Mee...lemongrass (彩園廣場)

今日同男朋友去上水整啲野 所以就決定係上水食埋晚飯先走，行過見到呢間啲裝修同食物都幾吸引 就入左去食。106-香葉蝦仁米紙卷6件 $66食落好清爽好清新 蝦仁幾爽口！🤓202-無骨酸辣鳳爪沙律 $72呢啲個汁酸啲 係一個好開胃既小食 而且好岩食肉獸既朋友食 無骨真爽😌😙306-炭燒豬扒喇沙 $74豬扒有塗上蜜糖 好好味但豬扒本身質感偏硬身，而喇沙湯非常濃郁 飲完好似去左泰國馬來西亞個啲國家咁😂 不過唔食辣既朋友可能會覺得辣！同埋超大份😆502-馬拉盞炒通菜 $64通菜非常吸馬拉盞既汁 所以好正！☺️607-招牌無骨海南雞飯 $78雞皮好滑好彈 雞肉雖然唔算滑 但都可接受 因為佢有例湯，菜，雞同飯。基本上嗌一個呢個已經好夠飽 但我地唔知 所以叫左好多野食（個時太肚餓），好彩最後都差唔多食曬～😌最後，忍唔住叫左個芒果糯米飯外賣比屋企人食，外賣而家仲有八折好抵！…查看更多

今晚放工同寶寶黎上水買野，順便係呢頭食埋dinner 先番去～行行吓，意外地俾我哋係上水彩園商場見到間靚靚地嘅餐廳，入面仲有台式飲品賣😯 見到喺入面食緊野嘅食客，食住東南亞菜式，同時飲住台式奶茶🙊好有趣呀🤣於是我地就揀咗今晚喺度食喇😌招牌無骨海南雞飯 $74睇落已經好吸引🤤 海南雞顏色好靚😍 有菜有雞，有飯有湯，成個set好豐富❣️份量適中，一個人實夠食❗️雞肉肥瘦平均，係雞皮厚左少少，但啲雞肉好入味，亦唔會好乾👍🏻油飯爭啲，唔係太夠油🙈 不過咁又健康啲嘅😝Mee喇沙 $76有魚蛋、蟹柳、豆卜、蝦、魷魚、蜆肉➕半隻雞蛋，配料非常豐富❣️喇沙味濃😋，不過濃得來又未至於食到覺得好口渴個種，調味調得唔錯，唔會太鹹😎米粉/麵底份量多🤩 一個人食晒成碗真係會好飽🙈Mee 小食拼盤 $118有蝦餅、春卷、雞翼各兩件，豬牛串燒各一串，仲有無骨鳳爪，一個拼盤有成五款食物咁多，超抵食❗️樣樣都新鮮即製，熱辣辣♨️ 好難唔好食🤪春卷應該係齋春卷來，有芋頭、粉絲、雜菜等做餡料，炸得通透好香脆😋雞翼肉質鮮嫩，仲有啲肉汁添☺️鳳爪唔會太辣，容易入口👍🏻另外，叫呢個拼盤仲有個好處，就係店家會捐出$10俾基督教香港信義會社會服務部，邊食嘢邊做善事嘅感覺都唔錯ga😆.芝士黑糖珍珠鮮奶 $25咁大杯先賣$25真係好抵❗️仲要依家外賣飲品有減$8或買一送一優惠，仲抵過去七仔買支茶🙈遲吓經過都過嚟買番杯先🤪 成杯都真材實料🤩 真係飲到北海道3.6牛乳隻味💕 所以都幾肯定係如Menu所講➡️ 用3.6牛奶沖嘅👍🏻黑糖珍珠有手炒嘅質素➕口感❗️肯定唔係返煮/攞貨嘢來，口感粒粒Q軟同時滲出黑糖味，老實講真係估唔到有呢個quality❣️有驚喜☺️.鮮果四季春茶 $34用多種水果調製而成🍹來自天然果糖嘅甜味，加有少少莓類嘅酸味，飲起來清甜解渴😌冰量唔會過多👍🏻冇咩茶澀味，超啱鍾意果味嘅我😝.非常有驚喜嘅一餐，估唔到喺上水都可以食到餐咁好，下次一定會再嚟幫襯😆❗️…查看更多

