華嫂冰室

好大舊牛油好邪惡🤤😈華嫂冰室其實唔使介紹大部分人都聽過啦我見好多人都會去觀塘嗰間食話一般 但係佢嘅本店係元朗呢一間就真係好好食👍🏻我去就去過好多次 但次次都冇咁大個胃淨係會嗌佢招牌菠蘿包 今次終於試下其他嘢點知都ok喎😍【鮮油奶多】係熱辣辣嘅多士入邊放勁多凍牛油同加埋煉奶真係好高脂肪好肥呀😂但係食落去又真係好香 呢個真係要同人share🤣🤣【招牌菠蘿包】呢個好正必叫！個菠蘿包新鮮出爐 🍞勁鬆軟入面夾埋蕃茄煎蛋同一大舊牛油 比平時嘅菠蘿油加多口感同冇咁dry💯【招牌芝士咸牛肉蛋豬仔包】呢個我就個人覺得太咸太重口味唔就太鍾意 但係勁重芝士味加上個包好鬆軟 啱晒芝士愛好者🧀【 豬扒豬仔包 】呢個同一般豬扒包差不多 但係佢哋落左自己整嘅芥末醬 甜甜酸酸咁 食完個包會話好膩同乾都唔錯架😋缺點就係次次去都要排隊😫呢間仲會賣完即止 交通真係唔係咁方便🥺但係為咗美食點都要去試下！💛 #為食元朗…查看更多

襯天氣熱前沖去屏山華嫂冰室最後一役，但都已經熱到要買枝樽仔奶茶飲住等，原本去到其實啱啱好係員工午飯休息時間（一點至兩點），因為要等人，所以我都坐喺度等，但係真係太熱，好彩老闆娘人比我嗌嘢飲。瑞士雞翼一樣照舊非常入味，魚餅厚度啱啱好，咬落非常有口感，外面煎得非常香口，蕃茄底照舊新鮮濃郁，通粉煮得剛剛好🤤紋青小鮮肉就叫瑞士雞翼豬扒番茄通粉其實一人一碗通粉都已經好飽，但係呢個芝士鹹牛肉煎蛋豬仔包真係食完都好飽，所以今次再encore 天氣開始熱啦，秋天再見！…查看更多

