長枱都比較細，枱同枱嘅距離都好近。對比起在高級啲嘅殿大喜屋就好似有啲距離。入到去啲刺身嘅選擇都幾多度呢九月有特別嘅係有蟹腳同池魚王。起初，我哋都覺得係佢係幾好味又甜又夠凍，但之後嗰幾輪就發覺唔對路，嗰啲蟹腳偏鹹。另外嘅海膽壽司一開始都份量好足，但之後嗰幾輪都變得越來越少。以佢嘅落單方法係計人頭二唔係話你寫幾多就有幾多所以都比較失望。而我覺得稍為好味嘅就係焗帶子同埋呢個蘆筍炒珊瑚蚌，以佢嘅嘢飲都有好多元化亦都有酒飲梅酒有啤酒有雞尾酒等等。詳細就睇吓啲圖片！…查看更多

第一次黎，下午5點半有85折，未到5點門口就已經排長龍，5點20左右就已經可以入入啦滴食材好新鮮，刺身鮮甜爽口海膽軍艦，海膽入口即融烤牛舌超正的，服務好好叫左個霸王花湯都好足料，最後每人會有一個哈根達斯總體來說唔錯唔錯，會有第二次…查看更多

做了Open Rice 會員都9年，對上一次動手寫食評原來已經好多年前！極尚。大喜屋唔係第一次食，以價錢計同旺角一般不相伯仲，但食物款式比較多！同上一次比，壽司細件左，都係好事，唔洗下下食咁多飯落肚！同殿。大喜屋比款式雖無咁多，但對我黎講已好足夠！推介當然有至愛既海膽軍艦、炸貓山王，其他菜式、刺身、 天婦羅、鍋物都保持水準炸貓山王味濃，齒甲留香！海膽軍艦滿載海膽，一D都唔小家！貓媽我足足食左8件真係膽固醇超標侍應速度由帶位，落單，出菜都好快手！唔需要等太耐，食物都無漏單！抵讚…查看更多

