鴻陞泰國菜

逛完啟德零售館，經宋皇臺台出左九龍城覓食。九龍城覓食，當然揀返間泰菜試試。沒有心水，查看openrice的食評，最後揀左呢間試。首先來個網友推薦的泰式燒牛肉，微辣，怕辣的我問過貼心的老闆娘辣度，她額外俾左頗香的沙爹醬我解辣，還不時詢問我們的意見。果然好食，又嫩。食泰菜，不能不食椰菜苗，所以要了個馬拉盞炒椰菜苗。主菜，要了個海鮮炒飯，不過海鮮炒飯的海鮮只有蝦及魷魚。雖然配料少了些，但蝦都大隻，魷魚份量唔少。價錢都公道，但如能多些配料更好。最後，要了杯芒果沙冰及菠蘿沙冰。舖頭細細，但食物水準唔錯，老闆娘服務態度都好好。下次來九龍城食泰菜，我會再來。…查看更多

🥩 泰式燒牛肉 HK$75・味道：​​個牛嘅油脂好香口，令到牛肉味更出👍🏻！青檸酸辣汁都幾辣🍋‍🟩，但食落好fresh，加埋白芝麻同埋辣椒籽，食落更加惹味！幾辣但好上癮～份量細啲但平啲所以，打～和～～～😎・口感：有咬口，但係唔韌，掂！🍛 蝦醬炒飯 HK$65・味道：​​蝦醬味好濃，但唔會好鹹🦐，加埋肉鬆好香口。仲有蝦＋櫻花蝦同蛋，正！如果可以炒得乾身啲就perfect，而家飯粒偏濕🍛。反而係啲腸仔又冇咩味～・口感：乾爽啲更好～🍳 泰式炸皮蛋 HK$68・味道：​​炸蝦餅好薄身脆口🦐，蝦肉彈牙鮮甜，個炸皮唔會刮損口XD，皮蛋幾香唔會有怪味，流心更perfect～・口感：脆、彈、嫩！🥭 芒果沙冰 HK$30・味道：​​香甜綿密冇冰粒，出色！・口感：爽！・・・・・・・・・・・・・・・・・・・・🤰性價比：高～🤰9衝度：9衝～🤰結論：又跟脆友食好西，穩妥的好食！…查看更多

最近都多咗去九龍城，上次男朋友建議去九龍城食泰國菜，我本身對出名戈啲比較有興趣。去咗一間名叫黃xx嘅泰國菜館，味系好食喇，但同時都幾貴😨兩個人就食咗600幾蚊，太誇張喇真系⋯⋯今次去就決定搵一間冇咁出名，但睇啲相都覺得食物質素應該吾差嘅泰國菜。呢度嘅環境雖然冇其他菜館咁好，但價錢確實經濟實惠，一般嘅小食喺其他泰國餐廳都應該講緊要80幾蚊，呢度好多款式都只系講緊60蚊。炒同埋飯類更加不在話下，50幾蚊真系平得過份😱😱出面貴戈啲百幾蚊都只系閒事。男朋友叫咗杯菠蘿沙冰，發現佢好中意菠蘿味嘅飲品，逢系有菠蘿沙冰佢都一定會叫。呢度就連杯菠蘿沙冰都同平時戈啲吾同，吾會得個甜字，沙冰比一般嘅結實，吾會得水，重點仲有野想講嘅，就系裡面真系有菠蘿嘅鹹香味！男朋友話真正嘅菠蘿系應該先浸過鹽水，所以有鹹味系好正常。自己叫咗個椰青，椰青都好大個呀，同埋平時飲開戈啲其實冇想像中咁有椰味，即系椰子味冇想像中咁濃，呢個飲落已經feel到幾濃郁嘅味道，同埋份量好似比出面嘅多。去到泰國餐廳又點可以吾飲冬蔭公湯？睇落個碗好似好細咁，實際上份量都吾少呀，兩個人去嘅話每人飲到兩碗，一碗嘅大小當然系指平時我地飲一碗湯戈啲碗。一路以黎去泰國餐廳成日叫冬蔭公湯嘅原因系因為個味道好出，指嘅系冬蔭醬嘅味道，辣度吾會好高，吾系好食得辣嘅人都可以叫。配料方面，海鮮嘅數量比得一啲都吾孤寒！裡面有好多隻大蝦，而且爽口彈牙小食拼盤同樣系我每到泰國餐廳都會叫嘅茶式，但見到好似有皮蛋，所以就冇直接叫小食拼盤。呢個系我地自己雙拼嘅，拼咗蝦餅同埋春卷，兩樣都系我幾中意嘅食物。蝦餅嘅味道一般都吾會太差，就咁睇佢嘅外皮吾系金黃色，而系啡色，仲擔心佢會吾會系煎過頭，結果食落口都吾會系煎過頭，最好嘅系佢裡面打嘅蝦膠打得好好，食落口仲有嚼勁。春卷都脆卜卜咁，味道方面就冇乜特別，整得吾油膩，幾好。男朋友喺主菜方面，好中意食金邊粉，我自己本身就興趣不大，一邊都好似配以大蝦，但呢度嘅金邊粉就好似比較遜色，配料吾算好多，主要都系粟米，不過金邊粉勝在夠幼身，入口都幾易咬。另外呢度嘅燒烤類幾多元化，叫咗墨丸、牛肉同埋雞肉。墨丸真系比我想像中好食，大小系好大粒，而且墨魚味好重，口感亦帶點彈牙，平時喺小食店食串燒未必會食到呢啲味道。另外就到牛肉同埋雞肉。兩種肉類都整得好好，串燒真系要熱辣辣食先好食，最緊要吾會好硬，喺出面食串燒系好驚食到好硬嘅質感。最後點咗份燒牛肉，原本冇太大嘅興趣食呢道菜，不過男朋友系牛肉控，所以就佢啦冇所謂。燒牛肉一黎到戈陣真系o咗咀份量雖然吾系話好多，不過質素真系好高！真系未試過喺一間餐廳食牛肉食到好似燒肉咁嘅味，講緊嘅系日式/ 韓式燒肉，系每一件都好香口，燒嘅味道非常明顯，牛肉軟軟哋所以幾啱我。…查看更多