炊豕店 (加路連山道)

星期六同男朋友到炊豕店食晚飯。店舖位於往大球場方向，唔好睇佢唔係位於當旺位置就無乜人，我地差唔多7:30去到坐左一陣就滿座，十分旺場。食完成餐飯就明白點解甘多人黎食。食物價錢唔貴，唔需要加一服務費，係銅鑼灣黎講，係平民選擇。食物質素亦絕對對得住個價錢，而且份量十足，一定可以食得飽，性價比高。餐牌選擇唔多，主要以豬為主。連裝飾都寫住「我們都是食豬大的」，好搞笑。我地叫左秘製豬扒配胡椒豬肚湯米線、沖繩豬軟骨飯、滷水雞腎、雀巢檸檬茶。秘製豬扒配胡椒豬肚湯米線豬扒果然係招牌，炸得好香脆，唔會只有炸皮但無肉，豬扒都算厚身，而且好大塊，擺好耐都仲好夠熱，勁。米線份量好多，仲有芽菜。沖繩豬軟骨飯好大碗，豬軟骨雖然唔係腍到無牙都咬到，但甘樣可以享受下咬軟骨既過程，幾好。滷水雞腎我食到有啲藥材味，雞腎口感軟腍，仲有啲酸芽菜。雀巢檸檬茶。…查看更多

😋味道：8.6/10📸打卡：8/10🗣服務：8.5/10🏡環境：7/10💵人均：$70-100💰性價比：8.5/10👍🏻推薦度：9/10🏃🏻‍♀️回頭率：50% .🐼想試呢間嘅人氣豬扒飯超級耐了🥺最近開咗間喺長沙灣 不過今次都係去返銅鑼灣嘅老店😙餐廳比較細 好有日本小店嘅感覺 最有趣嘅係佢播咗好多八九十年代嘅歌🤣食物方面佢嘅豬扒真係冇令我失望😋每塊豬扒都好厚肉 好大塊 炸得好香口 性價比好高🥳. （👍🏻為推薦）👍🏻🐷蔥油豬扒飯 $64 (加厚午餐肉+$10) (9/10) 梗係要試吓招牌嘅蔥油豬扒飯 的確豬扒炸得好出色😍再配上香口嘅蔥油 成個飯味道好夾好好食🤩仲有不得不提 加左厚切午餐肉 煎得好香🥰🧆 秘製豬扒飯 (肉燥汁) $60 (8.5/10) 每款飯嘅豬扒都係一樣咁好食🤤呢個就係配肉燥飯 都好高質 每粒肉燥脂肪比例平均 肥瘦均勻😋不過對比起蔥油飯 可能就有啲太漏冇咁夾了👍🏻🌊 沖繩豬軟骨飯 $64 (8.7/10)雖然餐廳主要sell炸豬扒 但呢個豬軟骨飯係好高質同值得試嘅😳佢嘅豬軟骨係好入味 肉質同骨都好淋 如果鍾意食脆骨就唔太啱食 再加埋香甜嘅汁同配料 係非常高質嘅豬軟骨飯❣️🐛大阪燒豬扒飯 $64 (7.8/10)大阪燒係期間限定！豬扒都係一樣厚同好食 overall唔差 但加左大阪燒嘅燒汁同沙律醬 令塊豬扒唔同其他咁香口咁鬆脆😮‍💨同埋味道係expected 唔會好驚喜 .…查看更多

加路連山道，好多車房，好多茶餐廳，但偶爾就會出現一間與別不同的小餐廳。今次呢間主打豬🐽🐷🐽🐷🐽，走小小台式又帶少少港式路線的 ‘炊豕店’。二話不說便立即選了秘製豬扒飯（肉燥汁）大大塊豬扒，炸得均勻剛好和沖繩豬軟骨飯豬軟骨勁入味，蘿蔔就一般般再加多個唐揚炸雞即叫即炸，5小件，炸得剛好，熱辣辣，加上沙律醬，配搭一流2個人食，跟餐加$5 有汽水，食完直頭飽到上心口每次來這裡堂食都定必要排隊，因為真的鋪頭細細，座位不足20個，加上現在又是2人限聚令，要避開繁忙時間，真的一點不容易。…查看更多

