飲茶 (英皇鐘錶珠寶中心)

疫情期間，已有多天沒有外出，今日（4/8/2020）因要事要到銅鑼灣，便與同事到這餐廳食吓精緻點心，時間緊迫，故昨晚已訂位，順便賺吓飛行里數，兼有全單85折優惠。二個人點了六個點心，好飽。蟹籽燒賣，足料，好味有色蝦餃，麻麻地陳皮牛肉球，好實肉及有牛肉味睇住流奶，已食多次，每次食都要好小心，以免流出餡，這點心，除可愛外亦好味，所以幾乎每次來都叫炒蝦腸粉，略為遜色，不夠味，如加入XO醬或加辣，會更正金四季豆，第一次食，正，雖然份量少咗些，兩個人就啱啱好…Read More

🦁幾個月前去過一間過氣熱門食店，以得意可愛的點心作招徠。雖然點心未有特別驚喜，不過部分小菜餐點仍有可取之處，今日記起特地再來一個😌😋▪️▫️上一次去尖沙咀店，裝潢用上更多粉紅及金屬裝飾，感覺比較浪漫雅緻。銅鑼灣就位於時代廣場對面，地理位置及自然光線都更方便理想，以鮮豔奪目的大幅牆畫做主題，玩味感更重。食物的味道心思亦較鮮明，更令人陶醉。🥢 睇住流奶 HKD49奶皇味比尖沙咀店更香濃幼滑，夾帶椰香的層次感亦相對出色，加上充足的鬆軟度，向來以外表取勝的精緻點心竟沒有令我失望，更為以後的菜色加上相當信心。🥢 扑扑蠔餅 HKD89因為用蛋漿代替麵粉，在油炸過程不會因為吸收油份引致普遍蠔餅所有的飽膩，在口感及味道上更新鮮而富親和力。加上柴魚片營造出海洋風味，菜色更細緻奪目。🥢 沙薑蔥雞 HKD69黃薑粉及蔥蒜的比例配合的非常好，辛甜而惹味，雞批肉亦特意製作得更細軟，以新派點心來講算得上高水準一作。🥢 有色蝦餃 HKD55外型吸晴，閃閃生輝。大大粒在端上桌時就已經有著主角光環。尤其粉金色的塗漆會與環境光線輝映出更動人別緻的漸變色，打卡拍照一流，實物更漂亮。🥢 龍皇泡飯 HKD109鮮茄湯令滿懷累贅的海皇羹生色不小，借用酸甜美味與秋葵的爽實口感配搭出美味一致又清新脫俗的懷舊菜。🥢蒜蓉炒蟶子 HKD168性價比高接近三人份量。以裝潢為吸引力的食店而言味道絕對超班，香口鮮嫩，傳菜員特地快手上菜令我們把握到最美妙的用餐時間，值得點名一讚。…Read More

喺銅鑼灣行街，不妨可以試下去呢間新派飲茶店🥢～店內裝潢好靚，感覺好西式😆，一啲都唔似係食點心嘅地方😂，而且每張枱唔會擺得太埋，所以坐得好舒服😊。·呢度嘅點心名稱好新穎咖～淨睇字真係未必知道係咩嘢嚟😅，但好彩店員會主動過嚟講解下😆。最後叫左: 睇住流奶 (流沙包)、一籠八戒🐷 (叉燒包)、有色蝦餃🦐、野菌泡飯，四樣嘢都好好味，食到舔舔脷😋！·✨妹豬仔👧🏻💬: 點心/菜式都比較精緻，今次兩個人食👫，份量就啱啱好。如果一大班人或者食量比較大嘅朋友，就可能未必夠飽喇🤨⋯⋯不過啲點心造型咁得意可愛 ，可以📸影相打卡，感覺乜嘢都抵番曬啦😝！…Read More

