段純貞牛肉麵 (MONTEREY Place)

我咁大個仔都未去過將軍澳，一於同媽媽搭船過黎個將軍澳半天遊先，順路睇下食咩好嘢食😋落船位喺將軍澳南，呢度好多餐廳，樣樣都想食咁濟，今次就去食台灣牛肉麵先，下次再食其他😆三寶麵 (𦟌心、牛筋、牛肚)🍜有两款麵底可選擇，我阿媽就揀左細麵一上枱陣陣濃郁滷水陳香飄入鼻腔三寶煮得夠腍好入味牛筋冇硬筋，充滿膠質有彈性超厚切𦟌心，有完美筋肉比例，軟嫰不塞牙👍🏻牛肚爽脆有嚼勁湯底比較濃烈，鍾意重口味嘅朋友啱晒青花椒香手撕雞乾拌麵🧆麻味重夠香，但唔會太辣，適合初嚐辣嘅新手試試麵身唔會太硬，亦冇出現黏成一堆嘅情況出現新鮮豚肉鍋貼🥟即叫即煎，肉味濃郁，加左椰菜，增添一份甜味記得要襯熱食用鹽酥雞 🐓炸粉唔厚但夠香脆，唔會話太鹹，大大粒夠滋味黑糖珍珠鮮奶🧋奶香醇滑，珍珠煙韌Q彈芒果QQ🥭內有椰果珍珠，多左一倍軟硬口感餐廳好細心，餐牌會提醒客人湯底含蠶豆成份，蠶豆症患者嚟呢度食嘢更加安心放心…查看更多

星期四晚飯時間去食，冇乜人，唔洗等位。環境：2個人坐卡位， 十分寬敞，環境乾淨衛生。價錢：性價比唔高，要用特定信用卡，有折，先抵食。食物質素：中規中矩，唔係特別突出。服務：侍應有禮貌，可惜唔太夠人手。叫咗兩個面， +1個小食，食到好飽，仲外賣左一碗糖水添！慢煮口水雞拌麵呢個幾好食，拌邊面唔會太乾，唔會太濕，口水雞都唔會太辣，但又好惹味，好滑，整體來講都算唔錯。犇牛四寶麵湯汁唔夠濃，牛肉尚算滑，整體來講一般。豚肉餃子正常餃子味，冇乜肉汁，都係一般。段純貞芋圓4號甜品份量超級少，一打開蓋，半碗都唔夠，味道都唔錯，芋泥同紫薯泥都好味，但食得多會覺得口乾，因為佢啲椰汁唔夠。…查看更多

段純貞系一間喺台灣好出名嘅過江龍牛肉麵店 喺香港都有5間分店🤩今日小妹去咗將軍澳分店 睇下好冇食先🙌🏿-嗌set嘅話$138有一個麵、一個小食同一杯野飲 咁set一定抵過散嗌啦😜㋡ 紅燒腱心半筋半肉牛肉麵 (單點價 $88)湯底系用牛大骨經幾個鐘慢火熬煮出嚟嘅 好濃味 少少辣 略嫌佢油咗啲😗麵條有得揀細麵或者系手工麵 咁小妹就揀咗手工麵 口感相當彈牙😳煙煙韌韌好有咬口 而且掛到湯 幾好食😋牛腱心同牛筋全部都好大舊😍亦煮得好入味 牛腱心夠淋好易咬開 但略嫌少少鞋口😬牛筋好軟腍 食落有啲黏口 骨膠原幾重🤪味道: 8.5/10♥︎ 鹽酥雞 (單點價 $48)佢用嘅系雞塊唔系雞粒 大大件食落啖啖肉😍炸到好脆😜粉漿厚薄適中 食落唔覺油膩 調味適中啱啱好😚雞肉嫩滑 依然keep到肉汁 真心幾好食 單點都值得嗌🤤味道: 9/10☻︎ 仙草奶茶 (單點價 $32)母親大大嗌嘅 唔算好大杯 佢話奶茶茶底比較重 飲到少少茶嘅苦澀味 未必個個都鐘意🤔整體唔會太甜 ok嘅味道: 7/10性價比: 8.5/10 (麵+小食+飲品)-另外仲有個set系$118嘅 就包麵同小食☻︎ 蒜香手撕雞乾拌麵 (單點價 $78)有溏心蛋 花生 小棠菜同大量雞絲麵質系淋身嗰隻 冇乜咬口😬底下有少少湯汁撈麵食 微微辣 普普通通花生夠脆 但主角嘅雞絲又乾又鞋 有啲失望😗整體冇乜特別 唔試冇損失🙌🏿味道: 6/10☻︎ 新鮮豚肉鍋貼 (單點價 $48)小妹鐘意鍋貼剪到有少少脆口 但佢系完全唔脆嘅🫤所以食落偏油餡料好足 而且肉汁豐富 整體嚟講都可以嘅😂味道: 7/10性價比: 8/10 (麵+小食)-♥︎ 滷水拼盤 $78有牛展 牛肚 滷蛋 豆乾同雞髀菇全部都滷得夠晒入味 好惹味🤩牛展超好食😚肉質好腍 中間有少少啫喱狀 入口即溶🤤小妹就唔食牛肚嘅 母親大大話牛肚爽口 正常發揮好少見滷水蛋系溏心嘅 通常都系全熟 呢個有驚喜 連蛋白都做到小小半熟效果😍入味得嚟又唔會太鹹😜豆乾正正常常雞髀菇好入味 略嫌鹹咗啲味道: 9/10性價比: 8/10-整體價錢偏貴 不過大部分食物質素都值呢個價嘅😚值得一讚嘅系店員服務態度非常好 同埋好快手 問佢攞碗同水嘅時候都好快比我哋😆雖然帶咗口罩但睇得出佢嘅笑容 感覺上佢系肯去serve我哋嘅 所以都食得舒服🙌🏿回頭率: 8/10…查看更多

