茶茶台式料理 (已結業)

今次嚟到呢間喺旺角嘅台式餐廳。🇹🇼 餐廳整體裝潢用白色做主調，畀人簡潔清新嘅感覺。⁣🍃⁣招牌臭臭鍋 ($108.0) ［好味度：8/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣嚟到呢度一定要試佢嘅招牌－臭臭鍋。🍲 份量都幾大架，係一至二人份量。🫄🏻 入面都係嘅配料超多，包括有臭豆腐、鴨血、牛肉、鵪鶉蛋、鹵大腸、米血糕、台灣貢丸、粟米等等。😬 一個鍋就可以食晒咁多種台灣美食。🤩 雖然佢叫臭臭鍋，但係唔會臭得好濁，臭味啱啱好。👌🏻 而且豆腐索曬湯汁，真係超正，的確值得一試。⁣😉⁣炙燒五花肉飯 ($62.0)［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣除咗火鍋之外，呢度亦都台式飯或者麵。💁🏻‍♀️ 今次就試咗呢一個炙燒五花肉飯。😬 五花肉肥瘦均勻，鋪面嘅係甜甜地嘅燒肉醬汁。😜 炙燒令到表面微微焦脆，再配上大啖大啖嘅白飯真係，係幸福嘅感覺。🥰⁣脆皮肥腸 ($32.0)［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣呢度仲有好多唔同嘅小食㗎，例如呢個肥腸。😌 可以揀唔同嘅辣度。🌶️ 配上酸甜醬，中和返油膩嘅感覺，最緊要嘅就係佢有外脆內軟嘅口感。⁣😆⁣涼拌手撕雞 ($42.0)［好味度：8/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣近排天氣都幾熱，呢個涼拌嘅小食就啱曬。🥵 芝麻醬調得啱啱好，同手撕雞肉完美混合。👍🏻 而且，青瓜絲同香菜爽脆嘅口感配上軟淋嘅雞肉，確係唔錯。⁣😛⁣芝士肉鬆蛋餅 ($39.0)［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣食台灣嘢又點可以少得蛋餅呢。🥚 呢度蛋餅入面餡嘅含量都係啱啱，芝士都可以拉絲。🧀 蛋餅皮煙韌程度適中，加入面鹹香嘅芝士同肉鬆同埋面頭酸甜嘅醬汁，都算係個好合格嘅蛋餅。⁣👌🏻…查看更多

[旺角臭臭鍋🍲茶茶台式料理]-話就year1嗰陣仲係face to face上堂嗰時我同男朋友每個星期四晚都會去旺角食飯同行街有次我買咗件臭豆腐食😗食得好滋味咁俾佢見到😳之後每次嚟旺角佢都買臭豆腐俾我食😂😂😂😂食到我有啲厭左🤣跟住見到有間台式餐廳出咗臭臭鍋😏佢話一定要帶我試🥸拖拖拉拉左咁耐今日終於去try try呢個「臭臭鍋」！-好啦😤廢話講完開始介紹餐廳😜餐廳招牌係顏色豐富嘅霓虹燈🌈仲有一隻得意嘅恐龍🦕打緊邊爐🫕餐廳以黑白為主色🖤🤍入邊有個半開放式嘅飲品吧😗可以睇到店員製作台式手搖飲品嘅過程餐廳係用QR code落單非常方便😎-😋招牌臭臭鍋 $108+1嚟到梗係要試吓佢個臭臭鍋可以揀唔同辣度🌶因為生飛滋🥹所以嗌咗唔辣仲可以揀牛肉或者豚肉😗我哋就揀咗牛肉個鍋一端上來😂已經聞到熟悉嘅味道😌非常貼題好盞鬼試一啖個湯底😛咦！唔錯bor入口幾香😋火鍋非常足料😍有米血糕、鴨血、蜆肉、豆腐、娃娃菜、金菇、草菇、粟米、韭菜、椰菜、鵪鶉蛋、滷大腸兩個人食再嗌啲小食已經好夠飽🤣想試嘅朋友唔使抑壓自己嘅好奇心😛創意十足🫡味道是okay的😌可以一試✅好味指數：🌕🌕🌕🌖🌑 -😋芝士肉鬆蛋餅🍳 $39+1呢個台式小食都唔錯😛總共有六件😗個皮幾煙靭有淡淡蛋香味😌肉鬆甜甜地都幾多吓芝士仲可以拉絲😙淋上蠔油灑上芝麻幾好味🤩好味指數：🌕🌕🌕🌕🌑-😋日月潭珍珠奶茶🧋$28+1七分糖有啲甜😛下次應該要嗌半糖係細粒珍珠😗分量多有咬口不過有啲珍珠痴埋一齊🥹用吸管飲唔到扣左啲分好味指數：🌕🌕🌕🌖🌑-😋鹽酥雞扒滷肉飯 $68+1雞扒外皮酥脆😝肉質鮮嫩😌調味唔會太鹹😗唔錯的肉燥都俾得好多啱晒送飯🫡不過味道就普通啦🫣中規中矩好味指數：🌕🌕🌕🌗🌑-📍 茶茶台式料理 (旺角)旺角豉油街60-104號XX Arcade地下AB號舖💸人均消費：$130…查看更多