星期六無乜野做，最啱一家人去飲茶。平時去黎去去都係大集團嘅酒樓，有啲悶，於是就上Openrice搵下「飲茶」，點知又俾我搵到一間叫「飲茶」嘅地方，所以我地就去左「飲茶」飲茶啦。依度同一般嘅酒樓好唔同，感覺好新派，餐廳中間仲有張bar枱，非常型格。一坐低揀左茶先，今次我地要紅棗紅袍茶。依個紅袍茶底甘香，味濃但係唔澀。幾粒大紅棗為茶加上微微嘅酸味，正好為豐富嘅一餐解膩。「飲茶」作為一間酒樓，點心種類包羅萬有，但係依度卻為佢地重新包裝成得意嘅模樣，亦都為佢地改左好搞笑嘅名。尤其係啲包，為佢地加上眼耳口鼻，每一樣都好似卡通公仔咁。首先係「睇住流奶」，佢嘅正身係流沙奶黃包。依個包嘅玩法係先用筷子篤開佢個口，再㩒扁佢，然後佢入面啲奶黃餡就會係佢個口度流出黎㗎啦。佢個奶黃有少少鹹蛋香，亦都做到流沙嘅效果，唔錯。「吉川奶子」係綠茶異色版嘅「睇住流奶」，入面嘅餡都做到流心效果，不過綠茶味唔夠出，味道偏甜。「有色蝦餃」賣相好靚，個餡亦都唔馬虎。隻蝦好大隻好爽，無加太多調味，食得出係新鮮嘅。皮厚薄適中，煙韌得黎唔粘牙。「一籠八戒」顧名思義係一籠叉燒包，造型方面真係成個豬樣😂，好正。味道方面，其實同一般嘅叉燒包差唔多。「鴿呑鳳梨」其實係BB鴿形嘅鳳梨酥，用鐵籠上，細節位都做得好足。鳳利酥酥皮脆，不過個人覺得有少少奶精味，鳳梨餡香得黎又唔太甜，當甜品幾好。牛肝菌炆伊炒得幾香，伊麵吸收曬牛肝菌嘅香味，不過略為油膩，落少啲油會更佳。另外，牛肝菌如果落多啲會更香。「近墨者黑」其實係墨汁海鮮蛋白炒飯。炒飯入面嘅海鮮唔少，主要係蝦同帶子。飯炒得粒粒分明，不過比較硬身。題外話：依度有外籍員工，所以有時候都要用英文溝通，真係一個幾特別嘅經驗呢～…Read More

星期日約咗朋友飲茶，一行有大有細加埋成十幾人，揀咗新派茶樓"飲茶"，由於一早BOOK咗位所以唔使等，銅鑼灣店開咗唔係好耐，地方望落都OK大，但檯與檯之間就有D迫。好啦點野食先，萬聖節就到估唔到西方節日係飲茶地方都有應節食品，見佢D野食咁得意就叫黎試試，有木乃伊腸（臘腸卷）、中指叉燒（叉燒酥）、蝙蝠雲吞（炸雲吞）、睇住流奶（流沙飽）、一籠八戒 （好似係叉燒包）⋯⋯由於我地多人所以可以試到好多野食，咁多款我最鐘意係舉手雞花，汁甜甜酸酸脆脆地，係有D個皮有D厚，有色蝦餃都唔錯，太子麻菜好別緻，最浮誇係叫咗D甜品係出晒煙咁上檯，令大家睇到嘩嘩聲。食物算唔錯，係服務麻麻，唔會主動收野同加茶水，就算叫佢望都你都會行開⋯⋯…Read More

