四季文昌 (已結業)

平時唔太中意打邊爐的我，今日終於屈服了！朋友是吃得之人，而且無牛不歡，所以點了一個套餐之後，還多點了牛肉。*冬日套餐 ($438)-原味椰子文昌雞 (半隻)看到半隻文昌雞之後，店員隨即幫我們加入到椰子湯底滾梗的時候，已經有椰香飄出中；雞肉吸了椰香，而且肉質有口感和滑。-聖誕三文魚刺身跟餐的三文魚不過不失，煲未滾起的時候可以填下肚。-海南沙薑脆豬手還有另一個熟食的小食沙薑脆豬手。豬皮好爽口，沙薑味適中。-安格斯牛小排 (小)這個是跟餐的安格斯牛小排 ，份量其實都不少。牛味都算濃，但質感不算太淋；比起食肥牛多一份驚喜；但因為有和牛，比較之下，和牛好食好多倍！-海南手工丸手工丸彈牙，有兩款，牛丸和墨魚丸。-健康野菜籃想說，食這個湯底真的真的要點菜食，而且要煮耐一點；菜吸收了湯汁，又淋又入味；野菜籃的款式都不少。-養生菇菌籃沒有點菜，都一定要點菇！！！菇比起菜更加吸味。-日本稻庭烏冬稻庭烏冬煙UN，因為太飽，只吃了幾條。*昆布鏗魚湯配黑毛和牛牛肩肉 (+$188)因為跟餐可以加配多一個湯底吃，而且再有多份牛；$188來說真頗抵食，平時淨點一個好一點的牛都差不多價；昆布鏗魚湯混合了椰子湯之後，一點都沒有違和感，反而令本身的湯底多一份鮮味。跟湯底的牛是黑毛和牛牛肩肉；脂肪的分佈均勻，但又未去到雪花的程度；牛肉味濃，淋得來又有點質感。*山形A5和牛西冷 ($438)這個A5和牛西冷真的雪花到不得了！入口即溶，而且成個口都是牛脂香！*椰紫風情 ($42)色香味俱全的椰紫風情；搞勻之後，是紫色的；椰子味尚算濃，不會太甜。*椰子沙冰 ($38)朋友點的食完這個餐還有精美的名信片和擺設送…查看更多

單看四季文昌這個名字已經有幾份書卷味，店內裝潢亦非常符合，古董書架、文青風格。我最欣賞就是他的主打，原味海南椰子文昌雞鍋，以新鮮椰青水作湯頭，再加上新鮮雞，這麼簡單，已經無得輸！原味海南椰子文昌雞鍋湯頭清澈，透明如水，味道卻是非常鮮美，潤到不得了！雞亦有質素，細細件冇厚脂肪、唔係打針雞， 肉質有彈性，吃得我們津津有味，每人分到五六碗湯水，全清不浪費！因為走海南風格，火鍋調味料與別不同，沒有麻油鼓油，只有砂薑、桔仔及紅辣椒，因為椰子雞鍋味道清甜，應該更加欣賞原味，海南人喜歡加入極酸的桔仔於湯頭，香酸醒神，確有海南特色。冬日套餐分量相當豐富，$438套餐 包括原味椰子文昌雞半隻、三文魚刺身、海南沙薑脆豬手、安格斯牛小排、海南手工丸、健康野菜籃、養生菇菌籃及日本稻庭烏冬。因為假期有特別套餐優惠，今日加＄188，便可以加多個鍋，三款選擇：雪濃牛骨湯配牛肉拼盤、昆布鰹魚湯配黑毛和牛肩胛肉、蕃茄麵包蟹湯配是日海鮮拼盤，我們選了前者。換過火鍋湯頭絕對是個好主意，除了貪心多試一款之外，牛骨湯與和牛更加夾。話說過來，各款和牛質素絕非最頂級，但尚算香嫩肥美，吃得開心。最後的烏冬不要錯過，質感滑溜，與雪濃湯是絕配。性價比合理，環境企理，若然假期需約一夥人相聚，不失為一去處。…查看更多