旺角呢條街一向好熱鬧，因為真係超多台灣菜！見到呢間茶茶價錢合理又幾舒服格調，就去了食下😆去這裡一定要點招牌臭臭鍋，因為真係超豐富！臭臭鍋可以自己選辣度，由bb辣到魔鬼辣都有～點了bb辣都好惹味，而且入面有超過10款料😍特別喜歡臭豆腐、口感不錯的鴨血、入曬味嘅金菇。而豬肉片都好所塊，薄得來有咬口，還有一粒粒脆軟骨！麻醬手撕雞拌麵是暖暖的，配上嫩滑雞脾肉，醬料好香麻香味 ，麵質彈口，的確幾有水準！難得地搵到間價錢合理得來，水準又幾好嘅台灣菜😊而且服務仲要好好！👍🏼…查看更多

最能尋回旅行異地感覺，唯有味覺觸動，想念台灣臭臭鍋的獨特與滋味。香港為美食之都從不令人失望，近來終於在港尋找到臭臭鍋的蹤影，位於旺角豉油街。門面平凡簡單，沒有特別鮮艷顏色或擺設，記憶點略為欠缺，餐廳名子也尋找遍刻才發現於小小霓虹燈中。內裡同樣平實簡樸，主要以黑、白、灰及木質拼湊以成，未能感受到餐廳想帶出的信息及主題。餐廳涵蓋主要的台式料理例如牛肉湯麵、拌麵、滷肉飯、小食、飲品及少有的臭臭鍋選擇，聞臭臭鍋以來的我必點無誤！說是一人份量，但最終要男朋友與我二人才能消滅整個臭臭鍋，內裡有牛肉、臭豆腐、米血糕、鴨血、滷大腸、台灣貢丸、鵪鶉蛋、蜆、榨菜、韭菜、粟米、椰菜、鮮冬菇、娃娃菜、金菇、芫茜。食材豐富每款數件，除貢丸及鵪鶉蛋外每款數件，份量如2人非1人。臭豆腐發酵味道清幽，滲於湯底令湯底無論聞或品嚐也帶臭豆腐味，其他食材新鮮無雪味，小辣辣度不明顯，一口size 方便夾食。實物與餐牌中的相片確實有分別，只有青瓜絲、芽菜、炸醬、蔥及芫茜，麵外貌如米線但質感較彈牙有咀嚼度，帶肉汁味的肉醬份量剛好撈勻整個麵，味道清新而不失肉汁香，但爽口食材與肉粒份量較少，口感欠缺。夾去蛋餅時Mozzarella 芝士的拉絲效果十分滾動，皮薄煙韌包裹薄層肉鬆，由於肉鬆鹹香度不足，加上主力咀嚼外皮，令肉鬆味道關注度減少，而蛋便成為了主咪道，因為整個蛋黃包裹在皮內，稍搶其他食材味道。與個人認知與想像的「爆檸四季春」有相當出入，走甜後這只是一杯凍檸水。…查看更多

