Harbourview Grill (北角匯二期)

與男朋友慶祝拍拖紀念日，他帶我去Harbourview Grill ，第一次去北角匯，十分近港鐵站，交通方便。有2人 dinner set menu, happy hour drink list，星期一至五有不同特價優惠。被安排窗邊雅座，燈光昏暗有情調，高背坐椅相當有私隱度，談情一流。餐廳也有室外座位，觀景開揚，也可以帶狗來用膳。Apple Cooler 有蘋果汁、檸檬汁、西芹汁及九層塔，味道清新帶酸幾開胃。香辣蒜茸白酒蜆肉意粉 $158有好多蜆肉，味道鮮甜無沙，蒜蓉味幾香。紐西蘭肉眼扒12安士 $298有格仔紋煎得好靚，熱騰騰即時上檯，看到正在出煙。點了五成熟，煎得剛剛好，而且牛肉入口好腍，沒有根，肉味濃郁又有肉汁，好美味。朱古力心太軟 $98心太軟賣相如杯子蛋糕漲卜卜切開就看到朱古力如熔岩般流出，朱古力味濃郁可口，甜度剛好，蛋糕鬆軟，配雪糕味道一流。…查看更多

北角旺區少有的開揚西餐廳，落地玻璃可以看到戶外景色，即使錯過了迷人的日落時間，但景觀還是不錯的。除了空間感足，還有Pet Friendly Area，不少客人帶同汪星人一同用膳，很溫馨！食物價錢中等，禮拜一至五更有不同的優惠。墨西哥雞肉夾餅 $128Quesadillas作為Starter，這個墨西哥夾餅的份量比想像中多，暖烘烘的4大片餡餅包裹著滿滿的雞肉和芝士，香料味道適中，不太重口味，沾上墨西哥牛油果醬、莎莎醬和酸忌廉，味道層次豐富。肉眼扒12oz $298NZ Grain-Fed Ribeye Steak 一上桌就聞到超級香的碳烤味，Medium Rare熟度的肉眼扒肉質軟熟，Juicy又有牛油香，不需太多調味，就能吃到牛肉本身的鮮味。拌碟有大量蔬菜，正中合味。龍蝦及大蝦意大利飯 $208Prawn Al Fungi比預期中更有誠意的意大利飯，龍蝦及大蝦的份量很大方，每件都啖啖肉，很有存在感。蕃茄意大利飯酸酸甜甜很開胃，即叫即製的熱度倍感新鮮。朱古力心太軟 $98Lava Cake 比一般吃到的心太軟不太一樣，更像是半熟流心的朱古力蛋糕，口感紮實而濕潤，朱古力味道濃郁，加上冰凍的Vanila Ice Cream，冷暖交融，也是不錯的甜品選擇。…查看更多

這間西餐廳位於北角的北角匯二期，主打美味又份量十足的意大利及美國菜式。店內環境寬敞舒適，採用典雅的墨綠色作主色調，設有戶外座位，可帶同寵物用餐，窗邊能欣賞到北角碼頭的海景。設有經濟又實惠的二人及四人套餐，星期一至五亦有不同特價優惠，每日Happy Hour時段的飲品更有特價。香料烤比目魚柳 - $198大大塊厚度十足的魚扒，雪白的魚肉油香四溢，溫和鮮甜好嫩滑，完全沒有魚腥味，醃上印度tandoori醬，有著濃厚特色的香料味，微辣惹味；旁邊有沙律菜平衡膩感。炭燒豬肋骨 - $178半份豬肋骨已經十分厚肉，炭燒烤得外焦內嫩帶點香氣，惹味的美式BBQ醬醃得好入味，輕易切開骨肉分離，嫩滑多汁而不柴，還有金黃酥脆的幼薯條及沙律菜。新西蘭青口 - $168十二隻肥美飽滿的新鮮青口，鮮嫩爽脆，有著濃鬱的海鮮味，伴以蒜蓉白酒汁，酒香中帶點微辣。朱古力心太軟 - $98即叫即焗的自家製心太軟，蛋糕外層薄脆，切開流出濃濃的朱古力醬，還有幼滑細賺的雲呢拿雪糕增添的溫差感，士多啤梨及紅桑子等鮮果解膩。Mango Milkshake - $48Hazelnut Coffee Milkshake - $48幼滑細膩的奶昔毫無冰塊感，富有濃厚的鮮奶香，一杯有酸甜的芒果香，還有香甜多汁的芒果肉，另一杯則有著濃郁的榛子堅果香及咖啡的醇香，風味十足。…查看更多

