好德來小籠包店

在佐敦的小巷子里的一家店铺，不太容易找，但是人气特别旺！「小籠包」是必吃的，皮薄餡多有湯汁！秋天的時候還有蟹粉小籠包，蟹粉的味道特別香！「高力流沙球」咸蛋黃愛好者強烈推薦！外面的皮很香軟有韌性，配上鮮咸的蛋黃流沙，特別好吃！「上海粗炒麵」就比較普通，沒什麼特色。「紫菜豆腐魚羹」挺大一碗，魚肉挺多，也很滑嫩，比較建議兩個人吃一碗。總體來說，他家的招牌菜都非常好吃！雖然價格不算便宜，但是份量和味道都讓人滿意！酒香不怕巷子深，怪不得特別多人排隊吃。…查看更多

因為好鍾意食點心所以去到後街覓食🤣 自稱小籠包專門店當然要試吓小籠包🥇食完發覺除咗小籠包外其他小點都不錯😋 唯獨價錢比我想像中不親民係商場價🙊 味道係吸引人既😚⭐️ 花雕醉雞 🐔試一啖花雕酒濃醇而不嗆喉🥂可惜雞肉不入味未得到精髓🍗⭐️ 招牌小籠包 🐲皮夠薄唔會成口粉👍🏻湯汁比例適中🍲 係Above average既水準 如果湯頭更鮮甜就更完美🧡⭐️ 排骨湯麵 🍜排骨即叫即炸十分酥脆🍖 新鮮唔會有油膩感湯頭清澈唔會太重味精😋 麵條有口感呢⭐️ 蔥油餅 🫔略嫌有點大份有點乾🌝 蔥香味可更突出🍀⭐️ 高力流沙球 🍳超級有驚喜大推‼️ 酥脆嘅蛋球甜但很輕盈🥰 包住熱辣辣流心嘅流沙餡💛大真材實料的鹹蛋香…查看更多

好耐冇食過上海菜今次搵到呢間嘅上海館係佐敦嘅橫街入面 位置唔算顯眼但原來係區內都屹立多年格局都係一般中菜館咁不過就係長方枱 衛生都可以食物選擇非常多一般上海小菜通通都有適逢蟹季仲有蟹粉菜色招牌小籠包（4隻）上海菜點會少得小籠包蒸起嘅小籠包超級熱皮薄而且好多汁🤤一咬開啲汁流出嚟差啲辣親嘴😂裡面嘅豬肉餡都好香蟹粉小籠包$32一隻蟹粉小籠包同普通小籠包一樣大細都真係貴皮唔算得好薄今次啲湯汁更加多！咬開好有蟹膏油香加咗蟹膏嘅肉餡係幾香但值唔值$32就因人而異啦🤔我會建議食返普通個隻好了排骨湯麵排骨好厚切炸得好酥脆而唔係厚厚炸粉採用肉排 質感軟腍鬆化不過食落會有少許油膩湯麵亦好大碗上海麵條幼身質感彈牙湯底較清淡 配油膩嘅排骨就啱哂🥰雞絲粉皮份量唔算太多麻醬好香花生味撈勻粉皮 雞絲 青瓜 都唔會太漏比較普通嘅菜式-好多選擇嘅上海菜館中價位價錢 份量都算足服務都唔錯！推介小籠包🌟…查看更多

🇭🇰好德來小籠包店·呢間我食過好幾次架啦 我覺得佢D野食相當唔錯 但係之前影D相好醜樣就無post到😂😂難得今次終於影得靚啲就決定post翻佢🤭·招牌小籠包$44 l 糖醋排骨$38呢兩個我次次黎都會嗌 佢個小籠包入面真係超多湯 一啖啜入口真係好正🤤佢個糖醋排骨都好好味 D肉炆到淋曬 而且佢個醬調得好好 不過佢就全部都細細舊咁🤣🤣·回鍋豬肉$118 l 芫茜皮蛋豆腐魚頭湯$128佢個回鍋豬肉都唔錯 超級送飯 不過佢D豬腩肉真係比較肥 大半都係肥膏 雖然佢地將D肥膏炸到脆身 唔會太肥膩 但係我都係會中意瘦翻少少🙊😂😂之後佢個芫茜皮蛋湯飲落好舒服既 不過就無咩魚味咁 我地上次食既雲吞雞好味D🤭·#rbyeat#rby中菜#rby佐敦·📍佐敦德興街18號地下…查看更多

