大叔拉麵

营业中

休息中

多得端午節紅日，就有TGIW，放工想飲啤酒爽吓，唔一定要落pub嘅，食拉麵同啤酒都好夾㗎荔枝角呢間拉麵店，假期都會見人龍，平日去又有位喎一碗拉麵怕唔夠飽，加開底嘅人可以考慮特盛版可以揀4樣配料追加，其中有麵加不過佢唔係加底咁簡單，而係替玉，即係有多份麵，所有已選材料都係多加一份，勁抵食呢佢地嘅湯底係無添加，誠意熬製雞白湯又純又濃，和牛骨湯牛味濃厚雞胸肉係慢煮製法，一啲嚡感都冇，好神奇叉燒煎得好香脆，彈牙又唔會好油膩。溏心蛋勁好食，超綿超香醇大胃開頭都唔明，點解普通嘅豆腐會係店長推介？原來製法好特別，炸到有啲天婦羅，大量櫻花蝦同醬料調味，豆腐好滑好索味炸餅叫可樂餅，唔係因為加咗可樂，而係取名自英文croquette雖然冇可樂味，但呢嚿有香濃蟹香，仲有堅蟹肉喺裡面，外脆內綿，有檸檬汁同沙律提味消膩，神級考量食咁多嘢，唔隊返杯啤對唔住呢餐啦！輕井澤啤酒聽過但未飲過，一飲返唔到轉頭，好飲過日本大brand，完全冇澀味，好易入口

誰說大叔一定麻甩(っ´▽｀)っ呢間拉麵店嘅老闆就證明比你睇大叔都可以好可愛！店面擺滿小模型同動畫海報 十足一間日本復古玩具店🪆碗碟都印有可愛大叔嘅嘜頭 卡哇依呢～～雖說係打卡店 幸好拉麵都幾有質素(o˘◡˘o)特別係個湯底 食得出真係用靚料煲出嚟.♥ 特盛濃厚雞白湯拉麵 $⑨⑧♥ 炙燒西班牙黑豚肉和牛骨湯拉麵 $⑨⑧// 湯底 // 分別採用博多地雞、鹿兒島和牛骨 以慢火熬製十幾粒鐘 所以超濃郁厚身 影一陣相已經見到面頭有層薄膜 可見膠質豐富(｡･ρ･)私心鍾意雞白湯多啲 比較清甜無咁膩 但兩款都十分掛湯🍜.// 配餸 //火炙豚肉厚身爽滑 帶焦香同醬汁香 肥膏位保留一定口感 唔會太稔身搞到好似食緊豬油咁 雞肉片薄身但唔嚡口 無用濃味醬料醃製 變相食返本身肉嘅鮮味 味道簡單啲 成件事無咁滯～反而幾好.要提提溏心蛋好正好入味🥚食到味醂香 咬開後蛋漿就慢慢流出嚟～熟度𝚙𝚎𝚛𝚏𝚎𝚌𝚝.♥ 日式櫻花蝦揚豆腐 $④⑧櫻花蝦加紫菜碎 淋上甜醬油～鹹中帶點甜 豆腐炸衣好薄 咬開後熱辣辣 仲滑捋捋.♥ 松葉蟹可樂餅 $④⓪超級香脆又唔厚粉 入面好𝒸𝓇𝑒𝒶𝓂𝓎 真係食到蟹肉絲🦀特製酸甜醬亦可解解膩感

有日式居酒屋風格，牆上好多公仔擺設。容納大概25-30人，需要QR Code自己落單。出左個松葉蟹期間限定，去到6月30就冇了！分數：味道77分，服務75分，環境75分。.🔸松葉蟹湯拉麵($158)⭐️湯底十分濃郁，濃得黎唔太鹹，帶出到鮮香味。麵質剛好，不會太淋，仲好掛湯。另外，湯底熱力十足，叉燒浸至剛熟，非常軟熟。個蟹鉗表面佈滿櫻花蝦，味道更香，咬落更脆。落左好多香蔥點綴，粟米仔有微燒香，絕對唔馬夫。.🔸松葉蟹可樂餅($40)啱啱整好上碟，表面酥脆，裏面熱辣辣，小心燙！蟹肉拼薯仔蓉，口感黏黏的，有少少奶香味。.🔸大叔康普茶($38)⭐️用日本茶葉做基底，同新鮮菠蘿釀製，味道酸酸地微甜，有少少氣泡，發酵20-30日，過程產生益生菌，腸道更健康好多益生菌，但不可飲太多，腸胃唔好會機會屙架~.💈荔枝角長順街15號D2 Place二期3樓314號舖