👌🏻環境:小店形式得好少座位，座位坐得不舒服，又有開放廚房，所以空間很擠迫，快食快走的模式。食物[👍🏻肉燥滷蛋飯 $54]意外地肉燥不錯，肥肉瘦肉很平均，係香港依個肉燥飯已經算不錯了，叫多汁會更好，但滷水蛋滷水味較淡。[👌🏻秘製豬扒咖喱汁 $62]一共有四舊厚豬扒，飯同汁份量很大，豬扒炸到脆卜卜，咖喱汁不辣有淡淡椰奶味。[👌🏻蔥油豬扒飯 $62]一共有八舊厚豬扒，再加上燒味飯既蔥蓉同一條菜，豬扒份量較多，豬扒好食但配蔥油好普通，餐牌寫人氣推介，但我認為不必試。[👌🏻叉粒豆角蔥花炒滑蛋$54]賣相不好看，但味道不錯的，蛋炒得滑流，但甜豉油較多有少少鹹。[👎🏻沖繩豬軟骨飯 $60]豬軟骨份量小，得四舊，不夠餸飯食，反而蘿蔔淋身又入味不錯的，飯無醬汁食食下就會好乾身。…查看更多

今晚放工約咗朋友出嚟食飯。平時食飯多數都係沙田或者九龍區，今次就決定轉戰到港島區一嚐美食。千挑細選之下就揀咗呢間位於銅鑼灣嘅台式豬扒飯餐廳餐廳位置唔近地鐵站，從地鐵站行過去大概十分鐘。我哋七點去到餐廳門口，雖然位置不太方便，但係呢個時間已經要排隊。可想言之呢間餐廳既食物有信心既保證我哋大概排左15分鐘，差唔多入座之前店員會派一張落單紙比客人填寫，入到去一坐低就可以落單我哋叫咗沖繩豬軟骨飯，泰好味豬扒飯(見佢期間限定所以試吓)，辣味海蜇，熱蜂蜜柚子，仲加左碗蒽油店舖內嘅裝修非常特別，好有心思。有以前讀書時坐嘅凳仲有接摺凳，仲有d好靚好有趣既圖畫野食方面，兩碗飯同餸既份量都好多泰好味豬扒飯: 好多洋蔥係飯同豬排上面，而且仲好入味，隻特制泰式醬汁都好好味，好開胃。塊豬排好厚而且份量好多，有成4-5件，每件既size都好大。肉質好嫩口好滑沖繩豬軟骨飯:配菜有好多，有蓮藕蘿蔔仲有少少蒽花係上面。豬軟骨好好味，軟硬度適中(本人好怕食到d硬既豬軟骨)。碗飯仲好多汁，加多碗飯都食得哂另外加了一份葱油因為仲有個人氣推介想試，可以另加真係太好，而且唔貴只係加8蚊。本身以為係加係飯入面，原來係另上，而且份量不少，可以同fd share食。葱油好香又惹味，不會過咸，加落飯到增加口感，同炸豬排一齊食又幾夾！辣味海蜇: 非常夠味，好開胃。口感好彈牙好好味!熱飲蜂蜜柚子..甜甜的潤下喉最後食完餐飯，2個人共$160。我覺得價錢相當合理，性價比算高。有機會一定會再黎呢到試埋其他食品!…查看更多

路經幾次已經想試，今日晚上大約六點半左右嚟到，啱啱好有位可以入座，坐低左冇幾耐，見到門外已開始陸續多人，需要等位入座。豬軟骨約有4件，炆到超腍，配有爽脆蓮藕片及白蘿白，飯量十足，唔怪得聽到隔離枱嘅男士會嗌少飯啦～約有4件豬手，膠質豐富，撈粗份量足，好夠飽炸雞翼走辣，但仍然食到有微辣，塊皮炸到卜卜脆，加埋芝麻＆炸蒜，香口惹味。比起其他飲品，果汁似乎較健康，唔甜，推介店內座位有限，大部分人食完就走，大約大半個鐘內就食飽飽，出現到門口有超過十人排緊隊，而環顧四周就只有呢間小店排長龍，證明佢向同區嘅性價比算高，先會保持到一定人氣。…查看更多

銅鑼灣炸豬扒飯-終於有機會黎試試。餐廳設計明顯有擺心思，好有創意。平日晚市都要排一陣隊，餐廳裡面用餐時會見到旁邊一路炸豬扒，隻隻都係新鮮出爐，好香!餐廳既臺同擺設都貼得近，用盡每一個空間，帶出種復古餐廳風味!服務方面都好，見夥計都幾快手。試左個炸芝麻雞翼（中型有翼）：外層炸得啱啱好，脆脆地，裡面d肉都做得好嫩，再加上七味粉，辣辣地，脆脆地，正! 炸豬扒飯配肉燥汁：好大好大塊豬扒同飯，包你一定食得飽。 塊豬扒徐左大，其實真係炸得好，油味唔會重，炸漿唔會話太厚，一流!豬軟骨飯：個汁做得好，肉都都唔會話太軟或太老，個人認為徐左豬扒飯，黎個都係另一個招牌菜式!…查看更多

