亞萊嘜嘜

食物有質數，每次一捻唔到唔知食咩，都會去呢間，每一樣餸都有水準，實冇死，最鍾意係佢上菜快，係快得黎又好味，呢頭叫完，嗰頭就上菜了。價錢又合理，啲位都闊落，坐得舒服。…Read More

初次入到元朗搵野食，結果近近地見到間泰國菜又咁岩想食，一於入去試一試。睇佢既meun既時嘅，個價錢比起我平時食既泰國菜都係貴少少，都無所謂啦都試試啦。咁到上菜既時候，見到啲碟頭都大份啲都值回票價既，但佢啲野食就一啲好食一啲真係麻麻，咁比較推介就燒豬頸肉同埋佢哋嘅推介蒜香包。豬頸肉嘅外皮都燒得脆口，做到些少外脆內軟既感覺。至於蒜香包都係燒得好香口，而且蒜香味都好夠，但個人建議就嗌多一味咖喱嘅菜式黎用啲咖喱汁配過蒜香包就味道更佳。…Read More

星期天六時多和爸爸弟弟來到亞萊嘜嘜，不用等位。點了五碟菜:1. 清邁鐵板蠔仔蛋: 蛋滑蠔仔又肥美，連同芽菜一起，實在好吃，每次到亞萊嘜嘜都必點的。2. 泰式鮮蝦炒金邊粉: 一向喜歡吃泰式金邊粉，這間也不錯，餡料和金邊粉的比例也恰好。3. 燒白鱔: 鱔幾肥美，不過偏鹹。4. 亞萊嘜嘜特色蒜香包: 另一碟每次必點的食物，蒜香包呈金磚狀，外脆內軟，而且一點也不油膩。5. 招牌咖喱軟殼蟹: 用上比較大隻的軟殼蟹，配上帶有蛋花的咖喱汁，本來已經好食，家人還喜歡以剛才的蒜香包來點咖喱汁。每碟份量也不少，吃得頂著肚皮走，是豐富滿足的一餐。…Read More

平時食開既蒜蓉包都係一片片，用法包黎整，有陣時仲會整到過硬。但係依個絕對唔會，用左厚麵包黎整🍞，更加有外脆內軟既口感，4邊都焗到金黃色，蒜蓉無處不在，係超級香！鐘意可以配埋咖哩，又係另一番滋味，不過記得襯熱食呀🤤依個堅好食呀！金邊粉炒得乾身入味，酸酸甜甜，隻隻蝦都好大好彈牙，食得出係新鮮蝦🦐，一定要嗌黎食！拼盤有齊炸蝦餅，炸魚餅，南瓜栗米餅，香葉包雞同春卷，蝦餅同魚餅都幾q彈，春卷香口。至於南光栗米餅，感覺似食緊炸蕃薯天婦羅，同埋所有炸物都偏油，食多幾舊會膩。咖哩味唔算濃，椰奶偏重，可能係叫左走辣，所以味道較淡，質地都較為稀，不過雞肉嫩滑🥘，配埋薄餅一齊食，都可以既。-好味指數: 8/10賣相: 7/10性價比: 6/10…Read More

