楓樹圍 (已結業)

椒鹽鮮魷、琵琶豆腐同鎮江骨係每次嚟食晏的必選小菜。鮮魷永遠喺快嚟快去，最快食晒。每次食，魷魚都係肥美，脆漿又夠薄，唔會令人失望。只係每次嚟嗰色都會有唔同，有時炸耐咗就深色啲，有時就美白多咗啲咁啦。琵琶豆腐大大件，送飯一流，一個人唔覺唔覺可以食到三、四件，呢種舊式大排檔的琵琶豆腐做法，唔係咁易食到。鎮江骨同豆腐一樣大大件，不過大件過頭，直接攞住嚟食會方便過用筷子，如果斬細件啲，方便食客好多好多，至少大人細路唔會咁狼狽架。骨同肉各佔一半，咬開佢要用啲力。長者同細路仔要食，最就好剪碎啲肉先。食過炒通菜、金菇肥牛煲同蒜茸茄子蒸豬頸肉，都係唔夠樓上三款出色。店員一眼關七，工作勤快。有多部電視機陪伴開飯。有啲位置的地面會比較濕滑，同長者嚟就要多加注意，記得幫佢帶得一件小披肩喔。…查看更多

共6人約定食飯，有朋友提議大角咀新錦園，該店位於大角咀市政大廈2樓，大排檔格局。當然無訂位服務，7點到達已看到差不多坐滿了人，仍然有小量檯可以即時入座，還安排了一張12人檯給我們。面積相當之大放有多張大小不一的檯，大排檔格局就當然環境會差境，但不至於污糟。各人商議小菜還是打邊爐，決定又小菜又打邊爐。開始點菜，因未人齊先點兩款小菜，有沙薑雞腳及椒鹽鮮魷，朋友到齊後再點打邊爐，沙薑雞腳夠稔入味，配上沙薑醬好吃，椒鹽鮮魷不太乾身，不錯。1. 番茄薯仔豬骨鍋 - 湯底清淡，欠番茄及豬骨味。2. 肥牛 - 是普通雪藏肥牛，肥瘦也均勻，叫了兩碟。3. 黑椒牛丸 - 爽口彈牙黑椒味濃，不錯，叫了兩碟。4. 新鮮牛肉 - 即是街市牛肉，一般貨色。5. 豬潤 - 並不是黃沙但亦算新鮮。6. 豬肉丸 - 亦是一般而已。7. 豬腰 - 無(押)味，口感不錯。8. 金菇菜 - 亦是普通但尚算新鮮。打邊邊後再叫小菜，1. 南乳脆炸豬手 - 看賣相已不錯，就像風沙豬手，但不宜配南乳醬因會太鹹，有驚喜。2. 椒鹽墨魚咀 - 脆漿不太厚，墨魚咀有肉汁，好吃。3. 蒜蓉白菜仔 - 蒜蓉夠香炒菜火候剛好，好吃。整體而言，小菜出色但打邊爐就只屬一般，下次亦不會再打邊邊。 …查看更多

呢間大排檔在熟食中心差不多是獨市生意，大件夾抵食，所以未夠七點已經差唔多坐滿，真係好誇張！係唔係真係咁好食呢？今次去有點失望...:(白飯魚煎蛋($38) - 好大碟，煎得幾香口，白飯魚都好大條但唔算多，仲好油膩。椒鹽鮮魷($50) - 都係勁大碟，色水好似炸得唔夠透同乾身，食落唔算好脆...麻麻地...唔算好食。金銀蛋莧菜($32) - 超大「盆」，皮蛋比鹹蛋多，加了冬菜十分香。莧菜多到好似食極都有...食大排檔其實係食風味，呢度風味係有，不過水準時好時壞。環境方面，有冷氣唔駛熱住食，雖然地方唔係好乾淨因為價錢平又大碟，間唔中食吓都幾好。…查看更多