串Grill 自助燒烤專門店 (譽發廣場)

📍串Grill 自助燒烤專門店炎炎夏日，好想燒野食但又唔想暴曬😝於是同朋友黎呢間懶人串燒店！環境寬敞，衛生唔錯，唔會坐到好逼，最緊要冷氣好夠涼😆嘆住咁燒野食🔥🌟自動燒烤 120分鐘任飲料（星期日$238/人 +1）嘢食款式都幾多！精選澳洲和牛、紐西蘭牛、黑毛豬，仲有其他豬、牛、雞、海鮮、蔬菜🥬等等，串燒款式多達40款以上，夠曬豐富！💫職員會好細心介紹點餐流程、調味料位置同點用個爐，食起上黎得心應手🤌🔥串燒用QR code落單之後，串燒唔夠一陣就上枱！啲串燒係個爐上面轉下轉下，望住都覺得幾過癮😆又唔洗自已手動去燒，唔會整污糟隻手🫶💫台灣腸第一輪就點左啲丸類同腸，比較易熟😝最推薦既係台灣腸，燒完之後外脆內軟，黑椒味濃，但唔會覺得辣到食唔到，真係似台灣夜市食既果款！🥰之後都同朋友encore 左幾次添！🐮M6和牛牛柳身為食肉獸既我冇可能唔點肉類！🤓切成一粒粒咁上枱，燒起上黎好快熟，燒完之後仲保留到肉汁，幾juicy! 肉同油香好平衡，牛味香濃！🐤雞腎每串有兩粒，燒完之後勁爽口！！質韌脆嫩，口感非常好🤤我再揸埋佢既燒汁去燒，相當惹味！🐂牛舌切得好厚身！一啲都唔孤寒😝以為咁厚會食落比較韌但完全唔係，亦都唔會有腥味，反而係好爽口～🐷五花腩呢個必試！油脂好豐富、口感軟嫩🤤🤤燒到呈現金黃色，肥瘦相間嘅五花肉層層疊疊，望到已經流晒口水🤤脂肪喺口溶化，完全感受到肉嘅油脂，肉質既細膩，表示滿足🈵️食到咁上下覺得油膩嘅時候，配埋生菜🥬包埋一齊食容易解油膩感！推薦！💫☁️棉花糖、雞蛋仔甜品當然唔少得！燒棉花糖應該大家都試過，外層燒到金黃焦脆，入口即溶既口感真係冇得輸；而燒雞蛋仔就好少見啦，口感好似蛋糕🧁，值得一試～✨飲品亦都係任飲嘅，種類亦都唔少，連涼茶都有，啱晒啱啱食完熱氣嘢用嚟清熱！🍹⭐️好味指數：8/10📍串Grill 自助燒烤專門店 (譽發廣場) (旺角)旺角彌敦道558-560號譽發廣場7樓#串grill #BBQ #串燒 #燒烤…查看更多

想瘋狂食串燒/燒烤，一定要嚟試吓呢間《串Grill自助燒烤專門店》，我哋星期六下午3:00pm前入座，$198一位，一個價錢任飲任食120分鐘，超抵食😆🥰呢度裝修簡約，座位寬敞都幾舒適，每張檯有部自轉燒烤爐，只要放串燒落去，佢就會自動不停360度轉，懶人福音😆用QR code落Order，店員好快就送上串燒，望住啲串燒響度轉呀轉～ 好治癒🥰咁樣自轉燒嘅串燒火力好均勻，唔會咁易燒燶，燒得唔錯～燒到咁上下就可以搽燒汁，食之前仲可以加椒鹽 / 孜然粉 / 海鹽，再點泰式風味醬或者柚子醬，調教自己鐘意嘅口味。另外近年流行生酮飲食，如果食開生酮飲食嘅朋友，呢度仲可以加$20加3款生酮醬汁，串燒種類都唔少，豬、牛、羊、雞、丸類、腸類、蔬菜、甜品都有🤩特別要推薦一下M6和牛牛柳、豬五花，和牛柳肉質軟嫩非常唔錯👍🏻 豬五花半肥瘦，燒到金黃色嘅肥膏勁香口🤩 我哋食咗好多串😋仲有極邪惡嘅雞皮同雞軟骨，都係食唔停口不停reorder😛 雞中翼係開咗邊嘅單骨雞翼，容易燒熟方便食👍🏻燒菠蘿同翠玉瓜清甜，要食多啲蔬菜中和一下不停食肉肉嘅油膩感😆 最後一定要Order埋棉花糖同埋雞蛋仔做甜品🤩外層燒到脆卜卜入面溶化嘅棉花糖真係好好味😋 有呢部自轉燒烤機，燒得好靚🫶🏻 雞蛋仔燒脆咗外層好特別，都要一試👍🏻最後嘅戰績非常彪炳，食到肚皮好似想炸開咁😂 加埋一都係每人$218🥰 下次再嚟過喇！🤩…查看更多