旺角抵食台灣菜🤍-💛黃色商家-🍲招牌臭臭鍋 ($108)就咁聞幾香，同埋個鍋比想像中大，入面幾足料，俾咗好多牛肉，牛味都唔錯!菜嗰啲都幾入味，不過豆腐真係最入味，食落真係臭豆腐咁，幾過癮🤣同埋我地叫咗bb辣，辣味食落都幾夾~🐔小香腸拼鹽酥雞粒 ($46)個兜幾精緻，小香腸嘅皮夠脆，食落幾香同多汁，鹽酥雞夠酥脆，幾香口，不過可以多汁啲就好喇~同埋新鮮炸出嚟，好夠熱🥰🫓芝士肉鬆蟹柳蛋餅 ($55)一碟有6件，蛋味夠出，皮夠薄，肉鬆都俾得幾多，不過芝士可以再濃多少少，整體而言都幾好食！🧋日月潭珍珠奶茶 ($28)珍珠夠彈牙同俾得幾多，茶底唔錯，同埋味道唔會係奶精味，幾順口幾滑☺️-🍵百香果綠妍 ($27)都俾咗幾多原粒百香果，飲落幾清新，茶味香濃!呢間餐廳環境幾舒適，同埋上菜真係好快，我地啱啱除口罩冇耐就上齊菜🤣食物味道唔錯，價錢都好抵，幾高cp值嘅一間餐廳!!味道 8/10環境 8/10服務 8.5/10回頭率 8.5/10總評 8.25/10😋🤍-📍茶茶台式料理旺角豉油街60-104號XX Arcade地下AB號舖#米食台灣菜 #米食旺角 #hkfood #hkfoodie #hkig #香港美食 #香港餐廳 #食評 #thefoodieinitiative #internationalfoodiesunite #foodadmireesoftheworld #globaleats #internattionalcuisinefamily…查看更多

最近天氣凍凍地 一於同朋友去呢間台式料理餐廳 食招牌臭臭鍋🤤 -🍲 一人前招牌臭臭鍋 $108雖然係一人鍋但超足料🤩🤩 除了臭豆腐之外，仲有牛肉、台灣貢丸、米血糕、滷大腸、鴨紅、蜆、鵪鶉蛋、栗米、榨菜絲、金針菇、鮮冬菇、椰菜和芫茜 多種配料🤩🤩 好豐富 仲可以自由選擇 牛肉/豬肉 及 辣度 由於我唔太食得辣 就揀左BB辣 -一上菜 已經傳來陣陣的臭豆腐及沙茶的味道 好香🤤🤤 啲配料 索晒湯底味道 好濃郁 好惹味🤩 特別喜愛 米血糕 索晒味道之餘 仍保持到糯米的煙韌口感 👍🏻👍🏻-食到一半 加埋 粉絲（$12）🤩🤩 粉絲索晒湯汁 食落好濃厚的香味😋 湯底辣辣地 食得好過癮😋😋 -🐷 脆皮肥腸 $32炸到好香脆 熱辣辣的豬大腸 沾上甜辣醬 酸酸甜甜 好可口😋🤤🤤 -🦀芝士蟹肉蛋餅 $45好香蛋味嘅蛋餅加上拉絲的芝士及蟹肉 口感豐富🤩😆😆-🍓芝芝莓莓 $38芝士奶蓋味道咸咸地 香濃奶味😋😋配搭清新的鮮榨草莓汁 甜度適中🤤打邊爐 飲凍飲 非常解辣 解膩 正😆😆-🧋芋香珍珠奶茶 $28飲品奶味偏重 帶淡淡的芋香 🤤🤤珍珠粉圓甜甜地 軟硬適中👍🏻👍🏻-🍽🍴總結 🍽🍴餐廳裝修以白色簡約為主 特別喜歡餐廳的logo 好得意☺️☺️ 店員服務友善 ☺️☺️主打的臭臭鍋 臭得夠惹味 夠香濃🤤而且配料十足 台式小食 亦是即叫即製 夠晒香脆可口下次可以試埋其他口味嘅火鍋及滷肉飯😋 …查看更多

