嘆嘆

天花佈滿乾花裝飾的台式輕食咖啡店，設有打卡位之餘價錢還很合理。而且有好多選擇，如台式主食、火鍋、便當、特飲花茶、甜品等等🚂 鐵路便當 （配肉燥飯&醃菜&鹵蛋&昆布湯）❋ 台南三寶（鹽酥雞翼&肉羹&台灣腸）$72有五款便當可供選擇，我選了三寶，有我喜愛的台灣腸，鹽酥雞挺酥脆，菜脯和肉燥飯一起吃口感豐富，而肉燥不是全肥，不會太油膩。昆布湯有點清淡但足料。🧆 肉燥高麗菜 $38有少少驚喜，平時不太好肉燥都覺得好好味～🗻 戀 ♡ 富士山（日）＜奶蓋藍橙乳酪特飲＞（凍）$38賣相像藍天白雲下的富士山🗻底層是藍橙乳酪沙冰，在上面鋪上奶蓋，增添了不同的層次感。☕️ 草莓百香果紅茶（熱） $48採用阿薩姆紅茶、錫蘭紅茶、祁門紅茶以及大吉嶺紅茶四大紅茶混合而成。附上蜜糖，有點酸酸甜甜的感覺🍰 招牌珍珠奶茶奶蓋千層蛋糕 $48一層層的千層蛋糕，班戟皮好薄好軟熟，加上珍珠煙煙韌韌，有口感又不會太甜，但茶味不算太重。🥛 3.6 牛乳黑糖芋圓特盛 $88（手工QQ芋圓，3.6牛乳黑糖沙冰，香草雪糕，珍珠，黑糖紅豆麻糬，牛奶布丁，紅豆）十分豐盛的芋圓特盛，非常足料，份量都挺多，其中三色芋圓甜度都不高，有煙韌口感，還有奶味重的牛奶布丁都很不錯。…查看更多

呢間嘆嘆Cafe主打台式輕食。環境都幾特別，裝修唔似平時香港的餐廳，夠哂Chill都幾岩打卡。見倒餐牌新品推介有藥膳養生鐵鍋湯，即刻吸引咗想補下身既我！十全大補藥燉排骨湯，味道香濃，而且夠哂足料，有3大件排骨，配埋紫菜飯食，值得推介！我朋友介紹我必食黑糖雞翼，炸得好香脆！鍾意食炸雞的我，嚟台菜餐廳當然會嗌埋香酥鹽酥雞，一樣都係值得推介！朋友就嗌咗嘆嘆招牌牛肉麵，她話牛肉好吃，湯底是清湯腩湯的感覺，都幾大碗。因為揀咗嘆嘆套餐，跟咗兩個甜品和特飲，嗌了招牌珍珠奶茶奶蓋千層蛋糕，啖啖珍珠，大滿足了！見倒原來平日有下午茶時段$35起就有吐司薯條&茉莉綠茶，下次會最嚟Tea time!…查看更多

放工同朋友去黃大仙中心睇下有咩食，見到有間台式餐廳，有主食、客飯套餐、台南小食仲有甜品可以揀，所以去試下。十全大補藥燉排骨湯 $88————————————養生又好味嘅藥膳湯，可以補充體力，配上紫菜飯，食完更加滿滿元氣。以杞子、紅棗、排骨等材料長時間燉煮，香氣撲鼻。鹽酥雞鐵路便當 $72————————————充滿台式地道風味嘅便當，鹽酥雞份量頗多，滷肉飯就無論肉同飯都好多，性價比高。配上醃菜、滷蛋、昆布湯，完完整整、非常豐富嘅一個便當🍱招牌珍珠奶茶奶蓋千層蛋糕 $48————————————意想不到咁正，千層蛋糕一層一層，質感厚實，口感綿密，奶蓋黑糖配Q彈珍珠，非常「台味」。加配特飲非常抵！…查看更多