每逢行經尖沙咀嘅極尚，必定見到一條長長嘅人龍，心諗呢間日式放題一定好好食嘞！再加上有朋友吃過讚口不絕，為食嘅我又豈會錯過呢？！是日中午時分，未夠12點人龍咋現，夠鐘上到去，我倆幸運地被安排坐四人卡位，相當闊落舒適啊！枱上已放有紅、啡兩本放題薄, 由A至E，到F至J，款式包羅萬有，齊齊眼看手快動~A) 放題之刺身篇: 食放題嘅主要目的，就係為咗可以任食刺身，【極尚】嘅刺身勁，鮮味十足，完全滿足到大家嘅慾念！三文魚，厚身肥美！北海道帶子，味道鮮甜！希靈魚，酸甜爽口又厚身！天使蝦，爽口彈牙！松葉蟹鉗，紮實鮮甜！嚮螺片、北寄貝、象拔蚌等，夠爽口甜美！赤貝，雖爽脆但帶點腥味！池魚王、油甘魚、鱆紅魚等，魚油甘香！B) 放題之壽司創作篇:【極尚】嘅創作壽司除咗款式新穎之外，亦大膽地加入咗啲獨特嘅食材，啱晒貪新鮮嘅食客！花之戀，滿口蟹籽沙律，非常滿足！黑松露雙色花，黑松露濃郁嘅味道，即時為吞拿魚提味不少！北海道魚子戀人，三文魚包捲著Q彈嘅魚子，口感特殊！海葡萄蝦，細細粒海葡萄，略帶海藻味！軟芝士大蝦蕃茄，入口爽滑！鵝肝帶子，入口即溶嘅鵝肝，搭配鮮帶子，口感豐富！牛油果三文魚龍蝦沙律，層次豐富有鮮香！無花果香草煙三文魚，鹹香味濃！有啲款式，食材質感唔算太夾，影響咗口感，但整體上仍屬唔錯，創新之處，值得一讚！C) 放題之壽司江戶前篇: 【江户前】壽司，意指東京灣前，江户人用即補海產來做手握壽司，用料新鮮高檔，比例上飯係較少，每件壽司都握得小巧精緻！【極尚】嘅江戶前壽司，目測唔算小巧，但食材高檔新鮮！至於舊飯就比較黏實，唔多鬆軟，嘥咗啲海鮮！三文魚、黑松露油甘魚，好鮮味！龍蝦膏甜蝦、海膽赤蝦，味道差不多，分別唔大！香芒大蝦，有芒果甜香加美味沙律醬！京都香葱玉子，滑蛋好味道！磯煮鮑魚，肉質柔嫩可口！小肌魚，肉質偏鹹！D) 放題之壽司火炙篇: 【極尚】嘅火炙壽司，每件都美味可口，令人食指大動！蒲燒鰻魚，香甜夠味！三文魚腩，肥美豐郁！千島大蝦、海鹽左口魚邊比較一般！香蒜牛油燒青口，鮮美香口！三文魚醬油漬，好重鹹鮮味，唔多啱我！帝皇蟹棒黃金燒，蟹棒加咗醬燒汁，好有甜美嘅滋味！E) 放題之卷物、手卷、軍艦篇: 【極尚】嘅卷物，件頭細細，的骰可口，唯獨是飯身死實，雖然唔會一夾就散，但就無咗鬆化口感！牛油果軟殼蟹卷，軟殼蟹太少，牛油果味濃！鰻魚芝士卷，入口芝味濃郁兼有鰻魚香！三文魚香芒加州卷，香甜清新！鵝肝牛肉露荀卷，鵝肝肥厚柔滑！手卷無試。軍艦只揀取海膽，味鮮香，不錯呢！F) 放題之一品料理篇: 【極尚】嘅一品料理有好多款，通常份量較大，所以只能夠選擇一個嚟試吓了！極品五香煮和牛筋腩，非常入味，白蘿蔔香甜，牛腩肉特別軟腍，牛筋豐膄軟滑，入口即化，【極品】之名當之無愧！G) 放題之燒物篇: 【極尚】嘅燒物，整體唔錯，保持水準！燒有機菠蘿，入口又甜又多汁！日本蕃薯仔，味道香甜！香草羊鞍，啖啖肉又juicy！北海道燒帆立貝，巧大粒帆立貝，加入蟹柳碎、沙律醬等燒烤，惹味非常！H) 放題之炸物篇: 【極尚】嘅炸物，皮薄香脆，人見人愛！芝士年糕，口感香脆軟糯！紫心香芋丸，口感煙韌，但香芋味淡咗啲！北海道脆皮奶 , 外脆内軟！至於天婦羅，就沒有試了。I) 放題之沙律篇: 由於要留肚食甜品雪糕，唯有只揀有機新鮮生果來試，一份得兩件，西瓜與橙，味道鮮甜！J) 放題之甜品篇:【極尚】嘅甜品，蛋糕比較一般，當中以海盬焦糖慕絲蛋糕較軟滑，德國冧酒提子芝士蛋糕，質感則較實！班蘭椰子芝士餅，有淡淡嘅班蘭味！熱朱古力軟心蛋糕，近似心太軟，但就無流心！法式燉蛋，嫩滑甜美！3.6牛仍布甸，滑不留口，有奶香！富士蘋果乳酪，甜味適中，味道清爽卻濃郁！雪糕: 今期有Movenpick 及 Haagen Dazs兩款任擇一款，每人一杯。飲品任飲，有汽水、果汁、茶、啤酒等。整體屬中上，價錢亦公道！lunch時段人客唔多，上菜都咁慢，要改善一吓！無漏單，收碟快，服務良好！非常滿足的一餐！…查看更多

