大街小館

同朋友想搵個地方傾下計，發現左黃大仙區呢間小店。雖然細間，好在坐位空間感足夠，坐得舒服。裝修係日系風，其中一面牆重掛滿左繪馬，岩哂中意打卡既人當日叫了兩款糖水：椰皇蛋白燉桃膠 🌟🌟🌟🌟🌟我自己超中意食椰皇既甜品/糖水，而且佢係店家推介的王牌，咁我一定要叫啦。黎到見到用左原個好大既椰皇做碗，入面裝到滿滿，食材非常天然超足料，重點唔係好甜岩香港人口味，蛋白重要超滑，果然係王牌👍🏼👍🏼推介（可選熱/冷）2️⃣黑糖芋圓仙草配雪糕 🌟🌟🌟🌟有得選擇芋泥/雪糕呢碗糖水又係超足料，成個碗都是滿的！我最中意裡面的椰果和仙草，味道好清甜，配埋雪糕涼透心🩵。…查看更多

去大街小館食甜品，點咗🌟廚師推介嘅🥥椰皇蛋白燉桃膠($53)，熱食係暖暖地，夏天都食得落😆 椰汁味清香，配料有小丸子同西米，刮埋椰肉食更滋味🤣 整體份量都幾多…查看更多

節日共聚！晚上同家人做節食飯之後，朋友們大家一齊約出嚟食甜品，當然要去返間黃甜品店啦！呢間甜品店好出名，所以晚上九點幾十點都要大排長龍，食到好味甜品要等都係值得嘅！椰皇蛋白燉桃膠（熱）$52- 好足料嘅椰皇甜品！蛋白熱辣辣，好滑。桃膠足份量，最後我食晒啲椰子肉，好飽！推介！榴槤至尊（配榴槤雪糕）$50- 朋友話榴槤味濃同香，中意食榴槤嘅朋友可以試下，見到店內擺放唔少榴槤，應該幾新鮮！芋頭小丸子紫米露（熱）$28- 飽肚之選！好中意椰汁，每啖有好有咬口嘅紫米，煲到好綿嘅芋頭粒，仲有煙韌嘅小丸子，唔會太甜，正！:)黑糖芋圓仙草凍$38- 呢個仙草凍好大碗，性價比極高，仿彿去左台灣夜市食甜品咁。芋圓口感煙韌，仙草凍爽滑，整體口感非常豐富。…查看更多

疫情期間習慣了買外賣，今天吃完晚飯也要外賣糖水椰皇也可以外賣，店員會每一份糖水都用保鮮紙包好，份外細心椰皇蛋白燉桃膠 - 有小丸子，桃膠，啫喱和燉蛋白，燉蛋白是軟滑，再加上煙韌的小丸子，和養顏桃膠，是女生至愛黑糖芋圓仙草凍 - 超足料的，芋圓有超過十粒，芋圓的味道有桂花，地瓜和紫薯。桂花芋圓是第一次食到，微微的桂花味道份外清新黑糖麻薯波波 - 黑糖糯米配有花生醬餡，十分好味芒果糯米糍 - 糯米糍有一隻手掌那麼大，芒果也是滿滿的，十分香甜椰皇水 - 是必點的！是無添加的椰皇水，十分解渴這間店的糖水抵食又大份，絕對會再來…查看更多

同朋友觀塘食完晚飯香港人例牌都係要食下甜品先嘅唔想幫襯大型連鎖店乜記嘜記摷一摷收藏名單搵到大街小館大街小館有一間分店係佐敦但睇得出唔係大財團下嘅系列舖頭離黃大仙站一段距離該地段亦比較靜平日入到去客人不多 都係做街坊生意小編同朋友叫左三個甜品好誇張椰皇蛋白燉桃膠($50)朋友食嘅 幾香幾滑 份量仲好足懷舊芒果腸粉($35)懷舊同普通芒果腸粉嘅分別就係懷舊嘅無夾cream小編都係怕膩 叫左無cream的腸粉皮好滑 香椰奶味又夠薄芒果餡好大舊芒果 好抵食糖不甩($22)呢個比較遜色 椰絲花生都痴唔上糯米糍可能因為糯米糍太濕變相唔夠味…查看更多

