愛文生

朋友一家在澳洲回港探親，我們幾個朋友一定要見一見，聊聊天。外國回來，當然很想吃地道的菜式，所以我們就來到「愛文生飯店」大排檔吃晚飯。🕊️ 椒鹽九肚魚 外脆內熱，一點也不油膩。九肚魚肉質嫩白又新鮮。🕊️ 咕嚕雞球 我最喜歡吃，一點也不會有死酸的感覺，亦都不會太多面粉。🕊️ 黑椒薯仔牛柳粒 由於我不吃牛，我只吃他的薯仔，薯仔很入味。🕊️ 椒絲腐乳炒時菜 今日時菜是通菜，腐乳炒通菜一向都是絕配。腐乳分量剛剛好，菜好新鮮。🕊️ 家鄉小炒王韭菜芯、魷魚、腰果，火喉十足。🕊️ 招牌黃金虎蝦蝦肉又彈牙又新鮮。🕊️ 豉椒炒聖子皇 份量超大，新鮮！蟶子沒有沙，啖啖肉。🕊️ 黑松露瑤柱蛋白炒飯主要點給小朋友吃，炒得好有鑊氣，我們前後點了兩碟 🤣🕊️ 山渣檸檬 吃得太多當然要消消滯，山楂檸檬一定是不二之選。整頓飯都超好吃，也十分超值。大排檔絕對是香港的文化遺產。…查看更多

🔺愛民生🔺香港地道大排檔之一，鑊氣一流。其實唔係第一次食，以前細個讀書年代都有黎食過2次。事隔10年再嚟幫襯，以前只有一間店，依家擴展到幾乎半條街，真係勁！！都知道一到夜晚任何一日都好多人排隊，我哋為左避開人龍，所以五點幾就嚟攞飛，唔使等～～😄今次同朋友們嚟到點咗啲人氣小菜：⭐️小炒皇腰果蝦乾魷魚份量算多，韭菜翠綠冇渣，加上爽口菜脯粒，食落口味道豐富爽脆。⭐️避風塘炒蟹超級惹味，蒜香夠香夠味，肉質鮮嫩，非常之有鑊氣，好味！⭐️椒鹽九肚魚炸到外脆內軟，新鮮熱辣辣，香脆惹味，送酒一流👍🏻😄⭐️鐵板黑椒豬手肉質好腍好多肉，好入味👍🏻⭐️薯仔牛柳粒似係預先整好，薯仔應該唔係即刻炒同炸，薯仔同牛柳粒就較為乾身，肉質唔算滑，味道一般。…查看更多

香港地道大排檔，可以見到廚師與火共舞，獲氣一流。餐牌非常之多選擇，基本上想食乜都有。去之前一定要嚮GULU拎飛，並且提早過到去，因為位置都比較隔涉 ，d number亦會突然飛得好快，miss左就要等補位。如果係去到先㩒飛，就大機會要等好多張枱喇。避風塘粟米條 - 必食，粟米炸過好香口，加埋避風塘調味，甜辣惹味，食唔停口。豉椒炒蟶子 - 蟶子比較迷你，不過夠鮮甜，亦都無沙。黑椒薯仔牛柳粒 - 牛柳粒太咸，無咩特別，可以唔洗試。椒鹽九肚魚 - 炸得香脆，炸漿亦唔會太厚，放耐咗都keep到脆度。家鄉小炒王 - 食得出的鑊氣，送飯一流。…查看更多

愛文生飯店扎根喺深水埗好多年想當年讀緊小學同屋企人已經係到食因為廚房係喺條街嗰度嗰陣細個仲好鍾意望住個廚房喺度拋鑊 啲火鬼咁猛好好睇！由佢擺枱仔喺街邊食到今時今日入晒舖食物質素都保持到桂林炒生腸食咗好多間唔同嘅大排檔都冇呢一道餸所以如果食愛文生就一定會叫基本上生腸非常爽少少辣味非常惹味基本上係必叫！好好食！椒鹽九肚魚唔使多介紹都知道大概咩味呀九肚魚上粉好薄炸起上嚟好脆生九肚魚都好鬆軟又滑份量非常大碟三個人基本上都唔係好食得晒京都肉排我本人最愛甜酸汁非常好食洋蔥好爽甜肉排走油後上芡 鬆軟厚肉唔使多講！淨係想擺入口！椒鹽鴨舌本身對鴨舌冇咩愛但朋友想試就試下啦鴨舌炸得非常乾身！好似食雞腳咁樣慢慢lun 送酒來講都唔錯！…查看更多

