蘇媽.蘇媽馬來西亞茶餐室

豬腳彎肉骨茶：食馬來西亞野必叫既肉骨茶！鍾意佢有獨特既藥材味。今次呢款仲可以揀唔同部位既肉，不過我地唔識啲部位既名，所以求其揀左呢款🤣原來係編多肥肉。而且無且無限舉手添招牌沙煲老鼠粉（走蔥）：老鼠粉好似廣東人食既銀針粉，配料豐富，同加太陽蛋撈埋一齊👍🏽👍🏽果然係招牌推介！椰漿飯配咖喱雞肉：咖哩份量都幾多，仲有配少少魚乾仔同仲係脆既蝦片，好香口！美綠恐龍：非常多粉、非常濃味…查看更多

裝潢滿滿懷舊味道，牆上壁畫 室內佈置是走馬來風座位乾淨闊落 坐得舒服，場地頗大 夜晚未到七點已經滿座，好彩早少少到🤭店員姐姐好好人 細心的介紹新菜式🔸高佬麵配仁當牛肉 $72高佬麵其實係馬來西亞特色哥羅麵，曲曲地既外表 同公仔麵有啲似 入口彈牙 好適合乾拌食，表面淋左微微辣偏甜+少少麻油香的醬汁，牛肉煮得好腍 香料入晒味 啖啖肉惹味🔸椰香咖央多士 $42多士烤得金黃香脆，咖央醬比例好好，椰香同斑蘭味兩者又出又平衡 再配合半溶牛油，口感味道都一流🔸椰汁班蘭冰 $38估唔到斑蘭味會咁香濃，厚滑的椰汁冰 滿足度及得上食甜品*不設+1服務費…查看更多

今日去咗蘇媽.蘇媽馬來西亞茶餐廳食嘢,佢喺香港嘅分店愈嚟愈多,都知佢呢個價錢嚟講質素真係有驚喜！首先試咗佢嘅檳城白咖哩海鮮麵($68）,其實海鮮料好足,有大隻鮮甜嘅蝦同青口,彈牙嘅魚蛋,配搭上香濃醇厚嘅白咖哩醬汁,麵條質地’彈牙‘,好吸收咖哩嘅味道。另外試咗佢嘅椰香咖央多士($42),外脆內軟,椰香味加上咖央嘅香濃鮮味,難怪深受食客歡迎,。再嚟係蒜香青龍菜($78),今次係我第一次食青龍菜,而呢個菜式嘅特別之處在於它保留咗青龍菜原有嘅嬌嫩脆口感,同時加入咗蒜香,為呢道菜增添咗一股清新爽口的味道,真係令人大開胃口。食完青龍菜後,我又試咗兩隻蜜糖燒雞翼($48),出乎意料嘅是,雞翼皮脆肉嫩,蜜糖醬汁將雞肉醃得啱啱好,唔會過於甜膩,反而非常好入口。最後,我飲咗佢嘅檸檬薏米水($30),酸酸甜甜好開胃,解膩又清新,再嚟係新出品嘅白咖啡蛋糕($39),呢個蛋糕質感非常好,綿密濕潤,唔會過於乾澀,咖啡味恰到好處,無諗過連鎖茶餐廳會做到呢個質素嘅甜品。蘇媽蘇媽呢度嘅菜式都好好味,用心烹調,價錢抵得嚟品質非常出色,不愧為香港人氣十足的馬來西亞茶餐廳。…查看更多