一早book定左位同我啊妹慶生，知佢鍾意食放題，我特登book間貴價d放題滿足吓佢刺身有好多唔同款我最愛的虎蝦好爽口又新鮮北寄貝都唔錯，一d都唔un，好爽口壽司方面，我妹就叫了佢最愛的海膽軍艦紫菜一d都唔林，好脆海膽大大塊好新鮮，食落真係極度幸福啊～飯細細舊唔會頂住曬個胃羊架好大件，無乜蘇味真係食落啖啖肉我地叫完一輪又一輪，真係食到lamlam利甜品方面，每人仲有一杯雪糕個人覺得呢隻味真係極好味好推介～鍾意食甜野的人真係不容錯過呢杯咁高質的雪糕完全係襯到呢個放題…查看更多

之前去咗食大喜屋啊媽提議要食好dd所以我地升呢黎呢間極尚大喜屋先叫刺身我最愛的三文魚三文魚睇到係厚切，非常肥美鮮味十足食到我啖啖肉見佢d三文魚咁靚，我就叫多個花之戀黎試吓賣相不錯蟹子同沙律source都份量啱啱好成件唔太大舊唔會頂住個胃三文魚依舊新鮮夾埋真係好好味海膽軍艦都係必叫ga全家再愛必定係海膽！紫菜幾脆飯又唔多最緊要個海膽非常新鮮真係無腥味仲大大舊！正！軟殼蟹手卷都唔錯啊大大件熱辣辣軟殼蟹手卷飯鬆軟紫菜脆呢餐，一個字正！…查看更多

