The Farmhouse 咖啡廳

🇭🇰The Farmhouse 咖啡廳· 「春祭り」日式主題自助餐 $748/星期一至四 l $798/星期五至日我自己覺得呢個自助餐都幾有驚喜 係OpenRice上面訂位仲有55折‼️我自己都覺得佢啲熱食同甜品都做得幾出色 幾有驚喜😍😍·熱食 l 燉湯熱食嘅話佢嘅燒味超級高質 佢個叉燒肉質好好 油光勁靚🐷之後燒肉個肥瘦比例都好好 而且個皮超脆🤤燒鵝又係油脂好好🦢另外佢個日式section都好唔錯 佢個天婦羅炸皮超薄 而且啲材料都好新鮮🍤之後佢個照燒三文魚又係好好食 個汁好惹味 而且三文魚都好嫩🐟之後生薑燒豬肉都好食🐷中式嘢食我自己就最鍾意佢個辣酒煮花螺 佢呢一個勁入味 而且花螺好爽口 好好食🐚另外個蒸魚都好大條 不過呢個就要快啲夾 如果唔係佢會蒸到比較老🫢另外佢兩款湯都好有驚喜 佢個中湯係一個菜乾湯嚟嘅 飲落超級舒服 我哋飲咗兩碗🥰🥰之後佢個南瓜湯都超甜 超滑 又係唔錯🎃另外佢燒牛肉肉質都好好🐮反而佢拉麵嗰部份 我自己略嫌佢唔夠入味🍜·海鮮 l 壽司刺身 l 沙律 l 冷盤凍海鮮就正正常常🦐🦀刺身同壽司幾新鮮🍣另外沙律同埋冷盤選擇都好多 我尤其好鍾意佢有個南瓜沙律同埋萵筍沙律 呢兩個都

呢間buffet實在係一試成主顧🤭!因為佢都算係近年食過令我覺得好味嘅頭幾名🏆~呢度嘅熱食款式多,各種嘅咖喱同薄餅薄脆🥘,味道都好好~如果胃口夠大,佢嘅即炒意粉都好好食🍝~仲有即燒雞翼🐔,翠玉瓜之類~另外亦有魚蛋,餃子粉麵🍜~熱食當中,佢個三文魚扒係最好食🐟,肉質嫩滑~另一大亮點就係甜品部🍰,有我成日都念念不忘嘅聖安度蛋糕😍😍😍!佢係酥皮底,加上咗有云呢拿味嘅吉士,個頂係一粒泡芙,上面再有焦糖🍯~呢個甜品認真無得輸👍👍👍!可惜太多嘢食,本身想食多個都食唔落...另外個朱古力蛋糕都超濃郁🍫,仲有個焙茶卷蛋都好香🍵~今次嚟啲甜品又轉晒款,令我都幾驚喜~不過重中之重,絕對係佢個轉轉雪糕櫃🍦~咁多款雪糕,真係應該留啲時間試多幾款⏳~今次試咗上次食唔到嘅椰子味🥥,同埋冧酒提子🍇~兩款味道都好,但冧酒提子正啲~佢嘅海鮮冷盤唔算多,我覺得係最大失色位😔~海鮮方面只有大蝦🦐,青口同翡翠螺🦪,如果有埋蟹腳就好🦀~另外刺身方面好似只有三定四款,有三文魚吞拿魚同鯛魚,唔算好吸引~後面就係一啲appetizer,有各款芝士🧀,沙律之類🥗~呢間buffet正到我自己一條友都要去食~因為唔想掛住同人傾偈浪費咗時間

係好幾間酒店當中，揀左呢間北角既新酒店Hyatt Centric黎個暑假Staycation，貪Hyatt Centric夠新又夠平。$1,216包一晚海景客房（唔係最低級既房），The Farmhouse 自助早餐同自助午餐，算抵玩。不過唔知點解book完過幾日就減價。經過尋日超趕既自助午餐體驗之後，第二朝又係The Farmhouse 食自助早餐！限時一個鐘，無需預約可以walk-in。我地8:10到就基本上唔洗等，走個陣就見到一條超長人龍嚇死人！一齊睇下有咩食啦！一入門口就見到糕點麵包區，有個樣好吸引既甜甜圈，有四款口味，分別係紅色，粉紅色，朱古力，同朱古力加堅果碎。我食左個粉紅色同朱古力加堅果碎，味道唔算驚艷但係都合格，如果入面多d醬就更好。其他糕點麵包有牛角包，朱古力酥，芝士丹麥酥，吉士丹麥酥，藍莓鬆餅，牛油軟包，芝麻包，白麵包，麥包。我食左個吉士丹麥酥，入面又係唔夠吉士醬，酥皮都比唔上其他五星級酒店如香格里拉，港麗等。中式包有菠蘿包同雞尾包，不過賣相唔多吸引，味道好似ok。隔離有多士爐比你自己烘麵包。再隔離有花生醬，朱古力醬，果醬同牛油比你自助，不過就唔多衛生。糕點麵包區右

無諗過平日去食酒店Lunch Buffet都竟然9成Full！可能因為真係好抵，Hyatt Centric做緊$1080包一晚住宿及二人早午餐自助餐！午餐自助餐限在入住當日享用，食完Check in啱啱好。食物取餐區分開凍熱兩大區域，選擇非常豐富，食物質素亦相當唔錯！.冷盤區有個即叫即製凱撒沙律及藍芝士香梨火箭菜沙律，本身食自助餐好少食沙律，但望住師傅炮製就提高左我意慾食下菜。沙律旁邊有火腿，煙三文魚，麵包，芝士，醃製漬物等前菜小食，個煙三文魚正呀！日式有自助的冷麵及壽司，以及專人即切魚生刺身，我見到師傅處理原條大魚，感覺非常新鮮；而且師傅出手唔輕，一款給六片，唔駛行多轉，一次食到夠。凍海鮮雖然無長腳蟹，龍蝦或者生蠔等大眾最愛（兼最回本），只有凍蝦及青口，望落亦唔算大隻，不過我覺得可以接受。冷盤區除了前菜小食，還有飯後餐點及罐裝汽水任飲。水果有切件西瓜，蜜瓜，哈密瓜同菠蘿，件件都好大舊，菠蘿又甜又多汁，但蜜瓜就唔係好夠熟同甜。仲有原個蘋果，青蘋果，橙及布冧可供享用。甜品有十多款蛋糕選擇，其中有幾款應該係期間限定或是特別推介的。香檳燴梨啫喱幾香濃酒味，不過香檳同梨是分開的味道，唔係好夾；