早前和朋友們飲茶，因為有小朋友又要在港島區的關係，我便選了這間在Times Square大電視對面的飲茶。呢間叫飲茶的新派酒樓裝修得走型格路線。雖然不是很大，但都見有幾張大枱，大party都可以放心來食。生看點心紙都見他們主力整走公仔點心，所以都應下照叫啲公仔包😄一來就點了三種包畀幾個小朋友食飽佢地先🤣🤣橙色是睇住流奶🤣、🐷是一籠八戒，仲有個啡色就係花生🥜老豆。我覺得最好味是八戒，其實是叉燒包，可愛度加分，叉燒都夠肥夠香，但略厭叉燒較少。睇住流奶就係正常味流沙包，不過不失。花生味的包我覺得好麻麻，又唔夠香，有少少似蔴蓉包既口感但又唔係蔴蓉味。🤷🏼‍♀️呢個皮蛋賣相就十分吸引，不過口感就一段啦，個蛋黃唔夠香，但個皮就幾彈牙既，配個麻辣汁都幾好味😋友人亦特別點了我最愛的蝦餃去試試，一上來嘩好似細個食啫哩糖既顏色，蝦餃肉都幾大粒，個皮既厚度都適中，但都係話好特別。不過都可以一試既。提提大家佢地既用餐時間比較短、所以最問楚幾時要交枱，以免食食下被趕走🤥🤣…Read More

星期天的下午，家人說想飲茶，想去［飲茶］飲茶，不去中環、尖沙咀，也不去旺角，來到了位於銅鑼灣時代廣場對面的那一間，開張才幾天的［飲茶］飲茶。在餐廳所處的大廈門口，見到了［飲茶］的＂奶皇包＂😊……搭上到 2/F 就是餐廳了 ，餐廳用了精美的茶具、竹蒸籠、酒樽等道具裝飾了門面，其中最搶眼的當屬大大隻的＂奶皇包＂造型👏。入到餐廳內，迎面見到一排吧檯位，抬頭可見上方打橫的英文＂YUM CHA＂和打直的中文＂飲茶＂店招。我們被安排在靠窗邊座位😊，白色大理石的方型檯面，和有著閃光金色拎手的茶壺，以及藍綠色有立體小魚兒🐠的茶碟，所有這一切都顯得雅緻和具藝術性。侍應遞上圖文兼備的點餐紙，看圖點餐，首選當然是那個印象深刻的＂奶皇包＂，名為［睇住流奶］HK$ 49 另收加一，餐名頑味十足🤣。送上檯面的＂奶皇包＂熱辣辣的，咬一口即刻湧出金黃色的奶皇……［有色蝦餃］HK$ 59 另收加一。大大隻鮮蝦鮮甜彈牙，同普通蝦餃相比，增加了鮮艷的色彩元素，蝦餃表皮的紅、橙、綠三色誘人。［扑扑蠔餅］HK$ 89 另收加一。實質為＂潮式煎蠔餅＂，上面飄舞著木魚花，頗有動感。用鮮蠔仔、蔥、芫茜等配料，混合著蛋漿煎出的脆香無比的蠔餅，啖啖都可以吃到肉質豐滿結實的鮮蠔😋。［酸辣素羹］HK$ 59 另收加一。選材金菇、冬菇、雲耳、紅蘿蔔、筍等食材，味道屬於比較溫和的酸加辣那一種，醒胃又美味，一碗入肚，即刻周身暖意融融。［栗子西米］HK$ 49 另收加一。實質是＂焦糖焗栗子西米布甸＂，少甜，從中可以品味到栗子蓉的香氣和西米粒圓圓的質感。［陳皮燉梨］HK$ 59 另收加一。吃過前面的油煎＂蠔餅＂和帶少少刺激的＂酸辣湯＂之後，［陳皮燉梨］是最佳的清熱潤喉的生果類甜品🍐。［木糠綠茶 + 棉花雲］HK$ 49 另收加一。漂亮的棉花糖下面是一杯＂抹茶奶凍＂，再灑了一層木糠，味道實際很普通。可能是新開張的緣故，餐廳並沒有滿座，盡可以坐著慢慢喝茶聊天，望著窗外＂時代廣場＂的街景，感覺很好👍！現在類似這樣供應傳統味道與現代玩味相結合的餐廳日益見多，推出的點心睇得又食得，雖然價錢不算便宜，勝在不但食物出色，而服務也同樣出色，今天遇到的侍應都非常友善。而且這間［飲茶］分店位於銅鑼灣鬧市中心的高檔區域，由餐廳望出去的風景獨好，一定會有下次和下下次的………Read More