黎過呢度兩次，每次都要等位。夏天室外太熱，如果等得太耐實在辛苦。原來愛文生用The Gulu 排隊系統，只要下載呢個程式，就可以預早排隊😃雖然眼見座位都多，但都要等約20分鐘。如果無一早攞飛，應該等半小時吧！環境 ：大排檔不要要求太高😅如果座室外比較差，室內有冷氣比較好價錢 ：比一般大排檔來說偏底，CP值不錯食物質素：媲美酒樓水準👍很有鑊氣服務質素 ： 速度快，以大排檔黎講服務可以了招牌黃金虎蝦 ： 好味，如果有睇我另一篇介紹觀塘大排檔黃金蝦，要成3百幾。愛文生只係差唔多2百，不過呢度細份d ,但4人食係夠食嘅。愛文生唔只平，仲好味好多。蛋黃味比較濃。不過比我上次食，就無咗濃厚。希望只係廚師今次一時手輕左啦！腐乳通菜 ：好夠味黑椒薯仔牛肉粒 ：真係要必食！薯仔煮得淋，牛肉咁好彈，好香，無筋。椒鹽九肚魚 ：炸粉唔多，似即叫即做，唔係番炸，好惹味琵琶豆腐 ： 真係好味，好滑，彈牙，我覺得係酒樓水準…查看更多

周末一班好友吃大排檔，愛文生是該區人氣之選。沒想到夏日炎炎竟有不少人仍坐在街上進食。要求了入內有冷氣的位置。等了約30分鐘終入座。到大排檔當然要點些穫氣小炒及炸物，熱一熱氣! 再加可樂啤酒爽一爽!椒鹽九肚魚: 一向不愛九肚魚，但這裡的調味好又炸得夠脆，骨也全吃掉!豉油皇炒面: 去大排檔必點，穫氣夠，面夠乾身，配上辣醬，不錯。金牌乳鴿: $68一隻的確不便宜，但炸得剛好，皮薄肉嫰，且算大隻，確比酒樓$30一隻要好。西檸軟雞: 炸雞皮夠薄脆，欣賞汁不會過浠，剛好掛在雞上，酸甜度亦正合我口味。金銀蛋浸白菜仔: 點了一道清淡一點的浸白菜仔，解一解油，味道也是好的。小炒王: 另一必點的大排檔菜式! 腰果蝦乾菜圃大方給超多!土魷超大塊但有點硬，下酒一流!豉椒炒蜆: 本想點蟶子但賣光了，退而求其二叫蜆。調味不錯，蜆多，但老了一點，間中一隻有沙，有點失色。魚香茄子煲: 點個煲仔菜，選了魚香茄子煲這最油最肥之選! 茄子香滑，咸咸香香，吃著很想吃飯!整體味道不錯，份量夠大，吃得豪邁也飲得高興!…查看更多