呢排心思思好想飲肉骨茶 又未得閒飛住喎就決定去試試 一直都好出名既蘇媽蘇媽啦～呢到既環境好光猛 好闊落餐廳樓底好高 所以感覺空間感好充足就算星期五晚繁忙時間黎食 都唔覺得好逼夾🐷豬腳彎肉骨茶呢到既肉骨茶係偏向藥材味比較重既個一款但一啲都唔會好難入口 淡淡既藥材香味配合埋好濃郁既肉湯 熱辣辣 飲落去好舒服飲哂啲肉骨茶唔夠喉 仲可以添 唔怕唔夠喉今次嗌左豬腳彎 每一舊都啖啖肉 好滿足飲哂成碗肉骨茶之後 發覺個嘴有黏黏地既感覺係充滿骨膠原既感覺 證明真係好足料😋🫓黑椒炒蜆配薄餅呢一碟炒蜆絕對係今晚最有驚喜既一碟餸🥺一上枱 熱辣辣 出晒煙 非常之新鮮啲蜆每一隻都好肥嘟嘟 脹卜卜食落絕對冇成口沙既情況 仲要每一粒都好甜🤭個黑椒醬汁 調得非常之惹味 辣辣地同時又唔會搶哂蜆既鮮甜味 冇得頂食薄餅嘅時候 點一點啲黑椒汁 夾埋粒肥嘟嘟嘅蜆肉 一啖放哂入口無 得 輸 啊 啊 啊😋🍢馬拉沙嗲串燒（3串）今次嗌左雞肉牛肉豬肉各一串串燒調味岩岩好 非常之入味😋串燒亦都唔會燒得好乾 仲會保留到肉汁沙嗲醬仲好惹味 小食黎講最好不過🥥椰香咖央多士呢個唔洗多講 有得咖央點會唔正呢度既咖央醬比得非常之足 咬落到好香椰味多士亦烘得非常脆身 入口仲要熱辣辣一個人食哂成碟都一定冇問題啊🤪🐷豬腳彎肉骨茶 $88🫓黑椒炒蜆配薄餅 $158🍢馬拉沙嗲串燒（3串） $48🍞椰香咖央多士 $42📍蘇媽·蘇媽馬來西亞茶餐室旺角上海街618號地下G01號舖…查看更多

呢個餐廳一直想食好耐,今日見唔係好多人排隊,就入去食😍海南鴛鴦燒麵包麵包烘得脆口,麵包裏面夾滿牛油同咖央醬,呢款麵包味道較甜椰香咖央多士多士烘得香脆,椰香味好濃,裏面夾滿咖央醬,好邪惡😋…查看更多

說起馬來西亞菜，近年都幾喜歡蘇媽.蘇媽， 人氣旺當然有個人之處。今次到旺角分店， 店內滿滿的懷舊氣息，可用 QR Code📲落單， 方便快捷。午餐🥢 ～ 怡保雞絲湯河粉(滲滲) $62、 高佬麵配雞扒$72、 椰香咖央多士$35、凍馬來西亞拉茶$22。    🔹高佬麵配雞扒🍝 ～ 撈麵夠惹味， 將蛋🍳撈起來一起吃，口感更加昇華，有超大件雞扒、青瓜、花生和魚仔乾， 配合得很好。 🔹怡保雞絲湯河粉(滲滲)🍜 ～ 每次來都吃比較重口味的麵， 今次點一個清湯來嚐一嚐， 我轉了滲滲， 因為喜歡有兩款麵， 湯底清清地又不錯喎， 有大量雞絲， 還有爽甜的蝦，好味。 🔹椰香咖央多士🍞 ～ 咖央多士絕對是必食， 香脆的多士，配上濃濃的咖央， 推介。 🔹凍馬來西亞拉茶🥤 ～ 馬來西亞拉茶甜甜的味道， 配上一件咖央多士， 大滿足呀！ 喜歡吃馬來西亞菜的一定要試下蘇媽.蘇媽， 誠意推介🙌🏻。🏷️溫馨提示～ 整個用餐體驗均屬個人分享意見， 只作參考😊。 …查看更多

