海景海鮮酒家

流浮山的海鮮酒家賣的菜式大同小異，在自己無法判斷下，早就到某網站找出排列第一的海景海鮮酒家。​這家店下午一點半停止點菜，大概三點關門休息，我下午一點才下班，飛車而來。在車上已經想好要吃什麼，紅燒炆斑頭腩本來是我想吃又不敢點的，因為我們只有二人，點一條大魚怕吃不完，點小的做紅燒又怕不好吃，所以打算改吃蒜茸蒸扇貝。然而，侍應推薦紅燒炆斑頭腩，他說這是招牌菜，二人的份量也不會過多，這就不可錯過了！斑頭腩經過油炸，外層香脆，內裡的魚肉不差，但的確不夠鮮甜嫩滑，魚汁略少。重申絕對不是說它不新鮮，但並沒有遠道而來吃到特別新鮮的感覺，而且芡汁不夠，不過這道菜的確是我當天最喜歡，不至於敗掉招牌菜之名。椒鹽瀨尿蝦的炸蒜過咸，蝦肉不能沾太多蒜，但油炸的食物少有不好吃，我連蝦頭都吃掉。瀨尿蝦跟斑頭腩一樣，沒有不新鮮，只是不見得特別新鮮，肉質欠一點爽口彈牙。豉椒炒蟶子是當天最不滿意的菜式，芡汁的味道未能與蟶子融合，吃起來就像蟶子蘸豉汁吃，肉裡未能入味，而且欠鑊氣。朋友質疑蟶子是否新鮮，因為殼已被去掉，而且肉質有些過份結實。酥炸生蠔做出來的效果完全對辦，外層脆而酥化，生蠔美味多汁。唯一美中不足是蠔體偏細小，未能營造飽滿口感。我愛吃蟹黃多於蟹膏，而且不能沒有蟹肉，所以奄仔蟹有黃有肉正合我心意，不像大閘蟹有黃無肉，或其他蟹多半是膏與肉。這裡的奄仔蟹體形不大，但蟹黃含量不失禮，沾上一點鹽味道就上來，完全不用蘸醋，不用任何花巧的配料或做法已經好吃。當然，蘸醋另有一番風味，但無需用它來掩蓋任何問題。朋友對此店的質素不太滿意，因為沒有讓客人自行挑選海鮮，感覺食物新鮮程度平平，就跟一般市區飯店差不多。我並不執着於要自己挑選海鮮，但的確遠道而來沒有感覺比一般出色，然而我們二人都沒有感到不值，因為收費遠低於我們預期。五道菜的單價沒有列出，餐牌上也沒有展示任何收貴，不過加上兩支啤酒、一個白飯、飯後果(橙一個)，$1200不算貴。我倒是希望花多一點，換取更優的質素，這家試過一次就好。…查看更多

