將軍澳真係美食匯聚嘅地方！有好多唔同種類、唔同國家料理嘅餐廳係嗰邊～今次去咗間位於TKO Gateway 嘅泰國餐廳食嘢，昏暗燈光、空間偌大同沙發卡位係賣點，而泰式風格嘅裝修更顯高貴，算係我印象中去過數一數二裝潢唔錯嘅泰式餐廳O̤̮K̤̮✎ 泰式生蝦有7隻生蝦，好新鮮，亦夠冰凍，點埋個辣醬一齊食，辣辣哋，幾刺激開胃！✎ 菠蘿海鮮炒飯材料有菠蘿、魷魚、青口、粟米、提子粒、青豆、炒蛋、洋蔥、紅蘿蔔粒、薑。伴菜有腰果同肉鬆。魷魚爽口，唔會太煙靭咬唔開，蝦咬落粉粉哋，飯濕度適中，唔會太乾，食落有濃濃咖喱味，整體嚟講味道都唔錯～✎ 泰式香燒雞(半隻) 表皮燒到岩岩好，金黃色微燶。雞皮同雞肉都幾滑嫩，又冇乜肥膏，配埋幾酸吓嘅泰式辣醬，勁惹味，食完個口腔都仲留有雞味(⁎⁍̴̛ᴗ⁍̴̛⁎)✎ 飛天通菜勁新鮮同爽脆，用豆瓣醬煮，好多豆瓣醬汁係底，食落鹹鹹的，好夠味，同時都有少少辣，因為加咗紅椒，都幾好食～✎ 椰汁西米糕有西米同芋頭喺入邊，重芋頭味，口感冰涷又滑溜，食落又有粉粉哋嘅質感，層次多變。✎ 香芒洛神梳打酸酸哋，香芒同洛神味同時都好濃郁，味道配搭幾創新。✎ 薄荷菠蘿乳酸淡淡菠蘿同乳酸味，反而薄荷味更濃。…查看更多