突然很想吃台灣野，朋友就推介在旺角這條充滿著台灣餐廳的街吃東西，看到這間「茶茶」都頗多人去，入面亦坐得舒服，就去試下。店員態度好nice，令人感覺好舒服。餐廳是qr code 落單的，飲品甜度可以選至餘，食物的辣度都可以選。特別推介招牌臭臭鍋🍲，上碟時已聞到好香，難怪每一台都點了一鍋。鍋內有好多野食，臭豆腐都好特別，還有少肥的豬肉薄片、鴨血和蔬菜，湯底辣度適中，想不到簡單的麻醬手撕雞拌麵也頗高質的，是暖暖的，麵質好好之餘撈上好香的麻醬和芝麻，味道幾好！涼拌小青瓜鋪滿面的蒜粒好吸引～還有果香和奶份量剛剛好的滑香奶蓋莓莓，味道好refreshing。下次再想吃台灣菜的話，一定會再來😋😋😋…查看更多

旺角以前唱k嗰個位變左勁多!!! 而家變唒食野嘅地方, 行過li間台式料理, 見到menu有臭臭鍋正wor, 附近都唔多覺有得食, 唸起好多台式臭豆腐…夜市小食…..🥢招牌臭臭鍋 (HKD108)有得揀辣度👍🏻人人都食得(bb辣唔該). 每款各一嘅台灣貢丸, 滷大腸同鴨血好好味, 一人份量完全係”吃到飽”個種放題feel, 湯底唔好嘥追加個公仔麵先, 好多舊台式臭豆腐yummyyyy.🥢另外我地又食左麻辣肥腸 (HKD32)同招牌鹽酥雞 (HKD40), 擺到張枱滿左👏🏻, 啲肥腸辣得黎炸到卜卜脆ga, 鹽酥雞個炸皮又係脆到一個點, 推介推介開心share之選.🧋現打嘅”滿杯紅柚子 (HKD35)”甜味非常天然, 西柚同茶嘅比例勁好所以唔會好覺飲緊”茶”👍🏻👍🏻; 我就飲奶蓋高山烏龍茶 (HKD33), 幾乎半杯都係濃濃嘅奶蓋, 係一杯好thick嘅茶.…查看更多

招牌臭臭鍋$108依個一人火鍋無澱粉，有好多菜，食完非常飽肚，又唔會高卡路里，减肥人士的適合選擇，哈哈而湯底真係酸酸辣辣，啲菜煮到好入味，而且個酸辣湯底，只有少辣，人人都食到。配料好豐富有米血糕，肥牛，金菇，娃娃菜，菇，豆腐同豬大腸！可以一次滿足你N個願望。臭豆腐唔算好臭，係硬豆腐質感呢！喜歡！仲order咗個台灣柚香啤酒試試，唔係果酒，係用柚子皮製作的，所以唔會甜，係啤酒上面加上柚子皮的清新香味，好正啊～同朋友一邊吹水一邊啤啤，有feel～飲酒要配下酒菜，所以我地另外仲叫咗炸花枝丸，彈牙的花枝丸子，加埋甜辣醬，好吃哦 ╮(╯▽╰)╭…查看更多