自從友人新婚後都有一段時間冇見過面，婚後搬左去元朗住，所以今日搵埋個朋友一行四人喺呢邊短聚食個午飯。揀左呢間近近地西鐵站嘅泰國菜，印象中我之前晚市都食過一次，而且都覺得幾好食，不時都見到唔少人等位。週六接近下午茶時間，人流都幾多，不過餐廳都幾多位，我地唔需要等候就入座餐牌選擇豐富，午市其實都係五十零蚊。不過我地幾個都餓左成朝，揀黎揀去最終揀左個四人餐，幾抵食！有小食、沙律、湯、軟殼蟹、雞、炒菜、飯麵、甜品，飲品可以半價換購，連埋四杯飲品人均二百蚊，十分划算。泰式小食五味拼盤/小有炸蝦餅、炸魚餅、南瓜粟米餅、香葉包雞、春卷，因為係細拼盤啦，並唔係人頭份量。蝦餅、魚餅即時炸起，十分彈牙，口感唔會霉。南瓜粟米餅嘅份量最多，食落香脆。春卷細細條，沾少少酸辣醬，好啱我胃口泰式酸辣鳳爪前菜分別有酸辣鳳爪、肉碎生菜包、木瓜沙律三選一，我地揀左鳳爪。好多時食酸辣鳳爪都有個問題，唔夠酸又唔夠辣，呢間嘅鳳爪做得唔錯，調味恰當，食落又爽又開胃冬蔭公湯/小湯品方面有冬蔭公、椰汁雞湯、肉碎粉絲湯三選一，我地揀左冬蔭公湯。估唔到「小」份量都幾多，四個人一人都有一碗多啲，而且裡面都幾足料，除左香茅、菇菌外，仲有一隻大蝦，而且已經開邊挑腸，食落啖啖肉招牌咖喱軟殼蟹（附送蒜蓉包/印度油鬆餅）之所以覺得呢個餐抵食就咁解，又有湯飯、菜、仲有軟殼蟹配埋蒜蓉包，星期一至五晚市都有供應呢個餐。軟殼蟹都幾大隻，入口香脆，加有咖喱、彩椒去煮，幾惹味，醬底偏稠身，方便沾上蒜蓉包食用。蒜蓉包磚塊形狀，都算係呢度嘅招牌，一人一塊，又香又脆，配合咖喱汁一流。無骨海南雞/例牌如果唔喜歡食雞，可揀無骨豬手半隻。雞件相當好肉地，雞皮比較肥膩少少，雞肉嫩滑冇骨，方便食用，沾埋醬汁酸酸甜甜，真係想撈個飯食。馬拉盞炒通菜（可選芥蘭/雜菜）我地幾個不停食不停食，去到炒菜呢步其實已經飽到上心口，哈哈，但諗起仲有個炒粉，真係你眼望我眼，好豐富嘅午餐。馬拉盞炒夠惹味，而且都唔會好油淋淋。泰式鮮蝦炒金邊粉唔食金邊粉可以揀香辣肉碎炒飯/河，如果點個飯撈埋啲咖喱醬又係正。金邊粉份量多，完全係食唔哂，因為即時炒起，其實熱辣辣應該幾好食，不過調味爭啲，我同友人都覺得淡左少少（可能我地重口味啦）。精美甜品甜品係椰汁糕同大菜糕，個人就勁鐘意食椰汁糕，好香椰味，而且甜度唔高，裡面又有西米，增添口感。大菜糕都幾彈牙，味道清甜，作為結尾，十分滿足跟套餐點飲品半價優惠，我地點左椰汁冰、龍眼冰、西瓜沙冰、石榴子冰，一律$13/杯，抵飲，尤其當日超熱，清涼解喝而且唔會好甜水感覺。元朗區都有幾間泰菜，呢間嘅質素都算穩定，價錢又唔貴，可以一試餐牌：…Read More

朋友搬左去元朗YOHOO住，呢日早收工就同她去食晚餐， 知道她鍾意食泰國菜，於是帶佢去阿萊食~ 我地黎到時約點左右，已經8成滿座， 平日都禁多人食一定有它的吸引之處~餐廳裝潢光亮整潔，仲帶點文青的感覺~ 除左散點的泰菜之外，仲有唔同的套餐， 由前菜、主食到甜品，價錢亦十分優惠~ 我地怕食唔晒套餐，今次決定散點~ <芭提雅椰青>  椰青清甜多汁，椰肉爽口~ <三色冰>  呢度的三色冰同平日飲的唔同，當中的材料係一粒粒圓型，外軟內脆，有咬口~ <小食有拼盤-小>  有炸蝦餅、炸魚餅、春卷、香葉包雞、南瓜粟米餅 樣樣都好好味~ 炸蝦餅香口彈牙，炸魚餅唔會有魚腥味~ 春卷香脆，香葉包雞香而肉嫩 當中最愛南瓜粟米餅，南瓜好軟，入口即化， 但沾埋粟米粒米又增加左另一種口感~ <泰式鮮蝦炒金邊粉>  金邊粉用左一層薄薄的蛋皮包著， 打開見到熱辣辣鮮蝦同金邊粉， 蝦肉新鮮彈牙，仲係大大隻~ 金邊粉炒得好乾爽~ <馬拉盞炒時菜>  可以選擇唔同的菜，但我地最愛雜菜， 有芥蘭、椰菜花、紅蘿蔔、蘑菇等 份量十足，一次過食到唔同的菜~ 因為已經好飽，其實仲想食埋個<芒果黑白糯米飯>， 下次叫多D朋友一齊黎食~…Read More

