馬泰

营业中

休息中

準備到灣仔看舞台劇，印象中銅鑼灣區較多價錢實惠的餐廳，便到這一帶搵食。天氣炎熱最好吃點東南亞菜式，酸酸辣辣的味道較開胃，因此選了這家馬來西亞／泰國菜餐廳～店鋪裝修好整潔新淨，入座後還會貼心的附上口罩紙袋及消毒濕紙巾，店員見我們只點了一份主食，又主動提供兩隻飯碗讓我們分食物，十分細心海南雞飯的油飯口感不錯，油飯帶有些少黃薑味，飯粒口感濕潤，搭配海南雞飯專用的甜醬油及酸辣醬，就算沒有海南雞都一樣可以送一整碗飯。不過也不可忽視主角的海南雞，肉質超級嫰滑，搭配雞皮夾層的雞油香氣，表現出色的一道主食。另外還附上了一碗湯，今天是蕃茄薯仔雞湯，味道有住家感覺，不會有味精的死鹹味，入面亦真材實料，有很多薯仔及雞絲在內～另外叫了一款輕食，是鮮蝦米紙卷，裡面包著鮮蝦﹑蔬菜﹑米粉及香葉，附上魚露可以蘸上調味，是夏日中清爽的選擇～是令人驚豔的手拉茶，味道像泰式奶茶般，可以調節拉茶的冰度及甜度，茶的濃度適中，我們點了少甜剛剛好，不會過於甜膩，亦不會蓋過茶葉香味。拉茶好大杯，份量十足，絕對是物超所值！刻意只點一份主食，要留肚吃甜品—香芒糯米飯一共有四件，像壽司一樣的擺盤，味道亦相當不錯呢～糯米飯的口感軟糯，芒果是

馬泰平時都好多人食，今日難得嚟到唔多人。餐廳裝修得好靚，座位闊落，好有渡假feel~menu選擇好多，我同朋友揀咗好耐先落到決定配製馬來亞肉骨茶配飯﹕個肉骨茶非常足料，有唔同食材而且好份量十足，我自己一個都食唔晒！不得不提啲肉非常軟身，而且湯味濃，以呢個價錢嚟講真係超值。馬來海鮮喇沙﹕個湯好有鮮味，不過比起一般喇沙嚟講就幾辣，我個位食得辣嘅朋友食到一半都話非常辣~泰式鮮蝦米紙卷﹕皮好薄，不過唔加醬就比較淡味~泰國豆奶紫米冰﹕一飲就愛上咗呢隻豆奶 同平日飲嘅豆奶唔同，呢隻豆奶豆味比較濃，加埋紫米好夾~ 外型仲好fancy tim!馬來特色手拉茶﹕朋友叫嘅，佢話味道有啲似印度拉茶咁強烈，都唔錯~結果我地食咗一餐豪華嘅午餐

疫情下成日留喺屋企太悶，不如一家三口週末出去銅鑼灣行下，見到呢間新開嘅馬來 x 泰國餐廳，一於試下！由於二人一枱嘅關係，分開咗兩張枱坐。 餐廳準備咗口罩袋供客人使用，非常細心。器皿有心思，有特色碗碟，印有公司名稱。 餐廳環境舒適，牆架放滿馬來及泰國嘅調味料，櫃門印上類似粉筆畫嘅美食，別有一番風味。 由於星期日訓飽飽先出門口，我地兩點半先入座，已經去到下午茶時段。下午茶餐選擇非常豐富，有喇沙湯粉、泰式撈檬、肉骨茶、海南雞飯及咖哩飯等等，加廿幾蚊仲可以加埋蝦餅同春卷等小食！ =========================馬來咖喱牛腩飯 $66咖喱辣到勁度十足，怕辣人士慎入，可惜嘅係牛腩有少少偏硬，薯仔夠哂腍，融入咖哩嘅辣，好過癮 馬來無骨海南雞喇沙 $62阿媽教落，雞有層啫喱代表新鮮，份量見體；肉質嫩滑，雞皮爽；白飯好大碗😅幾乎食唔哂 喇沙係摻摻底，即係油麵加米粉，雙重口感，份量好多，配料有豆卜、銀牙、蛋，湯底濃郁，配有喇沙辣醬喺中間，怕辣嘅可以自己調節辣度秘製馬來肉骨茶配飯 $58肉骨茶偏甜易入口，有杞子圓肉，自己偏好藥材味重一啲嘅，整體味道都唔錯！三件大大件嘅排骨，豆卜支竹份量十足

如果想用非常抵既價錢食馬來西亞、泰國菜，我非常推薦黎馬泰食！而家都仲回味緊！😋😋😋我地4點黎到，可以食下午茶，價錢平d之餘，份量依然大份！😬😬馬來無骨海南雞喇沙：喇沙味道正宗，麵底係參參！😋 海南雞肉好滑，完全無骨！雞皮下仲有啫喱（即係膠原蛋白）！😋😋😋餐飲點左一杯熱柑桔水，足味！😋泰式軟殼蟹撈檬粉：呢個價錢竟然有一大隻軟殼蟹，仲有花生、足料配菜，我地倒左好多汁撈檬粉，檬粉都好爽口，好味！餐飲加錢叫左杯特飲泰式豆奶紫米冰，豆奶好飲！加埋紫米香仲正！😬我地仲加錢叫小食泰式酸辣鳳爪沙律同泰式鮮蝦米紙卷😋最後甜品我地叫左份馬泰香芒糯米飯，好特別，係壽司造型的！😬😬😬咁樣食法埋單都只係$208咋！😝😝😝另外，餐廳環境好光猛，亦都好乾淨！呢間餐廳絕對可以encore!!!