饞。台式食堂

#MC帶你去尖沙咀.K11 Musea除咗過江龍美食、米芝蓮褻餐廳、日韓精緻料理，其實都仲有間位置比較隱世嘅台式餐廳，主打親民價錢台式輕餐、台式茶飲等。➖➖➖➖➖➖➖➖➖➖➖➖➖➖➖➖✨ 饞。台式食堂.餐點主打簡約及價錢親民嘅台式輕餐，更會盡量挑選來自台灣原裝嘅食材及醬料，還原熟悉嘅台灣味道！餐廳裝修簡約，以木系文青嘅小清新風為主。➖➖➖➖➖➖➖➖➖➖➖➖➖➖➖➖🥢 饞三寶–台灣炸滷排骨飯 $59.飯粒用上台灣本地生產嘅蓬萊米，就係為咗貼近台灣原味道！薄薄炸粉嘅滷排骨外層香脆，口感軟嫩，唔會太乾身，而且滷汁甜甜地，味道不錯。➖➖➖➖➖➖➖➖➖➖➖➖➖➖➖➖🥢 半筋半肉麵（四川麻辣）$90.黑色湯底味道極為濃郁帶少少中藥嘅甘醇味，湯底用上台灣高雄岡山辣豆瓣，香濃微辣有後勁，搭配彈牙滑順嘅陽春麵，口感紮實有咀嚼感。牛腩經過6小時配以9種辛香料慢火熬煮，肉質厚身厚切，口感軟腍入味；牛筋超軟稔彈牙，口感一流。➖➖➖➖➖➖➖➖➖➖➖➖➖➖➖➖🥢 最佳拍檔 $68.即係鹽酥雞拼台灣香腸。鹽酥雞用咗無骨雞腿肉加上五香粉等作餣料，肉質嫩滑，口感酥脆，外脆內軟，仲有肉汁流出嚟，十分Juicy💦；台灣香腸採用台灣CAS認證之溫體黑毛豬製作而成，香氣十足！蒜片嘅辛辣配上香腸嘅酥脆外皮和肉汁，經典組合還原正宗嘅台灣味！➖➖➖➖➖➖➖➖➖➖➖➖➖➖➖➖🥢 芝芝芒芒 $45（跟餐 $35）.芒果奶蓋沙冰呈淡黃色，飲落仲有少少芒果肉粒🥭同沙冰，口感細膩，夏天消暑係一流。➖➖➖➖➖➖➖➖➖➖➖➖➖➖➖➖🥢 芝芝蜜桃 $45（跟餐 $35）.蜜桃奶蓋冰沙呈現出浅橘粉，搭配綿密濃厚嘅奶蓋，飲落好順滑帶淡淡桃味，咸甜度適中。➖➖➖➖➖➖➖➖➖➖➖➖➖➖➖➖…查看更多

之前都有幫襯過呢間台式餐廳嘅灣仔分店🤓 呢次就嚟咗尖沙咀嘅分店 餐廳裝修簡約 以木色做主調 俾人一種好溫馨嘅感覺🤪滷牛腱肉拌麵滷牛腱肉肥瘦均勻🐮 呢個拌麵係用上陽春麵 幼身嘅麵條都好好攪拌 有辣椒同蔥特嘅配料混合埋食就更加惹味🍜 而且幾鍾意佢個拌麵比較乾爽 加埋有少少辣椒喺面 都幾刺激🌶️ 唔鍾意食辣嘅朋友 仲可以喺攪拌前挑走紅燒牛腩手工滷肉飯呢個紅燒牛腩 本來係配白飯 但係因為朋友好鍾意食滷肉飯 所以就加咗錢食手工滷肉飯🍚 呢度嘅飯粒幾有咬口 配埋滷肉真係好快就可以食晒碗飯 滷肉睇得出用三層肉處理 所以食落嘅口感都唔會太肥🐷 呢個紅燒牛腩炆得非常入味 而且每條都係半肥瘦咁樣 口感軟腍🥰最佳拍檔呢個小食拼盤係鹽酥雞拼台灣香腸 鹽酥雞外層望落比較黑 但係唔係炸得過火嗰種🤣 而係因為以豉油 五香粉等香料醃製🐥 台灣香腸加埋蒜片一齊食 唔會太肥膩👍🏻 呢一個台式嘅最佳拍檔真係必食之選 尤其係佢嘅鹽酥雞 外層酥脆入面仲好Juicy添啊茉香珍珠奶茶呢個珍珠奶茶味道幾好 茉莉綠茶底淡淡地唔會太膩🧋 珍珠煙韌有咬口 幾鍾意佢唔會太硬芝芝芒芒呢啲消暑飲品真係好適合我 芒果沙冰入面食到有少量芒果肉🥭 重點係擺咗一陣都唔會分開兩層好嚴重 面頭嘅芝士奶蓋味道會好鹹 薄薄地夠晒吊味🧀尖沙咀呢間分店仲特設台式飲品嘅外賣區域 啱晒鍾意飲手搖飲品嘅上班一族啊😎 夏日炎炎真係要買返杯手搖飲品嘆下呀…查看更多