傳說中既華嫂冰室! 想黎好耐...但係佢逢星期日都唔開..其他日子又唔係開好長時間(lunchtime唔開loll)...仲要入到黎天水圍...所以一直都無機會食到..今個星期六...機緣巧合下竟然就岩時間入天水圍!!雖然有一位住天水圍既朋友帶路, 但係原來佢都未食過lol所以我地係天水圍西鐵站行黎係行錯過一次方向lolll烈日當空之下要暴曬式咁行....真係要好強意志力lolll建議想黎既大家如果唔係揸車黎既話 最好預備定防曬防中暑用品! (仲要睇定地圖唔好行錯..XDD)星期六既下午2:30, 係有超多人排隊架!!唔好比以上呢2張相誤導..佢地係我已經食完之後先影...xd2:30行到黎 大約等左45分鐘~雖然要熱住咁等45分鐘.. 但好彩有得坐住等同埋我鐘意呢度個營運模式!攞籌時姐姐會比埋menu你 之後會再按籌既順序幫客人預先落單當入座之後就可以乖乖坐低等野食...叫做加快左個流程~~佢有村屋內圍同外圍位置~ 45分鐘後我地被安排坐係呢一part室外位~佢地放左白色個部大吹風機係旁邊~ 所以都唔會太熱不過注意食物就會凍得比較快, 要快快食呢~簡單的menu已經包含左十多款美食都係粉麵類同多款包類/多士♥最先上枱既係飲品~ 佢呢度同澳牛唔同..佢唔係光速上菜架xdd所以飲品都係坐低左一陣先送黎~~分別係冰花奶茶$20同(熱)朱古力$16冰花奶茶限量供應...我地食到中途已經聽到賣晒喇!即係走冰但連杯都雪凍左既奶茶~~ 唔會有溶冰溝淡既問題*v*帶住地道港式茶記奶茶既味道!而係大熱天時仲叫熱飲既人係我lolll 因為小妹當日生理期肚仔痛...><我覺得呢杯朱古力好好味呀 : )甜度比適中多少少, 但唔係出面用超市朱古力粉沖個隻味 : )秘製雞翼配通粉$25轉新鮮蕃茄湯底+$8呢個蕃茄湯底!!!!! 令人太瘋狂了.....!♥♥♥♥佢係唯一一個我覺得比勝香園更濃郁更自然既蕃茄湯底!!完全愛上了!~~不過個秘製雞翼我覺得好普通~~~ 下次要揀豬扒hehe^__^香煎豬扒配出前一丁$25+$2呢個係普通湯底 唔會話好特別..但又真係整得好食架♥有2大塊煎豬扒~~~ 煎得好香同埋鐘意佢幾薄身易咬!下次黎要叫豬扒通轉蕃茄底!~~hehehe難得咁辛苦行到入黎點都要試埋佢既招牌芝士咸牛肉蛋豬仔包$20!!!包類預返要等多少少時間... 即叫即整係超級新鮮的~~~切開見到佢底部放左芝士~我覺得芝士有少少搶左另外兩種料既味咸牛肉粒可以多返少少....而隻蛋 係煎得perfect架!!♥不過成個包我最欣賞係佢個熱狗包!! 好鬆軟同好好咬; )少少咸牛肉+完美蛋+搶味芝士xdd$116就食到個超滿足午餐(下午茶?)♥其實得閒入下黎天水圍遠離下都市建築 黎到好有本土味既村屋式自家經營冰室食野....真係會令人幾開心@.@我諗食物質素/價錢之外, 呢個亦係呢度長期排長龍既原因之一: )…查看更多

落大雨既星期日都想黎食個華嫂既本店❤️上次試左觀塘個間 一直都想黎試下老店唔知係咪因為大雨 所以都似乎唔係太多人只係等左15分鐘到就有得坐 比想像中快好多因為keep住個效率問題 未入座已經會問你食咩要一次過落單 唔準加單😂😂所以一坐低無耐已經一次過黎哂d野所向無敵餐蛋丁 ($25)唔好睇佢普普通通咁 但餐肉係極厚肉 而且隻蛋係大蛋黎燒焦左既蛋邊係岩岩好 隻眼唔會過份熟蛋黃仲要係流心😍👍🏿 鮮茄墨魚丸魚餅米粉 ($38)呢個係用B餸粉麵方式嗌大愛佢既魚餅😳😳 唔會腥 而且個面有焦脆入面就好彈牙 有咬口💕墨魚丸就單純既彈牙 好味 鮮茄雞翼豬扒通粉 ($44)個湯底呢度介紹非常濃郁既蕃茄蓉打成🍅絕對唔係出面稀lunglung個一種非常足料 而且好鮮甜💕豬扒煎得唔老 岩岩好雞翼係豉油雞翼 個雞皮好香好入味 雞肉亦嫩滑🤤招牌芝士咸牛肉蛋豬仔包 ($20)上次已經食過 芝士味非常濃郁 配埋個咸牛肉同蛋簡直係絕配👍🏿❤️重頭戲係期待已久既招牌菠蘿包 ($18)菠蘿包烘得香脆入面有一層牛油 芝士 半熟既蛋 同蕃茄蕃茄仍然係新鮮 酸酸甜甜令到成個包減去太油膩既感覺😍牛油同芝士隨住熱力慢慢溶化 唔會搶左主角鏡又保留到芝士既味道 令到成個包多一重味道蛋唔會太老亦唔會太生同個熱辣辣既菠蘿包配合得天依無縫💕💕店員仲細心提醒餐枱上面有刀 可以將個包切開先食😊冰花奶茶 ($20)凍奶茶 ($15)凍檸檬益力多 ($17)特登叫冰花奶茶同凍奶茶去compare下兩者既分別冰花奶茶真係相對濃好多個味道而且好似奶味無咁重 反而突出到個茶香😍凍檸多就上次試過 酸酸甜甜 可以一試😂…查看更多