云云火鍋當中，以椰子雞鍋最為滋潤，在秋冬乾燥的季節就最適合不過。天然又清甜的椰青水加入雞湯和椰青肉作湯底，清甜又不膩；加上用了出名皮薄，脂肪少的海南文昌雞，我忍不住連喝兩大碗。今天來到，原來餐廳除了椰子雞鍋外，還有 Shabu-Shabu 系列，分別有日式「昆布鰹魚湯」和韓式「雪濃牛骨湯」。昆布鏗魚湯配黑毛和牛肩胛肉 （+$188）雪濃牛骨湯配牛肉拼盤 （+$188）另外餐廳亦有一個冬日套餐，分別是2-3人餐$438； 6-8人餐$1288冬日套餐 （2-3人餐 $438）套餐包括：原味椰子文昌雞（半隻）三文魚刺身海南沙薑脆豬手安格斯牛小排（小）海南手工丸健康野菜籃養生菇菌籃日本稻庭烏冬原味椰子文昌雞（半隻）👍👍👍👍👍湯底用了椰青水、雞湯、椰王肉，味道天然又清甜。湯底煲滾後，放入雞件並蓋上煲蓋，用特設7分鐘的沙漏計時，就可以吃到鮮嫩的雞件和滋潤的椰子雞湯。點埋秘製海南柑桔調味汁，令雞肉味道更加提升。特設7分鐘的沙漏計時三文魚刺身👍👍👍👍套餐還包括日式三文魚刺身，三文魚新鮮肥美。海南沙薑脆豬手👍👍👍👍這個是涼食豬手，用了沙薑粉調味，豬手口感爽彈，一點肥膩感覺都沒有。安格斯小牛排👍👍👍👍薄切小牛排，放入鍋內灼數秒便可以吃，一啖一口。海南手工丸👍👍👍👍有牛丸、蟹子墨魚丸和蟹子蝦丸。健康野菜籃👍👍👍👍野菜籃有多種蔬菜和南瓜等。養生菇菌籃👍👍👍👍雜菌索滿清甜的湯汁，味道清香。日本稻庭烏冬👍👍👍👍爽彈的烏冬更是火鍋的好朋友，放下鍋內煑散即可吃，不要放在鍋內過久。雪濃牛骨湯配牛肉拼盤 （+$188）👍👍👍👍吃完文昌雞件後，便可請店員加入這個韓式雪濃牛骨湯，湯㡳雪白香濃，用了韓國牛骨敖製多小時而成。香濃牛肉味的雪濃湯加入椰子雞雞鍋的湯内，令鹹的牛骨湯帶有絲絲清甜的椰子味道，令湯底味道更突出。牛肉拼盤👍👍👍👍套餐還包括一碟牛肉拼盤，包括黑毛和牛肩胛肉和加拿大牛舌，牛肩胛肉，肉味濃郩，牛舌爽囗。日本佐賀A5和牛牛肩肉（$398）👍👍👍👍👍雪花霜降的和牛肩肉, 脂肪分佈均匀，放入鍋內灼數秒，嫩滑之餘，入口即化，配合雪濃牛骨湯令牛味更濃更香，牛迷必吃！椰青 （$42）👍👍👍👍清甜、天然的椰青水，解渴降火！秘製醬汁豉油加入沙薑、辣椒、海南野生青金桔汁神秘禮物套餐附送神秘聖誕小禮物餐廳裝潢極富書卷氣息…查看更多

凍凍地除咗食臘味, 最好不過就系打邊爐, 暖粒粒, 今日3隻為食友嚟尖沙咀搵食, 椰子雞煲都唔錯啵, 就呢間四季文昌, 反正好耐冇食椰子雞煲。習慣食早, 18:00 的早食鳥。四季文昌從門口到室內餐廳嘅裝修都好特別, 門前的文藝書櫃, 室內的古董玩具擺設及別緻的牆飾, 配合埋柔和及光暗分明的調節, 餐廳視覺效果很豐富, 加埋舒服的梳化位及寬敞卡位, 未食已經加曬分。佢地最出名係椰子雞煲, 三隻一定唔會錯過啦, 食椰子雞煲己經係2年前係深圳的四季。調味料係佢哋嘅自家調配醬油, 附送沙薑、青檸及指天椒, 可以按個人需要自行調配醬油。睇完餐牌決定叫一個2-3人份量的冬日套餐, 食物種類非常多樣及豐富, 另加1碟牛肉, 色彩繽紛的食物, 擺到成枱都系, 即時覺得好肚餓添, 套餐包括以下食品;冬日套餐 （$438/2-3人）原味椰子文昌雞 (半隻)聖誕三文魚刺身海南沙薑脆豬手安格斯牛小排 (小)海南手工丸健康野菜籃養生菇菌籃日本稻庭烏冬食物先來係小食及三文魚海南沙薑脆豬手豬手皮非常爽脆彈口, 配佢地嘅自家沙薑醬汁, 蒜蓉、沙薑蓉、蔥粒及椒鹽等調味料, 香香辣辣, 好正！