瓊媽媽 (書局街)

經過附近，見幾多人等外賣，見外賣比堂食平啲，就買來試吓，叫咗無骨海南雞飯，要菜飯，有例湯送食落啲雞唔算好滑，正常，無驚喜，有一堆大豆芽墊底，食落有些麻油味，味道幾好，而菜飯，有些菜碎，食落都有麻油味，但唔差嘅例湯，飲落清甜，好味，飲完無口渴整體來講，食物味道正常，價錢可接受，份量足，服務唔錯，但唔係傳統海南雞飯嘅味道同做法，當普通食餐雞飯都唔錯嘅…查看更多

有冇人係港島嘅打工仔😙呢間外賣店係港島足足有三間分店🤪北角分店更可以堂食😎見到佢menu簡直嚇了一跳真係好平🥺好多都唔洗$50😱咁佢質素係點嘅呢🤤❤️推介指數: 8.7/10 (港島打工仔更是必去😜）😎會回訪嗎: ✔️等候時間：0 mins (週末下午1:30PM)—————————————————————😍無骨海南雞飯 $50 佢地一送埋黎真係嚇了一跳啲飯真係好多好多🥰淋度剛剛好也唔會太淋至於啲海南雞都幾多食落去口感挺滑挺嫩同咬口😋佢地也附送了些醬汁把海南雞添上滿滿的醬汁更juicy醬汁都唔會鹹😙如果海南雞可以暖一點就更好👍🏻另外$50裡面更附送餐湯❤️完全唔係hea比你我朋友那碗湯有瘦肉之餘仲有好多紅蘿蔔😍飲落去好鮮甜令我好難忘🥳亦都冇味精👏🏻$50都咁高質咁多料也真難得一見🤩😍娃娃菜 $22 雖然係較為普通嘅娃娃菜😹應該係用鹽同滾水淥但食到佢冇落好多調味料從而食到原有的味道🥳調味料就叫了蠔油（仲可以揀豉油）又唔會落得過多想晏晝食飯健康啲都可以😌另外值得一提嘅係除了海南雞外還有口水雞同咖哩牛腩（咖哩更用了海南椰香咖喱❤️）用黎做午餐飯盒真係大滿足😍聽佢地講口水汁雞絲蕎麥麵更是受好多OL嘅歡迎🤭今次冇試到真的挺可惜的🥺如果我係港島打工仔就好啦🤤想試曬所有嘢🤣大家要留意嘅係只係得北角分店有堂食🙈其餘都係全外賣店而北角分店有唔少枱櫈周圍仲貼住唔同餐牌價錢很清晰👍🏻個重點係送菜速度真係勁快😱落單後5分鐘內已經送到🤪🙏🏻食評只供參考—————————————————————💯小編分數表6️⃣以下：不合格😣7️⃣：整體普通8️⃣：值得一試🤪9️⃣：必試🥳🔟：呢種程度應該不能挑剔吧～…查看更多

月尾糧尾，冇得嘆嘅時候就唯有食平啲～瓊媽媽應該係唔錯嘅選擇，價位低，啲嘢食唔差，絕對講得上係打工仔恩物。不過如果你自問係個環保人士，則可免則免啦！佢哋嘅餐具都係一次性使用。首先要喺門口位置同個大叔落單比咗錢先，menu喺晒牆上，種類不多，差唔多都係雞嘅料理。如果堂食嘅話會相對外賣貴幾蚊。我哋入座嘅時間已經係八點半之後，門口有好多人等緊外賣，堂食都有八成滿，但係佢哋九點半就關門啦，可見受歡迎程度不俗。但可惜，男友想食雞油飯，大叔話雞油飯菜飯都賣晒，得白飯。其實仲有咁多客，雖然係就快夠鐘關門，點解賣晒之後就唔再煮呢？可能係煮雞油飯菜飯太嘥時間？！總之，都真係幾失望。不過個餐都算合格嘅，最欣賞嘅係碗湯，當日係紅蘿蔔粟米豬骨湯，好濃嘅紅蘿蔔粟米味，煲得香口又滑，仲好熱辣辣。至於個主角海南雞都唔差，皮滑肉嫩，份量都唔小。嗜辣的我揀咗咖喱滑雞飯，可惜啲咖喱係凍嘅！以一個食得辣嘅人來做標準，只能算係有少少辣味，薯仔幾件，雞件不少。呢個就唔知點解冇湯飲～可能因為多咗隻蛋？！以呢個價錢來講，只能算係不過不失。…查看更多