細佬放假我地約咗去香港藝術館，去之前好想食台灣嘢，搵咗間近近地喺K11 Musea嘅感覺係簡約嘅台式食堂，店內裝潢以木系為主，氣氛溫馨舒服，感覺清新明亮我哋兩條友仔都揀咗麵加一個小食細佬食-饞，牛肉三寶麵湯底可以揀紅燒/麻香/蔥燒口味，佢揀咗紅燒，湯底顏色濃而透徹，味道鹹淡適中，麵底就揀咗台灣刀削麵，有滷牛腩、牛肚、牛筋，佢話每樣都好足料入味！我食-饞，半筋半肉麵我揀咗麻香湯底，有高雄岡山辣豆瓣好香，帶有少少中藥嘅甘醇味，牛腩夠腍夠大塊，好滿足，牛筋軟腍Q彈，口感一流小食揀咗-最佳拍檔鹽酥雞拼台灣香腸，鹽酥雞係用無骨雞腿，肉質嫩滑，冇油膩感，好香好脆。外層望落去較深色，原來係因為用咗豉油同五香粉同埋中藥香料製作嘅雞肉醃料。台灣香腸呢係用溫體黑毛豬製作㗎，用台灣台畜公司產製，又經過 CAS 認證，所以食得比較安心-蒟蒻球百香果綠茶百香果係我至愛，綠茶清新解渴，蒟蒻球係必須有嘅-蒟蒻球白桃烏龍細佬話白桃烏龍茶香較突出，好香白桃香味，甜度啱啱好✨我見到餐廳係支持環保架，佢哋選用竹製餐具，整體我覺得野食好味，價錢又親民，可以入list…查看更多

響K11 Musea搵食除左貴價餐廳以及中高檔Food Court，行到篤比我發現到呢間平民台式餐廳。① 饞 · 牛肉三寶麵 $88首先要讚送餐女店員，有禮提醒溫度好熱，隻碗的確幾燙手。揀選了紅燒湯底以及陽春麵，牛筋好大件，夠腍又有膠質，正！牛腩亦都夠腍，未算鬆化但都唔會痴牙。牛肚唔算特別，但都好食。② 塔香排骨酥配白飯 $72轉手工滷肉飯加$12，個飯比較硬身，滷肉唔膩亦唔會太鹹，好味。排骨酥有驚喜！外層酥脆，內裡軟熟，唔會乾身，正！③ 最佳拍檔 $68呢個最佳拍檔其實係鹽酥雞拼台灣香腸，新鮮炸起鹽酥雞，咬開係出煙既，味道唔會太鹹。香腸加蒜片是絕配，好食！④ 芝芝蜜桃 $40 ⑤ 鮮奶雪頂抹茶沙冰 $40雖然飲品無跟餐優惠，但呢兩杯單點都好飲既。第一杯芝士奶蓋濃厚，唔會覺得鹹或太甜，桃味亦出，推介。第二杯抹茶鮮奶甜度剛好，抹茶味唔會澀，好飲。下次去K11 Musea睇戲搵野食可以響呢度食，暫時係我覺得呢個商場性價比最高既一間！…查看更多

之前喺荃灣如心廣場見到呢間餐廳已經好想試，原來佢而家開左係K11 Musea basement，九龍人都有口福啦！😊💕食店以簡約木系裝潢，灰白色、木色為主調，幾有文青feel～餐廳主要供應台式麵食、小食、飲品。⭐️推薦❗半筋半肉麵（$86）有3款湯底口味可選擇：紅燒、麻香、蔥燒，仲可以挑選搭配陽春麵或台灣刀削麵，小編揀咗紅燒湯底，紅燒湯底香濃，帶有少許中藥嘅甘醇，牛腱肉和牛筋大大件，每款有3-4件，份量十足！滷得軟腍入味。😋刀削麵口感嫩滑爽彈，薄薄的食落有太大罪惡感。😂家常焢肉拌麵（$80）焢肉以冰糖、甘蔗及滷汁等滷至入味，味道香甜味美，仲有原隻滷蛋、原條玉筍做配菜，係台灣嘅味道～陽春麵淋上了焢肉滷汁，鹹香味濃～不過一定要趁熱即刻食，如果唔係就會黐埋一舊舊。🤭⭐️推薦❗最佳拍檔（$68）即係鹽酥雞排台灣香腸，雞排炸皮夠薄，裏面肉質厚肉多汁，台灣香腸肉香惹味。所有嘅奶茶類嘅台式飲品都有熱有凍，並採用明治鮮奶調配而成～☺️我地叫左兩杯熱飲，都勁大杯，好抵飲！紅豆🫘奶茶（$30）紅豆綿密，份量適中，唔會太甜。烏龍珍珠奶茶（$30）烏龍茶底夠香濃，鮮奶唔會蓋過茶香👍🏻，味道清香，不過珍珠有啲腍。…查看更多