下午1至2是員工午飯時間，但依然可以排隊。我們一點半左右到達，前面大約有十幾人，人齊入座。入座前已有員工幫你落單，一次過點喔，不設加單。環境還好，起碼不會污糟，搭枱是基本。我地點了大部分人都點的幾款食物，眼見同枱也是相同的。招牌菠蘿包 $17菠蘿包香脆，但未至於鬆軟。兩大片蕃茄、牛油加上煎蛋，要自己吃清光難度招牌芝士咸牛肉蛋豬仔包 $19這個好吃！豬仔包軟腍腍微暖，芝士半溶，咸牛肉好香，比菠蘿包更得我心！鮮茄豬扒雞翼一丁 $46個人喜好不喜歡有紋通粉，所以加兩蚊轉一丁。蕃茄湯底都算濃郁，不過覺得星座冰室再濃一點。雞翼有兩隻經滷水煮入味，豬扒一塊稍硬。凍檸檬益力多 $17冰花奶茶 $20飲品有點細杯而且不太夠凍，畢竟在外面曬了半小時等位。總括而言，兩個人食到飽飽都不是太貴。結合我們只是等了半個小時，都是可以接受而且沒後悔的。但看到有些人說要排隊兩個小時才吃得到，值不值得就見仁見智了。…查看更多

雖然家住屯門十多年，揾食通常行好遠，屯門元朗除了泳池圖書館，全部唔識路。早前識左個新朋友仔住屏山，忽發其想就請她帶路去屏山找吃，第一站--屏山華嫂冰室！星期日休息，下午一至二休息，生活態度也。大西北不離開的交通工具是輕鐵或西鐵吧，初時以為是屏山站最近，但原來是坑尾村最近（步程十分鐘內）如果搭西鐵可選擇天水圍站，繞過圖書館就見到（都是多走五分鐘路程吧）話時話，輕鐵好多都係唔啱站名。繞過大型的旅遊巴停車場，向左走，就見到一堆村屋，屏山華嫂就在這啦。十一點幾的星期四都好多人等位，完全估唔到，我仲係空肚的來，哭崩！快手拎籌，姨姨會俾埋餐牌你睇，之後會叫籌逐一落單，坐低就有得食啦。餐牌是底面印刷，食物選擇不多。試左幾款比較出名嘅食物招牌芝士咸牛肉蛋豬仔包 $19豬仔包烘至微暖，把芝士都溶掉了，溶化的芝士加上煎得水嫩的煎蛋，已經忘記了空肚等位的慘樣。絕配的半熟蛋咸牛肉，加上咸香的芝士，包又夠軟熟，超正！招牌菠蘿油 $17平時我是不吃菠蘿油，因為覺得好膩，完全不懂得這個浪漫，但朋友說這是必點的，一來到，除了菠蘿包及鮮牛油外，還夾有煎蛋及蕃茄片。菠蘿包有烘暖的，煎蛋及麵包皮令牛油溶化，蕃茄片爽脆多汁，平衡了油膩感，一次試勻了酥脆，油潤及爽脆。鮮茄豬扒雞翼通粉 $44同朋友分著吃，所以叫了通粉，貪其易分，好大碗，雞翼味道帶甜似瑞士汁，豬扒煎得剛剛好又大大件，呢個早餐飽到下午四點。湯底超濃郁，可以見到好多茄蓉，酸酸地好開胃，通粉索晒啲湯汁，超正！話梅柑橘 $17有粒話梅浮浮沈沈，飲了一口覺得好下火，少冰，真係無左一截。朋友的益力多檸檬也不錯，只是我怕肚痛只飲了一口，哈哈。整體食物都屬於中上，味道比茶餐廳好吃但又不屬於非食不可，足料認真就是賣點，個茄汁湯底真係好濃郁。可見每件小事認真做就會成為專家。隔離仲有食肉餅的屏山老地方，下次約齊腳再去試下先。…查看更多