今日一放工就拉埋個同事過嚟食平時晏晝行慢少少都排長龍，呢間餐廳係出名平價同埋豬扒好好食，咁我哋就叫咗一個肉燥汁炸豬扒飯，同埋一個沖繩豬軟骨飯，再加20雞要左碟辣汁海蜇（唔係淨豬扒，下面有個飯㗎，係塊豬扒太大塊遮住咗啲飯咋）55蚊就咁大碗，已經點咗小飯，個豬扒真係炸得啱啱好，軟滑多汁，抵讚沖繩豬頸肉飯嘅配菜，蘿蔔同埋蓮藕已經炆到好林好入味啲軟骨已經炆到晶凝通透，比得上某啲貴價拉麵嘅豬軟骨，而且都幾多下，本來仲諗住食完去附近買雪糕食，飽到食唔到了呢碟辣汁海蜇只係$20咋惹味，送飯一流加罐裝飲品只係加$5雞，好似冇乜餐廳有咁平了門口裝修走日系，好易認，威靈頓街行過長扶手電梯過少少就見到了好有心思的懷舊擺設，其實我都未見過呢啲風扇呢張應該係我阿媽年代嘅學校枱，究竟店主係邊度搵返黎…查看更多

之前學車已經成日經過呢到，次次都見到好多人排隊，心諗唔通好好食？一定要揾一次試下先！今日終於有機會同埋男朋友黎食！都排左大約15-20分鐘先入到去坐低！入面空間唔大，連埋bar 枱大約三十個位到～我地叫左一個肉燥秘製豬扒飯，同埋一個沖繩豬軟骨飯，兩碗份量都好大碗！豬扒係新鮮炸，外脆內軟，咬落去好juicy!配埋個肉燥汁，真係非常好味！至於豬軟骨飯同樣激讚！因為豬軟骨非常入味，而且好淋，仲會配埋年藕同埋蘿蔔，年藕爽脆，蘿蔔入味！加埋d 葱花超正！我超愛食葱！今次感覺非常好！好味！抵食！下次一定要試葱油豬扒飯先！…查看更多

一早有聽過依間餐廳知道佢出名炸豬扒 聽講好脆好juicy終於試到啦~餐廳座位不多, 都幾迫下…我地6點鐘到達所以唔洗等位坐低無耐出面就開始長龍 運氣真好👏🏻✨秘製豬扒飯(肉燥汁)$54+炒滑蛋$10真係好大塊炸豬扒！而且同預想既一樣鮮嫩又juicy滑蛋係半熟狀態 好滑仲有蛋汁！✨沖繩豬軟骨飯(走葱)$56 少飯-$1豬軟骨好大舊炆到又淋又入味🥺佢吸收晒d醬汁 甜甜地用黎送飯一流呀！少左飯都份量十足 一個女仔食完全夠飽依間一定要有下次🥺🥺…查看更多

其實我聽過呢間餐廳好耐😂出名多人排隊，今日我同朋友6pm黎到，係我前面只有2個人排緊，但我入左去之後就開始多人排喇😂我叫左個炸豬排飯（肉燥），加$10滑蛋，豬排好大件，我鍾意個豬排唔太油，又juicy。滑蛋又係又厚又大份，送飯超正。D飯係珍珠米黎，好味朋友叫左個沖繩豬軟骨飯，好人性化可以少飯減1蚊減少浪費！雖然少左飯，但都係好大碗，除左有幾舊豬軟骨仲有蘿蔔同蓮藕。豬軟骨好大舊，炆到軟稔又入味，連骨都炆到淋晒有滿滿既骨膠原～醬汁甜甜地，d肉吸收晒d湯汁好濃郁，撈飯真係一流！另外叫左個小食麻辣魚蛋，唔係好炸架咋，超多蒜勁香！D醬汁夠晒麻，魚蛋又juicy, 我將淨返既炸蒜倒晒落個飯度，又幾好食！我終於明白點解呢間餐廳咁多人排隊，因為真係好抵食，大滿足！…查看更多