難得約到成打朋友齊齊開心聚聚餐，一定要食盡去 ﹗朋友仔大力推介此放題餐廳，一向討厭任飲任食、放題自助餐既我都被打動了，試就試啦。放題每晚只做兩輪，因為大家放工都較夜，唯有食尾圍啦。準時到達，真係唔講以為有米派囉，原來訂左檯都要排隊等，因為上一圍未散席啊。等了又等，終於可以上樓喇 ﹗群情洶湧，大家都等得不耐煩又肚餓呢，八點半喇 ﹗餓鬼群出沒注意。我地這一班坐到最最最入面長檯先夠坐呢，立即快快望一望 menu 就落單，唔係有排等啊 ﹗侍應哥哥、姐姐、弟弟、妹妹都熱情繽放、主動有禮，仲會答答訕、說說笑，服務比我想像中好好多，因為以前有過不開心經驗囉。劍魚腩、三文魚、油甘魚，色澤油潤吸引，入口清涼宜人，沾點芥辣豉油，好鮮甜肥美啊 ﹗意料之外的高質，油脂豐富，餘香處處，好味道。北寄貝，軟腍質地，螺味鮮甜濃郁。甜蝦，黏黏滑滑彈彈，無可抗拒既新鮮度，甜美非常。鱆紅魚，結實彈牙有咬口，淡淡魚鮮味。墨魚，黏黏滑滑又嚥韌，墨魚味濃厚。吞拿魚，赤肉味道都不錯，清爽魚味可口。黑松露油甘魚壽司，肥美嫩滑油甘魚添上黑松露獨特既幽香，不要太多，蜻蜓點水般最恰到好處，將味道及香氣推到更高層次。甜蝦壽司，黏黏爽口甜蝦跟壽司飯融為一體，香甜味美。金目鯛壽司，雪白金目鯛肉質實淨而滑嘟嘟，清爽鮮魚味道，每一趙都散發微香。壽司飯居然處理得不錯，不過濕、不過硬、不過黏，甜酸味道輕輕滲出，合格。海膽軍艦，毫不嗇吝將海膽塞得滿滿，紫菜脆口抱著乾爽飽滿飯粒整粒掉入口中，讓舌頭不停攪拌使其融合。海膽鮮味出眾，半帶滿點腥味，好味道。鵝肝帶子壽司，創意壽司好有趣，將一丁點鵝肝放在帶子刺生上，最後淋上照燒醬，甜甜的散發著帶子鮮味，鵝肝都唔多食到，但整體味道唔錯。海膽三色花，討好既外形，毫不猶豫大大啖整粒吞下，吞拿魚、油甘魚撞上三文魚，每種魚肉各具特色，質感互相牽引，滑彈鮮嫩嚥嚥韌同時出現，三種魚味再併上海膽，味道跟質感都非常複雜得意。軟殼蟹手卷，高質炸軟殼蟹，金黃乾爽鬆化軟棉棉，無話硬到石頭或盔甲一樣，用香口紫菜捲起併上蟹籽、青瓜、沙律醬清爽味道，那有難食之理。不幸地紫菜不脆口，變腍了 ﹗可能因為大量裝作，所以微微放長左少少時間。蒜片炒牛柳粒，炒功了得，香口非常，蒜香突出而濃烈，牛柳粒 7 成熟而帶肉汁，質地外有嚼勁、肉有軟腍，夾著蒜片齊齊食更好味 ﹗辣酒煮花螺，辣酒汁麻麻地，味淡而香氣欠棒，一試無妨。黃咖哩炒蟹，日式咖哩都是偏甜帶果味的，依個黃咖哩都不例外，味道唔錯，但蟹肉又腍又霉呢，新鮮度強差人意。牛肉湯烏冬，簡單又好味 ﹗日式甜醬油加上牛肉片、鮮雞蛋、紹菜絲、鮮冬菇已經使到湯底非常香甜，烏冬滑滑齊齊掃入口，快靚正 ﹗冷稻庭烏冬，黎個冰火先 ﹗剛倒左碗熱辣辣牛肉湯烏冬，覺得唔多夠喉，梗係要好事成雙啦 ﹗冷稻庭嚥韌彈牙滑溜溜，米香非常，撈上淡醬油青蔥紫菜沾小小 wasabi，清涼又清爽，好好味啊 ﹗日本溫泉蛋，涼浸浸溫泉蛋沾上淡醬油一倒入口，甘香蛋漿口內爆開，滲進每一條齒縫，流過乾涸的味蕾，好舒服又美味可口呢 ﹗牛油炒粟米，肥嘟嘟、脹卜卜粟米牛油味香濃，一咬爆汁 ﹗識食一定全部倒晒入口連環爆破，爽到震呀 ﹗日本蕃薯天婦羅、溫室南瓜天婦羅、有機茄子天婦羅、有機冬菇天婦羅、大蝦天婦羅，真正的天婦羅，讚 ﹗天婦羅脆漿必須炸得白雪雪而鬆化，像雲又像霧一般輕盈通透，若隱若現，這樣才是高手 ﹗絕對不會油淋淋、硬掘掘、厚疊疊、黑炆炆的。蕃薯及南瓜天然無添加的甜味，淡淡的，美味清爽。茄子軟棉、冬菇爽彈、大蝦鮮嫩，無投訴。蒜蓉蘆筍炒珊瑚蚌，依個配搭真係如虎添翼，味道及質感都襯到不得了 ﹗泰國蘆筍幼細爽脆又多汁，珊瑚蚌爽到索索聲，吸汁力強，充滿蒜香。珊瑚蚌捲住蘆筍齊齊食，份外滋味。燒香草羊鞍，一大堆前菜、頭盤、小食、刺生後，終於有點啖啖肉既項目出現喇，食肉獸模式開動 ﹗燒都香噴噴又熱辣辣啊，外層微脆，裡面嫩滑水潤又 juicy，羊肉味濃滲著香草味道，只有一絲羊肉羶香，正 ﹗蜜汁燒豬肋骨，剛才羊鞍熱辣辣，反而豬肋骨只係微暖。一字骨位置夠晒方便，一咬一扭再一扯骨肉分離，盡入口中。肉味濃郁，質感非常有彈性又有咬口，輕輕泛著蜜汁香甜，肉汁豐富濕潤，好味道。炸魷魚鬚，完全睇唔出係魷魚鬚，炸粉太多又硬，食粉多過食魷魚，失望。撇開炸粉，魷魚魷香口味濃，好食架喎。北海燒帆立貝，帶子肉太細啊，面頭淋上大量青紅椒沙律醬汁，酸酸甜甜都幾開胃既，還可以啦。汁煮牛舌，厚切牛舌非常濕潤，醬汁已完全滲透牛舌，每口都芳香無比，棉棉彈彈的，微甜帶牛味而不羶，好味。鹽燒牛舌，跟剛才汁煮牛舌完全唔同，非常爽口，咸香四溢而不過份，好好食。鹽燒海蝦，蝦肉爽嫩彈牙，蝦膏甘甜，全身散發著燒烤香氣，正 ﹗燒雞軟骨，燒得乾爽不油不膩，脆卜卜趙到咯咯聲，香甜又食得過癮。鹽燒雞翼，我真係唔多喜歡見到開邊燒呢，肉汁流失乾爭爭。極上大喜屋放題種類及款式琳瑯滿目、百花齊放，我已經飽到食唔落，最衰食左兩碗烏冬啦 ﹗還有好多好多菜色未試呢，無奈地都要投降喇 ﹗…查看更多