深水埗呢一檔大排檔超級有人氣🤗小編一直都好想試，不過萬年都勁多人等位😳所以一定要勁早去攞飛，如果唔係真係有排等😏愛文生係一間開業於1956年家庭式經營專賣小菜同海鮮小炒嘅鐵皮大排擋😎全靠兩個古董火水爐，喺街頭炒出鑊氣小炒，非常有風味🥳-🍴芫荽皮蛋魚片湯芫荽皮蛋魚片湯以芫荽、皮蛋、魚片同布包豆腐煲成🤫雖然配搭簡單，但就非常適合為呢一餐飯做一個開端☺️呢一煲湯一上枱嗰陣已經非常吸引，表面飄浮着大量嘅芫荽😳一潷起亦都有非常多嘅魚片，入面亦都加入左布包豆腐，皮蛋份量都算多😁魚片湯入口有好重嘅芫荽香味，入口亦都有少少辣辣地嘅感覺，味道非常清新🤪而且啲芫荽入口亦非常嫩身，一啲都唔老🤗至於個魚片方面，魚片入口都算嫰滑，完全唔嚡口，而且冇骨😆真係超級加分。整體來講，湯嘅味道雖然比較清淡，但味道亦都非常足夠，芫荽味重果下真係超級加分😌-🍴椒鹽九肚魚椒鹽九肚魚炸得外脆內軟，食落非常香口😙而且入口食落口感亦非常鬆化。中間嘅九肚魚雖然就唔算肥美大條🤔不過入口食落肉質一絲絲咁，但九肚魚亦非常嫩滑😝再者九肚魚入口食落嘅椒鹽味都幾重，但又唔會太過鹹，而且有啲辣辣地咁，真係會食唔停口😜而且沾埋個喼汁一齊食，入口酸酸地咁，成碟九肚魚嘅味道都會更加豐富😙-🍴豉椒炒蟶子蟶子入口味道鮮甜🥰雖然用嘅都係比較細隻嘅蟶子，但隻隻都算幾肥美，入口食落亦相當爽口彈牙😝而且蟶子入口辣辣地咁，非常惹味，而且嗰種辣係深入蟶子肉中間，所以都有少少辣🤤不過豆䜴味真係唔太食得出，但其實都已經好好味。重點係佢哋嘅蟶子真係洗得非常乾淨，入面一粒沙都冇👍-🍴豬膶啫啫雞煲雞煲一上枱嘅味道已經非常吸引，令人垂涎三尺🤤雞肉入口口感嫩滑，而且引入依家食到有少少雞嘅香味，唔會比醬汁完全蓋過左雞肉本身嘅味道🤭而豬膶方面，豬膶入口口感軟淋又帶有少少爽口咁，而且豬膶嘅份量都幾多，雖然只有幾舊，但舊舊都非常大件😄整體來講，呢一個雞煲味道真係超級惹味，令人食唔停口，不過同時亦都比較鹹，食完有啲口渴🤫-🍴家鄉小炒王小炒王以韮菜、腰果🥜混合魷魚🦑、蝦乾🦐同菜脯粒炒製而成，作為一個下酒菜來講絕對冇得彈😋小炒王一上枱嘅顏色已經非常吸引，而且啲韮菜仍然係非常翠綠😎入口食落亦都比較爽脆，都算係幾有鑊氣😋而且配埋口感比較香口嘅腰果，惹味嘅魷魚同蝦乾配上少少爽口嘅菜脯粒，整體嘅口感味道都非常豐富😚而且小炒王入口口感亦唔算十分油膩，調味亦適中，送飯一流😆-🍴金牌炸大腸炸大腸本身表面炸得比較乾身😜並唔係油淋淋嗰種，所以入口亦非常香脆。不過由於今次嘅大腸本身就比較瘦🤔所以入口食落口感會比較韌，亦會比較有𡁻口😅而入口食落亦都唔會係又硬又乾嗰種，咬落去都會有少少肉汁係到，配埋個糖醋醬一齊食就更加滋味😉不過其實呢一碟炸大腸並唔係太合小編心意，因為對於小編來講肥腸會更加好食😳…查看更多