屈小姐今日專程入黎同賴生食華嫂呀，動已滾! 眼訓同熱死佢啦! 因為上年9月食過1次，屈小姐今次番黎食個咸牛肉芝士蛋包同蕃茄湯底!今次5人行…冇得坐冷氣位，但慶幸仍有得坐風機位附近，唔係就熱死啦!我地叫左咸牛肉芝士蛋豬仔包，煎魚餅，芫荽皮蛋豬潤牛肉煎蛋米線同蕃茄豬扒雞煎蛋通! 其實一去到，都知可能唔同左嫁啦，樓面成班唔識既，而且人龍少左，我估係因為開分店影響左掛…Any肥，推介以下食品:1)咸牛肉芝士蛋豬仔包味道豐富有層次，咸牛肉夾芝士香，加上隻蛋仲有蛋黃汁流出黎，加上個豬仔包烘到脆脆的!10個! 比起招牌菠蘿包有過之而無不及! 記住要襯熱食！2) 煎魚餅煎得好香，彈牙有咬口，有魚味! 略為油少少但接受到既! 8個3) 芫荽皮蛋湯豬潤牛肉煎蛋米線呢個湯好濃芫荽味! 芫荽愛好者必食! 而煎蛋亦煎得好好…底脆得很! 8個!而有一樣要比負皮既係蕃茄湯底…比起之前，淡左好多，冇乜蕃茄味…查看更多

說起蕃茄湯底粉麵有人會想起中環的勝香園今次就黎個大比拼😏前排食左食勝香園當然要試埋聞名已久的元朗華嫂冰室啦等左個半鐘終於食到放心 坐到入去唔洗再等人黎落單因為佢地多人的程度係排緊隊既時候會叫你落單所以入到去就即刻有得食😌我們一行三人叫了三碗🍖豬扒雞翼🍅蕃茄湯通粉兩個招牌菠蘿包🍍一個招牌芝士咸牛肉蛋🐽豬仔包兩杯凍檸檬益力多一杯冰花奶茶🍖豬扒雞翼🍅蕃茄湯通粉一個字 正👍🏻👍🏻👍🏻👍🏻👍🏻果然名不虛傳 名符其實華嫂冰室認第二 無人會認第一最值得稱讚既係🍅蕃茄湯底😇並不像勝香園的清湯加了蕃茄泥 沖淡了蕃茄味而是整個湯底都是味道濃郁的蕃茄湯☺️整個湯底都是紅紅的🍅🍅🍅🍅🍅第一次一路食通粉 一路飲了不少湯底但應該沒有落很多味精 至少食完沒有很口渴🙈🙈🙈佢地既雞翼亦很有水準😏係用滷水滷了起碼4,5小時以上的滷水雞翼🤔十分入味😋😋😋豬扒🍖煎得很香口肉質軟嫩又富有彈性招牌菠蘿包🍍材料十分豐富熱辣辣的🍍菠蘿包夾着厚厚切片的牛油有新鮮蕃茄🍅 煎得半成熟的煎蛋🍳 半溶的芝士🧀夾起來一起吃真的很好吃多種口感都可以一起享受得到😏招牌芝士咸牛肉蛋🐽豬仔包🍞惹味香口的咸牛肉加上煎得半成熟的煎蛋🍳 半溶的芝士🧀意外地比招牌🍍菠蘿包的味道更佳可能是因為材料配合咸味更夾更出色吧😋😋😋凍檸檬益力多🍋酸酸的檸檬加上甜甜的益力多喝起來很清新開胃☘消暑解渴很適合炎炎夏日🌞🌞🌞的清涼飲料💦冰花❄️奶茶堪稱為史上我飲過最好飲的奶茶😇香濃的茶香 配上 幼滑的鮮奶味道卻十分出眾😎😎😎一定要返黎再飲過😌總括而言華嫂冰室的食物真係好食到無得彈👍🏻👍🏻👍🏻👍🏻👍🏻真係值得一試但等候的時間真係好長🙁附近有多蚊咬😫😫建議如果真係去食 一定要塗定防曬 噴定蚊怕水😅…查看更多

