十一串

店舖雖小但衛生乾淨，似小型日式居酒屋，員工亦貼心有禮貌，order了我逢店必食最愛的墨魚咀和蠔外漿包裹厚薄適當，炸得十分酥脆香口，內裡墨魚嘴夠大粒，肉滑有口感全無異味，某些邊位較煙韌。整體椒鹽味甚重，配酒應該一流一上枱眼望燒蠔雖然非極大種，但蠔肉一出殼十分飽滿！落嘅蒜茸並非坊間濃味重油那種，相對比較清淡唔油膩，主要食返蠔本身的新鮮，作為前菜，呢個價錢質素我覺得十分良心！…查看更多

呢間小店嘅串燒都好出色，店員嘅服務都好好，態度親切，又會介紹下啲嘢食，令人有賓至如歸嘅感覺!椒鹽黃金墨魚咀炸到外皮好香脆，粉漿夠薄，入面嘅墨魚咀好新鮮，彈牙有鮮味，一咬開有墨魚嘅肉汁，椒鹽調味剛好，好香口好惹味。原條蒜蓉燒茄子蒜蓉份量好足，茄子大大條，食到停唔到口~蜜糖燒雞翼雞翼燒得焦香，食落有雞油同肉汁，加埋蜜糖甜好夾~蔬菜串燒有小小調味，唔會蓋過菜本身嘅清新。生蠔肥美多汁、無沙，老闆話今日蠔嘅size較細所以另外有補多一隻俾我，真係唔話得!!烏冬湯底清清地魚湯，可以喺食串燒之間清下口腔嘅味道，等我可以食得無咁膩，又可以食飽。…查看更多

今日喺油麻地買嘢，順便就喺油麻地搵食。吳松街出名多好野食，今次經過一間小舖，見有串燒烏冬套餐，就入去試吓。但睇睇下，見到串燒款式好多，好吸引，於是都係決定主力食串燒🤣🤣落完單，等左一陣第一款食物就上場，係我平時就已經好鍾意食嘅芝麻雞翼新鮮滾熱辣，又脆卜卜，咬落去仲有啲Juicy，好味👍🏻差唔多食完雞翼，第二款食物就黎喇，係我最愛嘅雞皮呢款雞皮同我喺第二啲舖頭食嘅串燒雞皮好唔同，平時食果款係細細塊，然後一串有5、6塊果款，但呢款係一塊過。店主話佢地自己買一塊塊雞皮串出黎燒，所以大小不一，我覺得好有心思，呢款雞皮我仲鍾意食。因為佢係好脆好脆，好似食薯片咁，味道又調得好，推薦呢個墨魚咀又係令人驚喜，外脆內彈，同埋炸嘅時間剛剛好，墨魚咀唔會過熟，保持彈牙。呢間舖仲有鹽、辣粉同黑胡椒俾客人自己落，不過除左因為想食少少辣而辣粉之外，本身佢地已經調好味，咸度適中雞軟骨同羊肉串一串粒數都唔少，抵食！蒜蓉焗生蠔都係我好期待嘅食物粒蠔都唔細，而且咬落去好香蒜蓉味，好Juicy，亦冇腥味，Nice👍🏻多春魚有三條，但因為我一見到就即刻想食，唔記得相機食先再次想講，佢地串燒嘅調味調得好好，最怕串燒味道淡/唔入味，佢佢地完全冇呢個問題，食完亦冇口渴。最後上嘅係燒菠蘿，又係好大舊🤣我一路食，舊菠蘿一路滴汁，微酸微甜多汁嘅菠蘿做結尾，好滿足其實佢午餐set都幾好，可以揀烏冬配串燒，雙重體驗。夜晚，如果限聚令完左，可以同朋友一路食串燒一路飲啤酒，應該會好正…查看更多

約埋朋友一齊食串燒傾計盡興RELAX一下，呢到都係一個唔錯嘅選擇😄今次叫左燒蒜蓉蟶子($58/隻)*2、燒蒜蓉粉絲大扇貝($48/隻)*2、蒜蓉燒生蠔($58/2隻)、鹽燒牛肋條($34/串)、鹽燒厚牛舌($28/串)、鹽燒雞中翼($28/2隻)、串燒雞腎($22/串)、燒雞泡魚乾($38/份)、椒鹽黃金墨魚咀($38/份)、木魚湯讚岐烏冬($22/碗)、雞皮蝦($60/2隻)、原條蒜蓉燒茄子($38/條)、芝士大啡菇($38/隻)、生啤($42/杯)*2燒蒜蓉蟶子：蟶子夠新鮮，肉質彈牙，連蒜蓉黎燒夠惹味😋雞皮蝦：見到覺得幾特別，一於叫黎試下，點知又真係幾正喎😍蝦肉外面包上雞皮黎燒，外層香脆，而蝦肉彈牙鮮甜，呢個配搭出乎意料地夾🥰燒蒜蓉粉絲大扇貝：帶子肉厚兼鮮甜，粉絲吸收晒D精華，一齊食幾正😉蒜蓉燒生蠔：蠔本身肥美，味道幾濃，蒜蓉唔會蓋過左D味👍🏻燒雞泡魚乾：呢個小食真係送啤酒一流😍燒得夠香，切得細細條，入口煙韌，好有咬口😋有沙律醬可以點椒鹽黃金墨魚咀：細細粒一口一粒，食落超彈牙，本身椒鹽已經幾好味，再加D辣椒粉更加惹味😋鹽燒牛肋條、鹽燒厚牛舌、串燒雞腎：串燒無論火喉同調味都啱啱好，唔會燒到乾晒，食落JUICY唔會過鹹，尤其牛舌非常出色🤤鹽燒雞中翼：作為雞翼控當然唔少得叫返串黎食，外皮燒得香脆而肉質嫩滑，輕輕加D辣椒粉仲更加香😋木魚湯讚岐烏冬：呢個又幾抵食，冇諗過咁大碗烏冬😆烏冬夠彈牙，絕非普通街市貨D平價烏冬👍🏻先黎張大合照🤩原條蒜蓉燒茄子：燒茄子可以話係必食咁濟，呢到條茄子真係大得誇張，超夠份量🤣茄子肉燒得淋晒，配合大量蒜蓉同蔥花，食落夠滋味🤤芝士大啡菇：又係必食項目，大啡菇唔止大而且仲要好厚身，真係好似鋸扒咁切開佢😆既JUICY又重菇味，加埋芝士半溶狀態，正🤤生啤：食得串燒點少得嘆返杯生啤😎CHEERS🍻呢到仲有好多唔同種類嘅酒可以點黎飲，環境空間有限，唔算多座位，不過內裡裝修都幾有FEEL😄呢到免加一，埋單啱啱好$700，串燒店黎講以呢個質素算係幾抵食，食得出師傅嘅用心，唔會將一大堆串燒是但放埋一齊燒，搞到有D過生有D過熟嘅問題出現，食得盡興嘅一晚🥰補MENU…查看更多