天氣凍凍地，係 #燒烤 好日子朋友約我#BBQ ，我又唔鍾意去郊外，又唔識睇火，約我把鬼咩“宜家燒烤使鬼自己燒，使鬼下下去市區？”於是帶我自助懶人燒烤 【串Grill 自助燒烤專門店】餐廳座位好寬敞，全部都係卡位。值得一贊係抽風系統，就算喪燒野食都唔會有油煙味lunch串燒放題超級划算，  任飲任食   120分鐘，3pm前入座每位 $198。QR code 自助落單，menu有牛、豬、雞、羊、丸、菜等等，咩類別食物都有d，以呢個價錢黎講，真係幾抵食，咩都叫一round一定好壯觀送餐速度非常快，落order唔使幾分鐘 串燒已經一串串上臺，我地衹要將串燒放係自助燒烤爐個燒架，串燒會自動旋轉，我地咩都唔使做，等燒熟就食得。自動燒烤賣點係燒得有效率，可以多串同步，食物又燒得均勻，比起人手燒烤真係又效率！不過都要提下大家，唔好放太多串燒，有d串燒比較大舊，所以要預留空間，否則串燒打曬交，阻住自轉，食物受熱唔平均，就會燒燶！另外，#記住睇火 ，唔好卦住傾計，忘記食物！幾乎有得order嘅食物我地都order一轉睇下有咩值得推介 介紹比大家牛豬羊就睇你地喜好以下為小編特別推介：-魚肉年糕：外皮燒到金黃加上我愛的日本年糕，必食！-菠蘿：等到微焦、收水，鮮味更濃縮-蕃茄仔:等到燒到爆汁，熱食別有風味-棉花糖： 平時人手燒烤絕對燒唔到咁平均，棉花糖好容易燒燶，呢度受熱均匀可以輕鬆燒到完美、外脆内軟棉花糖串Grill 自助燒烤專門店 (譽發廣場)旺角彌敦道558-560號譽發廣場7樓超滿足！…查看更多

本身留意左呢間串燒店好耐，之前經過廣華街見到成日都大排長龍。最近發現餐廳開了分店，即刻去食下🔥！分店比較近油麻地，一出mtr後行陣已到，地點好方便呢！店內格局比較簡單，但估唔到用料食材好用心+幾有水準，可以話係禾稈冚珍珠🤣大胃王開動！一坐低店員會先上一盤串燒，然後其他任點，估唔到呢盤串燒有幾款已經係好好水準，之後仲不斷encore的！😋😋😋自助燒爐只需要將串燒放好，就會自轉再自轉，熟得快，好快傾陣計就有得食😍而呢到嘅串燒特別之處係無點調味，完全食到食物最natural，亦都係高質食材先有嘅食物鮮+甜味。餐廳亦都有幾款調味料提供，可以自行調味。😋😋😋推介必點款式！🐷豬肩胛係我不斷encore再encore嘅食物，因為真係好高質！外層烤到脆香，入面好juicy！😋雖然無調味、但完全食到啖啖好香甜豬肉味，真係必食！🐔雞軟骨亦都係必點！烤過後賣相好吸引，外層烤香，食落去成粒都係軟骨無咩肥肉，好滋味😋😋🐷豬大腸係非常肥美，外層脆香，入面有嚼勁。🐟魚肉年糕中間年糕好煙韌🌟台灣腸外層有層蜜糖，烤出來好香口且微甜，幾特別。🌟竟然會有粒粒雞蛋仔燒，好得意🐷豬腩肉竟然唔算好肥，肉質同樣有水準💕烤棉花糖幾時都係最吸引得，棉花糖大大粒，可能係爐溫問題，竟然perfect地烤到外層微微焦香，內裡溶化了嘅棉花糖😋😋以呢個價錢來說，有咁高水準嘅串燒任食，cp值超高😍一定再來…查看更多