北角匯入面有間西餐「Harbourview Grill」，店內座位寬敞舒適，仲有室外座位，對住大海景食飯聊天，夠晒chill 😄Menu好多選擇Smoothies (Mango) | $48Milkshakes (Hazelnut Coffee) | $48招牌忌廉青口 | $188青口大粒飽滿，爽滑唔韌，忌廉汁香滑creamy, 恰到好處，唔太膩香草蕃茄海鮮意大利飯 | $168意大利飯口感偏硬身，好有質感，每粒意大利飯沾滿香濃蕃茄醬，食落開胃。飯裏面勁多海鮮，有魚柳、大蝦、青口和八爪魚等肉眼扒12安士 | $298要左medium, 肉眼扒炭香味好重，紋理靚，雖然大塊和厚，但唔難切，肉質鮮嫩，入口好juicy👍朱古力心太軟 | $98外層酥脆，內層流心，朱古力嘅香氣非常濃郁，非常吸引…查看更多

朋友都說北角匯有很多好餐廳，今次就帶我來到這裡最高級的西餐廳Harbourview Grill 。一入到Harbourview Grill，就感受到其高檔氣派。餐廳提供精緻優雅的用餐環境，格局寬敞。話明Harbourview，餐廳除了設有酒吧區、室內寬敞卡位之外，亦有室外海景坐位，可以一覽北角碼頭的景色，讓食客可以一邊吹着海風，一邊享受美食和迷人的海景。作為北角區高級西餐廳，Harbourview的食物種類絕對是相當豐富，所以我們都特意點了餐廳推薦的菜式，看看水準。❢ 1. 濃汁牛柳10安士 (NZ Grain-fed Beef Tenderloin 10oz)這道菜以新西蘭穀飼牛柳為主角，經過烹調後肉質鮮嫩多汁。餐廳特配的濃郁的汁料，使得牛柳更加美味，讓每一口都充滿豐富的牛味和醬汁的味道。配菜的選擇和搭配也非常多元化和健康，為整道濃汁牛柳提供了更豐富的層次。❢ 2. 烤雞牛油果手卷 (BBQ Chicken Avocado Wrap)手卷以搭配烤雞和新鮮牛油果為特色。首先烤雞肉質嫩滑，廚師將雞肉切得大塊，食起來口感豐富。牛油果奶油般的質地為手卷增添了一份豐厚感，整道手卷包裹在軟熱的餅皮中，每一口都非常滿足，絕對足料。還有薯條作為配菜，大家還可以少點一份薯條小食。❢ 3. 新西蘭青口 (NZ mussels)新西蘭青口鮮嫩多汁，特別是餐廳的精心調味，加入了蕃茄、garlic wine sauce，令到青口非常惹味，作為前菜實在一流，愈食愈開胃。❢ 4. Mixed Fries (French Fries and Sweet Potato)見到有結合了薯條和甜薯條的配搭，薯條炸得金黃酥脆，口感香脆可口。而甜薯條則帶有自然的甜味和柔軟的質地，雙重享受。❢ 5. 朱古力心太軟 (Lava Cake)朱古力心太軟是Harbourview Grill的招牌甜點之一。外層的心太軟烤製得酥脆，切開後流出濃郁的朱古力餡料，每一口都帶來濃郁的巧克力味道和柔軟的質地，再沽上雲呢拿雪糕一齊食，熱烘烘朱古力混上冰凍雪糕一齊食，寧舍醒神。❢ 6. Decaf coffeeHarbourview Grill還提供無咖啡因咖啡，在晚上享受咖啡的同時不必擔心因咖啡因而影響睡眠。這款咖啡以高品質的咖啡豆烘焙而成，保留了咖啡的風味和香氣。要與摯愛共度浪漫晚餐？不用出尖沙咀找貴價海景餐廳，北角Harbourview Grill是一個值得推薦的用餐選擇。大家可以加入聖誕餐廳名單。…查看更多