呢間係韓閣開嘅台式cafe，位於黃大仙中心入面，同隔離嘅韓閣share同一個舖位～ 餐廳嘅裝修都係行打卡路線，中間有一條好粗嘅柱，加咗啲垂葉同花嘅裝飾，就好似一棵大樹咁～ 另外餐牌上面嘅飲品同甜品嘅款式都幾多，都幾啱同朋友嚟打卡～ 不過我上年去嘅時候就係去食晚餐嘅～•📸 嘆嘆套餐C $138套餐可以任選1個主食/小食、1杯自選飲品同1份自選甜品～ 我同朋友2個人食，因為有幾樣都想試，所以就叫咗2個套餐C～🥢 嘆嘆招牌牛肉麵 +$20牛肉係半筋半肉，牛肉同牛筋都煮到幾腍，而且都幾入味；啲麵係比較扁身嘅，但麵質幾有咬口，唔會太腍👍🏼 但當晚個湯底就越食越鹹🥵 有啲太濃味，要瘋狂飲茶解膩～•🥢 秘製滷牛展 拼 手炒葱油麵 啲牛展係薄切大塊嘅，有5-6塊，全部滷得好入味，好腍👍🏻 蔥油超級香🤩另外有一小碗豉油可以自己加，但我手多落得太多豉油，所以都係鹹咗啲🤣 建議一邊落要一邊試味🤭•🥢 招牌珍珠奶茶奶蓋千層蛋糕 估唔到呢個甜品幾出色，餅皮同cream嘅厚薄均勻，奶蓋係甜奶蓋，奶味幾香；啲cream就有淡淡嘅茶味🤤 不過敗筆在於啲珍珠，太腍太甜無乜咬口😖 •🥢 3.6 牛乳黑糖芋圓特盛 +$40呢個特盛超大碗，應該係2-3人份，難怪套餐都仲要加$40😂 的確係幾足料又多款式，包括手工QQ芋圓、3.6牛乳黑糖沙冰、香草雪糕、珍珠、黑糖紅豆麻糬、牛奶布丁同紅豆，睇落真係好豐富，而且好飽肚～ 不過啲配料食落都有唔少嘅改善空間，例如啲芋圓唔太食到芋頭/地瓜味，咬落粉感較重，唔夠煙韌；珍珠太腍太甜；沙冰嘅調味有啲單調，可能因為牛乳太稀，掛唔到喺啲沙冰上面，所以唔太食到😣 可能因為佢係一間台式cafe，又幾主打甜品，所以我對佢嘅期望都比較高，變咗最後成品同期望嘅落差都幾大🥲•🥢 桂花蜜桃鳳梨金萱茶 原來係成壺上嘅熱茶，配咗龍眼花蜜，可以按自己需要嚟加，個人認為唔加蜜糖都好好飲，因為呢款茶聞落已經有甜甜嘅果香同桂花香🤤 而且唔加蜜糖就更加解膩解渴🫢•🥢 古祖黑糖珍珠奶茶 呢杯奶茶甜到爆，睇顏色似泰式奶茶咁深色😂 (應該因為落咗大量黑糖) 甜到要等啲冰融啲先再飲到…珍珠係重黑糖味嘅，但好難食，都係太腍無咬口嘅🫣 不過杯奶茶嘅茶味都算濃嘅，只係太甜🥹…查看更多

上次試咗隔離餐廳嘅韓燒同炸雞，今日就試埋台式下午茶🤤餐牌上面除咗有台式小吃之外，仲有唔同嘅甜品，而且仲有下午茶優惠，嗌套餐嘅話都幾抵㗎👍🏻👍🏻紅豆大盛嘅材料好豐富，有抹茶凍、香草雪糕、小米糍、紅豆、鯛魚燒同抹茶沙冰，每一啖都可以食到香濃嘅抹茶味同唔同嘅配料～嚟到台式小店點可以唔飲珍珠奶茶，古祖黑糖珍珠奶茶口感香滑，仲有好重黑糖味嘅珍珠煙韌Q彈呀！千層蛋糕嘅蛋皮薄身，有層次感，仲有黑糖同埋珍珠裝飾，啖啖都有奶茶味，奶茶控必試！吐司配搭椰奶，帶有淡淡椰奶香，加埋薯條同沙律，份量都好多🤤🤤香脆嘅鹽酥雞係經典嘅台灣小吃，食落有少少鹹香的外皮，而肉質仲好軟嫩。紫菜湯嘅湯底清爽香甜，同滑滑的手撕雞係perfect match呀～…查看更多