這間人氣大牌檔平日晚上都完全爆滿不止店內的抬全爆 外面整條街都俾佢霸哂亦全部滿座 果然名不虛傳值得一提是這裡不接受訂座所以建議早點去免得要等位咕嚕肉 | $98醬汁好食是基本而炸粉豬肉的黃金比例就是成功之處炸粉薄而脆 多肉而且肉質爽厚黑椒鹹豬手 | $148怪不得是這裡招牌菜 超巨型鹹豬手豬手煮得超淋 豬手皮的膠狀質感好似食緊花膠一樣略嫌黑椒味不夠濃 但肉質好嫩好淋不會鞋口或過鹹 非常出色豉椒炒蟶子 | $148豉椒炒蜆 | $98豉椒超惹味 再有適度的辣絕對會食唔停口兩款海鮮都好食 蟶子略勝一籌椒鹽九肚魚 | $98大牌檔必叫的餸 外面脆爆魚依然勁嫩滑 再點喼汁真係好好食🤤黑椒薯仔牛柳粒 | $98牛柳其實都只是配角 薯仔才是主角❗️外面炸到好香脆 裡面薯仔依然軟糯而且好夠味 感到有點美極鮮露的味道💯金銀蛋浸時菜 | $88連菜都要特別稱讚😂菠菜煮得很爽口不會過淋 依然保持口感皮蛋亦好爽滑 好出色豬潤啫啫雞煲 | $98好惹味的煲仔❗️蔥蒜味道香令雞好入味豬潤真係好正！超爽椒鹽炸豆腐 | $78炸豆腐真係無得輸 外面香脆裡面是滑豆腐可能我較重口味 認為椒鹽味可以多一點但夠哂多炸蒜抵讚😋最後仲有甜品 都不差喎！海底椰紫米露紫米露幾好味加上有不少海底椰幾足料楊支甘露較為杰身但芒果味濃而且有椰果😍價錢不算最便宜但碟頭幾大所以都算抵食最正就係一大班人來可叫多幾款菜式另外要特別稱讚伙記們親切有禮的服務態度離開時更說了多謝光臨 在大牌檔真係好少見…查看更多

大愛香港街頭路邊美食！今次見到好多人排隊又見到街邊廚師炒菜時好似好有鑊氣，有啲期待。去大排檔最叻叫豉椒炒蜆，平時好多檔都係先煮熟左啲蜆再落豉椒炒，諗住今次有驚喜，但係呢度都係冇分別，所以豉椒味同蜆係分開㗎，唔入味。豉油王鵝腸反而唔錯，好彩叫錯咗冇叫豉椒炒，如果唔係就同蜆係一樣味。見到每一台食客都有點椒鹽九肚魚，係唔錯，炸得鬆化。另外見到每一台都有叫炸豬手，都好想試，但係由於今次得兩個人，費事眼闊肚窄冇叫；呢度其實係幾啱一大班人去食，得兩個人真係唔試得太多味菜，仲有好多味主打都冇試，下次再去同多啲人再試多啲。豉油王鵝腸豉椒炒蜆椒鹽九肚魚係唔錯嘅…查看更多

環境：大排檔環境, 要冷氣既話要等, 如果唔係要早d去攞位; 不過佢位置有d 隔涉, 從深水埗地鐵站行過去都要15-20分鐘.食物：愛文生和一般大排檔一樣, 都是主打小菜小炒海鮮等. 今次主要叫左什菜煲, 豉油王炒鵝腸, 黑椒豬手和椒鹽九肚魚. 首先, 推介大家一定要試黑椒豬手. 初初是因為見隔離幾枱都有叫所以都叫左碟, 佢個豬手整得好淋, 好入味, 黑椒味好香. 什菜煲都唔錯, 足料低食, 有粉絲尤魚菜心...鵝腸都好似佢拿手菜, 我就覺得同出面差唔多, 冇咩咁特別, 不過都係大排檔打冷必食.價錢：愛文生同其他大排檔價錢差唔多, 但勝在食物高質素, 性價比高. 會和朋友下次再黎試試佢其他菜式.…查看更多

#大棑檔好食雖然坐街邊，但風味一流，夠鑊氣，好好味，份量足夠，價錢合理。平日已經好多客人，星期五丶六、日肯定要排哂隊，要幫襯要留意。今次食左：#椒鹽九肚魚 #豉椒炒蜆 #黑椒薯仔牛柳粒 #豉油王炒鵝腸 #黃金肉碎炒苦瓜## 黃金肉碎炒苦瓜：用鹹蛋肉碎炒苦瓜，惹味，苦瓜甘而不苦，小弟個人推介！## 豉椒炒蜆：係大排檔必點菜式，乎合期忘，好味。## 椒鹽九肚魚：香口、脆口！## 黑椒薯仔牛柳粒：牛柳林身好味，但薯仔唔夠脆丶比較粉。…查看更多

