豪門小菜火鍋

去九龍城唔一定要食泰菜今日等史努比介紹間大件夾抵食嘅港式小菜~懶人包📝食物款式多 而且大部份都唔錯雖然稱唔想話好正 但史努比試咗咁多款都冇話覺得伏 係偏油咗啲 不過呢個價錢ok收貨嘅😚嗌牆上面寫住嘅招牌菜都應該冇死架啦🤣加上佢唔使加一 食得舒服 好啱同一大班frd gathering或者同長輩食飯~個人覺得一試無妨😚🔥推薦芝士龍蝦伊麵👍🏿芝士龍蝦伊麵 $490份量好足😳4個人淨係食佢都夠飽😂芝士汁爆晒棚 仲要味道濃郁食落都幾黏口🤣同埋夠creamy 伊麵有𡁻口 唔會煮到淋晒要挑剔嘅係略嫌油咗啲啲🤏🏿龍蝦實肉彈牙 食到有少少甜味 正常發揮味道: 8/10性價比: 7.5/10👍🏿蟶子生菜包 $168都幾辣下 但真係好惹味🤣蟶子份量唔算特別多 有幾條完整嘅 有啲就剪碎咗撈埋免治豬肉去炒豬肉好淋 有油香食落味道幾香 有乾蔥增加口感不過如果冇芫荽就更加好😂同埋都係油咗少少 但包生菜就啱晒啦🤪味道: 7.5/10性價比: 7/10👍🏿豪門卷(8件) $98係炸包包住蝦咁樣 中間仲有啲蔥食落脆得來嚟帶啲煙靭 擺耐咗都唔會淋晒🤣👍🏿蝦就普通啦 包住啲蔥有香味另外配咗泰式甜辣醬 不過史努比覺得唔點好食啲味道: 7/10性價比: 7.5/10👍🏿千島百花盞鬼 $118呢個係油炸鬼包蝦😂炸得好脆 食到油炸鬼一層層layer但可惜食唔到油炸鬼本身嘅香氣包住蝦滑係幾得意嘅 加埋千島醬真係好鬼邪惡😈同埋好惹味!底下墊咗啲西蘭花 解解膩🤣味道: 7/10性價比: 7/10👌🏿椒鹽鮮魷 $128份量真係好足!!😳而且條條魷魚都勁大條食落仲要好彈牙 有咬口得嚟唔係硬佢個炸漿做到好薄 最可惜就係佢唔脆🥲搞到就算佢魷魚幾靚都即刻拉低咗個分但爸爸竟然話唔脆嘅椒鹽鮮魷好好食🤷🏿‍♀️味道: 6.5/10性價比: 7/10👌🏿人生之路(咕嚕苦瓜) $88唔明佢點解改呢個名 因為人生好苦🥹不過佢用咗酸酸甜甜嘅咕嚕肉做法😂所以真係體現人生嘅甜酸苦辣 個名史努比覺得改得好🤣🤣酸酸甜甜嘅炸苦瓜係幾得意嘅 但就唔係我哋杯茶🙂‍↕️感覺唔係咁夾味道: 6.5/10性價比: 7.5/10*不設加一服務費*整體評分：味道: 7.1/10環境: 7/10服務: 7/10衛生: 7.3/10抵食: 7.5/10(品牌合作分享)@snoopy._.eating…查看更多

見到好多foodie推介，所以bookmark 定諗住搵日幾個朋友黎啤一啤佢🍻黎大排檔最好就緊係唔限時，坐到夜一夜都得，同雞啄唔斷嘅朋友黎就最啱。睇相見芝士龍蝦伊麵勁多人叫，所以都襯墟叫黎試👀☀️招牌西澳龍蝦伊麵🦞 $480大大碟好似熔岩咁嘅芝士量真係嚇一跳😳龍蝦肉爽口彈牙，份量驚人，一份足夠幾個人食，芝士汁味道唔會好漏，麵質爽滑☀️豪門卷🦐$88/8件其實即係蝦多士，包入蝦滑做成卷狀，炸到金黃香脆，亦都冇油膩感，蘸上甜辣醬忍唔住一啖接一啖☀️椒鹽鮮魷🦑 $98去開大排檔都一定會叫嘅經典菜式！鮮魷炸皮薄脆，肉質新鮮軟嫩，加上蒜片炒勻好香口，唔錯☀️炸大腸🐷 $98推薦炸大腸🫶🏻外片炸得好香脆，大腸爽口，配酸甜汁真係好夾☀️蒜茸粉絲蒸蟶子皇 $120/4隻店員：「蟶子到～🤣」放低蟶子嘅時候好幽默，令到客人都食得開心啲😆當日蟶子做緊特價，所以叫左黎試下，可以揀蒜茸蒸/豉椒炒，肉味鮮甜，配蔥蒜好惹味☀️鮮果咕嚕肉🍍 $88菠蘿青紅椒咕嚕肉，肉質軟腍入味，大件又厚肉，外層唔厚粉，送飯一流😚☀️福建馳名炒油麵🍜 $88見到blogger推薦所以叫黎試下，炒麵好有鑊氣，加少少胡椒粉更加惹味👍🏻入面有蝦、豬腸、豬膶、洋蔥、蕃茄等，味道特別，可以一試☀️凍杏霜🥛 $18、藍妹🍺叫左一杯凍飲同埋大排檔食野必飲嘅啤酒🍻perfect!4人黎到都係人勻$300左右，食物份量偏大，食到捧住個肚走，性價比都幾高，抵食👍🏻…查看更多