今晚在旺角和太太食晚飯，天氣酷熱口淡淡，都吃點味濃的菜式，太太提議來這家蘇媽.蘇媽馬來西亞茶餐室，就來試試水準。餐廳環境以懷舊馬來西亞風格為主題，有不少特色的打卡點，平日晚市亦全院滿座，記得要早一點到。餐廳以傳統正宗的馬來西亞菜式為主打，有各款肉骨茶、主食、前菜、小食、甜品及飲品都有。三層肉 $58先點一客三層肉肉骨茶，肉骨茶可以無限任添，一呷先是濃香的藥材香氣，之後湯底的甘香漸漸浮出，三層肉肥瘦相間的腩肉酥香腴美，芳縈齒頰。椰香咖央多士 $35咖央多士一客四件，外層烘得香脆，中間塗滿厚厚的咖央醬，味道清香甜美，純粹天然椰香，十分美味。峇拉煎炸雞翼 $52炸雞翼外層焦香酥脆而內裡嫩滑，雞肉肉質軟嫩不乾澀，最令人有驚喜是一旁的峇拉煎，即是馬拉盏，辛香微辣，令人吃完一口又一口，十分惹味。招牌砂煲老鼠粉 $92叫了一客招牌的砂煲老鼠粉，侍者原個砂煲熱辣辣的送上枱，一打香氣撲鼻，趁熱將雞蛋、肉碎、魚乾等佐料一同拌勻，一匙入口，醬香鑊氣俱全，老鼠粉粒粒飽滿有嚼勁，加上不同配料的味道，每一口都有口味口感不一的驚喜。 檳城福建蝦麵 $66一呷湯底就知道味道一定有保證，湯底顏色深濃赤紅，鮮蝦精華味道突出，而湯底鮮味與辛香辣味互相陪襯，而配料份量亦十分慷慨，有鮮蝦、魚片、腩肉，令人不禁吃了一口又一口。桔仔話梅冰 跟餐$28/馬來西亞拉茶 跟餐$19最後點了兩杯馬來西亞特式飲品，桔仔話梅冰一吸頓然遍體生涼，口味酸爽，有暑氣全消的妙趣，而馬來西亞拉茶茶香奶滑，上面的奶泡更是有趣。…查看更多

試左旺角蘇媽，深水埗分店就食得多，但旺角分店就第一次試，環境寬敞，坐得舒服，看完戲就去隔離街享受下午茶 檳城福建蝦麵嘩，超香，餸菜又多，油麵吸收湯汁，非常好食椰香咖央多士 濃郁椰香味，咬落多士，發出脆脆的聲響，超級酥脆，好好味拉茶這個奶茶已配上糖，甜度可以接受，可能拉茶衝擊，起泡上檯環境超舒服，侍應都好快手，一個清檯一個擺檯…查看更多

📍旺角 《蘇媽蘇媽》#正宗馬來西亞菜椰香咖央多士 $32.咖央份量多，椰香味都濃，多士香脆，但上枱已經唔熱微暖，如果熱辣辣應該仲好味🤪檳城亞參叻沙米線 $58.一食入口就覺得好辣，係會辣到標晒眼水鼻水個種，同平時食開既新加坡叻沙風格唔同，佢配料淨係得洋蔥、青瓜、椰菜絲、魚蓉等，食肉獸表示有啲寡，唔係好食得慣🤣三層肉肉骨茶 $56.馬來西亞最出名當然係肉骨茶🍖，店員會即場倒湯俾你，冒哂煙溫度岩岩好，飲落有藥材味，但唔會太濃味蓋過湯既鮮甜。豬肉食落口都好淋，唔會覺得肥膩。桔仔話梅水 $25.桔味好重 酸酸地好清涼開胃嘅感覺，消滯解渴一流⛄️💦味道：6/10性價比： 7/10…查看更多