早在中學讀書時期已經聽說過華嫂冰室,聽了六,七年,難得昨天閒日放假,就去試了.因為1點至2點是休息時間,所以兩點多去到,到達時比想像多人,沒想到平日都這麼多人,起身什麼都沒有吃就來了,不禁有些擔心要等太久,幸好等了大概二十五分鐘就進去了建議去前看一看餐牌,坐低便可以落單叫了一個蕃茄雞翼豬扒通粉($41),一個咸牛肉芝士蛋豬仔包($18),招牌菠蘿包($16),凍奶茶($14).蕃茄雞翼豬扒通粉蕃茄汁濃,但略嫌太'結',還有蕃茄核,看得出用料足,雞翼入味,豬扒亦煎得很香口,但通粉有點腍身,如果不是配通粉應該更好,隔了一會兒再吃仍然是熱的咸牛肉芝士蛋豬仔包個人本身不是太喜歡吃豬仔包,沒想到這個包是這頓午餐的最愛,芝士與蛋融合在一起,形成芝士蛋汁,非常美味,與咸牛肉拼湊一起,咸牛肉沒有佔據了整個包的味道,每樣食材的味道都能夠分別食出,少少硬的包皮加上軟身的包令整個口感更好,如果我會再去,一定會再叫.招牌菠蘿包其實係人生第一次食菠蘿油,見到兩片牛油於半溶狀態,真是有點罪惡感,菠蘿包的皮很脆微甜,夾了兩片牛油,蕃茄,雞蛋,整個包都帶點甜甜的味道,可能因為個人比較喜歡食鹹的包,所以我覺得咸牛肉芝士蛋豬仔包比菠蘿包更好,但一場來到,沒理由不試吧.不得不提的是凍奶茶,真是奶有奶味,茶有茶味,能渴出茶的味道,有少少澀,不會很甜,相當出色的一杯凍奶茶!吃了接近一小時,每樣都份量十足,非常飽,而且即叫即做,如果沒有那麼多人等位的話,可以再試 …查看更多

期待以久華嫂冰室·幸好朋友在附近居住可以提早拎飛，係天水圍西鐡站行10分鐘就到華嫂。一到步坐無虛席，假日等位人數真多男女老幼都齊。真的想知道華嫂吸引力在那？去到等多15分鐘就入到去了，我們點了食物就耐心等候。他們出餐速度都算快，首先來檸檬益力多。第一次試飲分外清新配上檸檬立即胃囗大開，美味～蕃茄豬扒雞翼通粉，2個女仔share一碗！大大件豬扒分開一半同埋好入味不太硬，口感不錯。秘製雞翼有2隻同樣地非常入味。美中不足是蕃茄湯底不算太濃·如濃湯味加太重會惹味很多。莞茜皮蛋豬潤牛肉米缐，莞茜配皮蛋下火淸新湯底比較少有。豬潤牛肉不太硬加上爽滑米線，感到非常健康。招牌碎蛋沙律多士，鬆脆麵包烘焙過口感分外不同！只需咬一口連埋蛋沙律簡直一絕，可能我是一個蛋魔覺得美味。值得一讚，蛋沙律不太冰冷配搭不錯。招牌芝士咸牛肉蛋豬仔包是我最愛的一個。濃濃芝士醬流出加上蛋汁及咸牛肉令人垂涎不已～如果不是很飽，我會再encore這個包👍👍👍招牌菠蘿包，菠蘿皮超脆配上牛油加上蛋蕃茄真的第一次食。感覺真的好邪惡，我地3人已經很飽，我只吃了1/4已經足夠。題題大家：華嫂係開星期一至六及公眾假期，星期日休息！每日下午1時至2時還會暫休一小時，想食的朋友真係要早起前來。…查看更多

