柞木炭家

出名炭燒既韓式燒烤，朋友推介過好多次，終於有機會親食去試下，果然食材優質，燒到好滿足！❤️韓牛肋眼上蓋 雪花均勻紋理都好靚仔，輕輕一燒d 油脂香氣已經慢慢飄出黎，入口滿滿既油花，好juicy~ 每一啖都好滋味🧡方切和牛 切到四四方方一片片既和牛，睇落已經好吸引～雖然係和牛但係比較瘦，怕肥同唔中意太重油脂感既話，食呢隻款就岩晒～💛和牛三文治 吉列和牛+花生醬+方包，中間牛肉大概3成熟，雖然平日唔係好食咁生既牛牛，但真係好好好味rrrr 好味到完全唔怕生😂💚大墨魚 好大片𠝹好方格紋既墨魚，好爽口～白色一大片鹽味墨魚之外，仲有個人更中意既辣汁調味，小小辣好惹味…查看更多

🌸旺角美食🌸柞木炭家🥩到了一趟偽韓國旅行🇰🇷繼續韓劇⭕️🔼🔲魷魚遊戲熱潮，昨晚特意到了一間位於旺角潮流商場T.O.P. 頂層的高質炭爐韓燒料理「柞炭木家」Chill 住享受一趟韓國之旅。餐廳非常寬敞舒適，裝修呈輕工業風，每枱坐位也有垂吊的韓式抽油煙機，把韓燒的油煙吸得一乾二淨❗餐廳還設有室外用餐區，恰巧天氣轉涼，在室外享用溫熱的韓燒一定別有一番風味❗店員服務亦相當殷勤周到，會𣎴時替客人收拾餐碟及更換炭爐網❗餐廳還會為每枱客人奉上非常豐富的韓式前菜，包括青瓜、芽菜、蘿蔔、辣味八爪魚、芝士粟米粒及泡菜等，芝士粟米粒放在方便傳熱的錫紙盛器上，然後放左炭爐上烤煮，芝士粒會與粟米粒完美結合，味道相當濃郁惹味。而餐廳亦會像傳統韓國料理般，悉心為客人額外提供一大盅泡菜供客人自助享用❗👉🏻而每枱也會有韓式大醬、鹽、蒜頭，青椒及爽脆生菜供配搭烤肉包裹食用。我們一行2人共點了以下餐點：1️⃣🌟壽喜燒和牛西冷 $288壽喜燒和牛油脂分佈相當均勻，由於壽喜燒和牛為精細薄切上菜，因此店員會貼心為客人燒烤和牛，然後建議客人享用壽喜燒西冷時，同時配搭餐廳提供的粒粒香飯及香濃蛋黃，和牛西冷入口即溶，與米飯及蛋黃漿一同食用味道一絕。美味指數：⭕⭕⭕⭕⭕️賣相指數：⭕⭕⭕⭕⭕️抵食指數：⭕⭕⭕⭕2️⃣🌟 和牛牛肋肉 $158和牛牛肋肉肥美，肉質鮮嫩，不會韌，經炭爐烤煮後相當入味❗️美味指數：⭕⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕3️⃣🌟和牛三文治 $318餐廳必點的和牛三文治️️️，三文治的餡料為份量十足的矜貴厚切肥美和牛肉，配上香烤麵包及秘制醬油，和牛肉入口即溶，味道相當豐富惹味❗️美味指數：⭕⭕⭕⭕⭕️賣相指數：⭕⭕⭕⭕️⭕️抵食指數：⭕️⭕️⭕️⭕️4️⃣🌟慶州極上黑毛豬梅肉 $158慶州極上黑毛豬梅肉份量十足，肉質鮮嫩，經燒烤後相當入味，容易切割，配合香蒜粒、青椒、爽脆生菜及大醬包裏食用，味道相當地道惹味❗️美味指數：⭕⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕5️⃣🌟擔擔味噌茄子 $78擔擔味噌茄子相當入味，而鮮美茄子質地軟淋，味道清新❗️美味指數：⭕⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕6️⃣🌟青肉蜜瓜沙冰 $68@青肉蜜瓜沙冰冰沙幼滑，有粒粒圓潤蜜瓜粒襯托，味道冰凍爽甜❗️美味指數：⭕⭕⭕⭕⭕️賣相指數：⭕⭕⭕⭕️⭕️抵食指數：⭕⭕⭕⭕🌟為是次餐廳用膳的推薦菜色❗總括而言，此餐廳的韓燒菜式相當高質，餐廳裝修美觀，提供韓燒傳統炭爐燒烤❗餐廳位於鄰近旺角站的商場，交通方便。是旺角一帶必到高質炭爐韓燒之選❗…查看更多