喺上水住左二十幾年，經常都會留意一下新餐廳。今次行過彩園見到有間飲品舖做緊買一送一優惠，連住呢間星馬泰餐廳幾吸引，就入左去試。食物選擇多，而且幾抵食！兩個人叫到成枱都係！特別推介呢個小食拼盤包括蝦餅、雞翼、春卷、串燒各兩件及無骨鳳爪，非常豐富蝦餅炸到香脆熱辣，口感彈牙。串燒雞牛各一，肉質軟嫩，蘸上沙嗲醬更惹味。下午茶餐有海南雞飯，套餐有湯、菜、油飯，雞肉肉質幾嫩滑，去咗骨啖啖肉食落好方便。食泰國菜又點少得芒果糯米飯！下午茶餐加$26就有一份。糯米飯微暖，入口煙韌唔黐牙，芒果香甜，椰汁唔太甜啱我。估唔到呢度有台式飲品，要外面買先有買一送一優惠。左邊係火炙芝士黑糖珍珠鮮奶，聽個名都夠曬邪惡！芝士奶蓋同黑糖味道香濃，珍珠有咬口。右邊係東方美人奶蓋茶(下午茶餐加$14)，茶底不錯但奶蓋唔夠厚身。飲返杯水果茶解膩先！四季春茶味清香，加埋唔同新鮮水果係健康之選。…查看更多

去左上水區探朋友，所以佢就盡地主之誼，帶我地去食好野🤤 呢間新開的餐廳外面有獨立的飲品店，去的時候做緊買一送一優惠，排隊的時候可以一路飲野一路等。晚市的時間都幾多人等位，好彩等左10分鐘左右就入得😃招牌無骨海南雞飯（$74）上菜時餐盤跟左一個油飯、一碗湯、一碟芥蘭同一碟半隻海南雞。碟雞的油光均勻，色澤好靚。因為已事先起左骨，所以食落啖啖肉，好滑！正！馬來蜜汁炭燒厚切豬扒（$72）好厚好大份，外層的顏色燒得好靚。不過食落有少少硬，同埋蜜汁味不太突出。但個辣汁意外地好惹味，辣得黎帶少少酸。不過如果唔食得辣的人，可能會覺得個後勁好辣😆地道串燒(雞) （$62）配菜有燒菠蘿、番茄仔、青瓜同埋有幾塊白麵包😂😂 雞串已經去左皮，雞肉好嫩滑，完全無雪藏味。另外有沙嗲醬可以沾黎食，個沙嗲醬好似加左少少椰奶，所以食落好香。香煎蝦餅4件（$68）沒想到4件蝦餅會在廚房直接開二處理，所以一上枱就有8小塊。這個做法幾好，方便食客沾醬。炸完的蝦餅有少少乾和硬，影響左口感，不過味道唔錯，沾埋泰式辣醬就更好味！馬拉盞炒通菜（$58）我地叫得太多肉，最尾都係加左一碟菜去中和番😆 個通菜炒得幾好，有鑊氣，同埋唔會炒到又老又黃。不過美中不足的是馬拉盞味唔夠出唔夠香，如果d馬拉盞可以落重手少少，會更惹味。同埋份量好似偏少，我地4個人食一碟菜，每人只係食左少少就清左一碟，唔夠喉呀😅香芒椰汁糯米飯（$42）可能宜家唔係芒果當造的季節，雖然芒果都算甜的，但最尾會有少少酸酸的餘韻。不過個椰汁好稠好香好有奶味，整體來說不過不失。伯爵珍珠奶茶（$25）用左伯爵茶做茶底，飲得出有伯爵茶的香味幾清新。因為餐廳的食物偏濃味，用伯爵奶茶來送飯，一濃一淡配合得幾好！另外飲品入面仲放左好多珍珠，好有咬口！加分！…查看更多