蝦麵店 (海光街)

蝦肉肉骨麵辣味蝦湯底（$95）配馬來白咖啡（$10）加小食沙嗲雞脾肉串2串（$18）望上去以為好辣，但湯底飲落只是微辣，而且有淡淡的蝦味。麵底揀咗摻摻，即係油麵+米粉，撈埋湯底索哂味一齊食不錯。蝦肉係幾粒蝦毛碎，好普通。肉骨有一大一細，煮得唔太淋，一般。馬來白咖啡香滑，OK。沙嗲雞脾肉串正常冇咩特別，沙嗲味再濃啲會更好。PS：Scan QR code 自助落單。…查看更多

雖然今個星期一要上堂，但也不會是Blue Monday，只要讓自己食餐好就可變Happy Monday 啦！已經一段時間沒有去過鰂魚涌，難得來到這區上堂，當然順便覓食。在射燈吸引下，走入橫街窄巷，發現一間麵店，係馬來西亞菜。門面貼滿報導和餐牌，睇落幾吸引，一於試試。內裏環境光猛，地方唔算大，設有幾張二至四人枱，泊牆有一排單人高座。牆上沒有花巧的裝飾，只貼了多張餐牌，簡約平實。一坐下，店員就給我一張QRcode，原來係電腦化落單，估唔到小店都咁先進，讚！唔止呀，下單的每個items都設計得好清晰細緻，可配合到食客唔同的要求，方便易用。看看兩份餐牌，一份是單點，另一是套餐，有小食、辣味蝦湯底、咖喱喇沙湯底、豬骨雞湯底、福建滷麵、飯類、冷熱飲品和另加配料。而套餐就包杯$15或以下飲品，亦可加錢配小食。******************************唔駛諗，我當然要檳城路邊攤一人套餐。揀了咖喱喇沙湯底海鮮麵配摻摻Curry Laksa Soup Base Seafood Noodles ($92)，想再豐富啲，追加了豆腐卜（+$8）和蝦肉（+$20），不過….我唔食魷魚，所以走魷魚。嘩！熱辣辣，香噴噴，放滿食材，滿滿一大碗，好吸引。喇沙湯底是全碗麵的靈魂，第一時間呷一口，稀稠度適中，湯身帶點紅油。滿有咖喱香，繼而慢慢滲出香辣味，但不至嗆喉，香濃美味，正！麵料相當豐富，有隻鮮味彈牙的大蝦；肉質柔軟的蟹柳；大大隻的青口；索盡湯汁的腐角。還有追加的豆卜，同樣索晒湯汁，咬一口已爆出湯汁，很入味；而開半的蝦肉亦相當入味。麵底選了「摻摻麵」，即是米粉和油麵，兩者都煮得剛好，保持咬口，亦很入味。油麵掛湯力較強，好入味；米粉掛湯力一般，就舀一羮湯放大啖吃，滋味！******************************可以以優惠價追加小食，當然唔會錯過。沙嗲雞脾肉串 Satay Chicken Skewers(+$18/2串）烤得金黃，沾滿了沙嗲醬汁，更有風味，更加美味。選用雞脾肉，肉質更嫩且不乾身，富有肉汁，配上混入花生粒的沙嗲醬，味道甜甜地，微微香辣，味道美味，沙嗲跟串燒的確是最佳拍檔，風味十足。******************************原來還可再追加一款小食，當然再來，點了是日油菜 Daily Vegetables (+$18)，係馬拉盞通菜。通菜翠綠鮮嫩，少油少鹽，清新健康，吃時必定要跟馬來盞拌勻，否則一些鹹過頭，一些就好清淡…..拌勻後，味道鹹香，簡單而美味。******************************飲品當然要揀熱檸檬薏米水 Hot Lemon Barley Juice(+$10) 有美白功效，仲註明微甜，岩晒我，哈! 帶有檸檬的清新和薏米香，甜度剛好，薏米的份量亦十足，煲至軟身，但亦存咬口，當然要飲晒食晒啦!-------------------------唔止吃得飽，仲吃得好，咁先至係加力的星期一。對！即使要上堂，也要踢走Blue Monday，讓自己每個 Monday 都是Happy Monday 。…查看更多

