梁慶記

咁啱去開廣華醫院附近搵地方醫肚，俾我搵到呢間性價比高既澳門米芝蓮過江龍-梁慶記。下午茶時段，我地點左個88蚊 既‘’澳門風味二人組‘’，有梁慶記既兩大名物 - 即叫即炭燒既招牌豬扒包同蝦籽雲吞撈麵；再跟凍檸樂＆奶蓋芝士荔枝茶。首先聽老闆講豬扒包係即叫即炭燒既，麵包外脆內軟，豬扒亦份量十足，咬下去豬扒彈牙，口感豐富。另一名物 ～蝦籽雲吞撈麵；有別於一般麵檔，梁慶記既麵條係全蛋麵，麵條比較粗身但十分爽口彈牙。乾爽既撈麵上撒上滿滿既蝦籽，口感非常好。雲吞皮薄餡料靚，咬起來很有彈性。另外我地仲點左3款小食：籠仔炸雲吞：外皮酥脆；有嚼勁；味道相當不錯。籠仔腩汁菜心：新鮮菜心配上腩汁，簡簡單單已經非常好食。籠仔墨魚餅：炸墨魚餅配上泰式酸辣醬，惹味又開胃。最後值得一提係老闆係個高大帥哥，仲非常熱情好客，絕對係視覺同味覺既享受🤭🤭🤭…查看更多

澳門梁興記係澳門特色美食，有飯有麵，又有小食，米芝蓮推介。職員服務好好，介紹各種食物同特色；餐牌個份量好體貼，可以俾你揀半份或者全份，啱晒眼闊肚窄乜都想食嘅我哋，咁每一樣嘢嗌半份就唔會食一樣食到好飽，可以試多幾樣嘢。蓋仔安格斯牛魔王蛋撈飯，個安格斯牛好香有炭燒味，蛋被輕輕煎至半熟，蛋黃如金黃珍珠般點綴，拮穿咗個蛋黃之後撈飯同蛋黃交融，完美配搭，好好味，推介！！極上肥牛喇沙湯米粉，冇諗過喇沙都有驚喜！！ 我揀咗粗麵好彈牙爽口，個肥牛又係有炭燒味，好香！！ 配埋蛋豆腐同薯仔，內容好豐富，好味值得encore！！另外加$18可以叫一個小食，我哋叫咗，籠仔炸雲吞，好香脆。招牌豬扒包，大大份好厚肉，個包都係好脆口，又係必食。兩個人總共$200，食咗好多嘢，全部食物都好高質，性價比高，用心製作，好味，會再encore！！…查看更多