星期日去左旺角玩，唔想返屋企煮飯，興致勃勃去試試新餐廳，地點係旺角TOP既柞木炭家，係食韓燒。主餐牌有牛，海鮮，豬，雞，一品料理，傳統韓食，湯。另有時令餐牌同野飲。餐牌簡單。今次第一次黎，咩都叫啲黎食吓。服務員好快就上左調味三寶，辣泡菜，辣蘿蔔，蒜蓉芽菜，甜甜哋嘅薯仔絲同紅蘿蔔絲，辣蟹仔，芝士粟米，同生菜包俾我哋，服務員話可再添。另外仲有一大兜有蓋兜裝住嘅兩大棵泡菜俾你自己剪細食。食得哂都好叻，份量好多。基本上大部份前菜都好好味又新鮮，最特別係芝士粟米，喺個爐上面熱融左嘅芝士之後變左勁拉絲，好邪惡。調味三寶係鹽，味噌，辣椒同蒜片。我哋無須用到，食物本身已經夠味。擔擔味噌茄子 $78 另加一擔擔味噌茄子一客八件，新鮮吸哂油嘅茄子配好味嘅味噌，加左肉醬，蔥花，甜椒粒，同白芝麻粒，好味道。壽喜燒和牛西冷(2件) $288 另加一壽喜燒和牛西冷係薄切，服務員主動黎幫手燒，先用牛脂抹吓個爐，好快就食得。另外配左隻蛋黃同飯團，上面灑上白芝麻粒。和牛配蛋汁好滑又嫩，壽喜燒好味道喎。和牛牛肋肉 $158 另加一和牛牛肋肉一客8件，份量唔少，已經醃好左味噌，味道好濃。牛肋肉當然需要咬吓，不過好有肉汁，好食。慶州極上黑毛豬梅肉 $198 另加一慶州極上黑毛豬梅肉一客兩大塊，都係已經醃好左味噌。肉質非常嫩口，直頭有啲似食緊雞肉，好味。和牛三文治 $318 另加一和牛三文治一客四件，白麵包夾住脆皮嘅厚身和牛，和牛帶筋同肥膏，需要咬吓。醬汁酸酸哋，好開胃。菠蘿梳打，柚子檸檬梳打 各$36 另加一菠蘿梳打既菠蘿味好濃，偏甜不過好味哈哈，仲有兩塊菠蘿食。柚子檸檬梳打味道就淡啲，主要係梳打水味。下底好多柚子皮，面頭有一塊西柚。食哂所有野好飽，今餐野食唔錯喎，食左咁多款肉，味道質感基本上都唔錯，前菜仲可以任添。我哋坐二人卡位，座位舒適，抽氣唔錯，食完完全冇油煙味。期待下次再黎。…查看更多