Yeahhh!!! 第二次來食放題啊 來之前一定要book位 因為真係好多人架哈哈 準時8:45pm入場 一坐低就已急不及待地落order喇 嘿嘿😁 嘿嘿 好吸引的刺身啊😍😍見到都流哂口水啊 刺身有三文魚啦希靈魚啦赤貝啦帶子啦虎蝦喇甜蝦喇😍😋全部都好好味啊又新鮮喎 三文魚好厚啊 甜蝦又夠大隻👍🏽👍🏽好正啊。海膽軍艦 每舊軍艦的海膽十分平均 真係食得出海膽的鮮味 好香海膽味而且紫菜都脆卜卜的 嘿嘿 壽司唔會太大舊 飯粒的質感不錯 整體來說 一食便會愛上 真係無得輸啊👍🏽👍🏽 炸物 真係即叫即炸架 所以全部都係熱辣辣上枱的 芝麻雞亦超好味啊 炸得夠脆味道又夠香肉質又很嫰滑 正到不得了😍😍另外 炸芋心丸又係一流 炸粉適中 芋蓉很濃郁但不太甜 每咬一啖都有涵料 嘿 以上兩樣都是小妹極度推介的😛😝 甜品有Haagen dazs食👍🏽👍🏽😛😛不過只限一人一杯 唔多夠喉啊哈哈 雪糕雪得很好 唔會好快溶 哈哈 另外還有甜品紙的 有馬卡龍 焦糖布甸等整體來說 無論是食物質素還是服務態度 我都覺得好好 值得一食再食 期待下次再來哈哈👏🏽👏🏽👏🏽…查看更多

放工後約左班敗家DINNER，DINNER前我地去左探小波子，之後我地就去左食放題大家都想試試LEE間《極尚大喜屋》準時8點45分就入場了，大家真係好肚餓呀先來一個豐富的刺身拼盤~~~種類多，刺身件件厚切，口感很好，好味呢！海膽軍艦~~~細細件，正裙邊壽司~~~SIZE剛好，裙邊好鮮甜GOOD海膽蝦壽司~~~蝦好爽口，NICE壽司~~~LEE幾款壽司好好味喎！可以再ENCORE鹽燒牛舌~~~超正呀！真係超級好味！一陣我要再來5串呀！牛舌燒得剛好，調味又剛好GOOD燒扇貝~~~又係好味，燒得剛熟又唔會UN，個醬汁又好好味其實真係食左好多野，但最後掛住食都冇影相了這店除了食物GOOD，服務都VERY GOOD，全晚零漏單，雖然D侍應好忙但都好好笑容GOOD…查看更多

因為突然想食放題, 好耐好耐好耐之前食過中環間大喜屋覺得唔錯想安哥, 所以上'開飯' update 吓, 但原來中環嗰間已經冇咗, 又見極尚被'開飯'選為"最優秀開飯日本菜餐廳""最優秀尖沙咀區開飯熱店", 所以決定一試 食物質素與味道都好好, 可能因為係平日 lunch time, 就算人多都未至於好擠迫 (但都好多人), 收碟, 收 order 單及上菜速度都好快, 整體感覺比想像中好, 期待下次嘅安哥 …查看更多