是日陪朋友去黃大仙廟求籤，炎炎夏日，搞掂梗係要係附近食返啲甜品做下午茶，解一解暑！🥵係廟行到「大街小館」都有一段距離，大概10分鐘，仲有少少斜路 😂 但朋友話冇難道，佢平時都去開尼頭做facial。為左食好西，我行！天氣咁熱，就點左熱賣餐牌入面嘅凍食😂😂1. 椰皇蛋白燉桃膠 $50自從TBB做過一集介紹桃膠嘅節目，相信多左好多人留意到佢嘅營養價值，同坊間多左唔少餐廳加入桃膠煲湯/主食/甜品！大街小館尼個甜品正！唔洗用匙羹撈，都見到好多桃膠浮哂係面；一撈起更加不得了！除左桃膠，底部蛋白份量適中，而且仲有小丸子、西米、水晶粒！好滋潤呢～2. 椰青水 $12清甜！咁熱一坐低就即叫椰青水先，估唔到咁大杯抵飲！3. 冰鎮椰皇配椰青水 $48冰凍生果冇得輸！而且無論蜜瓜、芒果定西瓜，都好甜！係靚生果先有嘅天然味！唔係餵啲冇味生果嘅糖水味。雖然尼個都有蛋白底，但同椰皇蛋白果種滋潤感唔同，佢比較清新，濃稠度低啲。😂 其實我唔知應該點用果杯椰青水（圖中粉紅色杯）4. 芒果腸粉 $30椰果腸粉皮好咬口！芒果好大舊又甜！加埋適量忌廉真係oishi!整體黎講，餐廳性價比好高！$50已經食到市區$7/80嘅質素，咁當然明租貴嘅問題嘅～所以去開黃大仙真係可以試試用餐期間好多街坊黎食，同店員都好熟落咁。（事後發現佐敦都有分店，即刻帶左屋企人去食飯後甜品，餐牌大同小異）…查看更多

周日下午探完朋友，去左佢家樓下的糖水店食個下午茶。朋友就來結婚，所以我地都想食D美顏滋潤燉品，見到剛剛出爐的椰皇燉蛋白，成間店都好香，所以我地兩個今次都叫左類似的食物。因為我真係好喜歡食湯丸，所以試下食呢個看似唔係好夾的組合，但估唔到又出奇地夾，湯丸入面好多涵呢~$50椰皇蛋白燉桃膠朋友快做新娘，梗係要補下骨膠原，桃膠最近大熱，佢本新冇味所以夾埋椰汁，就真係O岩曬，唔會咁膩滯。見到燉椰皇蛋白岀爐，保證自家制作，真心覺得好香好吸引，同埋食得好安心，是真是現在師傅即做架~$49椰皇燉蛋白湯丸，椰汁好香，湯丸好大粒，而且有西米。真係好好味，好足料是次專攻養顏燉品，非常好味又足料，而且自己冇可能整到，食甜品食呢D真係好開心~好靚仔既賣相，呢個真係性價比高，而且落足料店員好老實，話因為今日既湯丸細粒，所以俾左四粒我，其實我第一次食，都唔知有幾多粒，感覺佢地好老實同均，小店就係有呢種親切感，另外真正感覺到佢地用心制作，好努力做好自家制的燉品。好欣賞同埋下次一定會再來試其他既西式甜品。…查看更多