總係覺得炭火燒肉係特別香既 見到佢地有2-3舊炭係個火爐上面 即刻興奮左前菜有5款 全部都係我鍾意食嘅 最特別係見到有白菜仔 平時少見d 醃魷魚好好味 唔夠食係可以再添既壽喜燒和牛西冷 ($288) - 呢個好好味 雖然有少少貴 但係真係必點 佢地有過黎幫我燒埋 塊牛薄薄地 好甜好香牛味 旁邊有隻生蛋同埋一個飯球 包埋一齊食再沾啲蛋汁真係好正 但一碟得兩塊 好唔夠喉和牛牛肋肉 ($158) - 個牛肋肉又係好正 燒到嗰邊燶燶哋之後食 肉味超級香 呢個幾抵食慶州極上黑毛豬梅肉 ($198) - 最大嘅驚喜係呢塊豬 佢1d都唔輸俾d牛 燒完之後勁香 佢哋醃得好甜 肉質好林 配埋泡菜同生菜 好好味 同埋有2大塊 好抵食 呢個一定要點和牛三文治 ($318) - 同我想像有少少出入 件和牛比較生 少少難咬開 同埋牛味唔夠重 擔擔味噌茄子 ($78) - 呢個係一個冷盤 個擔擔味噌醬同茄子好夾 甜甜地 唔錯青肉蜜瓜沙冰 ($68) - 成個蜜瓜咁大杯沙冰 打卡岩晒 仲有幾舊蜜瓜肉 燒到熱辣辣之後飲啖好爽荔枝梳打 ($36) - 好冰涼 甜度岩岩好 佢入面嗰兩粒荔枝大粒好味…查看更多

今日去旺角the charcoal room hk食晚餐。前菜有6款Koreancuisine:有泡菜、醃蘿蔔、棠菜仔等，泡菜最正，不止有蝶裝，還有一壺可以續食。我最鐘意嘅味噌茄子，醬料小小辣，茄子切厚身，配上辣味，好開胃，好好食。正餐係用Koreanbbq，有壽喜燒和牛西冷，和牛切得好薄，放到燒烤架上，好快就熟。同雞蛋，飯糰一起食，好正。和牛牛肋骨，好嫩滑，醃得入味。我用唐生菜夾住牛肋肉，泡菜，蒜，烤肉醬和芝士粟米一起吃，好香好美味。濟州活鰻魚，鰻魚厚身，烤都需要點時間，但好爽口。最後烤黑豬梅肉，梅肉好大塊，而且已經醃製好，一烤香味撲鼻，食起味道都冇得輸。和牛三文治，呢份好邪惡。和牛切得好厚身，裹在薄薄啲麵包中，真係啖啖都是肉。Koreanfood味道就係正。…查看更多

餐廳選擇都幾多，我哋最後揀咗個二人餐，就可以咩都試吓，整體用餐非常滿足😋😋🎈「王道」 2人餐 $698✔️泡菜及前菜（可添加）泡菜用埕上幾有特式，想食幾多自己夾幾多。當日亦都有另外四款前菜，而我最鍾意就係芝士粟米😋😋✔️擔擔味噌茄子呢個茄子非常惹味，望落去以為會好辣，好彩都唔係👍🏻👍🏻✔️紅蝦配大墨魚紅蝦非常大隻，一路燒都一路聞到好香嘅蝦味，另外餐廳已經開背去腸，食既時候非常方便，唔使用手剝蝦殼👍🏻👍🏻✔️是日雪下覓灸四款配慶州豬背肉名品牛小排+特選A4西冷+和牛牛胸腹肉+韓牛牛肩肉成餐飯既主角—— 燒肉拼盤，雖然冇仔細去研究每一塊係咩肉，不過四款牛肉都好好味，入口即溶，油脂又香😋😋 就連個豬背肉都好正，食落好爽口。✔️仁川產鰻魚飯開頭以為係整好咗嘅鰻魚飯，上枱嗰陣發現係原片生鰻魚🙊不過好彩會有職員負責燒，鰻魚飯食得多，不過咁樣睇住佢燒都係第一次😝職員好有心機慢慢燒，一層一層慢慢咁樣加個燒汁上去，另外個飯仲有蛋絲、紫菜同埋紫蘇葉(應該係🙈) 加埋一齊食真係好正👍🏻👍🏻✔️是日精選甜品今日我哋嘅甜品係——蜂蜜蛋糕感覺似淋咗蜂蜜嘅長崎蛋糕🙊🎈海膽和牛卷 $82/件朋友話未試過和牛加埋海膽一齊食，於是我地就叫咗兩件試下😝其實佢唔係一舊卷，佢係紫蘇葉上面放一塊紫菜，再放上一片薄燒和牛，上面再放上新鮮鮮甜海膽😋😋海膽份量都幾多，新鮮又唔會有怪味，不過就會蓋過咗和牛既味道，不過整體都幾好食😋🎈荔枝梳打 $36🎈柚子檸檬梳打 $36…查看更多