呢間好德來小籠包店位於佐敦既小暗巷，一向鐘情於小籠包既我地就黎試試呢間上海野。當日平日晚上七點鐘黎到就即刻入座唔洗等。環境方面坐得舒服，夠闊落。老闆同店員都好有禮貌同隨時留意客人既需要。(注意:只收現金)價錢中上，每人低消$70，用餐時間為90分鐘。另外有一份小菜單，主要係一啲廚師推介既點心/菜式。招牌小籠包$44/4隻外皮厚薄適中，唔會一夾就好易爛，一入口就充滿好鮮既湯汁，肉餡肉汁都好鮮甜！大推！想提升鮮味的話就可以點少許醋，可惜薑絲少左啲。獅子頭$48夠惹味！送飯一流！豬肉煮得好林好入味，肉質好綿滑又唔會散哂，成個肉丸吸收哂啲汁既精華。糖醋排骨(例)$70肥瘦得宜，甜而不膩，上面曬左啲芝麻增加左呢道菜既香味。可惜肉質唔夠嫩，醋味再多少少會更加好。最後，我都幾推介大家試下呢間上海野！係傳統係地道既！味道&服務都對得住個價錢。下次有機會會想試下蟹粉小籠包&炸豬排~…查看更多

一直好鍾意食小籠包😋，今日呢間好德來既小籠包真係好得🤩🤩 皮好薄，肉餡好足料，湯汁鮮甜🥳，一人食兩籠都冇問題！京蔥牛肉，味道都吾錯，牛肉吾會炒得太老。份量既話$98黎講都算偏少。🧐另外，叫左個酸菜魚，同平時食開既酸菜魚好吾同，$98大約有7-8塊厚魚柳、木耳同酸菜，老實講都唔難食但就唔會再encore ，雖然有個辣椒仔係隔離，但真係一啲都吾辣。🥺另外最值得一提，店員嘅服務態度真係非常好，上菜嘅姐姐好細心，每一次都會提我地小心熱🥰店內嘅員工年紀都比較大，但係服務都非常好👍🏻仲有就係店舖只收現金一點要留意🤓…查看更多

平日收工黎到佐敦，突然想食小籠包所以特意黎到好德來食晚飯。平日唔會太多人，一入到去就有位坐。首先當然先點左一籠招牌小籠包試一試，味道同想像中差唔多，湯汁都好食，另外亦叫左枝凍豆漿飲，一枝可以岩岩好分到兩杯。之後就叫左份排骨湯麵，排骨係分開上，原來好大份，同時炸得非常香脆，肉質又唔會炸到好乾，整體味道比預期中好好多，而湯麵既麵條口感都不錯，係成餐飯最滿意既野食。最後仲叫左份甜品，就係紫薯水晶糰，其實都係貪佢既外觀幾別緻同個人喜愛紫薯既關係而點。雖然已經有心理準備就咁蒸完既紫薯會好淡味，但可惜實際既味道比預期中仲要淡得多，口感上同水晶糰亦唔係特別夾既感覺，所以都係試一次就好。但係總括而言我仍然幾滿意呢間中餐廳，雖然食物價格唔係特別便，但當日店員既服務態度都幾友善同主動，所以留低唔錯既印象。…查看更多

平時藍妹比較少食上海野，係網上搵左陣佐敦有咩上海野可以試下，呢間「好德來小籠包店」就出現左啦。對呢間野期待唔高，希望唔會難食就得。😅我地訂左位，不過去到個場已經坐滿人，我地都等左接近10分鐘先有位。😮—因為同屋企人食，叫既野都偏向揀屋企人鐘意食既。鱔糊湯麵湯麵冇乜特別，清淡。鱔糊未達到藍妹既要求，鱔都算大條，但係肉質太實，咬落去完全冇口感，勾芡亦有啲重手，好傑身。—雞絲粉皮呢味餸好少整到好難食，呢間不過不失，粉皮滑而薄，最重要既花生醬一大碟另上，撈埋一齊黎食，流哂口水啊🤤—紅燒肉百頁結等左好耐先上枱，醬汁好濃味，唔撈飯／麵去食既話，會超級咸。紅燒肉真係好肥，肥膏同肉既比例係3:1，咬走啲肥膏唔食之後，基本上只剩返丁屎咁大舊肉😭因為醬汁濃既關係，百頁結相當入味，屋企人覺得太咸，於是藍妹自己掃左好多舊😂—必食鍋貼鍋貼可以鍛人頭叫既，皮唔會好厚，底煎得香脆，一咬落去，成口都係裡面熱辣辣既肉汁，令人食指大動啊！😆—招牌小籠包都唔多講啦，小籠包最重要係咩？皮薄 ❗️汁多 ❗️呢間合格啦！兩樣都做到哂👍—紫薯水晶糰藍妹見到有紫薯甜品食，膽粗粗叫黎試下。結果真係試一次就算啦，藍妹從來唔抗拒熱食既中式甜品，但總係覺得要整得好食，就相對比較難啦😣紫薯味道比較淡，相反因為水間糰皮好厚，所以成舊都係食到水間糰皮既味😫完全同藍妹預期既唔一樣。—呢間野見到有啲網站介紹過，食評亦唔錯，食完之後，藍妹最直接既感覺就係言過其實😔 佢絕對唔難食，但係除左小籠包同鍋貼，其他野都只係中庸之作，唔太值得再黎第2次☹️…查看更多

