泰濃麵 (蘭芳道)

銅鑼灣有咁多餐廳 真係食極都仲有好多間未食過😂今日去完利園買完嘢之後想搵間價廉物美嘅餐廳食飯順便慳錢 見到呢個泰國菜價錢相宜就決定喺度食🇹🇭.🌟泰式小食拼盤 （$69）小食拼盤非常豐富 而且份量全部都係兩件 啱晒兩個人share食🤗當中包括泰式炸蝦餅、炸雞翼同炸芝士雲吞蝦餅同雞翼配埋甜酸醬非常惹味而炸芝士雲吞亦都好特別脆脆嘅雲吞皮包住芝士🧀 味道唔錯.🌟泰式海南雞飯（$69）海南雞飯嘅雞肉嫩滑🐔配埋醬汁將海南雞嘅鮮味提升雞油飯好好味夠晒香🍚成個飯嘅份量都啱啱好.🌟頂級美國肥牛冬陰功湯薯粉（$69）薯粉嘅質地同我哋平日食開嘅有少少唔同呢度嘅薯粉比較幼身 但係依然掛湯力十足冬陰功湯亦都非常足料🍜唔算好辣而且有好濃郁嘅蕃茄味🍅　仲有附上海鮮例如大蝦🍤、青口等等所以除左油脂分布平均嘅肥牛🥓之外就好似賺多左個餸咁 好抵食😋.🌟泰式蝶豆花特飲（$28）呢杯紫藍色嘅飲品一睇個賣相就覺得好靚而碟豆花亦都有清新嘅味道 飲落甜甜地所以非常解辣 係好有特色嘅飲品!🍹…查看更多

店內陳設同泰國嘅食店相近，環境已經加分。美國肥牛船麵 $68船麵有三款湯低可揀，船湯、冬陰公湯、清湯，仲可自選配河粉丶金邊粉丶薯粉丶黃麵或湯飯，我就揀咗船湯金邊粉，加埋炸豬皮，就更加泰味！泰式海南雞飯 $68無骨海南雞，雞肉夠滑泰式炸蝦餅 $38去親食泰國嘢啲會點嘅炸蝦餅，脆脆外層，蝦餃夠彈牙，好味！本來都心大心細想叫炸蝦片，原來炸蝦餅都有兩塊炸蝦片拌碟！開心！泰式香茅斑斕梳打特飲 $28梳打成支上，香茅味較出，斑斕味較淡…查看更多

約了朋友去泰濃麵那天，下著傾盤大雨，真的感覺像去了雨季的泰國～餐廳內的佈置亦有點像泰國的街頭，有督督deco。泰式海南雞飯的上碟方式頗有心思，而且味道也不錯！雞肉的雞味濃，而且肉質香嫩，份量足夠。另外卜卜蜆冬蔭功麵也好有泰國特色，可以配船湯、冬陰功湯或清湯，亦有唔同麵甚至係湯飯配。冬陰功湯底非常香濃，蜆也相當多和鮮甜。湯內還有青口、彈口蝦肉和秋葵等，真係幾豐富！泰國原個新鮮椰青好輕甜，真係無論幾時都想開個來飲，懷念一下可以去泰國的日子！…查看更多