.🍖 𝙿𝚛𝚎𝚖𝚒𝚞𝚖 𝙱𝙱𝚀 𝚂𝚎𝚝 @ 🌟 柞木炭家 《👽食神大媽食烤肉》.💁‍♀️ 圖片展示美食為：👑 王道套餐 HKD 698擔擔味噌茄子 🍆雪下覓炙四款 🐂- 和牛牛胸腹肉- 韓牛牛肩肉- 和牛牛板腱肉- 名品牛小排慶州五花肉 🐖紅蝦配大墨魚 🦐仁川產鰻魚飯 🍛芝士蛋糕 🍰士多啤梨紅莓梳打 HKD 36 🍓百香果蜜桃蘇打 HKD 36 🍑.👀 成台美食咁豐富嘅？！係咪滿漢全席呀？係韓燒盛宴呀！！！🤩 仲要係炭燒唔係一般電爐特別惹味！一場黎到就當然要大包圍叫一個餐廳推薦套餐啦，呢個王道套餐就最適合兩個人一齊享用啦！.😋 前菜款款經典、美味，仲可以無限添加，但大媽覺得淨係一份已經好飽，因為份量十足架！而套餐包括嘅前菜就係「擔擔味噌茄子」🍆 件件肥大，惹味非常！.🐂 主菜先黎四款高質牛肉，油花均勻，無筋嫩滑，仲可以一次過試曬四個不同部位，及不同等級種類嘅牛肉，實在太了解我地呢類咩都想試有選擇困難症嘅朋友仔嘅心情啦！😍 再額外提供「慶州五花肉」，除左就以外可以試埋優質豬肉，非常滿足！.🤗 肉類以外，就當然唔少得海鮮啦！「紅蝦配大墨魚」好大份，同肉類穿插咁食特別開胃！仲要一路食嘅時候，有靚仔員工在旁親手燒鰻魚，專業技術掌握火候，燒好後淋上鰻魚汁嘅鰻魚飯真係非常肥美香濃！🤤.😌 將餐點全數消滅後，仲送上芝士蛋糕，加上一個完美嘅幾號。一路食嘅時候仲可以一路嘆特飲「士多啤梨紅莓梳打」同「百香果蜜桃蘇打」，既消暑，又同燒烤特別配合，絕對係PERFECT MATCH！💕.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.📍 旺角彌敦道700號T.O.P This is Our Place 5樓501號舖☎️ +(852)2619-0868.…查看更多

我哋坐窗口位，環境好舒服，原來仲可以坐戶外，我地叫咗個王道二人套餐，坐低已經即刻上咗一系列嘅前菜，當中有比較少見嘅小蟹仔。擔擔味噌茄子，大大粒茄子加上濃味嘅肉碎，口感好豐富，好開胃。即燒仁村產鰻魚飯，原來鰻魚係生上，自己燒的，但我哋唔係好識燒魚，所以請咗侍應們協助幫手燒，燒緊嘅時候已經好香，加埋個鰻魚汁，配飯一流，鍾意食飯嘅我，如果可以增加飯量就更好。之後嚟咗主菜嘅五款肉，侍應建議我哋燒肉嘅次序，由韓牛牛肩肉開始，之後和牛牛胸腹肉，中間可以燒慶州豬背肉轉換下口味，之後牛小排，最後A4西冷。頭兩款牛肉都脂肪比例正常，食時加少少鹽上面，更加帶出牛嘅味道，之後牛小排同A4西冷簡直係極品，咬落去好Juice，嗰種脂肪油嘅感覺好豐厚，好濃郁，好高質。仲有海鮮紅蝦配大墨魚，墨魚大概有五件，有兩件係比較厚身冇醃料的，燒嘅時候吸左之前燒牛肉嘅味道，燒出嚟唔會韌，仲好爽口，不過我更喜歡之後燒有醃料嘅嗰三件墨魚，辣辣地。紅蝦好大隻，燒嘅時候啲蝦汁噴緊出嚟，餐廳好貼心咁已經喺背脊戒咗一刀，比較容易控制生熟。甜品係蜂蜜蛋糕，甜度適中，蛋糕鬆軟。…查看更多