來自台灣嘅純貞牛肉麵 @duanchunzhen.hk淘小姐耐不耐都黎食除左呢度座位寬敞坐得好舒服食物嘅質素都很有保證今次order左兩款麵食一、兩款小食同兩杯飲品⭐️麻辣嫩五花牛肉麵 （細麵）麻辣程度好像比上一次輕了不過仍好合淘小姐口味皆因它「麻而不嗆、辣而不刺、溫而不火」牛肉片十分嫩滑而且肉味濃配幼麵就一樣順滑易入喉⭐️招牌紅燒腱心牛肉麵（手工麵）牛腱好厚好大件可以享受啖啖肉之餘口感亦炆燉得好軟淋手工麵好有口感亦好掛到湯汁⭐️鹽酥雞份量很多調味上都很適宜件件酥脆可口⭐️新鮮豚肉鍋貼煎得香脆嘅外層包住嫩滑多汁嘅豚肉口味不錯飲品方面選了我地最喜歡嘅珍奶⭐️香芋珍珠奶茶⭐️胚芽珍珠奶茶奶茶味不算太香濃幸好部分飲品有少甜或少冰的選擇🍽️段純貞牛肉麵 (MONTEREY Place) (將軍澳)📍將軍澳澳南海岸唐俊街23號MONTEREY Place地庫B03號舖…查看更多

📍段純貞 （tko)-#5🫶🏻係最高 環境：🫶🏻🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻🫶🏻-麻辣嫩五花牛肉麵 -$84佢有兩款嘅面類可以選擇 有手工面或者幼面 而我哋兩碗都選擇左手工面手工麵麵條比較厚身 但係相當掛汁 而且佢嘅麻辣湯底 唔會太辣 麻香味比較重佢嘅五花肉牛肉比較薄 但食落唔會韌 三寶麵 -$92佢嘅三寶包括左：腱心、牛肚、牛筋牛腱心煮得入味 軟嫩多汁 而牛筋好大條 粗過手指 軟嫩得嚟都有啲咬口 而牛肚就比較爽口彈牙 三樣都吸哂湯汁 佢嘅湯底會有輕微辣 可以值得一叫！兩碗面嘅湯底都有藥材味 就算食完 都唔會覺得好口渴 所以應該唔係用味精新鮮豚肉鍋貼 -$48佢嘅鍋貼都幾大隻 而且皮薄 食落唔乾 而且好似小籠包咁 有肉汁係入邊鹽酥雞 -$48雞件都幾大塊 食落有五香粉味 但唔咸 又唔會食到成口油荔枝乳酸飲料 -$34如果好似同我一樣唔太鍾意飲甜野 就算叫咗微糖 都飲得出荔枝嘅甜味 胚芽珍珠奶茶 -$34佢啲珍珠係彈牙嘅 好重黑糖味 而奶茶相對比較一般…查看更多