炭燒豬肋骨（半份）賣相：🐧🐧🐧🐧🐧味道：🐧🐧🐧🐧🐧豬肋骨超級巨型大份，表面塗滿香濃惹味的BBQ 醬，散發著陣陣的煙燻香氣，非常誘人。豬肋骨外層焦香脆口，內裡肉質軟腍鬆化，肉感滿滿，食落鹹香味濃，非常邪惡😈 隨豬肋骨附上軟滑綿密的薯蓉，配搭豬肋骨食用更添滋味。龍蝦及大蝦意大利飯賣相：🐧🐧🐧🐧🐧味道：🐧🐧🐧🐧🐧意大利飯口感偏硬身，質感呈半熟狀，每粒米飯都沾滿香濃的蕃茄醬，食落酸香開胃，同時又吸納了龍蝦和大蝦的鮮味，滋味滿分。龍蝦和大蝦都十分鮮嫩，肥美又厚肉，口感爽滑彈牙，十分出眾。朱古力心太軟賣相：🐧🐧🐧🐧🐧味道：🐧🐧🐧🐧🐧心太軟新鮮焗起，上盤時依然溫熱，散發著誘人的朱古力香氣。中間切開，濃郁的朱古力漿傾瀉而出，非常吸睛搶眼。心太軟蛋糕外層薄脆香口，內裡蛋糕軟滑綿密，掛上滿滿的朱古力醬一起食用，甜美醇香，令人迷戀難忘。蘋果金寶賣相：🐧🐧🐧🐧🐧味道：🐧🐧🐧🐧🐧蘋果金寶有別於一般常見的款式，由酸甜可人的熟蘋果餡加上海量的木糠碎製作而成，十分獨特。食落口感鬆化中又帶有蘋果的柔軟，味道香甜清新又不會過膩，驚喜之作。意大利芝士餅賣相：🐧🐧🐧🐧🐧味道：🐧🐧🐧🐧🐧芝士餅軟滑順口，忌廉芝士的奶滑滋味十分突出，兼具有淡淡的可可甘香，食落甜度不會過高，十分不俗。每月精選甜品賣相：🐧🐧🐧🐧🐧味道：🐧🐧🐧🐧🐧雜莓蛋糕質感軟潤又不失結實，食落果香四溢，酸酸甜甜十分清新，忌廉不會過多過膩，誠意推薦。Apple Cooler, Passion Pavillion賣相：🐧🐧🐧🐧🐧味道：🐧🐧🐧🐧🐧Apple Cooler 以蘋果汁作基底，再加入檸檬汁、青瓜和羅勒作調味，令蘋果的甘香甜美更出眾，飲落清爽解膩，伴肉食良選。Passion Pavillion 則由熱情果、菠蘿汁、柑橘以及梳打水調製而成，飲落酸香果味滿溢，碳酸的口感非常解渴，夏日解暑一流。環境：🐧🐧🐧🐧🐧餐廳分為室內和戶外兩個區域，室內環境採用典雅的墨綠色作主色調，裝橫簡約美觀，座位舒適寬闊，十分理想。戶外座設計渡假感十足，能盡覽維港海景，十分悠閒寫意。🐧❤️結語：豬肋骨份量十足超級惹味，出色推薦👍…查看更多

大概6:30左右嚟到，都仲有好多位我地揀咗近海邊但係室內嘅位。八點幾走嘅時候，室外嘅位已經full晒，而家啲天氣坐出面應該幾舒服。▪️吞拿魚金塊配芒果辣醬 $148吞拿魚好粉嫩，外面仲有啲nuts/芝麻脆脆，食落幾fresh，做頭盤幾好👍🏻▪️招牌忌廉青口 $188好多青口，青口偏細，個醬汁幾濃味，每隻青口都掛汁。我見隔離枱食另一款青口大隻啲，果個似落莎莎醬青口開邊。▪️肉眼扒12安士 $298個肉眼扒叫咗medium，切開啱啱好熟，伴碟啲蔬菜好豐富。▪️朱古力心太軟 $98個人中意配原味vanilla雪糕多啲。士多啤梨雪糕都好食，心太軟都有溶嘅效果，可以再流心啲。▪️Mango Milkshake $48▪️The Blue Mist $88蝶豆花配gin，打卡一流。Milkshake 就性價比高啲，大杯好飲又平👍🏻-📍Harbourview Grill (北角匯二期) (北角)北角渣華道123號北角匯二期1樓108號舖…查看更多

星期六晚同老公到北角匯Harbourview Grill食西餐，當晚有唔少枱客人慶祝生日，眼見侍應會一齊唱生日歌，好有氣氛。招牌忌廉青口青口浸晒係滿滿既忌廉汁到，忌廉汁唔係好稠個種，反而似湯，可以同青口一齊食。脆炸焗薯皮有三款醬: 牛油果醬、莎莎醬、酸忌廉，薯皮夠脆，而且有保留到薯仔，醬係最面，一齊食估唔到幾夾，有驚喜，最鍾意牛油果醬。是日特色烤魚今日係Halibut 大比目魚，以印度既烹調方式黎整，比目魚好軟滑，一切就開，但小心有魚骨。澳洲烤羊排叫左五成熟，羊排無羶味，肉質軟腍，肉既部分佔多數，唔會得好大舊肥膏。朱古力心太軟雲尼拿雪糕超好味，好幼滑香甜，心太軟切開啲朱古力漿就好似瀑布甘流出黎，非常出色既甜品。…查看更多

