麻神麻辣火鍋

一試即愛上😍作為一個火鍋控 真係一年四季都可以打邊爐架😂終於來到麻神了 呢到係台式火鍋 好多材料由台灣直送 原汁原味呀👍🏻✨ 麻神麻辣老饕鍋拼花膠雞鍋 $298上枱嘅時候 侍應先同我地介紹麻辣湯 全由藥材同生果敖岀來 無放肉類 好特別呀！而花膠雞就落足材料 佢建議我地飲啖湯先開始麻辣鍋 辣度屬於中 飲落順口 又唔油 胃唔會唔舒服 好味道花膠雞鍋 雞湯濃郁 加埋膠感很重嘅花膠 淨飲左幾碗了🤭✨ 果凍鴨血要用刀叉食呀 質感好好 夠香 好少食到甘正嘅鴨血✨ 美國頂級牛小排 $188牛小排有三種食法 而且煮法特別 需要侍應協助的😏並非直接放入湯𥚃 而係先放入碗 再熱湯呢個做法令牛小排更嫩滑 啱啱好☺️1️⃣ 直接食 2️⃣ 加蔥花 3️⃣ 加蔥花及辣油辣油好香好惹味 由台灣運來 岀面買不到‼️✨ 手砌特選牛頸脊 $228牛味重 肉質無牛小排甘嫩再自行加啲辣油 真係好正🙈✨ 黑毛肚 $78淥幾秒就食得 麻辣湯底必備之選✨ 新鮮元蹄筋 $68第一次食元蹄筋 骨膠原超多啊 又夠淋💞落花膠雞湯 無得輸✨ 酒香白肉 $58有淡淡地嘅酒味 白肉肥瘦適中 唔會油膩👍🏻✨ 綜合丸子拼盤 $118最愛蝦丸同牛丸 彈牙又juicy✨ 科學王子麵 $44落麻辣鍋煮一陣 干撈嘅方法 再加秘製辣油 超好食呀😍✨ 精選魚餃 $56唔似平時凍肉舖個d 新鮮包好🥰✨ 環境好靚 私房菜甘架 性價比不錯👍🏻🍽 麻神麻辣火鍋🔎 銅鑼灣登龍街1-29號金朝陽中心2期Midtown 25樓…查看更多

《神級麻辣鍋🌶。麻神》位於銅鑼灣金朝陽2期，一入到去，見到裝修高檔，雖然冇獨立房間，但有屏風相隔私隱度高。湯底方面，獨賣藥膳麻辣湯，係飲得既麻辣湯。湯滾服務員就會盛一碗俾你嚐嚐，唔太辣，飲落有點點藥材香。再來就要試佢地自家制既 #果凍鴨血，記得用刀叉食🍽，呢d鴨血就巴閉囉⋯⋯每日係台灣搭飛機黎，當然價值不斐！跟湯底每人得一塊，想encore，就要$88五塊😱。牛肉🐮方面，建議叫 #牛小排 $388/300g。服務員會幫你煮，再分別介紹你三種唔同既食法。小妹比較喜歡第二種加咗蔥頭，又香又有口感。豬肉🐷方面，推 #西班牙黑毛豬梅花 $288/300g，食落油份高。打邊爐點可以冇咗丸？梗要試下佢地既 #周星星 #瀨尿牛丸 $88/4粒 😅 小妹對蝦敏感， 好在廚房肯幫手即做手打有瀨尿蝦版，令我有幸一嚐，牛肉混入洋蔥手打成牛丸，有香有彈牙。而其他丸類則一般。海鮮方面，我試咗蟶子皇$168/3隻，確實大隻，啖啖肉。可惜花甲有沙，影響口感。餃子🥟叫咗拼盤，但就只係可以試椰菜餃同魚皮餃，椰菜餃出色，煮完都好爽脆。咁既環境....咁既服務....咁既食物.....埋單當然都係神級💸💸💸 每位盛惠$670🤭可以講係比想像中高，一試無妨，但應該唔會成日幫親😅…查看更多