將軍澳區的食店愈開愈多，京都勝牛旁有來自台灣的段純貞。第一次光顧必試牛肉麵，麵條可選手工麵或細麵。點了一碗三寶麵($92)，一次過試勻牛腱心、牛肚及牛筋，全部都很入味，牛腱心肉質軟腍，特別難忘。牛骨湯底帶有濃濃的藥材和香料的香味，而且不油膩，出色之作。手工麵粗粗的，闊約一吋，十分掛湯，窩夫喜歡那煙韌的口感。燉濃湯雞麵($84)同樣是店主推介，乳白色的雞湯味道香濃，營養價值高，配細麵非常夾，雞腿肉很嫩滑，誠意推介給不吃牛肉麵的朋友。還點了一客新鮮豚肉鍋貼($48)，人手包的鍋貼特別好吃，皮薄餡靚，煎得香脆，是不錯的小食選擇。…查看更多

來到海邊的DONKI, 忽然下大雨. 為了避雨, 也為了五臟廟, 就在地庫的餐廳來個early dinner.   在2家牛肉餐廳之間, 選了喜歡的台灣牛肉麵. 因為當年高雄夢時代未能親嚐這家有名的牛肉麵, 現在終可一試了... 雖說這是來自台灣的名店, 但細看店內介紹, 始創人段女士是來自天府之國, 四川人也!  可能牛肉麵的味道會有成都的影子. 餐牌有多款麵食, 牛肉麵的湯底分為紅燒和麻蒜.  單單看文字和辣椒標記, 麻蒜比紅燒更辣.  我倆都嗜辣, 但為了一試2款湯底的分別, 所以點了原味牛肉 & 麻辣嫩五花牛肉. 麵底也是各點一款. 再加一碟餃子和2個飲品.     原味牛肉麵 手工麵   原味紅燒湯底, 本來就帶點辣.   獨門二十三香加陴縣豆瓣醬, 又崗山豆瓣醬, 花椒麻椒, 難以想像湯底味道的層次和複雜性.   因為牆壁上有紅燒牛肉湯底的說明囉!  真身來了, 先把酸菜倒入碗裡. 嚐一口啡色的紅燒湯底. 湯底以香醇為主, 整體辣度卻很溫和, 可能跟二十三香有關吧! 幻想: 花椒八角丁香桂皮香葉薑石栗草果.......總之怕辣人仕也可接受的. 牛肉則是牛腱心位, 即係HK所講的牛展. 牛腱肉直條切開而切口完整, 軟綿綿易入口. 牛肉本身有底味, 但肉味更濃郁.  註:曾在某仿台式麵店遇到没有牛肉味又好醜樣的牛展.  手工麵較寬, 表面平滑, 不易掛汁. 但麥味重, 口感實在, 有韌性, 要多加咀嚼.     麻辣嫩五花牛肉麵  細麵    已經選了原味紅燒湯底, 所以另一碗就想要麻辣. 但看著<嫩五花牛肉>對比餐牌的圖片, 實在想不到是什麼部位. 當然要問職員啦!  不是韓燒的五花腩/五花肉,   也不是平常火鍋的廉價肥牛, 而是牛肋骨的肉. 把肋間肌2邊的筋膜除去, 就是嫩五花牛肉了!   牛仔骨的肉質當然有保證.  馬上鎖定這款!    表層的紅油開始凝固起皺, 這個紅色的油脂, 令我想起當年在四川成都的香辣美食.  啡紅色湯底中, 有白色點點的蒜末.  再偷來一件嫩五花牛, 果然夠嫩滑, 但又有牛肉味. 嫩五花牛肉和牛腱, 2者皆容易咀嚼, 口感軟綿綿, 我所愛也. 然後就來到細麵了!    比原味紅燒湯底稍辣的麻辣湯底, 配易掛汁的細麵真一流. 細麵在微細管作用下, 吸附大量的麻辣湯底, 無需餐匙, 也可以滿口麻辣味. 而細麵較順滑, 容易咀嚼. 新鮮豚肉鍋貼 另外點的小食. 餃子配烏醋很正常. 自己喜歡把帶蒜末的麻辣湯底加在烏醋裡, 豚肉鍋貼酸中帶麻辣, 正! 珍珠奶茶  台灣店當然要點台灣名物<珍奶>. 不過自己不喜歡植脂奶, 所以提前了解珍奶使用哪種奶. 原來是用真-奶粉沖調! 可以放心享用了! 本想要少甜甚至走甜. 職員就安排糖漿另上. 自己可以自行調校甜度了! 胚芽珍珠奶茶 朋友點的.   在平日光顧, 最大的優點 = 唔洗排隊, 唔洗迫, 職員更細心, 可以享受更好的服務呢!  …查看更多