之前一直都有聽過臭臭鍋呢道菜式，但一直都未試過，直至前日，朋友帶咗我去試第一次嘅臭臭鍋，原來都唔係想像中咁臭🤣 值得一試！我哋喺旺角揀咗呢間台式料理，目標係臭臭鍋，當然要叫返一份一齊share😋！一人份量都幾多配料，主角就當然係臭豆腐、鴨血、米血糕呢啲台式野啦，仲有唔少牛肉同唔同種類嘅蔬菜，一個鍋兩個人食都已經食到7成飽🤣除咗臭臭鍋，我哋仲嗌咗炸醬麵，頗簡單嘅一堆配料，但撈埋一齊又幾好食😋 最驚喜嘅係佢個麵，麵質好彈牙好煙韌，我哋都覺得幾唔錯🤙🏻食台灣野當然唔少得嗌台灣腸同鹽酥雞啦！咁啱佢有份小食拼盤兩樣都有😝 佢個台灣腸真係好好味，好juicy，配埋生蒜食好開胃！而鹽酥雞就麻麻地，比較硬淨乾身，無咩肉汁，但整體呢個小食拼盤都唔錯！而飲品方面，我哋嗌咗杯佢嘅signature: 奶蓋莓莓($38)，雖然嗌咗少甜，但都偏甜咗啲，奶蓋可以再杰身啲同多啲，但下面個草莓茶就好好飲！跟住另一杯係仙草奶茶($28)，本身嗌珍奶，但無哂珍珠，可惜😔 佢個仙草幾抵讚，係一條條嘅，比起一大舊嘅更易入口👍🏻，而奶茶就正常發揮，如果茶味再濃啲會更好！…查看更多

今日難得平日放下假，架要約下閨蜜👭出嚟姊妹淘，閏蜜表示好掛住台灣美食，咁我地就去左「茶茶台式料理」，好彩我地好早約6:15入去，當時都唔會好多人，但一到6:45已全座爆晒。招牌臭臭鍋湯底有少少🤏似雲南小鍋米線🍜湯底，內有鴨血、臭豆腐、米血糕、滷水大腸、榨菜、蜆、粟米、韭菜、台灣貢丸、金菇、娃娃菜、新鮮冬菇等，而我又另叫左一碟肥牛同烏冬，大鍋都食極都食唔完咁👍🏻👍🏻台式紅燒牛肉麵牛展煮得好腍及入味，而每條麵都掛到湯汁，湯底夠濃😋😋脆皮肥腸炸得香口外，最鐘意係去晒啲肥糕，咁我呢啲怕肥又為食嘅人👍🏻👍🏻奶蓋莓莓選用由澳洲嚟嘅野生藍苺，由野生藍莓🫐、綠茶🍵加奶蓋係好好飲…查看更多

難得有個空閒既星期三🤣黎旺角附近行陣街同隻豬嘆下台灣野啦☺️招牌臭臭鍋以多款配料組合而成既足料辣香臭臭鍋🤤🍲加以臭豆腐作為主角令鍋香更為濃郁🤤🙊🍲鹽酥雞扒滷肉飯經慢火細熬富鹹香既滷肉汁☺️滷肉汁中既肉燥肥肪比例均勻🤪🐷淋上飯中每一口都回味在心☺️🍚鹽酥雞塊沾上份量剛好既炸粉炸香🐔🔥食落唔會太厚粉之餘😋炸得剛剛好唔會太過燶乾哂身☺️食落肉質都算滑嫩Juicy的😋🐔涼拌木耳爽口彈牙拌木耳😋富有微香香醋味同麻油香之餘😆夠哂開胃再配合辣椒粒更增添微微辣香😋🌶 …查看更多