去完書展出返銅鑼灣都成九點，我哋嗱嗱臨搵嘢食，好彩蘭芳道有餐廳仲未截單，佢就係「泰濃麵」。餐廳門面幾光鮮，入口位仲放咗架篤篤添🛺！店員好友善，有禮貌，無嫌我哋阻收工。時間都唔早，餐廳剩返唔係好多枱客，我哋獲安排坐喺卡位，座位非常闊落，再加上冷氣充足，整體環境令人舒服👍️。店内嘅裝修亦有花上心思，地磚花紋好靚，牆壁就掛滿食物相片。呢度主打泰菜🇹🇭，但集中賣湯麵、飯同小食，如果想食炒金邊粉或串燒等菜式，就要稍移玉步。食物定價還好啦，普通食餐晏應該$7X搞得掂。頂級安格斯牛肉船麵($88)，船麵可以自選湯底、麵底同餸料🍜。餸料有平有貴，$188嘅款式包括鮑魚、龍蝦以及和牛，而我揀嘅安格斯牛都OK🐮。牛肉以外仲有Q彈魚蛋同大量脆脆豬皮。船湯應該係豬血豬骨湯，味道比出面食到嘅冇咁濃烈，藥材味較輕。麵底我揀咗薯粉，麵條偏幼身，口感煙韌，掛湯力強。泰式海南雞飯($68)，🐔海南雞同油飯份量同樣多，雞肉係我最鍾意嘅雞胸部份，肉身白𠽌𠽌，肉質嫩滑。醬汁只得辣醬，味道酸酸辣辣，幾惹味。🍚油飯隻色好黃，但就唔算好香。泰式小食拼盤($68)，呢個拼盤好正，因為當中嘅三款小食都好吸引😍，無任何一款係下欄嘢。泰式炸蝦餅嘅蝦膠相當彈牙；雞翼炸到好脆，內裡肉質保持嫩滑，而炸芝士雲吞幾特別，唔似泰式嘢。烚唐生菜配秘製腐乳醬($28)，雖然我心諗點解唔係用通菜💚，但用上唐生菜都OK，而且份量超多。腐乳醬味道適中，唔會過重口味。泰式原個新鮮椰青($48)，椰青無乜好講，因為都係入貨，而收呢個價錢，度度亦都差唔多。不過值得一提係佢好大個🥥，椰水滿瀉。泰式香茅班蘭梳打特飲($28)，梳打就比較一般，因為我淨係飲到香茅味，班蘭味被蓋過了🌱，我覺得唔夠甜。總括嚟講，呢頓趕及尾班車嘅泰式晚餐都唔錯，佢賣嘅菜式唔多，主力做好泰飯泰麵。本身想食埋甜品，但可惜時間已經太晏，下次有機會再食過☺️。…查看更多

泰濃麵 (銅鑼灣)早兩日朋友話銅鑼灣有間好食泰式海南雞飯推介,今日小編就去一試究竟。。。🔘 泰式海南雞飯 | $68評分: 🌕🌕🌕🌕🌑評語: 油飯好香🤤有一陣雞油味但又不會油膩。海南雞雞肉好鮮好嫩,雞肉皮下脂肪唔會太多,食晒都唔會內疚😂點埋自家製泰式辣醬食更加野味👍🏼。。🔘 泰式豬手飯 | $68評分: 🌕🌕🌕🌗🌑評語: 豬手食落好似牛腩咁嘅口感😂味道都有d相似。食豬手預左肥,但泰濃麵嘅豬手脂肪同肉比例應該有一比一😂我覺得肥得制喇。。。🔻+$5有罐裝食品,+15有泰式特飲選擇推介指數:⭐️⭐️⭐️…查看更多

今天和朋友到銅鑼灣附近打算買到口罩後，再去食野。唉，行左好耐，最後當然係一個都買唔到啦😭香港人真命苦，連求生都咁難😭雖然係咁，但都要醫飽個肚，擇日再搵口罩😢今次光顧了一間泰式食店，位置在蘭芳道附近，我們很少經過，因為離旺區較遠😅他們售賣不同的泰式湯麵、飯、小食、飲品和甜品👍🏻由於我行左好耐，非常肚餓，所以要求加麵底，店員回覆說不需加錢，大食的朋友要注意喇🤩1. 頂級美國肥牛船湯金邊粉 $68這個船湯湯汁又辣又甜，加了蔥粒和炸蒜後，味道更香濃🤤材料很豐富，有炸豬皮、肥牛片、白魚蛋、山葵和白蘿蔔，有菜也有肉😋最後和幼滑的金邊粉一齊食，好飽好滿足😋2. 泰式海南雞飯 $68油飯很香，友人加了$8轉了雞髀肉，肉質嫩滑，蘸泰式辣汁，很惹味好食🤤3. 泰式小食拼盤 $68這個拼盤有炸蝦餅、炸雞翼和炸芝士雲吞，各2件，全部都是剛剛炸起，熱辣辣，蘸雞醬食很滋味😋…查看更多