1. 麻神麻辣湯底(1-2人)（$228/另外每位加$68）🌶佢地嘅麻辣鍋並唔似內地麻辣湯式，唔係只有辣同麻，而係你真係嚐到藥材陣陣幽香同淡淡水果甜味，彤彤終於明白佢貴嘅原因，唔只係功夫多😱經過煎、煮、炒、炸、熬三個小時以上炫炮製而成，重點係做到「只麻你口，不嗆你喉」😍真係個湯底都好好飲🤤🤤🤤彤樂評分：9.5/102. 西班牙伊比利黑毛豬梅花（200g $198/300g $288）油脂分布平均就基本，仲要軟腍又肉味香甜，大家自己定喜歡嘅熟度啦😁彤樂評金：9/103. 果凍鴨血（$88）湯底入面已經有果凍鴨血，唔夠可以再叫🤣不過，大家真係會encore，因為真係好好食🤩🤩🤩佢地係以真空包裝由台灣空運到港，再經過48小時沖、浸、泡、滷等工序精心烹調。我終於明白點解叫果凍，因為食落去外面質感唔只有果凍嘅滑👍🏻，仲有彈性，切開入面仲係勁粉嫩色，有本身嘅鹹味之餘仲吸晒麻辣湯底嘅精華😍😍😍😍😍彤樂評分：10/104. 特級海鮮拼盤(扇貝、鮑魚各1隻、鮮蝦、花甲)（每位$288）🦐雖然貴左D我，但真係好厚肉，又爽口鮮甜，尤其係扇貝，大粒又啖啖肉，而鮑魚淥完都冇咩點縮水，仲好有咬口👏🏻👏🏻👏🏻彤樂評分：8.5/105. 綜合丸子拼盤(豬、魚、墨魚、鮮蝦丸)（$118）全部都係每日新鮮人手打成，真心粒粒爽口彈牙，每款味道都好出😋尤其係鮮蝦丸🦐彤樂評分：8/10…查看更多

係台灣響噹噹的麻神，難得係香港開店，我梗係要去一嚐美味，於是約埋喜歡食辣的朋友一齊去朝聖啦。當𨋢門一打開，入眼係麻神非常有氣勢的招牌，而且充滿火鍋香噴噴的味道，聞到都非常吸引，令人食慾大增。餐廳環境寬敞舒適，枱與枱之間又有屏風相隔，私隱度頗高，而且服務親切又周到，令我感到好正、好期待！講番正題先，我們選了麻神鴛鴦湯底鍋，一邊係海帶清湯，而另一邊係香氣迫人的招牌麻辣湯底。麻辣湯係由多種水果、藥材、香料及自家製辣醬熬製而成，不含肉類，所以成個湯底濃而不油，飲落味道麻辣香醇，味道豐富又夠味，辣度適中唔嗆喉。真係色、香、味俱全，用來打邊爐一流。首先每人一件果凍鴨血，呢個鴨血係麻神的招牌菜，係由台灣直送。我都係第一次用刀叉食鴨血，件鴨血吸收了麻辣湯汁，所以味道麻中帶辣，而口感軟滑得黎有彈性又爽口，好似食緊啫喱咁，堅好食！另外還叫了美國頂級牛小排，雪花分佈平均，牛肉口感嫩滑，牛味香濃。以及西班牙伊比利黑毛豬梅花，脂肪適中，食落肉質幼滑。兩者都好食到令人回味！呢個係綜合鮮餃拚盤，有魚皮餃、韭菜餃、椰菜冬菇餃及鮮蝦雲吞。個個都用料十足，而且皮薄餡靚又多汁。韭菜餃的韭菜味香濃，魚皮餃的皮煙韌有嚼口，鮮蝦雲吞蝦肉超多，每一口都係蝦肉，至於椰菜冬菇餃就較為清新甜美。色彩豐富的是綜合丸子拚盤包含了豬肉丸、鯪魚肉丸、墨魚丸及蝦丸。全部都是手打丸，所以口感爽口兼彈牙，味道鮮甜美味，真材實料非常有水準。不得不食這個食神醬爆瀨尿牛丸，係電影中出現的食材，估唔到可以係到食到。比一般丸類大粒，要灼大約8分鐘先食得，而且內有乾坤。牛丸係手打的，所以口感非常有彈性，而且十分爽口，牛味豐富！係食之前𠝹開牛丸頂部，咁就可以輕鬆食埋牛丸內的醬爆汁，唔會將啲汁爆到周圍係及唔會燙到嘴了！冰菜灼過後，口感軟腍中帶爽脆，而且味道清甜，好好味。這是手工蘿蔔片，師父刀工了得，每片都切到薄薄的，而且厚度一致，灼一灼就食得。這是南極冰藻，我都係第一次咁樣食，係湯到灼大約10秒就食得，口感爽脆，而且充滿海藻味。這些火鍋食材都非常新鮮好味，超有水準，用清湯食可以食到食材的原汁原味，而用麻辣湯食可以令食材味道更豐富更惹味，大讚！仲有呢杯開胃解辣的冰凍蜂蜜檸檬，味道酸酸甜甜，內有好多甜蜜蜜的爆珠，打邊爐飲最夾！…查看更多

