廚十三老壇酸菜魚 (海之戀商場)

週末和家人一行五人到荃灣西行街，之後第一次來到海之戀商場，發覺原來這裡有這麼多的食肆，而且全部都非常吸引。我們逛完整個商場後，都是想嚐嚐這間「廚十三·老壇酸菜魚」。家人想食中餐辣嘢，見到廚十三環境坐得舒服，又不會太狹窄，環觀整個海之戀商場都是覺得這間最好，那就當然要聽家人的話吧。廚十三最聞名的相信都是其酸菜魚，但除此之外，其實餐館都有很多小菜選擇，有辣有唔辣，有川式及其他中式小炒。家人對於許多的菜式選擇都感到非常滿意，家庭聚餐理是一流。⍜ 1. 酸菜魚來得廚十三，當然第一樣點的食物就是酸菜魚。見到餐牌上寫着益脾胃，補腦健腦，可以喝湯的酸菜魚，證明其湯底並不是用濃縮味精調製而成，食都食得健康一點。店員還跟我們介紹說大廚是真的來自四川，所以菜式的做法和味道都還原到川菜風味。大廚用上鱸魚片、小藥酸菜及魚骨湯來炮製這道酸菜魚。果然，廚十三的魚塊非常滑溜，入口即溶而且沒有過多魚骨，配合入面香濃惹味的酸菜魚湯，用來送飯就一流。⍜ 2. 毛血旺除了酸菜魚之外，川菜另一道出名的就是毛血旺。我們點了後才怕毛血旺會過於辛辣，但好彩其辣度是剛剛好，適合香港人食辣的程度。毛血旺入面就有鴨血、鴨腸、午餐肉、芽菜等等材料，就像一個迷你小火鍋一樣。材料份量非常充足，愈食更會愈上癮。⍜ 3. 菠蘿咕嚕肉食了這麼多辣野，當然要食一些其他口味吧。甜酸味道好像可能解一下辣，那就不如嚐嚐這裡的菠蘿咕嚕肉。如果你以為四川師傅不懂得怎樣炮製咕嚕肉，那真的是井底之蛙，實在估不到廚十三的咕嚕肉會如此細嫩，皮脆肉滑，這道菜絕對是一個驚喜之作。店員還告訴我們，四川師傅是特意將咕嚕肉切得細返一點，所以食落的口感更加舒服。我們都極度推薦這裏的菠蘿咕嚕肉。⍜ 4. 粉蒸肉這道粉蒸肉的口感非常特別，食落感覺好像肉餅似的，軟淋淋非常滑溜。原來粉蒸肉是利用糯米混上五花肉，再加上花椒等等調味料秘製而成，非常滋味，用想送飯一流。⍜ 5. 紅燒牛肉牛肉質感同樣非常滑溜，絲毫都沒有鞋口的感覺，而且又不算太辣。份量十足，絕對足夠3-4人食用。和家人食飯，廚十三老壇酸菜魚坐得舒服又好味，家人對此讚不絕口。…查看更多

趁住天氣仲係涼涼地，小妹係未到夏天之前帶住屋企人去過一過辣癮。知道近年興起食酸菜魚，經朋友介紹近近地喺荃灣西鐵站上蓋海之戀商場就帶屋企人黎試下順便周圍行下。一坐低見到餐牌就俾個招牌酸菜魚吸引住。果然冇失望，一嚟到望見已經覺得好有驚喜，超級大份，屋企人都超級興奮。果然就係好似佢個招牌一樣一條離不開酸菜的魚，湯底熱辣辣非常惹味，叫左個小辣酸度同辣度啱啱好，魚片無骨又夠滑，真係食過返尋味。叫了酸菜魚之外，覺得未夠辣再加個毛血旺試下。鍾意食牛柏葉，豬肚，豬腸，豬紅呢啲內臟就必叫，食食下竟然比我發現仲有最愛既午餐肉，所有配料索晒啲辣汁仲有蒜蓉同芫荽越食越開胃。因為我哋五個人，另外再叫了三個小菜。分別係菠蘿咕嚕肉，粉蒸肉，紅燒牛肉。重點係要講下個咕嚕肉，平平無奇嘅菠蘿咕嚕肉，佢可以做到非常鬆化入口即溶，比起傳統酒樓還要出色，非常之有驚喜，屋企人都食到舔舔脷。見到個粉蒸肉幾特別，屋企人又未試過同比較少餐廳有得叫黎食，果然真係幾特別，下面用了紅薯做底，上面係豬肉加用米組成既粉搓成，非常飽肚。最後嘅紅燒牛肉都無失望，牛味非常重，炆得夠淋又入味，非常好送飯。所以每人叫了一碗白飯，飯竟然係用了珍珠米。總結，除咗招牌老壇酸菜魚必叫之外，其他小菜都好有驚喜，朋友果然無介紹錯，屋企人都食得非常開心。…查看更多