上次個fd話這間的炸豬排好正，所以約定等我黎試下，點知今早開始喉嚨發炎，好痛🙈咁唯有唔食炸豬排，試下其他野啦。由地鐵站過黎唔算難找，這條街都幾多野食，而今日可能係星期三，我地又6點到去到，所以唔多人排隊。Menu 簡單清晰，有埋圖片好好😛 對我這個選擇困難症的人來說有圖畫係有助我諗自己想食咩的。這裡店內不大，有一點繁忙，不過service都唔會催人也有效率。哈哈，平時食野都覺得內部裝潢好俾到人佢係一間咩feel既餐廳。看到這個牆壁用既藍色，淡綠和淡黃既木板，加一啲五六十年代既漫畫，都同佢quote既那句說話有種莫名的共鳴。食物方面，先是黎左兩個前菜。我本身好喜歡食大豆芽，佢這個加左麻油撈，係幾香的😋瑞士雞翼就無咩特別，正正常常咁，我平時都少食，所以唔知應該係點。但朋友就覺得佢個味淡左少少，唔算係一個好出色既瑞士汁，不過你當佢係普通一個雞翼就絕對okay的。😄我個沖繩豬軟骨飯！個豬軟骨好入味，個汁唔會太油，但好香，送飯好正，而且啲飯應該似係日本米😎我的最愛。我其實叫左少飯的，但唔知佢係少飯都咁多定唔記得少俾我🤣雖然好食，但我都係食唔曬啲飯🙈。大食既朋友不怕不夠食，因為加一蚊仲可以叫多飯。豬軟骨既肉質真係好好，好淋。朋友的話梅豬手麵，因為佢上次食過豬排，所以今次要試其他喎。個豬手有足夠骨膠原的感覺，個汁不會太咸，都食到話梅味，但個人認為個話梅味可以再重啲就會更特別。麵既質感都是有嚼口的👍🏻喉嚨痛既我叫左杯熱柑桔蜂蜜滋潤下😌係舒服點食左咁多又飲野，不用80一個人，都算抵食。下次好返一定要再黎試下個招牌炸豬排先得，我見到隔離枱既真係好大塊😳😆…查看更多

上網見到依間餐廳好受歡迎，唔係好貴，又幾近公司，就決定試下。佢開十二點，十一點十左右去到，已經有幾個人等緊位😋😋因為店內位置唔係好多，不過番枱都幾快，即使等位，應該唔使等好耐☺️☺️餐牌好似唔係好多選擇但樣樣都好吸引🤩🤩最後叫咗一個特製豬扒飯配咖哩汁同一個豬軟骨飯同一個魷魚鬚🦑餐廳好貼心，有得加錢要多飯或者減錢少飯👍👍唔會浪費。等咗五分鐘左右就有嘢食😋個豬扒好厚肉，完全唔會梅或者散，個咖哩係港式咖哩，好香，唔會太辣👍不過見到格離枱個肉燥汁都好像好好食，下次要點黎試下😂個沖繩豬軟骨飯好好吃，啲豬好香好淋，同個甜甜地嘅汁好夾，仲要好好送飯。仲要讚嘅係食落覺得佢兩個飯都用日本米，啲飯粒粒分明得黎，又唔會太濕或者太乾👍魷魚鬚炸得好香，加埋蒽同喼汁，唔錯👍跟餐加$5有可樂…查看更多

之前問朋友銅鑼灣有咩又抵又好食既餐廳，朋友推薦左炊豕店，親今次係銅鑼灣附近番工，決定收工黎試下有冇講到咁好食。我地係晚餐時間7:30到達，出邊大約有15個人排緊隊，等左大約15分鐘就有得入，今次試咗期間限定嘅黃金鹹蛋燕麥豬扒飯、沖繩豬軟骨飯同炸芝麻雞翼。黃金鹹蛋燕麥豬扒飯（$65）見係期間限定就試一試佢，冇諗過黃金鹹蛋+燕麥+豬扒意外地好食。豬扒厚度適中，唔會好鞋，櫻桃小嘴嘅女士都放到入口 。份量唔細，一男一女叫左少飯都夠飽。沖繩豬軟骨飯（$56）豬軟骨飯既汁送飯一流，入邊既蘿蔔同蓮藕炆得好入味，蘿蔔好淋身而蓮藕好爽脆，帶出強烈嘅對比感。芝麻雞翼（$26）雞翼外脆內嫩，但怕熱嘅朋友食果時就要小心啦，因為啱啱炸好既關係會比較熱，有機會辣親咀仔。跟餐可以加5蚊有飲品，叫左熱柚子蜜同可樂，豬扒+可樂簡直係perfect match。…查看更多

放工同兩友來到炊豕家一聚。這是其中一位友人推薦的，說一定要來一試。我們晚上七時到埗，屬黃金時間，需排隊等候。等了大概十分鐘便有座位。餐廳佈置復古，環境舒適，燈光柔和，適合三五知已談天說地。進店後，我們坐在bar檯，可以看著廚師用心制作美食的過程食物價錢親民，小食及飲品亦不貴！適合上班族及學生們友人點了豬軟骨飯。順帶一提，餐廳設有少飯減一選擇值得一讚，環保又實惠！我點了一個多叉粒滑蛋飯，配飲食很開胃！叉粒香甜，是瘦肉，加上爽口的豆角，不會肥膩。重點來了，我友人點了這餐廳最出名的炸豬排飯我嘗了一口，皮脆肉嫩。看圖也看得出豬排有多厚！滷水雞翼味道特別，八角味很清新，價錢不貴，喜歡雞翼的朋友一定要試試我十分喜歡這個魷魚鬚！十分香口彈牙很有風味總的來說，我會再次光臨…查看更多