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗呢間都幾抵食，我哋經openrice 訂位，食物會有8折優惠（飲品除外）。室內係簡約設計，因為晚餐食得比較早，客人未算好多，坐得好舒服！🍴招牌臭臭鍋（$108）用料好足，有牛肉（都有7-8片）、臭豆腐（4舊）、米血糕、鴨血（2舊）、豬大腸、台灣貢丸、鵪鶉蛋、蜆（2隻）、榨菜、韮菜、粟米、椰菜、鮮冬菇、娃娃菜、金菇、芫茜，係一人一鍋，但都真係好大鍋！湯底好惹味，叫咗中辣，開頭以為只係一個辣味湯，原來係麻辣，呢個有驚喜！我同朋友再加咗個手打烏冬（$12），烏冬覺得似普通烏冬多過手打，不過$12 都算唔貴，都唔會有咁多要求，兩個細食嘅都夠飽！🍴招牌鹽酥雞（$40）有5大件，外面香脆，炸皮唔會太厚，夠味，雞都好嫩滑，好味！驚喜位係放咗好耐都唔會出油，凍咗個皮都仲係好香脆！🍴芝士莓莓（$38）好大杯！莓莓係混合咗新鮮嘅莓（我估有藍莓紅莓唔知有冇士多啤梨🤔）即打成嘅，奶蓋夠厚亦都有芝士咸香味，好飲！因為份量夠大，兩個人（我哋唔係太大食）都好夠飽，仲有8折，真係好鬼抵食！…查看更多

一行三人在旺角鬧市找餐廳，剛好路過台式新派火鍋店，既然不用排隊就試試吧！台式一人一熱鍋，一共有6款口味。我們分別點了招牌臭臭鍋$108，藥膳雞鍋 $112，宜蘭蕃茄豚肉鍋 $108。另追加一碟鹽酥雞扒小吃。1️⃣招牌臭臭鍋$108材料：牛肉、臭豆腐、米血糕、鹵大腸、鵪鶉蛋、台灣貢丸、鴨血、豬紅、鵪郭蛋、金菇、栗米、榨菜、韭菜、椰菜、娃娃菜等。2️⃣宜蘭蕃茄豚肉鍋 $108材料有豚肉、豆乾、蓮藕、蕃茄、栗米、香菇、凍豆腐、青豆角、金針菇、炸枝竹、椎山、木耳。3️⃣藥膳雞鍋 $112材料有木耳、雞肉、杞子、蟲草花、鳴門卷、炸魚皮、豆角豆腐、娃娃菜、栗米、金菇、椰菜等。4️⃣台灣荔枝手工啤酒 $455️⃣芝士奶蓋茶茶8號$34…查看更多

其實之前已經黎食過，好掛住佢d鍋，但由於疫情好難約人，今次終於可以食返啦～😆今次坐得比較入同埋係平日，所以可以坐得比較鬆動😀。之前同d 朋友都只係一人一鍋，所有就唸住今次試下佢其他野😁鍋就一定會叫架啦～今次叫左佢既臭臭鍋，就睇下佢有幾臭😎另外就點左外婆炸醬麵同埋炙燒黑椒牛肉飯，野飲就係佢比晒手指既兩款奶蓋。同朋友耐冇見，一路吹水，野食就黎啦～招牌臭臭鍋其實都唔係好臭唧～佢個隻所謂臭，係台灣臭豆腐個隻臭，但我超愛台灣臭豆腐，每次去都必食，而家冇得去旅行既時候，正好慰解左我既心隱😭。鍋既湯濃度適中，唔會好淡，又唔會濃到好味精咁👍我會建議大家加埋個公仔麵餸湯，就唔會晒左個湯💁。今次叫左其他野驚食唔晒，所有我就唔叫啦。佢仲有個醬料盤可供點料用🤗炙燒黑椒牛肉飯重點係個汁度，有少少甜甜地，好滋味，牛肉亦都煮得好琳，唔會話好硬好韌。👍外婆炸醬麵大家千析唔好唸錯左韓式既炸醬麵咁，呢款比較清，因為佢有莞茜，青瓜同芽菜伴麵，之前食左兩款濃味野食，而家食返呢個麵，反而啱啱好平衡返。奶蓋莓莓我上次都已經飲過，以唔係專賣飲料既店段講，呢個莓莓都屬於中上，但我自己飲野都會選少甜，所以少甜左就好啱我口味😋兩個人食左咁多野，每人都係百五蚊倒，係真係好抵食🤓睇下下次又試d咩好呢🤔…查看更多