新有記

咁難得入去塔門梗係要食翻個海膽炒飯... 但真係失望左😢見到新有記都幾多人排隊 去完廁所翻黎見到突然無乜人 就食佢啦！覺得應該間間差不多的心態就入去呢間，叫左都幾多野，有豉椒炒蜆，炸墨魚丸，椒鹽鮮魷，蝦醬炒通菜，海膽炒飯...... 仲有叫左出名的自製鹹檸茶同豆腐花豉椒炒蜆：殼多過肉 無特別炸墨魚丸：熱辣辣 幾好食椒鹽魷魚：正常發揮 魷魚應該係新鮮的 唔會梅晒蝦醬炒通菜：正常發揮 就係想像到的蝦醬加通菜😂海膽炒飯：為左佢入黎食架嘛 一上台.....好似見唔到海膽咁既？飯是白的，搵蛋汁包到d飯都好呀？見到黃黃的以為是海膽，但都是蛋，但其實蛋都少得可憐🥺要你咪埋眼，好仔細去品嚐，先會食到「好似有海膽味」的海膽炒飯，110蚊一碟，入得黎都會食既 但真係一次就夠啦 起碼叫食過呀嘛🤭講下杯自製鹹檸茶，因為我見到鹹檸x 就自己以為是鹹檸七，就同阿姐講 唔該3杯自製鹹檸七， 阿姐答我「無鹹檸七」之後 就走左去唔理我....原來是我睇錯左 其實佢講話係茶唔係七咪得囉...但支野我覺得幾好飲 但朋友就好一般 可以試的🙂…Read More

Quintessential 𝐒𝐞𝐚 𝐔𝐫𝐜𝐡𝐢𝐧 𝐅𝐫𝐢𝐞𝐝 𝐑𝐢𝐜𝐞🍚🍚🍚Love the rice texture - sharp and light, not greasy nor chalky.來塔門踏青，必須一嚐馳名海膽炒飯跟無冰凍奶茶🧉 炒飯粒粒分明，海膽的鮮香在口裡久繞不散，份量多得足夠我飽到晚上。值得一嚐的風味😋對馳名奶茶滿心期待，猛吸一口後熱情馬上被澆熄⋯就普通平平的。…Read More

平時都好鐘意去郊外行山，一開頭都未諗到去邊度行，點知有位朋友叫我行塔門，因為嗰度冇咁難行，而且有間店食海膽炒飯好出名，所以就決定行塔門，順便食埋個海膽炒飯呢個炒飯超大蝶，一個人如果唔係超級肚餓係會食唔晒。而呢個炒飯炒得好香好夠鑊氣，而且海膽既份量都多，但咁辛苦搭車搭船去到塔門食咁貴有啲心痛😂所以大家要衡量返😁呢個墨魚丸雖然係炸但一啲都唔似，佢唔脆，只係個皮係硬左，但反而幾好食，而且好有彈性，仲好重墨魚味，如果有雞汁點就更加perfect…Read More

第一次黎塔門，山長水遠，搭車又搭船，坐到個人都餓了，於是一行五人決定趁烈日當空之際食個午餐😗落船行五分鐘有三間相距好近既食肆，無咩preference 之下就簡左呢間了，貪佢唔使排好耐隊都預左唔會平架喇似乎係馳名必叫既一個飯，可惜唔多食得出海膽味，普普通通啦蝦醬味唔多覺，而魷魚都幾彈牙相當惹味既一道菜，搏哂老命咁清哂成碟haha 無咩亮點😗標榜唔落冰既奶茶，又真係幾濃幾滑既。不過唔好飲太多，費事口渴補充完能量後，眼見出面太陽無咁光猛，我地決定開始今日既塔門之旅了~…Read More

為了找尋美食，可以去到幾盡？一大清早坐巴士到西貢市中心再轉乘另一巴士到黃石碼頭，然後再坐船到了塔門去搵嘢食，去到已過了中午！落船己急不及待看看食什麼，因為太肚餓，路經這間小食肆/士多，便入去坐下食點東西。海膽炒飯（$100）塔門出名吃海膽，所以我們也來一個海膽炒飯，飯底炒得乾身，飯粒分明，加入葱花、雞蛋和海膽，沒有其他材料，簡簡單單，但如果加多一些海膽就更鮮味。椒鹽鮮魷（$95）鮮魷新鮮彈牙帶點煙靭，脆漿很薄很脆，椒鹽的味道帶出魷魚的鮮味，熱辣辣、脆卜卜的魷魚點了喼汁更增添惹味。無冰涷奶茶（樽裝$30）講真$30一支奶茶都幾貴，但味道很香濃，入口幼滑，香港的地道奶茶都有番咁上下質素。自製咸檸茶（$15）這個咸檸茶相對就比較價錢合理，咸檸茶甜味適中，不會搶走咸檸獨有的味道，很生津解渴，夏日首選。涷薑汁豆腐花（$12）豆腐花可能雪涷關係，所以不夠滑，但作為飯後甜品，也不失為一個好的選擇。…Read More