星期六晚上行完山朋友話想食大排檔，由於係東涌行完山，沿地鐵線嘅話就即刻諗到深水埗，深水埗嘅大排擋第一個就諗到係愛文生。上一次嚟食愛文生已經係好幾年前帶外國朋友嚟試下香港大排檔嘅時候。嚟到嘅時間為八點零，嚟到都見到好多人等，都擔心要等好耐，點知三個人等左五分鐘都無就有枱可以坐底啦，仲坐係廚房位隔離，可以望住師傅煮餸，更加感受到大排擋嘅特色！三個人嗌左三個餸，為最出名嘅黑淑薯仔牛柳骨、椒鹽九肚魚同埋椒鹽豬扒，再加青島同埋汽水！椒鹽豬扒 - 椒鹽味好足！好好口感食落去！下次會再Encore!椒鹽九肚魚 - 本身係最期待嘅餸落，但食落去剩係食到脆卜卜位多，唔太食到魚黑椒薯仔牛柳粒 - 薯仔好林黑椒味亦好重！正！三個人最尾埋單為325，價錢合理，下次經過深水埗會再嚟食！…查看更多

要食夠鑊氣既小菜, 即時係腦海裏閃出呢間, 為左唔想等位, 提前食飯時間至六點零鐘, 仲可以坐係室內區, 可以有埋電視送飯!食物選擇何其多, 差唔多可以係大排檔叫到既餸都有, 其實都唔駛睇餐牌, 每人心目中都有幾味必食菜式, 以下呢幾款就係我既心水!香口之選當然點呢碟椒鹽九肚魚, 九肚魚唔算肥大, 但脆口度就滿分, 魚肉嫩滑, 椒鹽味唔會過咸, 用黎送啤酒就一流!唔好睇少呢碟椒絲腐乳通菜, 係屋企個爐無咁好火好難炒得好味, 通菜當造無渣, 個腐乳汁調教得岩岩好, 唔係誇張, 只食呢碟都可以送到一碗白飯!呢味又係去大排檔必叫既紅燒乳鴿, 熱辣辣斬件上, 鴿既大少正常, 炸得皮脆嫩, 而卥水汁都浸得幾入味, 無需點淮鹽都夠味道!呢碟黑椒豬手係我目測出菜次數何其多, 差唔多有半場枱都有叫, 咁當然唔可以錯過啦! 巨型豬手以鐵板上菜, 再淋上惹味黑椒汁, 煙韌既豬皮食完覺充滿"骨膠原", 肉質唔嚡口, 肉既份量切開都唔少, 用黎送飯亦都唔錯, 唔怪之得咁多客叫啦!當我地食完離開之際, 天都已經黑齊, 等緊位既人亦都排滿門口..............................我地就帶住滿足既心情走人! HEEE.....HEE....…查看更多

