大樹先生的家 (皇室堡)

近來香港越來越多親子餐廳，其中來自台灣的大樹先生都一直係經常爆滿非常難book,記得當年去台灣旅行本來都book左枱去玩，但最後因行程改動取消了，而香港荔枝角開業後亦一直未有機會幫襯，到而家先知原來銅鑼灣開咗分店！ ！（消息真係慢人幾拍）立即趁暑假期間，帶兩隻嘩鬼來玩一下！晚餐時段由6:30開始，我們準時排隊入座，小朋友見到玩樂設施已經非常興奮，一放低袋就衝去玩。餐廳有一半位置係玩樂區，九成九的遊樂設施都需要脫鞋進行，先脫鞋後噴消毒藥水洗手就可以入去。超大波波池當然是大樹先生的最大特色，據聞波波顏色仲會久不久轉（更加證明佢地會換波清潔），今期是浪漫的紫色大海。小朋友跳進波波池玩得興高采烈，還有滑梯增加趣味！波波池旁邊是有網陣，有幾個吊著的沙包供小朋友攬住玩。除此之外，還有很多其他玩意，積木類、煮飯仔類、畫畫類等，又有靚衫可以扮公主！仲好細心的設了一個2歲以下區域，以免bb被哥哥姐姐撞到。至於另外1%唔洗除鞋既區域係玩水的，小朋友要先穿保護衣防濕，然後就可以去「釣魚」。我諗好少親子餐廳肯玩水，而且佢地就寫明水質達食用級數，家長可以放心！餐廳都好注重衛生，有小朋友忘記除鞋衝左入遊戲區，職員亦立即抱佢出嚟，而用餐位置就必須穿鞋。:)心心和信信當然玩得好開心，我同老公更開心係可以放下佢地一陣享受一頓晚餐。別以為親子餐廳只着重玩樂啲食物就唔得，呢度都給我有點驚喜。我哋叫咗一個「照燒頂級銀雪魚配黑松露薯蓉」（ $328 ）、「慢煮特級牛柳伴鵝乾配黑松露醬燒肉汁」（套餐$316 ），另外叫咗兩個兒童餐，「大笑貓貓配煎魚柳」（ $158 ）以及「螃蟹寶寶配照燒雞扒」（ $158 ）。我個銀鱈魚相當好食，魚柳都大件，煎得香、魚肉柔嫩又滑溜，如果黑松露薯蓉有好香黑松露味，真正色香味俱全！老公叫嘅牛柳加鵝肝都好大塊，食咗一啖牛柳，肉質好腍，估唔到呢度啲扒咁好，真心驚喜！佢都有黑松露薯蓉，另外仲有少少時菜，所以份量比我嗰個大。佢亦upgrade變套餐，有埋沙律同湯，羅宋湯偏淡譚，可能就番小朋友口味，沙律有埋蟹籽味道幾好。兒童餐當然賣相好吸引，一份係螃蟹造型，另一份係貓貓造型，有主菜同湯同一份水果，味道都OK，相對健康。另外我哋都叫左四杯特飲，分別係草莓香蕉、紫薯鮮奶、蘋果菠蘿汁，同埋一壺熱嘅水果茶。特別想讚下個水果茶，果香味濃郁，打開壺蓋裏面見到有椰果、藍苺、蘋果、菠蘿、檸檬等，飲落去甜甜地又有茶味，而且好大壺可以飲好多杯，好味又好抵呢！其他特飲賣相好靚，味道全部都幾好，甜而不漏！除咗玩樂設施，基本親子餐廳設施包括BB櫈、BB餐具等當然一一齊全，廁所的廁格用親子廁板， 十分細心。餐廳內仲有一間房可以間開，相信係舉辦生日會用，不過現場見到大廳都有小朋友切蛋糕，唔知使唔使另外加切餅費呢？…Read More

久聞大樹先生的家的大名，不過一直都未有機會來，今次難得可以安排到，就同N妹妹一齊來玩下食下，在夏天暑假人多之前，先來玩一番。銅鑼灣的店交通位置方便，就在皇室堡樓上15樓，我第一次來到親子餐廳，原來裝修真係好和諧而且溫馨。小朋友仔來到一定會好開心，N妹妹就一入到來就興奮莫名。餐廳設有玩樂區同餐飲區，小朋友可以盡情地玩，6歲或以下收平日$59清潔費就可以玩，7歲以上就要點餐食野，大人也不用另收費，只需食野就可以，食物平均$180左右一個餐，價格比一般餐廳高一D，不過是包埋其中的所有玩樂設備呢。不同年齡的小朋友都可以有自己的天地，玩具種類多。食物方面都好可愛的，兒童餐有大笑貓貓配煎魚柳$158，N妹話唔捨得食我地另外點了黑松露野菌忌廉長通粉，雜菇照燒牛柳蒿麥冷麵及大樹先生招牌四季拼盤，每款都好精美，味道也好，我亦好欣賞餐具，好特別而且食物的設計、擺放都好別緻。感受到廚師的用心。…Read More