北角有家主打海南雞飯的小店，由三位來自海南島的同鄉姊妹主理。她們識於微時，二三十年前先後嫁來香港定居。以前為生活拼搏，各有各忙，現在兒女長大成人，決定把握機會用積蓄，跟另一位有經營餐飲經驗的好朋友合作，年前在柴灣開設外賣店，有口皆碑，價錢又便宜，吸引不少街坊捧場，平均日賣500盒海南雞飯。最近再下一城，在北角開一間提供堂食的小店。星期天的下午時分去到，並沒有人在門口等候，但之前見過有些照片是有很多人在門口排隊的，也許是以平日的午飯時段為主。但吃了一會兒的途中，突然又有很多的客人。餐廳的環境以簡約為主，有一邊供2-4人坐的，靠牆的那邊則是給1位的客人。餐牌有很多張，貼在牆壁上，簡易清晰，客人容易看到。男朋友點了一個海皇椰香咖哩牛腩飯，咖哩牛腩是茶餐廳中常見的飯類，想不到這裡可以把常見的咖哩牛腩飯弄得如此好吃！咖哩有濃厚的椰漿味，喜歡椰子的人一定會覺得很正。牛腩也是一絕，明顯跟我們平常吃的更軟稔，每一件都小小的，沾上不太辣又充滿椰香味的咖哩，十分可口。我點的是無骨海南雞菜飯，海南雞可選有骨或者無骨，我想大部分人都應該會選擇無骨吧？飯可選白飯/ 油飯或菜飯，油飯配海南雞是最適合的，但想到自己很久沒有吃菜飯，而且又健康一點，選菜飯也好。職員表示招牌海南雞飯堅持用新鮮海南雞，在深圳自設雞場飼養走地雞，每日凌晨將雞劏好後，立即送來香港烹調，確保新鮮。依海南人的地道做法，把雞又浸又焗，再浸在冰水令雞皮爽滑。豉油特別加了新鮮海南島桔仔汁，帶出鮮味。很想稱讚一下小店的湯，湯品是青紅蘿蔔湯，另外亦加了木瓜，喝得出來，真是完全沒有加味精，十分清甜，在喉嚨不適的時候喝，說不定還有潤喉作用。所謂的炸紫玉餃子原來是紫椰菜餡的餃子，我本身並不太偏好紫椰菜，但小店把餃子弄得太好了，令我感覺什至是有點愛上紫椰菜了每隻如煎堆形狀的餃子外皮很脆，乾身，又不會油膩。紫椰菜有經過調味，使得味道不太明顯，反而適合我們這些原本不太喜歡吃紫椰菜的人去吃呢。吃完雞和炸物，吃份蔬菜清潤一下吧。加了一份雜菇濃湯浸時蔬，時蔬是娃娃菜，這道菜有點像我們在家弄的菜。所謂的濃湯不會太鹹，浸著娃娃菜令菜變得濕潤，不會就這樣吃菜那麼乾。娃娃菜一棵棵的，但不會難咬，雜菇的份量也算多。對於餐廳為何會為何採即棄餐具，原來也有莫大的原因。帶出「媽媽的味道」給工薪一族，除用心製作，選料新鮮及健康，並特別注意清潔衛生，因為要讓每位「孩子」也能放心食用。所以在北角分店增設堂食時，選擇了使用即棄餐具，確保每次盛載的餐具都是清潔衛生，避免殘留的清潔劑污染食物。而考慮到環保問題，他們採用了較高成本的款式，可自然分解，務求減低對環境的傷害。…查看更多