越一越南牛肉粉專門店

好似飛咗去越南嘅下午茶☕️✈️🇻🇳元宵節同朋友去黃大仙廟市集附近玩，之後我哋就揀咗間餐廳🍴坐低慢慢傾下計聚下舊。啱啱好，我哋去嘅時候係下午茶時間，可以加錢換小食同埋飲品。北寧香茅雞翼湯河 $45 （我哋揀咗金邊粉）始終都係有少少凍嘅天氣，所以食一啲有湯嘅嘢都幾好。香茅雞翼有三件，煎得好惹味！老街香茅豬頸肉飯 $48豬頸肉薄薄地，有燒烤嘅感覺。比想像中嘅口感柔軟。整體嘅呢度菜式都幾好食。佢跟餐餸一碗冬瓜湯，趁熱飲！下午茶升級優惠，我哋每個餐，分別都加配一份小食。牛肉青木瓜沙律 $28青木瓜酸酸甜甜，連埋啲牛肉好好食！西貢扎肉蒸粉包（半份） $18推薦呢一個小食，外層有少少粉果嘅感覺，成個扎肉基本上一口就已經可以品嚐，啖啖扎肉嘅滋味，令我想起去越南旅行嘅回憶！朋友叫咗個椰青 $28因為佢話想食得健康啲，見佢不停咁樣喺度不椰子肉，又話啲嘢椰子汁好新鮮！越式滴漏咖啡 ☕️ $18 （熱）我就揀咗越南咖啡，上邊有一個滴漏器皿，加上沸騰嘅熱水，就會見到一滴滴嘅黑色咖啡，慢慢由上面嘅器皿滴落去已經放咗牛奶嘅玻璃杯入面。慢慢一路食嘢一路等呢個咖啡自己沖好！沖完之後就移開上面嘅滴漏器皿，用匙羹🥄慢慢攪拌，令到黑咖啡同埋牛奶混合為一。有少少美式咖啡嘅感覺，牛奶味比較淡，咖啡味香濃！我哋係窗口嘅位置，光線十足。空間感都唔錯。職員態度友善，上菜都算快嘅！…查看更多

越一越南牛肉粉專門店，位於黃大仙鳳凰新村環鳳街12號地舖。 店內環境整潔舒適， 服務有禮。 餐廳主打越式料理🥢，晚餐 ～ 火車頭湯河粉$72、 蟹肉蕃茄湯檬粉$65、 燒豬頸肉米紙卷$48、 咖哩牛腩煲配法包$88、 熱滴漏咖啡$28、 椰青$36。 ▫️火車頭湯河粉🍜 ～ 先飲啖湯， 味道香濃熱辣辣， 河粉口感幼滑， 配料有牛丸、 牛腩、肥牛和牛柏葉， 份量多， 最喜歡牛丸口感非常Q彈。 ▫️蟹肉蕃茄湯檬粉🍜 ～ 湯底香濃鮮甜，配料豐富，有厚切扎肉、蝦肉、蟹肉、鮮蟹肉丸和豆卜，加上檬粉索曬湯汁，非常惹味。 ▫️燒豬頸肉米紙卷🌯 ～ 米紙卷薄薄的一層包著爽口的豬頸肉和蔬菜，味道清新。 ▫️咖哩牛腩煲配法包🥘🥖 ～ 咖哩汁香濃，味道層次豐富帶點微辣， 牛腩軟腍入味， 配上香脆可口的法包，味道更佳。 ▫️熱滴漏咖啡☕ ～ 滴漏黑咖啡配上煉奶， 越式風味，口感出色。 ▫️椰青🥥 ～ 椰青大大個，清甜解渴。 價錢合理而美味的越式料理， 值得推介。 🏷️溫馨提示～ 整個用餐體驗均屬個人分享意見， 只作參考😊。 …查看更多

想食又平又飽肚嘅晚餐，去住宅區為主嘅黃大仙區，原來都幾多待發現嘅地方其中呢間越南餐廳，環境闊落又性價比好高一人餐$88，有正餐加小食一份加埋飲品，勁快上餐又大份，呢碗pho大碗到碌大眼，牛坑腩都幾多塊幾腍加多份生牛肉仲多，薄切幾嫩口，唧啲青檸汁更開胃一人嘅咖喱飯都好足料，一碗咖喱滿藏牛腩同配料咖喱非常香濃，牛腩煲得好腍，淋上白飯又惹味又刺激，仲有碗湯跟，有好大嚿湯料跟餐有小食送，扎肉蒸粉包冇諗過咁大份，粉包好煙韌，上面有一大片扎肉，相當足料另外一份揀咗炸蝦餅，雖然話得半份，但都勁大塊勁香蝦味見佢雞翼好似幾大嚿，就嗌份嚟試吓，啲雞翼果然炸到勁巨型，外面脆卜卜，幾香牛油味，就咁食都好飽肚跟餐包$18嘢飲，但都可以加錢升級越南咖啡，等咖啡滴漏完，濃郁綿香椰青都好正，勁大隻好多水，仲要連果肉都係清甜嘅，超抵嗌…查看更多

當年我係期待已久 開幕的越一牛肉麵， 環境乾淨光猛， 終於今日見到有卡位入去坐下。 服務員見我帶小孩也令給一個小碗，但沒有提供兒童餐具。椰青加$18, 阿女好鐘意，很清甜，但刮左果肉食， 正。咖哩牛腩飯 - 賣相很精緻，咖哩汁是分開裝的，白飯也得整齊 ， 味道好辣有點油， 牛腩有點硬. 唔算太入味。生牛肉湯河 - 因為就三歲女兒，我要全熟牛肉，雖然牛肉全熟但係一啲都唔認但可惜一大舊。配菜如 芽菜，青檸，九重塔都分開送上，不會直接加在湯河上， 如果生牛肉應該會好鮮甜。洋蔥好新鮮好香。 如果有酸辣汁就更好。…查看更多