黎到塔門，緊係要食下聞名嘅海膽炒飯啦！飯炒得好好，一粒粒夠乾身。其實啲海膽炒左出黎都幾似炒蛋。但係確實有d貴，不過一次半次ok  la朋友介紹要食灼既，如果唔係應該會叫咗椒鹽嗰隻，但原來灼既真係好正！一定要食！個豉椒唔同出面個啲味，好濃郁。但個蜆有啲un。最後加多個通菜，新鮮好味2個人食左4個菜濕濕碎個餐牌樣樣野都好吸引今日超級曬，我地行左一陣就走左嚕，個一望無際既海景真係一流我地反轉頭又黎左買冰菠蘿同水，老闆娘真係好好，叫我地坐係度涼住冷氣等船…Read More

一黎到塔門趁未到食飯時間少d人就食左飯先! 1行12人黎到呢間, 叫左2碟海膽炒飯($100x2), 1碟菠蘿牛肉炒飯($50), 2碟鮮魷炒河($50x2), 1煲蟹粥($210), 1碟椒鹽鮮魷($95)同炒通菜(50), 6碗豆花($12)同3舊冰菠蘿。但最後收左total $1129, 又無叫野飲, 其實落單同找數係唔同人, 又無手寫單, 憑枱上d碟係咪真係計得岩架? 不過人都走左先醒起都無計講番食物先, 海膽炒飯炒得好乾身, 都見到粒粒海膽, 山長水遠黎到都值得一試, 相比起菠蘿牛肉炒飯就真係好食好多, 因為後者較為淡口。鮮魷炒河好抵食, 鮮魷好爽口厚肉, 同埋都算幾多, 配埋辣椒油好好食, 唔辣又夠香。椒鹽鮮魷都夠香口, 都係一樣鮮魷好爽口新鮮。蟹粥都幾鮮味, 我食左少少姐, 不過家人都話好食幾甜。炒通菜無咩特別。豆花就正常, 但特別在佢枱上有個茶壺仔裝住薑茶, 可以自己落。其實食物係幾唔錯, 但就耿耿於懷最後收費, 下次比錢都係小心d計清楚先好走…Read More

在塔門郊遊，是很舒服的運動。我們繞了一圈之後，已是中午用餐時間，間間都滿座，幸好在新有記留了10分鐘就有位。到塔門，要食海膽炒飯。我們一行8人，點了兩碟，海膽分量都算多，炒飯唔油膩，但無咩特別。白灼鮮魷 ，配辣椒醬油，夠鮮味，分量只得很少。炸墨魚丸，加了味精的墨魚丸，每粒都炸到金黃色剛剛好。蟹粥好鮮甜，粥底好棉，一大窩。鮮魷炒麵，呢個抵食而且好食，我們食完後再加單要多一碟。鮮魷炒河，河粉就麻麻。甜品 係豆腐花，自己加薑汁，黃糖。薑汁好濃呢，辣，記得逐少少加。飲品係凍咸檬茶，支裝。青檬加果皮味。…Read More

由馬料水搭船經過 90 分鐘船程終於到步，已經四點半喇，急急去食個晚飯先。途經新友記，光猛開揚又寬敞，諗都唔諗就坐低。冷氣涼浸浸，空氣流通，樓面嬸嬸同廚房哥哥態度友善，招呼親切。白灼鮮魷，即叫即灼熱騰騰送上，超掂！魷味突出又多汁，海鮮味特濃，陣陣海水咸香，爽彈甜美，活生生一般在嘴裡翻騰！沾點指天椒豉油或青蔥豉油一定更加醒神。海膽炒飯，香氣芬芳霸道，鑊氣迫人熱燙燙！炒功了得，手藝有料到，飯粒乾爽飽滿，海膽均勻地分佈每個角落，誘人的蛋香無可抗拒，加上青蔥香氣，一啖又一啖不停往嘴裡輸送，好好味無得彈。最初因擔心份量太多食唔晒，所以向嬸嬸查詢，稱一碟仔架乍，兩口子剛剛好。雖然非常美味，但最終都食剩半碟呢！如果唔食其他佳餚的話，依碟飯兩個人食當然濕濕碎啦。蝦醬炒通菜，蝦醬同樣係大澳名物，自家曬製特別地散發一股芬芳，不咸不嗆不濁。溶化在每條通菜之間，通菜沾上蝦醬汁再大注大注入口，香口無窮、爽甜多汁！鑊氣澎湃格外滋味！如果能用上翠綠水通，就會更加美味啦。白灼海螺，即叫即烚，不容置疑的新鮮！貌似巨形雞眼螺、大眼螺。鮮味霸道而突出，螺汁處處，一挑飛射！味道帶著濃郁海水咸香，慢慢滲出誘人螺味，半爽半彈又滑滑，食到唔停口。白灼海螺海膽炒飯，鮮甜海螺肉撈上香口惹味海膽炒飯同吃，將味道及質感提升極致，好味到暈！自家奶茶，幼滑、奶味濃、茶味香而複雜，跟太興冰鎮奶茶有過而無不及。…Read More

去呢到要係大學站B出口出搭船由馬料水碼頭去塔門＠每程$281小時15分鐘左右便到一坐低 就有熱水洗碗碟環境幾好 又有冷氣自家生意就是服務好有好多粒墨魚丸粒粒都好足料但個汁冇咩味夠哂凍keep到好耐奶味多過茶味所以好滑炒飯炒得夠乾身和有獲氣食落冇油啖啖都有海膽 好足料好大碟好新鮮豆腐花太硬1d都唔滑本身冇咩豆味要加薑汁糖水和黃糖咸檸茶一飲有陣苦味好似飲緊涼茶咁…Read More