好友生日飯, 決定帶幾支酒去慶祝一番！就決定搵D 大排檔 OR 中餐廳食飯, 朋友就決定黎呢間 "愛文生"食, 聽就聽得多但係未食過, 就決定黎試下喇 去到真係好多人！ 企到出曬馬路！ 拎左飛就同好友們係路邊開始品酒吹水先唔算等左好耐, 15分鐘左右已經入得！ 正！開餐！！入內樓面整潔企理, 唔錯 事不宜遲, 即時點餐！上菜！！一黎就係我既最愛, 黑椒薯仔牛柳粒薯仔煮到軟硬適中, 外脆內軟, 正！牛柳粒非常惹味, 醬汁香濃, 食落口一d都唔靭, 加埋黑椒既香味, 成個菜無得頂呢碟小炒王又係一道招牌菜！韭菜炒得好好味, 配合鮮魷, 蝦乾, 腰果真係好正！！ 送飯一流！！真係白飯都食多碗 椒鹽九肚魚！！ 真心正！！雖然好多地方都可以煮得到呢個味道, 但食落一D渣同骨都無, 香脆而不油膩, 真係難得！誠意推介！！ 如果份量再多D就好喇~ XDD  因為多人食, 每人分到唔多啫啫芥蘭煲, 又一送飯良品！成個煲濃味得黎又唔會蓋過芥蘭既鮮味！一向唔食魚腸, 所以無食呢個菜朋友話唔錯, 而且一D腥味都無紅燒豆腐, 普通豆卜煲, 可以整得更好其實都好食既, 不過對比其他菜就比較失色豆豉鯪魚炒油麥菜, 開胃好味道！送飯又係一流！！ 招牌黃金蝦！講到明招牌, 果然好食 香脆鬆軟可口！蝦炸得岩岩好, 成隻連殼食都無問題！！下次少D人食再叫過, 咁就可以每個人食多D 誠意推介！！ 多人少人都可以去食…查看更多

說起大排檔，大家都會聯想到食客坐在露天的桌椅上大塊朵頤的情況，但何以大排檔會稱做大排檔，年輕一輩可能不太知道。原來20世紀初期，當時的港英政府為了將小販分成固定和流動兩種牌照，所以就設立了大牌和小牌。而大牌檔的牌照是一張大紙，需要裱裝起來，掛在當眼位置，因而稱為「大牌（大牌照）檔（檔口）」。從前的大排檔雖然鑊氣夠，有風味，但礙於座位都在室外，冬天還可以，夏天光顧真的是成吉思汗打仔－大汗耷細汗。但時代變遷，有部份大排檔如愛文生已經入鋪，不管春夏秋冬都能安坐室內大杯酒大塊肉，而食物卻能保持鑊氣十足，價錢也比不少餐館便宜，所以我久不久都會光顧一次。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊愛文生位於深水埗和太子之間的荔枝角道，從深水埗港鐵站步行而至，也不過十分鐘路程。愛文生雖然已經入鋪，但廚房位仍保留在室外，每次到訪從荔枝角道轉入石硤尾街，必定見到師傅在廚房架輕就熟地拋鑊炒菜，一道道佳餚都在猛火下誕生出來。清炒菜心($55)菜心顏色翠綠，一看就知鑊氣夠，因為如果火不夠猛，炒的時候久了，菜就會變黑。這菜心不單顏色吸引，菜心也不過老，確是不錯。生炒骨($80)雖然叫生炒骨，但其實是肉多骨少，最合不好吃骨的我。味道酸酸甜甜，炸粉不厚，肉質軟腍不黏牙，不錯。黑椒薯仔牛柳粒($88)這是我每次必點的菜式之一。牛柳粒和薯仔用黑椒炒過，味道鹹中帶辣，非常惹味。牛柳粒軟嫩不韌口，薯仔黑椒味中帶著濃濃薯香。咸魚雞粒炒飯天氣寒冷，總想有點飯下肚。但見餐牌沒有飯，就問問侍應，侍應隨即告訴我們有幾個炒飯可選，最後就選了咸魚雞粒炒飯。炒飯內有咸魚、雞粒、蛋絲和菜絲，雖然咸魚不算多，但炒飯尚算炒得夠乾身，雞粒份量也不少，肉質嫩滑，不錯。椒鹽九肚魚($88)每一件九肚魚都被金黃色的炸漿包裹著，入口非常酥脆，炸漿薄魚肉滑，加上椒鹽非常惹味。是晚天氣雖然寒冷，但坐在店內與外面的寒風隔絕，頓時溫暖不少。其實除了食物美味和價格便宜外，喜歡到愛文生還因為侍應不會見你吃罷就立刻收拾碗筷等趕客情況，畢竟現在到一間有點人氣的食店，即使人均消費要數百元，用膳時間可能都限在1.5至2小時內呢！…查看更多