好快已經encore第二次 不過今次得兩個人無食得咁多，因為份量真係非常足上次食過老鼠粉同咖央多好正，今次一定要encore 多士都係一樣咁香脆甜蜜，熱辣辣好好味今次呢間既老鼠粉就比較鹹，可能醬油落重手左。同埋好似食到豬油渣 好香口！兩個人食每人都有三四碗，好飽足今次肉骨茶叫左大雜錦，有三層肉、棒棒骨、豬肚、豆卜、金菇，非常豐富仲有響鈴同埋油炸鬼浸落肉骨茶度食，唔駛叫白飯都夠哂飽 今次肉骨茶添左兩碗，店員用鐵壺倒俾我地，所以每次都好夠熱。留意返叫邊種肉骨茶都好，店員都會比人頭份量既碗倒肉骨茶俾我地，真心抵旺角呢間因為係上海街618號既活化大廈度，即使係地舖，都好有風味。門口既圓拱門已經好有馬拉既感覺，加埋掛滿紅燈籠、書法、仲有油畫同閣樓，又靚坐得又舒服走果陣仲忍唔住買幾粒抹茶榴槤糯米糍返屋企-招牌砂煲老鼠粉🐭($92)椰香咖央多士🍞($35)肉骨茶大雜錦🍲($148)-蘇媽.蘇媽馬來西亞茶餐室深水埗基隆街251號地舖1130-2130旺角上海街618號地下G01號舖Sun-Thur 1200-2130, Fri-Sat 1200-2200尖沙咀加連威老道10號加威中心地下（The One側）1200-2200荃灣大壩街63-65、71號地舖（荃灣廣場側）1200-2030銅鑼灣謝斐道483-499號新城大廈地舖Sun-Thur 1200-2130, Fri-Sat 1200-2200沙田新城市廣場一期地舖coming soon😍…查看更多

今日同啊媽出去旺角行街，近排堂食放寬返小小，可以坐多個人，一齊食開心啲。媽咪好想食蘇媽好耐，難得出到黎，最緊要唔係好多人排隊，咁就帶啊媽去食好西！大雜錦肉骨茶 $148啊媽第一次食，所以唔好諗點介紹，大雜錦咩都有！最鐘意蘇媽蘇媽嘅肉骨茶，夠重藥材味，又有啖啖肉味嘅鮮甜，仲可以Refill多幾碗淨湯砂煲老鼠粉 $88呢個都係招牌菜之一，所以一定要叫一鍋比媽咪試下，真心好食到不得了，又大份。本身諗住叫多一鍋外賣比老豆，不過諗諗下都係堂食熱辣辣食有feel啲。椰香咖央多士 $32呢個多士唔洗多講啦，必食！椰香味重，咖央好正，仲要熱辣辣，一開四，大家都爭食。檳城香炸滷肉卷 2件 $56炸滷肉卷相比起其他就冇咁大驚喜，反而顯得肥膩感重啲同埋食落好膩。Overall黎講，蘇媽蘇媽成日都咁多人排隊真係有原因，同埋肉骨茶係無限添飲，仲要真係好好飲，唔係流！…查看更多

終於有返晚市堂食~即約出來食個晚飯，即睇下自己BM過嘅餐廳，見到蘇媽.蘇媽，主打馬來菜式，想去好耐，而加有唔少分店，即去。假日的7點多去到唔算太多人，可能因為落大雨又凍之下少人出街。店面好有氣勢，內堂頗大，樓底高，設計上有點似舊香港，牆上的壁畫，像是馬拉街頭壁畫之感。餐牌，都幾多選擇，一場來到，試下人氣之選。枱上有張肉骨茶4部曲可參考及調醬料方法。一坐底，即有肉骨茶奉上，冷雨夜之下飲感覺十分暖身，實在太窩心了~肉骨茶，有濃厚的藥材香味，仲可以添飲，好抵。椰汁班蘭冰，$36，清香之感。椰香咖央多士，$32，咖央份量多，椰香味濃，多士香脆，不俗。百吉爹肉骨茶-大雜錦，$148。好大鍋材料十足好多肉，有豬手、豬肚、雞腳、豆卜、金菇、響鈴及油炸鬼等，十分豐富，肉骨茶味道濃郁，豬手軟腍，豬肚爽滑，肉質鬆軟，沾醬食更佳，實在太有份量，兩個女子食差點食唔晒呢。辣死你媽配仁噹牛肉，$62，辣死你媽(諧音)(Nasi Lemak)，即係椰漿飯，配料有參巴醬、青瓜、花生、乾魚仔及蛋等，班蘭色的椰漿飯好搶眼，椰奶味唔算好濃，淡淡的班蘭香，仁噹牛肉口感軟嫩，味道濃郁，香料味重。食物味道正常水準，肉骨茶正呀~坐得幾舒服，服務態度幾好，良心店子，值得一去。…查看更多