食過呢間嘅午餐，唔錯。當然要試埋晚餐啦！前菜一般，呢間最好係原棵泡菜自己剪開！今次多咗蛋卷，朋友想食青瓜，侍應亦樂意送上😀可能食咗其他前菜，覺得唔夠味，多啲味噌更好。紅蝦燒得過火肉質都唔乾，仲有甜味；墨魚爽口，醃咗嘅墨魚鬚又有另一番風味。四款牛肉只洒上少許鹽、胡椒來帶出肉味；西冷最淋，牛胸腹肉比較多油。中間有四片猪背肉，唔嚡，一樣係新鮮有肉味:)侍應即場在我哋面前燒鰻魚，另一侍應見差不多燒好才送上有蛋絲、紫菜絲、葱同少許鰻魚汁的飯，跟住將鰻魚放在飯面😀鰻魚嫩滑，如果有多一嚿就更好加多一份猪皮厚厚的猪皮，燒走了部份油後，表面脆脆，煙韌有口感😋，甜甜哋的醃料，食到停唔到口。雖然係普通兩件芝士蛋糕，但裝飾一點都唔馬虎。…查看更多

少有用炭火嘅韓燒，炭火風味又與眾不同喎！食咩都好，先試前菜5小碟，泡菜一個盅裝住自己任添。少人要試多d肉類揀餐最好不過，跟餐嘅前菜係擔擔味噌茄子，脆香味噌舖面，入口美味，食指大開呀！二人餐$698包括幾種必點肉類：肉質結實、油筋同油脂較多嘅牛小排；有嚼口，肉味濃，脂肪較少嘅和牛牛板鍵肉、肉質細緻嘅韓牛牛肩肉、軟嫩肉味濃嘅和牛牛胸腹肉，包括哂啦個餐！咁就唔洗食唔哂又樣樣都有得食。傳統韓國風味海鮮豆腐湯，有蜆、青口、蝦、滑豆腐，湯頭有海鮮味，一啖飯一啖湯一流！見隔離檯個和牛三文治好似好正，我都唔執輸，香脆多士夾住已微炙嘅和牛，易溶於口啖啖甘香。我個人就想食熟少少，喺爐面再炙一兩下，更加香脆！食韓燒又點少得冰涼飲品！套餐加少少錢有特飲，士多啤梨紅莓梳打、柚子檸檬梳打都係我至愛，味道清新飲落又夠爽，正！…查看更多