人日啦！恭祝大家生日快樂，身體健康！係咁特別既日子又撞正Happy Friday, gathering 是常識吧？，所以賴生今晚誠邀左屈小姐入黎元朗同賴生&朋友們食飯，順便慶祝朋友生日！提提大家，如果黎呢間泰國野食飯，最好預先訂枱，因為唔訂真係有排等，超多人！平時賴生同屈小姐食飯都劇少會叫餐食，原因有3個，第一：覺得被人綁住，第二：通常餐包果d野大部份都唔好食既，好食既得1-3樣，第三：賴生同屈小姐好少叫野飲同甜品既，你懂的⋯通常餐都有包⋯所以好多時，賴生同屈小姐都會犧牲叫野飲同甜品既錢而去散叫自己想食既野（加上野飲同甜品係好肥既～我地寧願用啲quota食其他野）！不過，呢次真係比呢度既4人餐打動左⋯（唔加野飲連加一）除番開每人都只係$190蚊再加上佢8個選擇有4-5樣我地都想食嫁（PS: 唔記得影個4人餐menu)4人餐整體評分：價錢：4星 份量：5星 味道：4.5星 選擇：4.5星 咁4人餐究竟係包D咩既呢⋯⋯？A) 泰式小食五味拼盤 （4星）拼盤全部都係炸野黎，超邪惡，有炸蝦餅，炸魚餅，炸南瓜，炸蕃薯，香葉包雞同炸春卷！全部小食都係水準之作，當中要特別點名讚既係，炸蝦餅，炸魚餅同炸春卷！炸春卷：炸得超香脆唔滴油！炸蝦餅：超彈牙，而內裡蝦膠好足料，一D都唔空心炸魚餅：惹味！食落除左帶辣同泰國香料，魚味都好出！而且唔會炸過火變老添！（P.S. 拼盤係其中一樣賴生同屈小姐唔會叫既野，但其實一大班Fd食係抵既！）B) 椰汁雞湯 （4.5星）由於賴生其中一位朋友唔食得辣咁濟，所以叫左椰汁雞湯（但呢度叫冬蔭功湯仲正）味道主要係酸，酸得黎帶超級丁點辣味，飲落都會追住黎飲，除左開胃之外，因為佢熱住，所以飲落暖笠笠！加上好足料，有好多香茅，金不換！仲有好多雞肉，蕃茄仔同秀珍菇嫁！特別係蕃茄仔，好夾呢個湯，連湯食蕃茄既甜味更出眾！（ps 雞肉就有少少雪藏味，所以扣少少分）C) 生菜肉碎包（4.5星）好好味呀！酸辣兼備！極惹味，惹味到用黎撈飯食都得！入口先酸，刺激你味蕾，令你好提神！但當你以爲只係得酸既時候，辣就湧上黎，都ok辣嫁！呢個反而做到用酸味帶個辣味出黎，令唔太食辣既人比較易入口，當然生菜都要記一功啦！爽甜！同埋好多都好大塊，好好包！可惜生菜既份量都係差1-2塊D) 去骨海南雞 （例牌）（4星）個餐有無骨豬手同海南雞揀，梗係揀海南雞啦！我地上次食過豬手雖然係淋，但係唔夠入味既，所以今次試海南雞海南雞肉滑！唔肥！點埋去個海南雞醬係超夾既！少辣微甜，唔會遮到雞肉味，記得點黎食！E) 招牌咖哩軟殻蟹 （配蒜蓉包/印度酥餅）4.5星呢樣就係我地揀呢間食同揀呢個餐既最大原因啦！！