去九龍城 唔打冷 唔係食泰國菜 唔係糖水 唔係串燒 今次去食地道小炒其實本身係上網睇到芝士龍蝦伊面而黎既 一去到見到枱枱都叫 究竟係咪真係咁正佢賣相係吸引既 但無奈見到個份量 我地卻步了因為食完個面 我估都飽哂 唯有下次多人d先叫望下個菜牌 好多野食 我估大排檔叫得到既呢度都有 我地最後叫左椒鹽鮮魷 乳鴿 薑蔥桶蠔煲 豉椒炒聖子 加個白飯。最緊要支大beer佢其實好多野都好吸引 但大排檔真係要人多先好去😂今次試住咁多先但走個時發現一對情侶 叫左芝士龍蝦伊面 羊腩煲加兩三款小菜 成枱都係 真心覺得勁既總括覺得 呢度煎呀炒呀炸野ok CP值ok但蒸野就一般佢有提供海鮮加工服務 所以加工應該揀返薑蔥炒 椒鹽 芝士焗 豉椒炒穩陣…查看更多

之前見到有勁多人推薦於是我都即刻book 枱黎試下然後我覺得….大部份都係。。。。仲枉我山長水遠咁專程去九龍城食最後太嬲 我unfollow 哂所有推過呢間野既人啲埃豬經WhatsApp 訂位有9折我訂位既時候已經order 定野首先叫咗蒜蓉蒸扇貝 味道一般好油 另外感覺好似落咗勁多豉油去遮掩扇貝本身唔夠新鮮 粉絲都好碎 大劣另外叫左油鹽水浸蜆非常不建議啲蜆勁唔新鮮，最後我哋食咗幾啖就冇食到我地仲叫左蒜香雞中翼 黎到熱辣辣外脆內軟算係今餐最好食嘅一道菜不過好多地方都整得好好食唔使特登嚟呢度食再叫左椒鹽鮮魷好普通 一般般 不了不了 不過算係今餐第二道算相對好食嘅菜最好係我好期待嘅芝士龍蝦伊面訂位嘅時候話要$450本身覺得有啲貴想縮但係見到個個都吹捧呢個龍蝦伊麵專程嚟到都要試吓嘅點知。。。。期望越大，失望越大我覺得好似落得太多芡？ 入口質感一般 又好油 無乜芝士味龍蝦入口爽脆嘅 我諗應該係新鮮龍蝦掛至少啲肉唔係梅不過我覺得都係吹大咗我食完成餐飯之後 雖然填飽左我個肚，但我嘅心靈空虛左食完之後喺附近搵咗的甜品補返數…查看更多

就嚟中秋，早排見某平台賣廣告，咪同d屋企人嚟慶祝下。呢間舖沒有太多裝修，就類似大排檔格局。我地一行十多個人，安排咗兩張大枱比我地，都坐得好舒服嘅。我地屋企好講意頭，所以齊齊整整叫咗十個餸，大致味道都幾好，而且都睇得出花咗好多心思嘅，所以食物味道同性價比等等都無問題，睇相都知道係心機之作，值得大家去試。不過最嬲就係侍應態度，真心再好食都唔想去受氣。當日負責我地枱果位女侍應，落單果陣已經唔係好聽到我地講野咁，我地叫「紅燒豆腐斑腩」佢就重複話「紅燒豆腐」，當然我地都重複幾次要埋斑腩，但佢完全無理我地，最後仲話無「紅燒豆腐斑腩」呢款餸，要我地拎個餐牌指比佢睇，佢先肯落單。然後我地又叫咗一個鮮腐竹豆乳娃娃菜，但嚟到變咗鮮茄娃娃菜，我地問返呢位女侍應，佢第一下就好惡話係廚房出錯唔關佢事，然後行開咗行返嚟就話無鮮腐竹豆乳娃娃菜，當然我地又再次指返個餐牌比佢睇啦，佢又行開。最後佢好兇咁話「一係減返$11，一係取消佢唔好食」👈🏻👈🏻我無加無減講返出嚟。其實真係唔係錢嘅問題，係態度問題吧🤷🏻‍♀️之後呢位女士仲要一見同事就ee umum，一路um一路望住我地張枱一直黑面，但其實佢唔係本來就黑面，因為我地走果陣就見到佢好似變咗第二個人同隔離枱一個男人笑哂咁，心諗原來佢識笑嘅😮總括嚟講係我唔好彩有呢個經歷姐，其實食物同其他侍應都好好嘅，大家可以去一試😉…查看更多