呢間餐廳個名聽左好耐，趁復活節假期終於去一試！（本人食野比較鐘意說實話，不喜勿看）同預期一樣，等位等左足足兩個鐘！！！但大家好似中左毒咁，門口依然人山人海=.="天氣又熱又焗，幾次想放棄離開，但都入到去，唯有繼續等。。。。好唔容易捱左兩個鐘等候時間，終於入到去坐底餐牌三張，冰室格局，等左咁耐，一於盡試盡食熱要就快暈，店員推介飲話梅柑桔，味道酸酸甜甜的確係好醒神，不過飲完仲口渴，畢竟話梅味精好勁，飲凍檸茶會比較穩陣招牌菠蘿包：平凡嘅菠蘿包入面放塊蕃茄、煎隻任個一間茶餐廳都做到嘅煎蛋，我係有點失望的。招牌芝士咸牛肉蛋朱仔包：一個朱仔包＋煎蛋＋煎咸牛肉，只要你加幾蚊俾茶記都一樣有得食！。。。。哈哈哈所向無敵餐蛋麵：到呢個位我只能說，塊餐肉係用心煎，因為全塊連邊位都係煎香左嘅，同埋有幾條菜俾你食。至於有幾所向無敵呢。。。。哈哈，相信好多屋企嘅阿媽級都係鮮茄豬扒雞翼通粉：呢個算係比較好啦，蕃茄湯底蕃茄味算係真實，雞翼同豬扒醃嘅時間充足，唔會啖啖食死肉咁，唔錯！食完唔會有好味精感覺皮蛋芫茜豬潤牛肉米線：呢個有驚喜！！好係阿媽煲得耐左嘅隔夜皮蛋芫茜湯味道，又或者係打邊爐到尾皮蛋芫茜湯底！豬潤牛肉好熟好有趙口，隔夜湯加米線咁口味。。。。至於下唔下到火因人而異總括黎講，呢個價錢有呢個份量絕對係抵食嘅，但至於要等咁耐都唔係問題，因為呢度嘅味道真係可以俾到家的感覺大家，假期有時間去郊遊順便食埋都唔錯，因為至少唔駛日日食連鎖式餐廳，呢度可以一次過食到好多回憶的味道，但唔好要求太多，因為真係家庭feel同埋平價。…查看更多

有時為左食真係可以去到好盡，可以一早走入元朗屏山就係為左食呢間近期好紅既華嫂，仲要有個人唔介意可能要排隊排好耐，肯願意陪你晨咁早入去食個早餐，幸福其實就係咁簡單。.由元朗站行去屏山約十幾分鐘，一朝早慢慢行入去，吸收下新鮮空氣其實都幾好，諗諗下小妹都好耐無試過係週末晨咁早去食早餐了，起床時間真係比返工仲早呢。.八點幾入到去已經唔少人係度食緊早餐，不過可能時間尚早，所以唔使排隊直接有位，不過就係坐外面。但過多陣，外面開始要等位了。(小妹大呼好彩!).望望餐牌，食物款式唔多，分為麵包同麵食類，一早就知道邊幾款係華嫂必食名物，所以就決定個幾款吧。.冰花奶茶 $18看到面頭的冰花嗎？店子原來用了奶茶冰來做這杯奶茶，這樣味道便不會被冰粒溝淡，很貼心呢。這杯奶茶的茶味和奶香也平衡得宜，沒有互相搶去其味道，飲落順口幼滑，滲出陣陣茶香，好飲。.招牌菠蘿包 $15入黎必食既招牌菠蘿包，菠蘿包都算係香港既名物之一，平時多數夾多塊牛油(俗稱:菠蘿油) 已經超級邪惡。呢度仲要夾埋蕃茄片、雞蛋同芝士，超級豐富都只係賣$15，好抵食呢。.菠蘿包烘至熱辣辣，切開半，看到煎雞蛋仍帶有點半熟狀態。咬落麵包面層鬆脆，菠蘿皮脆身香甜，配埋軟屬既麵包確係無得輸; 由於雞蛋黃未全熟，所以食落蛋香味濃郁，配埋芝士相當滋味。如果唔係地方太偏，相信小妹會成日黎食呢，買個外賣都好呀。.招牌芝士咸牛肉蛋朱仔包 $17烘過的朱仔包內夾了厚厚的芝士片和份量很實在的鹹牛肉。對於小妹這芝迷，看到那片厚厚的芝士確係令人垂涎三尺。.味道當然也是頗不錯的，鹹牛肉和芝士是相當夾的組合，芝味也滿明顯，配上甜甜味道的朱仔包，又係令一個滋味配搭。比起普通茶餐廳的蛋牛治，這個實在有誠意太多了。.鮮茄豬扒雞翼通粉 $39係呢幾款面食物入面最貴既一款，蕃茄湯底相當杰身，味道相當濃郁，所以食落相當飽肚。而豬扒同雞翼(2隻)味道就一般吧，但為左個湯底絕對可一試。建議可兩人分享一碗，再試埋其他名物。兩個人賣單只係$107，性價比高，兩人都食到相當滿足的離開，真係好想再入黎食多次呢，不過唔知幾時先再捨得咁早起身入黎食。…查看更多