星期六晚上突然想吃韓燒😆， 上網搵到位於旺角彌敦道700號T.O.P 5樓501號舖的柞木炭家， 記得朋友之前亦推介過🤩， 今晚就一試吧！ 店內環境寬敞， 每張卡位闊落舒適👍🏻， 餐廳更是首間用柞木炭作韓式燒烤的餐廳， 以炭燒燒出來的食物更加原汁原味🤤， 還散發出獨特的炭香味道。 二人套餐價錢相宜，王道套餐2人$698：擔擔味噌茄子+是日雪下覓炙四款配慶州五花肉(和牛牛胸腹肉+韓牛牛肩肉+和牛牛板腱肉+名品牛小排+慶州五花肉)+紅蝦配大墨魚+海鮮豆腐湯+是日精選甜品， 再點和牛三文治$318、 菠蘿梳打$36、 士多啤梨紅莓梳打$36。🍽️⭕前菜🥙🧆～ 有幾款韓式泡菜🤤、 沙律菜🥗、醬汁和芝士粟米， 每款味道都幾好。⭕擔擔味噌茄子🍆～ 味道濃郁又開胃， 前菜涼拌首選。⭕是日雪下覓炙四款🥩(和牛牛胸腹肉+韓牛牛肩肉+和牛牛板腱肉+名品牛小排)～四款牛肉味濃厚，油脂甘香，口感嫩滑，不用沾醬汁，加少許鹽，已經很美味了。⭕慶州五花肉🥓～偏小肥而肉質軟，烤後非常香口， 我喜歡配生菜、泡菜和蒜片一起吃， 口感豐富又滋味。⭕紅蝦配大墨魚🦐🦑～ 紅蝦好大隻， 燒起來好鮮甜， 大墨魚有兩款味道， 一濃一淡， 口感爽滑。⭕海鮮豆腐湯🍲～ 海鮮味濃厚的湯配嫩滑豆腐， 味道鮮甜而惹味，有蝦、蜆和青口， 湯料豐富。⭕和牛三文治🥪～炸得嫩粉紅的厚切吉列和牛， 三成熟口感軟腍，保持酥脆口感。⭕是日精選甜品🥧～ 蜜糖雞蛋糕， 鬆軟的口感配上甜甜的蜜糖， 美味的飯後甜點。⭕菠蘿梳打🍹～ 清新的菠蘿味， 消暑解渴。⭕士多啤梨紅莓梳打🍹～ 甜美的士多啤梨梳打， 一邊韓燒一邊飲，好爽！柞木炭家是一間提供新鮮高質食材的燒烤店， 最欣賞餐廳用柞木炭作韓式燒烤， 更添風味。👍🏻🉐…查看更多

之前在這個商場看到很大個招牌是和牛三文治的，超吸引的，就一直很想試試！剛好生日了，就決定壕氣一頓，選了這間來試吃燒肉！這次就點了一份王道套餐（６９８元），然後再額外加一份和牛三文治（３１８元）！這裡是非常特別的，我還真的是第一次看到有燒肉店內真的是有用上了木炭的，難怪名字有炭家兩字！前菜一如既往的韓國餐廳都給了很多種類，而且都是任食吃，還有粟米芝士，好評！和牛三文治（３１８元）主角就真的是主角！一送到就已經流口水了，非常吸引，看到那和牛的雪花，和牛用了吉列的製法，炸得外面香脆，內裡多汁，油香十足，而且這個應該是一成熟吧，可以看到和牛仍是非常生的狀態，介意的可能要下單的時候要跟店員說一聲！多士又烘得非常香，中間還配有鹹甜酸的醬汁來配合吉列和牛，一口一件，吃起來真的非常滿足！王道套餐（６９８元）擔擔味噌茄子開頭感覺這個配搭會有點古怪或難下口的，但吃起來意外的挺特別的，味道還挺不錯！擔擔味噌吃起來鹹香中帶點辣味，配合起嫩滑的茄子本身的甜味，味道出奇的配搭，又會令人分泌出更多的口水，不錯！紅蝦配大墨魚這個擺盤真的是絕了，還把蝦擺成心型！這是情人節套餐嗎！紅蝦挺大的一隻，還很好的幫你去了蝦腳了和蝦線，吃起來特別輕鬆，這個好評！蝦肉彈牙鮮甜，而且還有蝦膏！大墨魚這裡給了兩款口味，一款是原味，另一款是辣味的，肉都很厚。原味主要吃大墨魚本身的鮮甜味，肉質彈牙，配合胡椒鹽吃起來不錯！辣味的，燒完就可以直接吃了，帶點微辣，兩個不同感覺！是日雪下覓灸四款牛肉分別有和牛牛胸腹肉，韓牛牛肩肉，和牛牛板腱肉和名品牛小排。名品牛小排是油花最多的那一塊，吃起來入口即溶的感覺，油香十足，很嫩！和牛牛胸腹肉是油花第二多的，油香也很夠，肉質嫩！和牛牛板腱肉是最大的那一塊，油花依然很不錯，中間有一條嫩筋，吃起來肉味比較濃，嫩筋是點精的部份！韓牛牛肩肉油花是最少的，但也分佈得不錯，吃起來肉味最濃是他！慶州五花肉這個挺大的一塊，而且很好的是這次是店員幫我們燒，他技術不錯，燒得外面焦脆，內裡多汁，吃起來很嫩，豬肉味挺濃的，沒有腥味，包上生菜一起吃，油膩感更少！海鮮豆腐湯這個比想像中的要豐富，小小的一鍋，但內裡放了很多料，有青口，蜆和蝦，還有多款蔬菜，最後是主角豆腐。湯底帶點辣，有海鮮的鮮甜味，又有蔬菜的甜，最後配上嫩滑的豆腐，吃起來真的不錯，拌飯也好吃！是日精選甜品今天的是蜂蜜蛋糕，吃起來非常鬆軟，又有淡淡的蜂蜜味，簡簡單單的美味！柚子檸檬梳打（３６元）下面的是柚子醬，上面給了檸檬片和西柚片，喝起來挺清新解膩！百香果蜜桃梳打（３６元）百香果味非常濃，又有淡淡的蜜桃味，而且蜜桃果肉非常大垃，吃起來特別爽！…查看更多