聖誕三文魚刺身食椰子雞煲竟然有三文魚食, 好似有啲九唔搭八, 但其中一個三文魚控就勁開心, 三文魚顏色鮮豔有光澤, 魚脂肪分佈理想, 系三文魚魚腩部份, 戒了三文魚的我都忍唔住口夾起一塊....拈少少芥末及幾滴魚生鼓油, 入口嫩滑肥美, 魚油常豐富。四季文昌椰青 ($42)開波前叫定一個四季文昌椰青配火鍋, 椰青冰涼解渴, 清熱又滋潤, 火鍋絕配。原味椰子文昌雞 (半隻)四季文昌選用正宗新鮮海南文昌雞, 文昌雞在海南飼養最少150日才運港, 有品質保證, 湯底用海南椰子肉及椰水調配, 椰子不但清甜滋潤, 兼有滋陰補腎及化痰潤肺的藥用功效。雞放鍋約7分鐘, 把油份撇走, 即成既滋補又清甜滋潤的椰子清雞湯, 除咗食雞, 落湯底打邊爐前, 我還飲了一碗清雞湯, 又甜又潤又清香, 超好飲文昌雞擁有走地雞的肉質, 皮脆肉爽卻不散嫩口, 且雞味濃郁, 即系我地成日講嘅....雞有雞味, 雞皮望落好肥, 食咗兩塊, 其實唔油膩, 口感有點脆。昆布鰹魚湯配黑毛和牛肩胛肉 （冬日套餐加配+$158）食曬啲雞, 鷄湯又飲咗一半以上, 火鍋正式開始, 昆布鰹魚湯 or 牛肉湯底, 我地選了較清的昆布鰹魚湯, 湯底鰹魚味頗濃, 夠清夠香。健康野菜籃我地食火鍋嘅策略就系先食菜和丸, 後食牛肉, 咁樣蔬菜就會較少油, 心理上覺得健康啲, 新鮮蔬菜有生菜、娃娃菜、紅蘿蔔及日本少南瓜, 日本小南瓜好粉甜呢。養生菇菌籃至於菌類就有海鮮菇、冬菇、本菇及雞髀菇, 菌類對身體好有益, 有飽肚感覺, 屬於健康食品, 吸收埋昆布湯底, 鮮甜美味。海南手工丸 ~ 黑松露墨魚、丸龍蝦丸及貢丸黑松露墨魚丸 ~ 清香滑溜龍蝦丸 ~ 爽滑, 不過就唔覺有龍蝦味。貢丸 ~ 爽口有菇香呢度丸類反而 so so, 欠彈牙口感, 我覺得佢哋可以做得好啲。安格斯牛小排 (小)打邊邊最常食的牛肉, 肉色紅潤有光澤, 肥紋唔多, 食落有咬口唔韌, 冇咁膩。黑毛和牛肩胛肉好明顯黑毛和牛肩胛肉油花較多, 來自佐賀縣的極品和牛肩肉, 是牛的肩胛部份, 運動量夠多, 肉質結實富彈性, 薄薄一片, 灼兩下, 入口微彈, 肉味濃郁, 又不失嫩滑, 由於供應量很少, 特別珍貴。日本稻庭烏冬今晚有兩個牛魔王喺度, 二碟小牛排及黑毛和牛肩胛肉又點夠候呢？今日係預祝聖誕節, 三隻都話食好啲, 叫多碟靚牛慰勞下自己咁話日本山形 A5 和牛西冷 （$438）果然係一分錢一分貨, 我跟另一牛魔王雙眼都發光了, 牛肉肥瘦比列完美, 三分二瘦肉, 三分一肥肉分佈平均, 肥瘦紋理清晰, 口感微彈細嫩之餘, 不失香濃牛鮮, 超正, 世界大美好了, Merry X'mas everybody…查看更多