作為元朗人，早已聽聞華嫂冰室，剛好十月一日去文物徑hea 下，已定左華嫂冰室為其中一個必去景點。下午一點鐘去到，發覺剛好撞中佢地中午休息時段，唯有等到2點開番先入去食。食茶歺聽唔會對服務有咩要求，但發覺佢地落order 還是有d亂，同台顧客都有d漏order.好彩都唔係等好耐。叫左個招牌菠蘿包，不見得特別香脆，仲要個包係凍嘅，真是食完就算。咸牛芝士朱仔包，芝士也沒有融化，睇到個名就知咩味，當然不是特別好味。番茄滷水雞亦米，簡單d講就是大量番茄蓉加味精湯底，滷水雞亦還可以。連熱寧蜜埋單74蚊。唔算貴總括來說，普通貨式。不太建議專登山長水遠去同等好耐去食呢間冰室…查看更多

在夏天要到華嫂需要極大勇氣，因為出發前已知道一定要在炎熱的天氣下在室外等候，但跟朋友說了很久要結伴吃華嫂，所以還得做好心理準備呢。在週六的上午我們約９時多到達，想不到華嫂門外已有很多食客等候，去到時要等二十多個位。我們不得不在外面等候，很多時候食客都會不小心在其他民居門外等位，老闆有好幾次都出來提醒食客可以在旁邊的帳篷等位，除了較涼爽外也不用暴晒於陽光中。等了約一小時，我們終於可以入去了！幸好今次被安排到室內有冷氣的位置，我和好友都鬆一口氣。今次已是我第三次到訪華嫂，對其餐牌當然不陌生呢！雖然其選擇不多，但encore率很高。好友想吃招牌芝士咸牛肉蛋朱仔包（＄１７）。跟第一次的進食經驗一樣，烘烤過的朱仔包皮脆質地鬆軟，配合豐富的芝士咸牛肉蛋，口感滿足，最重要是新鮮製起，熱辣辣，高水準依然！之後來到的是招牌菠蘿包（＄１５）。三次來華嫂都有點這個菠蘿包，不得不再強調華嫂的菠蘿包依然是我最喜歡最好吃的菠蘿包！很多朋友聽到招牌菠蘿包裡又有蕃茄又有煎蛋覺得很奇怪，但只要吃過必然會愛上！牛油、蕃茄、煎蛋的配合意外地合襯，不過菠蘿包的美味仍記一功，熱辣辣的菠蘿包脆皮很酥脆之餘甜味十足，再高的卡路里都是必吃。今次還作了個新嘗試：烤牛油朱仔包伴碎蛋沙律（＄２０）。可能因為較少人點，所以最後才送到，上菜時依然熱辣，即叫即製。伴菜有碎蛋沙律、蕃茄和生菜，可以消減油膩感。金黃色的朱仔包烤得鮮脆，不錯。炎熱的天氣不得不點凍飲消暑，我點了冰花奶茶（＄１８），朋友點了凍檸檬益力多（＄１５）。沒有冰對味道的影響，冰花奶茶的奶茶味濃郁，恰到好處，喜歡！朋友的凍檸檬益力多的評價也不錯！用餐期間華嫂向各枱食客派卡片，並跟食客說下午休息，我還跟華嫂寒暄幾句說有留意其Facebook動向呢。三度到訪華嫂依然不減我對其包類奶茶的喜愛，依然會再來！不過下次再訪希望是冬天吧！…查看更多