📍旺角 蘇媽·蘇媽鼎鼎大名嘅蘇媽相信無人不曉，13:00去到有好多人排隊，但翻枱速度快唔使等好耐。餐廳裝修好有特色，掛咗好多大燈籠🏮仲有牆身嘅壁畫同瓷磚地板，充滿南洋風情。𓇠 椰香咖央多士 $28 𓇠有4塊，多士烘到好脆，中間夾滿咖央醬，重椰漿同蛋黃味，又唔會太甜，推介👍🏻𓇠 辣死你嗎配仁噹牛肉 $58 𓇠賣相幾好，飯係班蘭綠色，但食唔到椰漿味，有啲失望🤦🏻‍♀️參巴醬汁濃，有少少辣，但未至於「辣死阿媽」🤣牛肉好淋唔韌，蝦片脆，加埋魚乾同花生好惹味🥜𓇠 檳城白咖喱麵 $55 𓇠原本白咖喱係唔辣，重椰香，但撈勻參巴醬就變成成碗紅色，辣過個飯🌶佢預設係油麵，麵質彈牙🍜另可配滲滲/米粉/ 米線/河粉/老鼠粉/米通粉。配菜豐富，有豬紅、芽菜、魚蛋、蝦仁、豆角同雞蛋🥚𓇠 馬來西亞拉茶 $16 𓇠拉茶係奶茶嘅其中一款，都係用紅茶、奶同砂糖沖成，味道同奶茶相似☕️ 因為用兩個杯倒嚟倒去，喺「拉」嘅過程會起泡。味道方面，個人認為甜咗少少，但飲落口感順滑。〰️總結：食物味道普通，份量正常，同價錢成正比，最推介係椰香咖央多士，拉茶都可以一試👍🏻▪️類別：#yinkifoodie_ 🇲🇾 #yinkifoodie_noodles 🔺味道：3.5/5🔹服務：3.5/5🔸環境：4/5 …查看更多

蘇媽 蘇媽 馬來西亞茶餐室 👩🏻呢間舖由佢啱啱開舖嘅時候到而家都仲耐唔耐幫趁下 因為佢嗰咖央多真係好好味😽|椰香咖央多士|💰32| ✏️ 9/10 |佢呢個醬係出色👍🏻每次去都一定會點 之前試過海南鴛鴦燒麵包 但覺得牛油太多有啲膩 所以覺得呢款啱啱好😍| 百吉爹肉骨茶(豬肚)|💰52| ✏️ 8/10 |每次叫任何肉骨茶嘅產品都會比兩個碗你任飲佢個湯🥣放豬肚嗰碗湯係會比一般任飲嘅湯濃 所以記得要兩邊都試吓🤩肉骨茶入面啲餸唔會話好𣺉 所以整體都唔錯🤪|辣死你嗎配仁噹牛肉|💰62| ✏️ 7/10 |當日食佢有埋牛根係入面 啲牛唔算韌 本身個椰漿飯唔算太出椰味🥥但個飯撈埋啲配料(花生魚仔同個醬)個口感唔同晒😋|桔仔話梅水|💰25(跟餐價)| ✏️ 6/10 |桔味好重 酸酸地好清涼嘅感覺 好啱食完多士大大啖飲落肚 好爽😳後話🥸如果多人嘅話可以叫下佢個招牌砂煲老鼠粉share 都唔錯㗎😽回頭率🗿🗿🗿🗿🗿(5分滿分)📍旺角上海街618號地下G01號舖⭐️📍深水埗基隆街251號地下📍荃灣大壩街71號地舖📍銅鑼灣謝斐道483-499號新城大廈地舖📍尖沙咀加連威老道10號加威中心地下#HeaJuEat旺角 #HeaJuEat深水埗 #HeaJuEat荃灣 #HeaJuEat銅鑼灣 #HeaJuEat尖沙咀 #旺角美食 #深水埗美食 #荃灣美食 #銅鑼灣美食 #尖沙咀美食 #hkfoodie #foodpornshare #hkig #香港美食 …查看更多