去食海鮮, 好快諗到去流浮山, 雖然香港好多地方都出名食海鮮, 但始終係元朗人, 冇理由有近唔去而走去遠嘛? 決定咗去邊區, 都要選擇邊間, 食海鮮最怕比人劏, 咁當然第一時間周圍問人邊間好, 呢間係有2票勝出, 話係平靚正之選~雖然過咗母親節, 但呢日都仲係公假, 所以都係早食有着數, 所以book咗6點, 但原來我地都唔算早, 我地去到見到隔離枱已經差不多食完, 可能5點已經開始食早飯~入到去坐低, 淨係比咗茶我地, 但冇比餐牌, 只係好似大牌檔咁, 淨係响牆上面有十幾款推介菜式, 之後問返門口個叔叔, 佢話陣間會有人嚟招呼, 叫我坐低等就得架喇~ 我真係大鄉里, 人地咁好服務, 只係一時太多人一齊入座, 未招呼得切啫~過咗幾分鐘, 估計應該係老闆娘埋嚟招呼我地, 問我地想食乜, 當我地每講一樣海鮮, 佢就會介紹咩size咩來源, 到我地決定咗之後, 就會推介可以點煮, 仲幫我地預埋份量, 唔會話夾硬嚟, 或者老屈你, 非常老實~ 仲話送個魚湯比我地飲添~ 魚湯由於太急開餐, 完全冇諗到要相機食先~ 雖然話係送, 而且都知係用d魚毛或者頭頭尾尾煲成, 但都好濃味, 夠哂足料, 有魚肉同白菜仔, 不過要小心魚骨, 要慢慢飲, 食魚肉要慢慢食~ 酥炸生蠔雖然唔係大大隻, 但反而細細粒仲冇咁濟, 仲有一打咁多, 可以一人分到兩粒~個皮好脆, 但又唔會太厚, 最勁就係你唔覺佢油淋淋, 所以完全唔會食濟~ 乾煎蝦碌好似有7-8隻, 隻隻大大隻, 乾煎得好香, 又唔會令到D肉好乾, 依然好juicy, 啖啖肉, 爽口彈牙又多汁~ 上湯龍蝦伊麵底老闆娘介紹我地食本地龍蝦, 雖然唔係咁大隻, 但起碼唔會好似澳龍咁得個頭, 又貴又冇肉食~ 果然係一個唔錯的介紹, 一人半隻開邊, 真係啖啖肉, 又爽又彈牙, 起碼唔會頭大過身, 一人半隻都好滿足, 而且比起澳龍平好多好多, 就算一人一隻本地, 都比叫一隻澳龍抵, 又平又有肉~伊麵唔會煮到一pet pet, 個芡看似好杰, 但原來又唔算, 雖然話係上湯, 但依然有少少芝士味, 唔會好膩~ 椒鹽瀨尿蝦老闆娘話中size低食d, 話大size只係大1", 已經貴好多, 既然佢介紹平d的中size, 咁梗係信佢抵食過大size啦~ 瀨尿蝦只係椒鹽最好食, 根本唔駛講都一定係咁煮~ 椒鹽味剛好, 唔會太鹹, d蝦腳基本上都可以食埋, 好食到差連手指都食埋~ 炆斑頭腩呢個係推介, 不過又真係值得推介, 腩肉外表有薄薄一層炸到脆的粉漿, 肉質依然保持嫩滑, 就算凍咗都唔覺得腥, 味道又唔會好濃, 更加唔油膩~ 蒜茸粉絲蒸扇貝當然新鮮又大隻, 不過唔係好夠粉絲, 通常呢味都係配菜粉絲較出色, 豉油亦要調味調到剛好, 不能太鹹或太甜, 呢度盡對做到~ 薑蔥炒蟹唯一最失望係呢味, 雖然老闆娘介紹奄仔蟹, 但家人要肉蟹, 不過點都估唔到隻肉蟹細隻成咁, 兩隻炒埋都唔係好多, 頭先沿路行入嚟, 都見人地檔d肉蟹好鬼大隻, 同埋味道偏鹹咗少少~ 炒菜基本上每枱都會要你叫返碟菜食下, 而且佢都唔會問你要咩菜, 我估佢只係入一種最方法處理的唐生菜, 不過碟菜就油令令, 唔知佢係咪油浸唐生菜, 因為淨係問我地要唔要菜, 基本上係冇問點煮, 而且我見廚房出嚟碟碟都係油泡唐生菜囉~ 甜橙每枱基本上都會送一碟, 碟橙係完美句號, 因為真係好甜, 差d想問佢可唔可以送多一碟, 不過唔會咁肉酸囉~下次嚟流浮山食嘢我識路, 唔駛再問人, 難得遇到一間又老實, 價錢又公道, 味道唔錯的酒家, 當然會記住啦~同埋呢度睇佢都知係行實力路線, 所有上菜都唔靠外表, 完全冇修飾冇伴碟, 好似屋企餸咁~…查看更多

已經忘記了上一次是何時來這裡, 真的很久都沒有去流浮山吃海鮮, 假日一行十五人來這裡吃一餐豐富海鮮宴; 由於朋友已經訂位所以不需要等位便安排上閣樓, 似大排檔. 海鮮湯: 是送的! 由於是用魚煲當然鮮甜(小弟認為家母煲的好飲); 大班兩味: 魚片炒西芹, 啖啖肉好鮮甜好好食, D魚皮咬一口很爽脆; 另一味是炆骨腩(沒有吃所以不知道什麼味道, 但賣相不俗); 椒鹽瀨尿蝦: 味道很香口惹味,雖然很大碟份量但蝦很細只,又話有成只筷子咁長; 豉油王大蝦: 都算大只,蝦肉都好彈牙; 流浮山生蠔兩食: 薑蔥炒蠔很入味, 另外—味當然是酥炸生蠔, 炸得剛剛好, 沒有成口油的感覺, 兩種煮法都各有千秋, 蠔本身新鮮同大細剛剛好—兩口便可以嚥下; 豉椒炒聖子: 這道菜最抵食, 因為又大碟又大只又好味又香,色香味俱全。 蒜蓉粉絲蒸扇貝: 麻麻地因為蒸過火了,粉絲都不是彈牙。 菠蘿生炒骨: 有驚喜,酸甜都控制剛剛好!估唔到那麼好吃,大家都很喜歡。 蜜汁燒雞翼: 另—個不錯的選擇, 燒至金黃色。皮脆肉質潄滑。 炒飯: 炒得幾好, 一粒粒, 如果多少少蝦盲更加好.…查看更多

7月27日 下午5點 一行5人 先到 后豐海鮮檔買海鮮。我地買左 一條魚 $100, 一斤中蝦, 一斤蟶子 $62 斤, 5隻扇貝, 頭腩 $1XX, 3隻瀨尿蝦, 同埋 一斤花螺。 所有野加埋 $900 平呀~買完之後海鮮檔老板娘帶我地到 "海景" 加工。我地叫左: 1. 椒鹽瀨尿蝦 好味~2. 豉椒炒聖子 幾好冇沙好鮮甜 3. 蒜蓉粉絲蒸扇貝 都ok既,同出面冇咩分別 4 豉油皇中蝦. 好味到連殼都食埋 5. 辣酒煮花螺 酒唔太入味~但d 螺好味 6. 炆頭腩 大大碟 好多肉好滑 正 7. 清蒸 (好似叫3刀定3點) 魚 好滑好味正 8. 本地生菜 OK 9. 楊州炒飯 唔錯 另外叫左 8支汽水 + 1支 beer 同送 橙共 $620海鮮 + 加工 共 $1520 又抵食又好味…查看更多