自從麻神麻辣火鍋登港後，一直心思思相約友人大快朵頤，不過不是說怕辣，就是說太貴，幸好最後約齊兩好友，三人行幫襯。對於傳聞中的果凍鴨血，是一千個期待，果然味道好到超乎想像，鴨血盡吸麻辣湯汁，而且竟然有彈牙口感，是我生平吃過最好吃的鴨血。其他必吃菜式當然是牛肉類，這裏有齊美國頂級牛小排、牛頸脊、黑毛安格斯西冷、手切牛肉等，我們幾個都是牛魔王一族，點了好幾款，然後又再Encore，至於哪一款最好味，只可說每款牛肉皆鮮味十足，入口即溶，難分高下。至於之前獲朋友推介的手工蘿蔔片，單見賣相已令我仨嘩嘩聲，食落爽口，尚算不錯。埋單每人約六百大元，以我最近吃過的台灣火鍋來說，是最貴的一餐，但總算物有所值。…查看更多

天氣涼涼地，最好不過對住滾得冒煙的鍋子， 烚下烚下咁，與朋友談笑風生，諗起都覺得正到暈！ 廣東火鍋食得多，近排有冇咩新意思？麻辣湯可以作湯飲嘴巴唔受苦，鴨血用刀叉切來食，肥牛唔涮改用火鍋湯灼，台灣過江龍、知名麻辣鍋專門店＂麻神＂，真是試過方知台式麻辣鍋的真貌！ 早幾日我與食友有幸先嚐，位於金朝陽二期的麻神麻辣火鍋，下月初才正式營業，只可以在 Facebook 訂位的試業期間我們已經衝上去了！ 祕製麻辣湯底，出奇地不用牛雞豬等骨頭熬煮，只用蔬菜、水果及多種辣椒及八角等香料、全天然久熬而成，不像其他麻辣鍋般濃油赤醬，湯頭清甜帶辣勁，辛香中帶果甜，少有的，麻辣火鍋的湯頭，都可以直接飲用。 果凍鴨血滑得像玉子豆腐，完美得幾乎沒有孔洞，閃閃發亮，口感黏稠煙靱、順滑到不得了，裏面吸飽麻辣湯汁，層次豐富，完全沒有腥味，真是超級無敵好吃，至今依然回味無窮。 仲有，這裏的建議吃法是用刀叉，玩咪呢？原來有避免熱辣湯汁灼傷嘴巴的奇效，真想得周到！ 特色湯頭令招牌鴨血更出色，簡直是絕配，我們追加又最加，簡直停不了口！ 牛肉是吃火鍋的靈魂，麻神心思細意，一方面憑着人面，取得本地手切牛頸脊，纖維豐富帶嚼勁；另一方面入口美國的溫體牛排肉，台灣人叫溫體牛，意思是未曾經過冷凍的牛肉，美國安格斯沙朗肉，新鮮嫩腍有肉香；我們亦點了 Kurabi  Plate 和牛腹位，白色的脂肪佈滿牛肉片，入口即溶，最後的USDA Prime 特級牛小排，亦怎會令人失望。 麻神的另一特色，是硏究出灼牛肉的非一般程序，一般人都會把牛肉直接放進湯鍋內，等牛肉煮至合意的生熟度便進食；與別不同，男侍應示範，把一片牛肉放在火鍋內灼三下，然後取出放在一碗子內，之後從麻辣鍋取出熱湯淋在牛肉片上，直至沖熟，我們來一比較，發覺這個做法的牛肉口感更加肥美腍嫩，可能是減少了肥油流失的原因，可惜已到我們這班餓鬼，認為雖然有趣但費時，心急的我們，最後還是用自己的傳統方法！ 其他火鍋材料亦新鮮上乘，扇貝、鮮蝦、菇菌、蔬菜、丸餃類等等，大家非常盡興。檸檬荔枝特飲 特色飲品亦值得一提，檸檬荔枝特飲，味道香酸甜美，最好玩之處是以分子料理方法造成一粒粒珍珠，入口爆出頗酸的味道，非常醒神。 服務方面本來態度沒有怎樣，但可能是新開運作尚未暢順的原因，上菜非常慢，大有改善空間。 環境不俗，空間寬敞，以屏風隔開餐桌，客人有私人。 露天座椅，可以飽覽銅鑼灣的夜景，歡樂時光或吃飯前飲杯雞尾酒，亦是賞心樂事。 據說正式開張的時候會有麻辣牛肉麵，真的期待，後會有期。…查看更多