呢晚想搵間有情調嘅西餐廳食返個晚餐🙈 所以嚟咗呢間高性價比嘅餐廳 有海景之餘 定價又唔會太貴 啱晒我呢啲小資族啊🫢吞拿魚金塊配芒果辣醬呢個作為前菜非常開胃 因為喺吞拿魚嘅表面有芒果同埋紅椒配合嘅辣醬 感覺好Fresh之餘 仲幾惹味🥭 底下嘅吞拿魚塊外層用黑芝麻同埋芝麻包裹住 外層幾香口 入面嘅吞拿魚肉呈半熟狀態 配埋芒果辣醬味道唔會好腥🐟肉眼扒12安士我地叫medium 切開牛扒中間仲好粉嫩🐮 入面有好多肉汁 我覺得點埋特製嘅牛扒醬汁更好食 醬汁幾重黑椒味 更帶出牛肉嘅香味😌 側邊仲有香脆嘅薯條 同埋沙律 可以有均衡飲食炭燒豬肋骨完全俾呢碟嘅份量嚇親 半份都超大份😳 真係好抵食 我覺得呢個係必叫之選 豬肋骨肉質軟腍 相對都幾容易切開 底下仲有大量薯條 同埋少量嘅沙律🥗 感覺上食完冇咁邪惡 側邊仲有茄汁同埋豬肋骨醬可以點 不過原本嘅豬肋骨已經好夠味🐷朱古力心太軟呢個朱古力心太軟上碟時候熱辣辣 配上一球雲呢拿雪糕 夾埋一齊食更加美味🍫 用匙羹切開啲朱古力流心係誇張地湧出嚟 朱古力味濃郁Tiramisu本來想嗌呢度出名嘅Apple Crumble 可惜實在太受歡迎 呢日已經賣晒啦 無緣試到呢度嘅名物🍎 不過Tiramisu同樣有驚喜 expect佢嘅size係¼咁大個 點知原來呢一份甜品已經好足夠我同朋友兩份食😗 味道方面咖啡味道唔算太濃郁 但係就非常creamy飲品熱Latte杯身幾高 味道飲落就奶味重啲 Mango Smoothie味道香甜 就算放耐咗融咗雪都唔會變成水咁稀😙 係夏天消暑嘅佳品友人都好滿意我帶咗佢嚟食呢餐西餐 望住個海景鋸扒真係幾正 食物份量都幾大 所以都有唔少檯係一家大細嚟食㗎🤣…查看更多

這間西餐廳位於北角的北角匯商場內，店內環境寬敞舒適，裝修充滿外國格調，窗邊位置能欣賞北角碼頭一帶的風景，室外座位更可帶同寵物用餐。菜式均即叫即製，主打份量十足的意大利及美國菜式，性價比非常高。西冷扒10安士 - $268嚴選紐西蘭特級草飼厚切西冷牛扒，切開粉嫩的牛肉流出濃濃肉汁，草飼牛的肉質和油花更細緻，濃厚的牛味更有層次，軟嫩帶微微嚼勁，蘸上辛香的黑椒汁更顯鮮味，配金黃酥脆的幼薯條，連著薯皮更香口，更有沙律菜平衡膩感。蟹肉扁意粉 - $158煙韌彈牙的扁意粉富蛋香，鋪滿一絲絲甘甜多汁的蟹肉，掛著清新順滑的初榨橄欖油，帶微微酒香，更有蒜蓉和辣椒等調味。新西蘭青口 - $158鮮嫩飽滿的青口鮮甜多汁，蒜蓉、辣椒和酒香提鮮。秘製香辣雞翼 - $118金黃酥脆的炸雞翼，咬開雪白的雞肉嫩滑多汁，毫不油膩，蘸上辛辣的秘製醬汁超惹味。朱古力心太軟 - $98新鮮焗起的心太軟外脆內軟，切開流出濃濃溶化的朱古力醬，有著濃郁的可可豆香，配冰凍的雲呢拿雪糕球，明顯的溫差感口感更強烈，更有少許新鮮水果粒。Coco Candy - $58七點前Happy Hour超划算，這杯無酒精的Mocktails有著鹽味椰汁、百香果、酸橙汁及菠蘿汁酸酸甜甜，更有檸檬葉好清新。Earl Grey Tea - $40高貴的伯爵茶，隱隱泛出佛手柑香氣，更另配鮮奶。…查看更多