位於旺角TOP商場頂層， 環境舒適，即使是韓燒，都沒有很大油煙味店員先上各種不同的韓式前菜， 還有一大碗的泡菜，好香好爽口擔擔味噌茄子($78) 有很多味噌醬料， 但沒有蓋過茄子的甜， 又淋又juicy，好味和牛牛舌二吃($258)， 一邊沒有調味，另一邊牛舌上有很多蔥和蒜粒， 薄切，口感柔軟，沒有膻味濟州八爪魚($178) 原隻燒，要燒大約十五分鐘，起初擔心肉質又硬又韌， 但其實完全相反， 口感軟糯多汁， 完全沒有很乾身的感覺，正韓式豬腸($78)香口惹味，厚身而軟熟和牛三文治($318) 要趁熱食，烘香的麵包夾着炸過半熟的和牛，一口咬下，麵包吸附和牛的油香，簡單的三文治卻有最滋味的味道夏‧和牛拌飯($125)就像石鍋飯，將飯混合和牛和配菜， 口感十分豐富，又附帶和牛香， 推薦是日甜品蜜糖雞蛋蛋糕($52)， 雞蛋蛋糕淋上蜜糖，簡單清甜士多啤梨紅莓梳打($36)和柚子檸檬梳打($36) 消暑解膩一流…查看更多

成日都嚟旺角T.O.P，但係朋友唔講唔覺原來呢度有間韓國菜韓烤既食店，今日黎試一試。和牛三文治和牛厚大而且帶點肥美，口感一流，非常好食，我朋友話食到酸酸地嘅醬，但我就唔係好食到。前菜都比較重味，尤其墨魚會比較辣，泡菜成兜上，比你自己夾同剪。和牛牛舌二吃問服務員點燒好啲，佢話燒到出血水之後反轉燒多十令廿秒就可以食，可能係呢個燒法令我覺得勁好食，薄嫩容易咬開，有類似蔥油醬汁個隻更加香口入味。韓式豬腸我哋燒緊豬腸嘅時候，服務員提我哋本身已經熟，燒一燒就可以食，見我哋唔係好識仲幫我哋燒咗一次，肥美可口。濟州大八爪魚服務員隨後亦幫我哋燒埋大八爪魚，燒得好好，仲排到好靚，口感十足，滑溜溜嘅感覺。擔擔味噌茄子係凍食既感覺，茄子好有口感加埋惹味帶點辣既醬料好match。韓牛泡菜炒飯炒飯非常惹味，主要有切開嘅泡菜同牛肉增加口感，非常欣賞，最好趁熱食，因為凍咗會比較油。飲品可以視乎返個人口味去揀荔枝梳打荔枝味重而且比較甜甜的百香果蜜桃梳打好重嘅百香果味帶點酸甜感雞蛋蛋糕非常鬆軟，雞蛋味都重，有少少蜜糖，不過唔會覺得太甜，恰到好處。今日叫得有啲放肆，食到好full，呢間既牛舌係我食過暫時最好食，仲有其他嘅食物質素都非常高，環境舒適，仲可以望到出面個平台花園，有機會都會再嚟。…查看更多