軟殻蟹足足有2大隻！炸得好好，完全唔會食落成層油滲番出黎！加埋主角蛋黃咖哩汁⋯真係不得了！濃郁，香，甜，少辣集於一身，真係好食到停唔到口！！撈埋蒜蓉包真係好容易會令人陷入痴肥既陷阱！不過今次食就無上次咁好食啦，今次對屈小姐黎講就咸左啲，如果好似上次咁偏甜啲就會爆分啦（註：因為係4人餐，個份量係少過main menu散叫嫁）蒜蓉包亦係必食item之一！佢係成條蒜蓉條咁嫁！4面都搽滿蒜蓉牛油，本身焗得超脆，似多士條咁，無論就咁食定撈咖哩食都係超一流享受！（註：又係因為4人餐所以得4條，散叫就有6條）F) 泰式鮮蝦炒金邊粉 （4星）個賣相好令！用塊蛋皮包住個炒金邊粉！入面有4塊大鮮蝦+茄汁炒金邊粉，食之前加埋個青檸汁更佳，酸酸甜甜好好食，加上大大塊蛋皮放入口好滿足😌！個茄汁味都好出G) 馬拉盞炒芥蘭 （2.5星）呢樣係個餐既唯一失望既，你當普通炒芥蘭食就ok，因為唔夠入味！但呢度個馬拉盞炒椰菜苗好正嫁，可惜餐冇得揀H) 是日甜品 （4星）係椰汁西米糕2件+椰青糕2件！椰汁西米糕：好得意！同出面食既唔同，佢係帶少少咸咸地嫁！但你又唔會抗拒佢有咸味，因為係先甜後咸既！食落無咁濟嫁椰青糕：好味！清，香，甜！質感挺身!入面仲有椰子肉嫁！最後，佢跟餐可以用半價跟4杯特飲或者沙冰既，我地揀左椰汁珍多冰，椰汁三色冰，咸檸七梳打同士多啤梨沙冰！我地只係飲左椰汁珍多冰，所以只講呢樣I) 椰汁珍多冰 （3.5星）椰味都可以，唔太甜！入面既泰國啫喱絲都好滑身，唔錯不過呢，我地其實5個人黎（2男3女），驚唔夠食，所以另外散叫左2樣野，再加多個散叫蒜蓉包！J) 泰式醃生蝦 （味道5星，CP值2星，總分：3.5星）過氣壽星女之選！佢指定要食！其實又真係好好味！蝦好新鮮，蝦肉勁爽口彈牙！辣椒好夠辣，但千祈唔好睇少粒蒜⋯粒蒜都係勁野黎！佢帶左香味同攻鼻外，佢仲將辣味提升！辣到屈小姐流眼水+打嘶egg（賴生表示：陰公豬囉）不過$148 得8隻真係貴左D，我諗我會比大約108食！K) 鐵板蠔仔蛋 （3.5星）份量可以！蠔仔好多呀！！不過蠔味就滲唔到入蛋度，不過要靠個醬令蠔仔蛋加味，建議點埋黎食！甜甜辣辣，釣起番啲蛋味同蠔味！另外想一讚既係呢度既service，佢地係極極極忙，可能語氣好似重少少，但其實佢地好樂意幫你既，係要比少少時間佢地今餐我地5個人係飽飽飽到癲既，懷疑其實淨叫個4人餐都夠食#飽到極致#搞笑的fd子sss#呵呵呵，屈小姐都要入局啦#補祝生日#好開心見到你熟晒啦慣晒啦#講番之前既野好好笑又好開心#SoSweetToBeWithU#真心推介…Read More