呢間專食椰子鷄鍋既火鍋店, 之前已經有計劃去食, 但之後又放低左, 友人"突然"間提起話想食, 話咩係十二月轉冷日子, 要慰勞一下自己咁喎, 唉................其實想食好野, 又駛咩搵藉口呀?!預先訂好位, 早去到推門入去就見到環境較一般火鍋店昏暗, 牆身掛上特式擺設, 亦有大電視不斷播放MTV, 設有卡座, 適合三五知己黎烚下烚下踏入十二月, 見到佢有個"冬日套餐" ($438 / for 2-3人), 我當佢為"聖誕大餐", 都唔少野食喎, 一於落左呢個柯打先, 之後店員同我地講係指定日子(12月22-26日, 31日及2018年1月1日)叫呢個套餐, 仲會送你聖誕禮物, 哇......咁真係又食又拎喎!  可惜今晚唔係指定日子...........唔駛好耐, 侍應已送上套餐頭盤小食未起動火鍋前, 先黎食下個聖誕三文魚刺身, 貨源來自加拿大直送, 港人至愛, 質感柔滑, 每片亦有相當厚度, 有口感!另一款餐前小食係呢個海南沙薑脆豬手, 沙薑咁架勢, 梗要用佢黎入饌; 每件豬手都幾入味, 皮爽肉滑, 凍口感加上秘製醬汁既味道, 好快已被我地"骨肉分離"!醒目侍應會根據客人用餐進度而起菜, 佢見我地食完頭盤就開始預備火鍋時間原味椰子文昌鷄(半隻)， 兩個人食就岩岩好, 皮下脂肪唔多, 面頭有3片椰子肉食法係先煮滾起椰子湯底, 之後倒鷄件落去, 用枱上沙漏計時, 完結時(7分鐘)就可以食得先試啖湯, 湯底清徹, 清中帶椰子甜味, 鷄件斬得細件, 方便快熟, 烚完都仍能肉質嫩中帶有少少咬口, 鷄味都算有!點上加上沙薑, 辣椒及青金桔既秘製豉油, 有別於一般火鍋既"混醬", 更能提升鷄肉既鮮甜味!食完隻文昌鷄, 可另加($188)加入昆布鰹魚湯配黑毛和牛牛肩肉呢個湯確唔係講笑, 原來係新湯底黎架, 湯底係選用北海道昆布和兒島鰹魚熬製而成, 啖湯清中帶鮮甜味, 配襯肉類係好夾而呢款黑毛和牛牛肩肉, 肉色靚仔,  脂肪分布比例亦恰當, 薄薄地烚幾秒已食得入口嫩滑, 肉味香濃, 不愧為黑毛和牛, 超正呀:)火鍋點可以無凍飲?  飲品List中點了呢杯椰子沙冰, 賣相吸睛, 飲落唔甜, 只限到椰子既味道, 證明應該無加糖水, 呢股清泉為今餐錦上添花!和牛條癮已起動, 年尾嘛, 對自己好D, 叫多個佐賀A5和牛牛肩肉 ($398), 呢個一客有8片,切得更長身D, 肉色潤澤, 脂肪潔白, 目測已經令人好期待食起上黎比其他牛既同等部位更嫩滑, 輕輕咀嚼已經好快落入喉嚨, 牛既肉香味仍然留在口中...............火鍋又點可以無丸類, 呢客海南手工丸, 各有4款不同種類, 牛丸彈牙; 鯪魚球鮮甜; 墨魚滑丸爽彈安格斯牛小排肉質當然與和牛相比會有一段距離, 但火鍋時間, 牛肉始終無人會嫌多, 再講佢既肉質帶點嚼口, 肉味都有, 配沙薑豉油一齊食又OK喎! 為左均衡飲食法則, 呢兩個健康野菜籃及養生菇菌籃當然少不了套餐包埋日本稻庭烏冬, 個湯底咁鮮甜, 用黎煮烏冬就確係岩數, 再食飽D, 今晚仲唔發個好夢?! 哈......哈.......呢個早左少少既另類"聖誕大餐", 絶對有可能食完令你擁有聖誕老人既肚DUM................HO...HO......HO................…查看更多