今日好友帶路食新派台灣菜。餐廳走年青韓風路線，木系裝修、餐具，俾人舒服和諧感覺😌下午時分有全日套餐和下午茶套餐供應。下午茶套餐由$58起。視乎個人喜好加配甜品或指定飲品，選擇多樣化有彈性。嘆嘆招牌牛肉麵🍜食台灣菜點可以冇台灣牛肉麵😋湯底味道濃郁而清澈，帶淡淡的藥材香。牛筋腩入味夠稔而且份量十足，紅蘿蔔白蘿蔔大大件，麵質稍嫌淋左啲。小食拼盤(大)飲品賣相超靚🌈 ，小食拼盤有鹽酥雞、甜不辣和台灣腸，充滿台灣地道風味😋！鹽酥雞好入味，外皮香脆，一吃便停不下來。清零消脂手工花茶好夠份量，茶壺也不是精緻款式。茶底味道清香，微酸不苦澀，法國粉紅玫瑰，荷葉茶，山楂，胎菊，決明子，檸檬.. 感覺立刻清減了~ 🌹亦可加入龍眼蜜夠滋潤。夢（士多啤梨藍橙乳酪特飲）打卡一流，超夢幻顏色🌈，主要味道是草莓乳酪，唔會好藥水~招牌珍珠奶茶奶蓋千層蛋糕推介這裏嘅千層蛋糕，口感有層次唔會太硬身又不會只有空氣咁鬆軟，夾層有薄身忌廉，凍凍地入口更美味。奶蓋香滑，加上焦糖濃香和粒粒珍珠，煙韌Q彈，好吃極了！…查看更多

今日嚟到黃大仙搵食，勁耐冇食台灣嘢，見到呢一間台式cafe，裝修好特別，感覺環境都幾舒適，就過嚟食晏🫶🏻💓嘆嘆招牌牛肉麵🐮🍜呢間嘅牛肉麵份量都唔少喎💯牛肉牛腩都好腍，麵都煮得啱啱好，湯頭仲要好濃郁🔥正正👍🏻❤️桂花蜜桃鳳梨金萱茶🍯🍍🍵🫖呢一個果之園手工水果茶，用嘅金萱茶係台灣育種的代表作，茶帶有微弱奶香味，入古清新，有果香之餘🍍，仲帶有茶甘。而另外仲會跟一個桂花蜜🍯，秋冬天飲呢一個💓滋潤感滿滿🥰招牌珍珠奶茶奶蓋千層蛋糕🧋🍰呢款甜品好特別啊🍰奶蓋加上忌廉嘅千層蛋糕入口唔會好甜🍭但係有黑糖嘅香味🍯我個人幾鍾意。除咗千層蛋糕之外，仲有黑糖珍珠嘅加持，口感煙韌軟糯，增加層次感🍡古祖滷肉飯拼鹵水雞翼🍗呢間嘅滷肉飯，真係強烈推薦，滷肉飯份量超足料，老玉肥瘦適中，味道亦都唔會太過鹹，撈飯食真係一流。🍗滷水雞翼亦都入味，食落都好易甩骨✨👍🏻桃香四季春寒天🍑🍃四季春茶味香醇，同桃味真係好夾呀，飲落真係好清新，有冇落亦都唔會太甜，啱啱好，加上寒天，增加成杯飲品嘅層次感🍹🍑嘆嘆拼盤(大)原來拼盤只有大選擇，拼盤包括有脆香甜不辣🍡胖胖台灣腸🌭同招牌鹽酥雞🐣，三款小食都好香口惹味，亦都跟咗三個唔同嘅醬汁可以點嚟食🫕我個人來講好鍾意食佢呢個鹽酥雞，咬落除咗外面香脆之外，肉質都Juicy🍖…查看更多