泰贊- 創意泰餐廳

第一次係尖沙咀試呢一間泰國菜，一去到就有位，見到裡面差唔多坐滿晒人，心諗食物質素應該唔錯。得我同女朋友兩個，所以只係叫左一個小食同飯，怕食唔晒椰汁海鮮炒飯先到既係炒飯，好香既椰汁味，海鮮都唔錯，算幾新鮮，不過感覺有d油，似乎炒得唔太乾身小食拼盤睇落去好似樣樣都有，不過實際上冇乜邊樣特別好食，每一樣都好多油，底下張吸油紙仲要掉轉咗放，搞到完全唔吸油。薯條一啲都唔脆，仲差過連鎖快餐店，食咗幾條已經唔想再食。最差嘅係春卷，無味不特止，食完仲要成口油，好失望冇諗過食完之後感覺係咁差，應該唔會再有下一次…查看更多

睇木乃伊之前，先來個豐富午餐。黃金週係尖沙咀呢啲地區，以為食肆一定爆滿，要等位或者限時。點知。。。唔使等位不特止，仲唔限時呢區的競爭真係大丫。。。可能呢間野個位置有少少隱蔽個menu好靚丫，好colourful。本來諗住叫芒果拿破崙的，但見到人地枱嗰嚿細到丫媽都唔認得，打消左念頭#豬雞沙嗲串燒雞肉嫩，豬肉' 鞋'。但個串燒上面的汁(有椰香)再沾上沙嗲汁，美味指數提升不少沙律加左泰式辣汁，好辣丫#黃金蝦有3隻蝦，彈牙但個汁太酸，唔識欣賞(其實係咪食沙律嗰隻黃醬汁?)。覺得有少少中伏，仲話係熱門添#卡邦尼娃娃菜有洋蔥，菇，煙肉，芝士等做個醬汁淋落啲娃娃菜上。無焗過，醬汁有啲稀。不過味道唔錯。#呢個素pizza係沙嗲味的，唔脆，不過幾特別，幾香沙嗲味。size正常#炒飯有少少椰香，加左雜菜青豆去炒。加埋炸左的椰絲一齊食，唔錯唔錯海鮮新鮮最後的甜品，雪糕好滑。有香蕉，炸香蕉同香蕉蛋糕。不過一開始係搵唔到嚿香蕉蛋糕的。食到最後，原來係杯底Fusion菜幾特別丫，可以encore…查看更多

有日同閨密去尖沙咀美麗華商場shopping, 無意中靚女好友提起食過一樓既泰菜餐廳, 有別於一般經營既泰菜館，賣既係泰式fusion菜 ，而且味道唔錯。聽落頗吸引, 既然一場嚟到, 我就去八下間餐廳先，門面完全係日、韓feel, 似日韓式西餐廳啊 ！價錢介乎$4X~10X不等，仲有窩夫甜品蛋糕 添，生日會既不二選擇！侍應生話訂8:30pm枱既話，可以直落坐到收舖添！既然靚女友話再翻叮亦無問題，咁6月份既生日會就有著落了！訂左枱既我地，準時8:30pm到達餐廳，侍應生話要等一等，我地等左十分鐘都未有枱，侍應生話客人已經埋左單，但未切生日蛋糕，要我地再等，等左巧耐，再問既答案一樣，仲話客人未食完個蛋糕！真係等到火都嚟 ！話明8:30pm前訂座既話，限時用餐個半鐘，若要無限時，可以訂8:30pm㗎，咁賴皮既客人都有 ！年輕既侍應生 又唔識處理 ，應該施壓力俾個班唔守規則既人客 ，個個客人都咁既話，餐廳自己蝕底，做少好多生意！出面好多餐廳都跟足規則處理cases, 希望餐廳方面多加留意，培訓吓d年輕員工啦！最後我地自己出主意，叫侍應生安排d吉枱俾我地坐低睇住menu先，到我地落緊order個陣，班客先捨得走 ，時間已經係9點几 ！忘掉不快，繼續我地既開心生日會 ，十個人一口氣點左16款野食啊，9點几嘞，個個肚仔餓麻 ……1.泰式三文魚他他配薄多士($55) :  脆脆多士，放上泰式三文魚來食，辣辣地，口感几特別！2.椰汁海鮮炒飯($85)  : 巧大隻蝦放係飯面 ，蝦肉彈牙，椰汁飯饀料有魷魚、紅蘿蔔、青豆等，味道唔錯。3.魚菘配芒果沙律醬($80) : 用玻璃瓶裝沙律超特別 啊！魚菘鬆脆，芒果醬配搭羅馬生菜沙律，味美又鮮甜！4.香草煙三文魚意大利麵($80) : 意粉麵質唔會過腍，加左香草味既煙三文魚，味覺更佳！5.金柚沙律配酥魷魚($60) : 玻璃瓶沙律賣相靚仔 ！魷魚炸得酥香，柚子沙律好fresh！6.蝦餅配泰式辣醬($52) : 熱辣辣兼爽脆！7.菠蘿炒飯伴燒雞($85) : 燒雞嫩滑，菠蘿炒飯加左提子乾、青豆、肉崧等好好食！8.椒鹽蒜辣魷魚($60) : 香脆惹味！9.蟹肉梳乎厘伴海鮮汁($65) : 成個酥皮湯咁款，蟹肉鮮甜，伴海鮮汁食，好正！10.冬陰大頭蝦海鮮焗飯($105) : 雖然冬陰功味少，但辣辣地又帶些少甜既炒飯好醒胃，大頭蝦肉又彈牙！11.黃咖哩件燒雞($75) : 燒雞肉巧幼嫩，醮上咖哩汁食，正呀！配埋薄餅($20)，一流 ！12.蒜茸辣椒炒通菜($45) : 通菜夠爽脆入味。13.香蒜芥蘭($45) : 芥蘭炒得香口。14.冬陰海鮮意大利麵($85) : 夠辣但略欠冬陰功味。配料有爽彈大蝦，鮮魷魚圈、菇等，味道不俗！15.豬及雞沙嗲串燒($45) : 豬、雞串燒嫩滑，非常惹味！16.金蝦配秘製醬汁伴蕃茄沙律($65) : 好rich既醬汁，蝦球超級爽脆彈牙，ichibani !17.窩夫生日蛋糕($253已包加一) : 一早預訂俾哂錢先。賣相勁吸引人，味道就一般，可能預先製作定，d窩夫餅唔脆囉，不過有好多鮮果、蛋卷、綿花糖……仲有好多cream好飽肚。飲品方面有巧多款，點左Mojito($52)、 士多啤梨冰茶($36)、朱古力乳酪($36)~男友人搞笑話有朱古力味、藍莓乳酪($36)~女友人話好好飲及香芒椰子乳酪($36)~最多人點既包括我，味道甜甜的，正好中和d辣味食物，乳酪口感幼滑，有椰子及芒果香，！侍應生算勤快，收碟、斟水服務齊，仲幫手影大合照。今餐生日飯，餐廳還特別送上咖啡杯俾三位靚女壽星，壽星女好surprise呀！…查看更多