平日返工咁沉悶，都想搵返啲民間小食過下癮。今日黎左呢間又開新分店紅到不得了既東南亞餐廳食lunch 過下口癮。因為黎到發覺餐牌既食實在太吸引，可惜胃容量好有限，所以其實我係專登分開兩次黎食，試完先寫食評🤣🤣先講野飲，美祿恐龍:相信十個有八個黎得嘅都忍唔住會叫呢杯邪惡嘅飲品🤣確實又真係好好飲。本身美祿同奶都沖得好濃，加埋厚厚既美祿粉，真係想唔好飲都難🤣啖啖朱古力味~唯一係如果唔鍾意咁甜嘅人，可能就會嫌佢太甜。不過我自己好OK😂人哋都落到咁足料你仲怕咩肥🤪椰香咖央多士: 中意食咖央醬，偏甜口味同唔中意鮮牛油既朋友仔可以食呢個~咖央多士算係standard菜式黎，比出面食既麵包烤得算好脆。不過我個人都係比較推介另外一款😂如果你有quota又唔介意食鮮牛油的話，一定係食下面果款先夠過癮。海南鴛鴦燒麵包: 呢個多士我真係黎兩次都食足兩次😂實在太好食。麵包啡色係因為係焦糖麵包，聽聞係每日空運到港的。而且麵包係烤到勁脆，脆到分唔出邊度係麵包皮同麵包肉，果然加左焦糖既麵包烤出黎係特別啲。另外呢款多士咖央醬相對冇咁多，所以會冇咁甜，但佢就多左塊厚鮮油。而味道有幾好食就真係唔洗講😂又脆又香，濃濃既脂肪味同咖央醬既甜味溝埋，食每一啖都係天堂~真係要放低手機食，好好感受呢個味道😍🤩呢個真係絕對次次黎都要食！魚仔蘿蔔糕: 蘿蔔糕份量都唔少，而且煎出黎超級熱，所以食既時候要小心燙親。蘿蔔糕本身都好幼滑同淋身，出面煎到有少少焦脆。但重點係個魚仔醬好香。味道有啲似XO醬，但咸香味更加出，而且都有啲辣。呢道小食真係好有東南亞feel，夠哂exotic同惹味，不過都有啲咸，中意重口味既人士一定要叫！怡保雞絲湯貴叼: 呢個雞湯貴叼真係建議大家唔使試。因為真係超級淡口味😂雖然雞絲都幾彈牙，但係湯底真係好清。雖然係有特別嘅清湯味，不過個feel真係好似病人餐咁😂黎得食東南亞菜就唔好食嘅個🥲檳城福建蝦麵: 身為一個鍾意蝦膏湯底嘅人士，點可以唔試呢個油面! 果然冇令我失望，蝦湯味非常之香濃，有少許辣味，夾埋油麵食超級正。上面仲有半隻蛋一隻蝦同埋兩塊魚片，兩塊豬腩肉，加埋芽菜同通菜，同埋炸蒜頭，香到不得了！呢個麵值得encore！招牌砂煲老鼠粉: 呢個粉其實係豉油王銀針粉，上面有肉鬆，銀魚仔，蛋，炸蒜等等。可以揀生蛋或者熟蛋。上菜既時候超級熱辣辣，出哂煙。味道方面就中規中矩，食唔出特別香or惹味。不過勝在份量夠大份，兩個人食勁飽。總括而言蘇媽整體食物質數都唔錯，冇中伏但又唔係道道菜都好驚艷。裝修好復古懷舊，坐得唔算超逼，上菜都幾快。雖然冇一食哂野就俾佢收碟趕走，不過呢啲餐廳仔都唔係適合久坐。價錢方面都係大概100鬆啲一位，對我黎講係屬於回頭率都係高既餐。希望佢會開多幾間分店！Price: (Lunch ~$120/pax.)…查看更多