有些食店在wishlist上已有好一段時間，但礙於地點偏遠及營業時間偏短，平常日子都找不到藉口去。這天難得放假，就拉著千島醬陪我一大早出門到屏山吃早餐，一訪久仰的華嫂。寒冷的早上坐西鐵到天水圍站，從E3出口出來走大概五分鐘便到，比預想中的近車站多了。平日早上十時來到，不用等位便可入座。但我們坐下不久門外便開始有候位的人待著。家庭式作業，店其實就是在一座三層村屋的底層。千島醬愛港式奶茶，要了一杯冰花奶茶($17)。以多於三種茶葉沖成奶茶，放涼冷藏至奶茶面層形成冰花狀。茶味濃郁不澀，加上沒有加冰，喝至最後也沒變淡，十分順喉好喝。我喜歡吃酸，要了杯熱的話梅柑桔($13)。話梅酸味足而不過份，鹹味也不重，跟柑桔的橘子芳香合拍至極。伴上一片檸檬，喜歡酸的可搗爛檸檬加添清新酸氣。招牌菠蘿包($14)，包身新鮮鬆軟不在話下，頂頭的菠羅皮香脆酥化得很，甜度恰好，是很久沒吃過的高水準菠蘿包。中間夾了一片鮮牛油、新鮮蕃茄片及流心荷包蛋。咬下蛋汁四溢，油香滿瀉，蕃茄片此時就起了中和作用，為整個組合加添清爽之感，吃畢也不覺膩。招牌芝士咸牛肉蛋豬仔包($16)，豬仔包鬆軟熱暖，夾著了鹹牛肉、半熟荷包蛋及半溶車打芝士片。餡料鹹香惹味，包身略帶甜香，合在一起更是互補長短，千島醬一試便喜歡極了。蕃茄湯底紅腸墨魚丸米粉($29)，米粉是福字牌出品，紅腸和墨魚丸都不錯，但主角還是那蕃茄湯底。因為聽過住在附近的好友介紹，所以即使對皮蛋芫茜湯很感興趣，還是選了蕃茄湯底。一直以來不論大家如何熱捧哪家的蕃茄湯底我都不太動容，因為我總覺得只要真材實料就能煮出好的蕃茄湯底。這裡的光看就知道是用上了大量鮮蕃茄煮成，才能煮出蕃茄蓉似的模樣。呷一口，茄味非常鮮，濃但喝得出沒加入茄膏或太多調味。那份用心和用料煮出來的味道，教人怎能不感動？千島醬不住的喊餓，所以我們追加了一客招牌碎蛋沙律多士($17)。蛋沙律用上甜而不酸的沙律醬，上下皆鋪了一層，緊貼烘得金黃香脆的多士包。中間還有新鮮蕃茄片和生菜，咬下層次豐富，不是非試不可或如何驚喜的一份三文治，但就是踏實的美味。小店除了美食，還有連鎖店沒有的人情味。看我把話梅柑桔都喝光，店員主動走過來問我要不要點熱水，熱水加好送上來時又細細叮囑我小心燙。真慶幸即使有了名氣，店還是保留了那溫暖人心的情味。離開小店，踱步在村屋間，千島醬突然吐出一句：「其實住在這些地方也挺不錯呀！」我想，是的，其實每個月來一次華嫂也不錯呀！…查看更多