"椰汁海鮮炒飯"賣相好吸引，椰汁味好香，以$85黎講，隻蝦好大隻，好有誠意!香草煙三文魚意大利麵清清地，麵質都幾有咬口﹗"什莓忌廉泡芙"七彩繽紛，忌廉極多，一個人應該食唔曬 : )紅桑子千層班戟蛋 - 好鍾意佢支膠管，比客人自己落紅桑子醬﹗個crepe cake乾左d，應該將頭先""什莓忌廉泡芙"既忌廉分d過黎 : )餐廳美食選擇好多(連飲品選擇都好多)，服務好好，人人都好快手又有笑容，值得比個like﹗ 不過可能新開業，食物上檯時好似唔夠熱辣辣，應該只係小問題，相信好快運作會更暢順﹗…查看更多

「做冬晚餐」選擇了在尖沙咀新開業的So Thai So Good﹗ 訂座時店員完全沒有說明有甚麼時限(之前訂了另一間，店方竟限我們1小時15分鐘內交檯)，絕對值得一讚﹗這裡環境舒適，美食和飲品選擇極多﹗ 先來一杯「士多啤梨冰茶」(HK$36)，不錯﹗「椰汁海鮮炒飯」(HK$85)賣相極佳，一吃下去椰汁香味濃得不得了，以這個價錢而言實在超值，讚讚讚﹗「香草煙三文魚意大利麵」(HK$80)麵質煙韌﹗「青咖喱雞肉伴雞蛋炒飯」(HK$75)非常惹味，不過辣度頗高，不能吃辣的朋友或許要作他選了 : )「蟹肉焗青口配紅咖喱汁」(HK$95)﹕非常滋味，尤其紅咖喱汁香濃得不得了，又不會太辣，好吃到令我要立刻點一碗白飯來盡情品嚐這個汁，超級推介﹗﹗﹗但更精彩的是這個「冬蔭大頭蝦海鮮焗飯」(HK$105)﹗﹗﹗ 每粒飯都滲滿很香冬蔭公味，微微的辣令人胃口大開，還有大大隻蝦和其他海鮮，賣相又超美，絕對是終極推介﹗﹗﹗讚讚讚﹗甜品時間﹗先來「青檸焦糖燉蛋」(HK$42)，味道不錯，不過青檸味略嫌太淡 : )「什莓忌廉泡芙」(HK$48)色彩繽紛，小孩至愛 : )「香芒椰子乳酪」(HK$36)﹕第一口喝下去，我驚喜不已，椰子香跟乳酪口感完美融合，啖啖甜美可人，讚讚讚﹗「紅桑子千層班戟蛋糕」(HK$48)賣相又是令人心甜，蛋糕上的膠管內是紅桑子醬，讓你自行傾注在蛋糕上﹗ 儘管Crepe略嫌有點乾身，但仍然值得一讚 : )餐廳服務很好，各位店員都非常落力，不停主動添水又耐心介紹菜式，上菜極快卻不會催促客人離去，而且價錢非常公道，值得一試呢﹗…查看更多