以前位於海天堂對面的蝦麵店, 現在重出江湖了! 就藏在海光街的小巷裡.  今天小米在鰂魚涌公園玩樂過後, 就到此嚐嚐馬拉檳城州美食吧! 反正多年前已經很想帶小米到PENENG旅行.  食左就當去左旅行囉!!!      檳榔之城~檳城, 是我那些年的味蕾記憶. 想當年, 跟馬拉同學在GEORGE TOWN到QUEENS BAY大飲大食, 之後轉戰PULAU AMAN & PULAU LANKAWI再食.  希望今天能喚回檳城的味蕾記憶吧! 就座後, 以手機下單. 職員就問: 是否需要圍裙?  小米穿了白T SHIRT, 為保衣服雪白, 還是帶上圍裙吧!       蝦肉肉骨麵    應該叫做福建蝦麵搭肉骨一條吧! 以前福建人來到南洋, 把值錢的蝦肉賣出, 餘下的蝦殼蝦頭加入當地辣椒香料等熬煮的湯頭, 配上粉麵, 變成香辣版的福建蝦麵, 卻變成檳城名物. 這種蝦麵跟ASAM LAKSA在檳城多個排檔美食中心老是常出現. 現在就來試試是否接近味蕾的回憶.   嗅覺: 蝦麵呈上來, 就感到濃郁的蝦香. 用上大量蝦煮出來的湯底, 當然充滿蝦味!     視覺: 肉骨一條, 蝦肉, 甕菜和豆卜, 還有一匙炸蔥炸蒜, 而SAMBAL醬早跟湯底混為一體.    紅色的湯底, 除了因為紅辣椒, 還因為蝦青素. 蝦青素在煮熟後就會變成橙紅色, 跟紅辣椒很接近. 蝦膏煮熟後變成啡啡綠綠, 把整個湯底變成暗紅色了! 同時也有鮮紅色的蝦油浮在碗邊. 肉骨没沾上太多蝦湯, 外表乾乾淨淨. 豆卜卻吸盡湯底精華, 中芯位都變成暗紅色, 所以加錢配豆卜是正確的.    手感: 先撥開表面的蝦肉排骨甕菜和豆卜, 夾出下方的芽菜和摻摻. 摻摻被壓在底部, 要多點手力.  油麵很滑身, 容易逃走, 反而米粉容易夾出.   味道&口感 : 紅色的湯底其實不算太辣, 反而透出陣陣蝦的甘味.     肉骨是後加上去的, 較少吸收蝦湯底, 當然以豬肉味為主. 豆卜  平庸的配料但充滿湯底精華, 無得輸. 不過豆卜肉骨蝦肉都不是主角. 反而米粉才是主角呢! 幼細的米粉, 在微細管作用下, 吸水/吸湯能力一流. 每一箸都有啖啖的蝦湯. 食呀食, 不知不覺就把整碗蝦麵消滅了.         馬來咖哩雞飯             本來想帶小米到此食檳城麵, 誰知小米堅持食咖哩. 大大碗馬拉咖哩, 有雞有肉, 小米看到很歡喜. 自己取來一件雞肉, 雞肉仍然滑滑不乾柴, 是剛煮熟的雞肉, 合格!     註: 當年檳城當地的餐廳 先把肉類咖哩提前煮好, 放在鍋裡長期加熱/保溫, 肉質全都是硬崛崛乾爭爭.      咖哩汁其實不算太辣, 反而帶著另一種香甜! 總之跟印度咖哩&泰國咖哩是有分別. 看著小米食呀食, 食得津津有味, 很快就把咖哩飯消滅了!  最後小米回報 : 咖哩唔算太辣.     馬來香炸雞翼      雞翼即點即炸. 在滑溜的雞皮表面灑上檸檬汁, 首次嚐到帶酸的雞翼. 中間的雞肉很嫩滑, 是即點即炸的優勢.    沙嗲雞脾肉串           表面勁多花生粒粒, 沙嗲醬帶甜味, 辣度不強, 配無得輸的雞脾肉, 當然美味! 很適合香港人的口味.   小米認為不夠辣, 把串燒都放在馬來咖哩<加辣>.   凍檸茶    檸檬薏米冰  飲品MENU中, 最喜歡檸檬薏米冰.  註: 馬拉很多餐廳都會提供薏米冰, 而薏米和辣椒有去濕的功效, 可減輕馬拉地區濕重的問題.    嚐過美味檳城蝦麵和馬拉咖哩, 希望餐廳將來會提供ASAM LAKSA. …查看更多