旺角T.O.P係近年新興嘅潮流集中地之一，入面嘅商店絕對可以潮買潮食，今日行完街之後，就上咗去位於5樓嘅柞木炭家食最愛嘅韓燒。我哋二話不說就揀咗「王道」二人餐。點菜後，店員隨即奉上韓式小碟，是日嘅韓式小碟除咗有最傳統嘅泡菜做主軸之外，仲有醃青瓜、木瓜絲、豆芽菜同醃製蘿蔔。個人就好喜歡醃青瓜，醬汁微辣之中又帶點甜味，配合青瓜非常清爽嘅口感，真係好醒神開胃。而其他嘅泡菜味道都做得好出色，木瓜絲平時比較少見，酸酸甜甜亦都非常開胃，而最正嘅就係所有韓式小碟都可以無限追加，值得一讚！另外套餐亦包括咗擔擔味噌茄子做前菜，呢個茄子屬於涼拌嘅菜式，上面加咗豐富嘅擔擔味噌醬，非常惹味，如果呢個前菜都有得追㗎咁就正到不得了喇！燒肉方面分別有牛、豬、海鮮，先有兩隻大紅蝦，同埋兩款唔同味道嘅墨魚，分別係原味墨魚同有醬汁嘅墨魚，各具特色，肉質亦非常彈牙，而且份量亦唔少。雪下覓炙包括有名品小牛排、和牛牛板腱肉、和牛牛胸腹肉、韓牛牛肩肉，坦白講我就唔係太識分辨呢幾款唔同品種同部位嘅肉，但總括而言，全部都有均勻嘅雪花，微微燒香之後半溶嘅油脂喺口腔裏面非常甘甜，絕對食得出係高質素嘅牛肉。而呢個慶州五花肉就係全晚最精彩嘅菜式。店員會為我哋親手燒製呢份慶州五花肉，店員燒得非常有技巧，務求令到燒出嚟嘅腩肉火候均勻，每啖都食得出肉味同油脂嘅甘香，期間不時因為五花肉嘅油脂流出而做到有火焰嘅效果，呢個不只係一份食物，簡直係一份精彩嘅演出。店員最後會將燒熟嘅五花肉剪開成小件，五花肉經過燒烤之後排出了多餘油脂，所以食起上嚟香而不膩。「王道」套餐內亦包括一份海鮮豆腐湯，入面嘅海鮮包括有鮮蝦、青口、蜆肉等等，而且仲有大量嘅豆腐、蔬菜、金菇，同時亦配上灑上了小量紫菜嘅白飯，不過我個人就比較喜歡燒肉配白飯多啲。朋友話聽過有人推介呢度嘅和牛三文治，一場嚟到當然要叫返一份。原來和牛三文治係將厚厚嘅和牛首先製成吉列牛，經過高溫快炸外皮，再用烘焙過嘅麵包夾住吉列和牛，然後切成四方小件。上枱時和牛只有大概一成熟，客人可以按自己口味自行再喺鐵板上燒烤一下和牛，然後再食用，不過都建議唔好燒得過熟，大概五成熟就最能食到和牛肉質嘅鮮嫩口感。飲品方面，我哋分別叫咗茉莉花綠茶($40)同百香果蜜桃梳打($36)，估唔到外表平實嘅茉莉花綠茶味道相當有驚喜，茉莉花嘅香味喺口腔同鼻腔之間遊走，冰凍而清甜，絕對值得推介。最後食埋跟餐嘅甜品，係蜂蜜蛋糕，蛋糕淋上蜜糖，食完真正甜在心。…查看更多