近期多左去將軍澳因除左有好多街行仲有好多嘢食今次試段純貞牛肉麵原來佢就係坐落喺Donki下面平時啲人一定淨係掛住搭電梯上Donki就冇發現原來電梯下面仲有一層餐廳地方大又闊落坐得又舒服全自動數QR code點餐十分方便先來一個麻辣嫩五花牛肉麵麵質有兩款揀嘅見佢係湯麵我就揀咗用刀削麵刀削麵粗厚肥大掛汁能力強就顯得個湯汁更加好味牛肉同蔥花十分之匹配生生地既肉好嫩又更保持鮮味青花椒香手撕雞乾伴麵雞絲同幼麵都充滿孜然粉嘅味道好香口惹味再配唐心蛋口感更豐富最後仲有一嗌左 新鮮豚肉鍋貼餡料入面菜同肉比例均勻又唔太油不錯 飲品方面有芋香珍珠奶茶同埋傳統珍珠奶茶嘅珍珠奶茶茶味香濃令我個喜出望外…查看更多

嚟自台灣新竹嘅牛肉麵店最近喺香港連續開咗幾間分店，一於去試吓佢！⁣🤔⁣原味牛肉麵（$84） ［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣要試出一間牛肉麵嘅真章，就當然要嗌下最原味嘅牛肉麵啦。🇹🇼 呢度有兩款面揀，一款係手工麵，另一款就係幼麵。🤓 手工麵呢就有啲似刀削面，但係更加闊。😮 煙煙靭靭咁，真係幾有咬勁。😬 而且湯底亦係冇得頂，鮮甜嘅牛肉濃湯，配上入口即溶嘅牛肉。🤤 而且可以隨心加入酸菜，真係好正。⁣😝⁣⁣⁣⁣麻辣嫩五花牛肉麵（$84） ［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣至於呢一個麻辣嫩五花牛肉麵就嗌咗要幼面。😉 食起嚟面條更加多掛汁。💦 而且麻辣味拿捏得好好，麻麻辣辣咁，同時亦都唔會掩蓋咗牛肉嘅鮮甜味。🤗 再加上嫩滑嘅牛五花，真係值得一試。⁣👍🏻⁣⁣⁣新鮮豚肉鍋貼（$48） ［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣除咗牛肉麵之外，依度亦都有好多小食。👀 呢一個新鮮豚肉鍋貼，豬肉餡十分之充足，採用新鮮豬肉，味道濃沃，仲有豐富肉汁。🤩 外皮煎得酥脆又唔油膩，外脆內軟，咬落去爆汁，冇得頂。⁣👏🏻⁣⁣⁣珍珠奶茶（$28） ［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣食台灣嘢，點可以唔嗌返杯珍珠奶茶呢。😝 呢杯珍珠奶茶有好多珍珠，確保每一啖奶茶麵都吸到唔少嘅珍珠。😙 珍珠QQ彈彈，濃沃嘅奶茶有奶味同埋茶香完美結合，係一般非常合格嘅珍珠奶茶。⁣✅⁣荔枝乳酸飲料（$28） ［好味度：8/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣如果想飲fresh啲嘅嘢飲嘅話，非常推薦呢個荔枝乳酸飲料。😇 入面竟然落咗好多真嘅荔枝果肉。😮 除咗飲到酸酸甜甜嘅乳酸之外，一啖咬落去仲有新鮮嘅荔枝汁，由果肉入面咇出嚟。😽 一啲都唔馬虎。⁣🙌🏻⁣⁣⁣…查看更多