唔知點解呢排好似好興泰式船麵，所以呢日經過呢間泰濃麵，裝修簡單、價錢親民，又專賣船麵，所以就入咗去試下～門口有呢部喺牆穿出嚟嘅泰國tuktuk🤣 so cute頂級安格斯牛肉船麵（金邊粉）（$88）生牛河大家一定唔陌生架啦，但係要牛肉好食就唔係咁易搵到。好多時生牛肉浸耐咗會比較韌，但係佢呢到嘅牛肉都算比較高質，浸得耐都依然好食。除咗牛肉好食之外，值得一提嘅係船麵面頭嘅炸豬皮，口感好脆，浸咗少少湯，正！麵揀咗金邊粉，幼幼地、少少煙韌～講咗咁多，其實重點喺個湯度，重牛味嘅湯加埋啲蔥真係好鬼香😝黑豚肉冬蔭功湯船麵（薯粉）（$68）冬蔭功湯食落十分正宗，唔算話好辣，比較酸甜，食咗一啖會好想繼續食落去😋湯裡面除咗有黑豚肉同配料，仲有蝦同青口，好真材實料！呢碗就揀咗薯粉，幼身好易食～泰式海南雞飯（$68）海南雞飯可以揀白飯同油飯。我哋揀咗油飯，好香，而且唔會有油膩嘅感覺！雞肉嫩滑，配埋個汁，好惹味，好好食😛雖然呢個比較容易喺餐廳到食到，但係要搵到呢個質素嘅海南雞飯都唔係咁容易。泰式小食拼盤（$68）呢個值得一試，因為呢三樣野都一樣咁好食，又夠熱辣辣😛蝦餅好有嚼口，同甜酸醬真係好夾；雞翼啖啖肉😙最鐘意嘅就係炸芝士雲吞，幾有驚喜！！！佢裡面嘅芝士有啲流心嘅感覺，外層好脆，內裡煙韌，好過癮✨第一次試船麵嘅感覺都唔錯，呢間餐廳都試得過！😆-Menu:…查看更多

今晚想係銅鑼灣揾間平平地既餐廳，經過呢間泰濃麵，見到價錢合理，於是二話不說就入左去試下。環境都幾寬敞，坐得舒服，只收現金。餐牌一目了然，全部定價係銅鑼灣區黎講叫平。主打泰式粉麵，有兩款飯，小食同飲品。我地叫左頂級安格斯牛肉船湯金邊粉，配料有秋葵，白蘿蔔，炸豬皮好脆，牛肉嫩滑，湯底好濃郁，每啖金邊粉都掛滿湯，食完個胃暖笠笠泰式海南雞飯，份量岩岩好，雞都算嫩滑，起晒骨，好方便。炸芝士雲吞，有驚喜，兩者好夾，夾住一舊芝士，個醬係我中意既甜酸辣醬。泰式蝶豆花特飲，飲落似話梅，幾得意。泰國樽裝梳打水，好夠氣。…查看更多

泰濃麵號稱係一個升級嘅船麵， 喺尖沙咀呢就已經出曬名㗎喇，見佢喺銅鑼灣開咗一間新舖， 就過嚟試下啦~ 舖頭開咗喺蘭芳道呢條小街，其實就比較近利園嗰邊~都唔算難搵，一入門口就見到駕篤篤喺度~夠曬泰式風情， 可能係新開我哋去嘅時間比較早~人好少， 店員招呼都ok熱情， 見我哋兩個人即刻拎多個餐牌畀我哋~ 躊躇咗一陣決定一麵一飯試一試佢先， 反而叫味snack掙扎咗好耐~ anyway落咗order之後上菜非常之快， 叫咗個黑毛豬肉船麵…要金邊粉，梗係先試下啖湯啦飲得出湯料香味濃沃~真材實料，黑毛豬嘅豬肉味都幾出，但最正係麵上面嘅炸豬皮&魚蛋； 泰式海南雞飯出咗雞胸肉😭，但係有雞味唔算好嚡皮夠爽，碗飯雞油味夠香不過就黏咗啲；小食叫咗個泰式炸腩仔，上檯望到佢半肥瘦嘅層次~夠曬正； 龍眼冰飲得出用新鮮龍眼做~又唔會太甜，食完呢啲肥膩嘢都幾解膩~ 全餐口味都係比較清淡…即係少落鹽個種， 應該就係迎合香港而家嘅健康口味潮流，多口問咗句原來上個月29號先開…真係好新~…查看更多