在黃大仙中心吃完晚飯，到了附近的大街小館食糖水甜品，這家小點的糖水蠻有特色的而且有驚喜！隨意點了款三款甜點，椰皇蛋白燉桃膠、木瓜雪耳桃膠燉木瓜及榴槤腸粉！本人點的椰皇蛋白很夠滑，暖暖的椰汁和很夠份量的桃膠很配合，椰汁味香濃滋潤而且又不會太甜！朋友點的椰汁雪耳桃膠燉木瓜真的很足料，本身木瓜其實巳經夠養顏加埋雪耳桃膠更是滋補，這家小店很貼心的把小件的木瓜切好於半份木瓜内，還會附上一小柸椰汁供客人添吃！兩款糖水都很足料，椰汁香濃美味！我們還點了一客極品腸粉- 榴槤！ 腸粉入面有忌廉和榴槤肉，榴槤味濃腸粉皮也不厚很配合軟綿綿的忌廉，口感不錯cream也不膩，很滿足喔！近排天氣涼涼的很適合吃點滋潤糖水甜品呢，加上價錢實惠，值得推介！！…查看更多

😋椰皇蛋白燉桃膠 $50一入到舖頭已經聞到陣陣椰香，有寫住熱賣糖水之一，諗都唔諗就叫左椰皇蛋白燉桃膠。超足料，有西米、小丸子、燉蛋白、桃膠，食到最後仲可以食到椰子肉添。桃膠好滑唔會硬。燉蛋白好香好滑，仲有陣陣椰香，份量多。椰汁甜度岩岩好，唔洗驚好漏。椰皇入面嘅椰肉都食得，味道清甜，比我刮哂黎食。不過小丸子就太淋身，唔係太煙韌。食完覺得暖粒粒又夠滋潤，係一道有誠意嘅甜品。----------🔎大街小館🚩黃大仙銀鳳街1 6號地下 營業時間 : 星期一至四，日 : 15:00 - 00:00 星期五至六，公眾假期 : 15:00 - 01:00…查看更多

天氣又涼咗，而且好乾燥，食完飯就想食番碗熱騰騰既糖水，入到小店好多款熱糖水都好吸引我，全部都好想食🤣，有好多仲係老闆自己研發。🥄桂圓雪燕燉蘋果 $45相信大家對於冰糖燉梨都唔會覺得陌生，但燉蘋果唔係周圍有得食，一於試下。雪燕份量好足唔馬虎，因為膠質重，有滋陰潤燥既作用。至於蘋果食落酸酸甜甜幾開胃，熱量唔高仲有健脾胃添。至於桂圓滋補，紅棗補氣養血，真係岩哂女士們食丫。🥄椰皇蛋白燉桃膠 $50材料十足，甜度剛好，呢個真係必食。小丸子超綿有糯米香味，桃膠膠原豐富，蛋白香滑。椰皇肉夠新鮮，唔會因加熱而過淋，反而食落好滑溜。諗起我屋企附近D劣食糖水，再食返呢個真係忍唔住講番句好好味。🤤…查看更多

呢幾日氣溫驟降，又落住毛毛雨，令人不自覺想食d暖粒粒甜品今日途經黃大仙聖母醫院附近，發覺都有唔少餐廳同糖水鋪，最後揀左呢間，原因係款式多，價錢都不算貴。款式好多啊，睇到我花多眼亂，最後見到個暢銷甜品榜，決定揀個燉椰皇同心太軟試試。朱古力心太軟配曲奇雪糕。好多人去甜品鋪都會點心太軟，我都唔例外，呢間焗得非常不錯，好流心，個朱古力亦不太甜，配上雪糕好快就被KO，另外餐廳仲加左曲奇碎同棉花糖增加口感，有心思。朱古力岩漿😋 椰皇蛋白燉桃膠好快就上。桃膠好有益，估唔到甜品鋪會有得食入面d料好多，有西米，小丸子，蛋白同桃膠。食落去口感很豐富，而且份量好多，兩個人share都夠食。食到最後發現仲有椰子肉未食，燉過的椰子肉好淋，好容易就刮到來食滿意的一頓甜品，店員都推介了芋圓，留待下次再試。…查看更多