粉紅水門雞 (中海日升中心)

今日行開觀塘工廈行街，路過順路過來食人氣十足的水門雞飯。論價錢相當經濟，食物方面貴精不貴多，味道唔錯，ＣＰ值相當高，唔怪得人氣咁旺。青木瓜沙律 $12份量唔多作為前菜都可以，青木瓜絲爽口入味，味道酸辣開胃。酸酸辣辣鳳爪 $18無骨鳳爪有幾隻，同樣好入味，都是泰式酸辣味道，仲有不少洋蔥。粉紅水門雞飯 $36雞肉嫩滑去左骨，食起上來啖啖肉，配以雞油飯香口美味，飯量唔少，飯粒粒分明乾身唔油膩好食。仲有兩種醬汁可醮，味道酸酸辣辣。正宗滷水豬手飯 $ 36豬手好淋好入味，一點也不肥膩，滷水汁甜甜地，撈飯食一流，仲有醃菜和流心蛋，正呀～芒果糯米飯 $18糯米飯少有的黑白雙色，兩種口感煙韌軟熟，配上清甜的芒果加上椰汁，作為甜品的確唔錯。凍香茅檸檬薏米水 $12 飲品健康之選，消暑清熱又可去濕去水腫，清清地飲啖幾舒服。陳年柑桔蜜 $12柑桔果味芳香，飲落酸甜開胃幾好。…查看更多

新水門雞飯@觀塘 新開嘅粉紅水門雞飯裝修企理，價錢仲好親民𠻹。店員見我哋喺出面頭岳岳，好快就招我哋入去坐，招呼幾爽手～叫咗最多人揀嘅雞飯同豬手飯，睇落認真唔錯，跟兩個唔同嘅汁。水門雞飯份量夠哂足，呢個價錢真係 CP 值高！雞肉非常嫩滑無骨，啖啖肉，最緊要嗰個泰式醬汁亦都酸酸辣辣開胃惹味。而且油飯嘅口感好輕盈，香得嚟唔滯，成碟都食得哂。滷水深色，豬手滷得好入味，切開一條條方便食得多。豬皮有彈性唔韌，好有骨膠原咁。咸酸菜醃得爽脆，係配菜但係畫龍點睛～個飯重有一個溫泉蛋，豐富到一個點，同埋真係好食。依度無套餐嘅，飲品另外點，不過加埋都唔過 $50。冷泡茶都係 $12，汽水就再平啲係 $8。薏米水有淺淺嘅香茅味，有泰式風味之餘唔太嗆鼻幾好。沙律比我想像中 spicy，食落原來都唔少，青木瓜絲食極都有，哈哈！另外混咗車厘茄同花生，無咁單調。芒果超甜啊，大大塊鋪滿㗎。糯米飯軟糯有香濃椰香，整個芒果糯米飯好好味，都只係 $18 咋。…查看更多

喺中海日升中心呢一度，餐廳唔多，但就比我搵到間幾好食嘅泰國餐廳突然想食水門雞，見呢度嘅食物一啲都唔貴， 就入去試吓喇內在環境非常闊落想食乜嘢自己填先來兩支冷泡白桃烏龍茶，其實唔係真係好凍， 應該係話涼涼地先啱呢個茶非常推薦！好重好香嘅花香味，夏天飲好解渴好舒服😌跟住就嚟水門雞飯，用嘅係即棄碟，同即棄餐具。非常衛生雞肉非常軟滑，醬汁亦都好夾，小辣滷水豬手飯亦都係一樣，皮同肉之間嘅膠質好重，醬汁亦都好濃青木瓜沙律🥗到！用料好新鮮，小辣。唔係太食得辣嘅人都會接受到最後既甜品 芒果糯米飯呢個亦都係非常推薦。暖暖地，甜得來有啲鹹味，好香嘅椰漿。芒果非常新鮮整體來講呢餐飯好開胃，夏天嘅時候冇咩胃口最好就係過嚟呢一度食，前菜、主菜、嘢飲同甜品加埋都係幾十蚊，仲要咁嘅質素，超級抵食！…查看更多

今日約左朋友去觀塘行街, 行之前當然要食飽飽啦。聽朋友講話海日升中心開左間新的泰國餐廳, 於是我地就一齊去嚐鮮。當我地行到門口望到個餐牌既時候, 我覺得好surprise, 因為一個主菜只要$36 !!! 點解可以咁平? 😂😂😂 我平時番工係銅鑼灣食lunch平極都要$80 - $100… 如果公司係觀塘真係可以慳到唔少飯錢。💸💸💸餐廳入面都幾乾淨整齊, 座位與座位之間都有足夠的活動空間, 呢個安排係疫情期間尤其重要。另外, 我幾中意近牆身位置掛既一排吊燈, 幾特別。青木瓜沙律 ($12) + 芒果糯米飯 ($18)天氣咁熱, 一黎到就一定要叫個青木瓜沙律俾自己refresh一下。木瓜絲好多好爽口, 雖然我唔係好食得辣, 但呢碟青木瓜沙律只係少少酸辣, 更多既係惹味&香。而且我懷疑中間既醬汁入面有少少炒香左既小蝦米🦐, 好好食!而芒果糯米飯上枱嘅時候仲係熱辣辣, 係咁熱既天氣下, 真係要攤一攤先食到 😂 一開頭望落去覺得D芒果好似蕃薯咁, 感覺又乾又硬, 但食落又OK喎😋 芒果雖然有少少硬, 但好甜。呢個甜品除左落糯米之外, 原來仲有黑糯米, 另外佢地落左幾多椰漿, 所以D飯好糯好軟身, 口感幾好。粉紅水門雞飯 ($36)我本身以為$36的餐, 份量應該會按比例縮小, 點知都係大大份, 性價比高到爆! 雞件本身已經去左骨, 所以食落好方便。另外, 雞肉肉質鮮嫩幼滑, 而且啖啖肉, 加埋個酸酸辣辣的醬汁, 增添惹味, 認真唔錯。油飯呈淡黃色, 雖然唔係太重油香味, 但食落感覺無咁油膩, 無咁大罪惡感🤪正宗滷水豬手飯 ($36)朋友叫左呢個飯, 除左有滷水豬手之外, 仲有酸菜同蛋。我試左一舊豬手, 味道都幾入味幾香濃, 而且唔太肥。肉質咬落去有少少偏硬, 但唔會鞋。我同朋友各叫左一款凍飲, 凍陳年金橘蜜 ($12) 同埋冷泡白桃烏龍 ($12)。以份量黎講, 我覺得後者既性價比更高。但其實我地食到飽一飽, 埋單都係每人$63, 真係好鬼抵!…查看更多