這場上海菜之前須遇上百年難得一遇的"尷尬事" ,可幸好姊妹J小姐並沒介懷那我們便在滂沱大雨中找對的店來開懷大嚼吧!!J小姐想吃上海菜身在佐敦不假思索想起好德來小籠包店,對上一趟幫襯起碼兩年前因為新舖也搬了兩年了!!新舖較寬闊點點7點到達時好彩還未須等位,到我們走時已要排隊等檯噜!!食物一覽無遺,一般上海菜應有盡有~{芥末黑木耳}$33/半份,坦白講份量有點孤寒而味道亦不算太出色,芥末味沒被帶領出特色來唯獨黑木耳也算爽脆為它帶來少許價值!!{皮蛋豆腐}$33/半份,豆腐嫩滑有豆香而且已切成幼條狀這樣索汁能力即時增強,皮蛋被切成小顆粒份量偏少沒甚特別吃得出香味來!!汁料我略嫌過鹹不過J小姐又覺得剛剛好喎^0^店方名物{招牌小籠包}$40,記得上次跟車爸爸吃時質素中上但今趟的小籠包簡直超班^0^外型靚仔包頂摺位吃下並沒硬框框,吊起來亦沒穿底的情況,湯汁熱燙又豐盛,肉團鬆化具彈性肉汁鮮甜好吃得我倆要再添一籠呢haha~{鱔糊湯麵}索價$78一客鱔糊份量真的太少了吧!!而且連我最喜歡的韮黃也省掉!!味道確是不俗的黃鱔肉質彈牙而且鮮甜濃油赤醬確做對的~那份湯麵亦恰到好處麵條軟硬恰好湯底亦沒覺有師傅存在而且份量算正常呢~我最愛吃{銀絲卷}$15,內裡千絲萬縷的銀絲卷用來點鱔糊同吃真的一絕,吃了兩件的我還是意猶未盡呢^0^ …查看更多

為了買水舞間的特價套票，專程出到尖沙咀的旅行社辦理。買好票後，再去佐敦幫妹妹拿禮物，完成要事後差不多快下午一點，既然趕不上兩點鐘的興趣班，那不如先食午飯再作打算吧﹗佐敦有不少齋舖，正想來一個齋的午餐，但想深一層平時在屯門都經常食齋了，難得人在外就不如試試新的東西吧﹗於是我就選擇了一直記錄在案的好德來小籠包店，餐廳地點並不在大街大巷，但如果有去過KUC吃午餐的話，好德來就在旁邊的小路裡啊，其實又不算難找啦。拉開重重的玻璃門，站在收銀處的老闆娘見到我，但我主動說"1位"，然後她叫服務員帶我入座，估不到服務員帶我去一個有著100%私隱的......自閉位，配以寬闊的空間令我可以肆無忌憚咁攤開自己的肉身。XD不過，我估到繁忙時間這自閉位應該會塞多一個人入去~餐廳地方不大，格局是"L"型，放滿大大小小的枱子，看來較適合4人或以下人數前來用餐。但當我看過舊舖的食評才知道舊舖地方是非常擠迫，坐多陣都會感到不好意思。既然有比較，我就明白到現在身處的新舖已經是好好多了。餐廳在每天中午開始營業，但下午就會落埸，如果要到此吃飯，真的要留意時間，以免白行一趟啊~枱上的餐紙也是餐牌，所提供的食物款式都印刷在上，十分清晰。看見其他人都有茶喝，但我坐了幾分鐘都無服務員奉上茶水，於是便叫服務員給我一杯茶，事後才了解到這裡的茶水是因人而要，如果不飲就不用收費。茗茶$2，是我最愛的香片呢，味道又幾好，清香不澀喉，本來我以為得一杯茶飲，原來不是，服務員們是會過來加茶的，還要加得好頻密。XD在半餓不飽的情況下，有好多麵食想試但怕食一碗麵又吃不到其他小食，於是今餐都是專注點心好了﹗必食鍋貼$33的賣相看來無什麼特別，但原來以味道取勝，豬肉餡新鮮到是嚐得出來，口感鬆軟可人，裡頭包含勁多肉汁，熱力四射，真的射了呀，在我吃第二件時並沒有留意，肉汁從餃皮頂的窿位噴出來，汁液直接射到我手背面，哇，手背即時紅腫起來，這鼓熱力的確不是說笑呢﹗底層好脆，並不是硬，坊間好多的窩貼底都是又硬又韌的，可是上層質感較糊淋，如改良這少少部份，此窩貼就100%完美了。店名既然有"小籠包"，當然要試試招牌小籠包$36吧，熱力驚人，而每個包包內的湯汁是多到看得出來呢﹗小籠包層頂的摺位沒有同一方向﹑次序，皮略厚，但肉餡比鍋貼肉餡不一樣，這個硬實了點，不過肉味一樣鮮甜無比，基本上不用沾醋都已經好有味道了。看到有蒸銀絲卷$13，大喜也﹗服務員在落單前會告知不會有煉奶提供，其實我不食煉奶咁當然好OK喔~XD蒸包好鬆軟，好香，將銀絲卷打開，才發現中芯部分並不是一絲絲啊(尖叫)...變相和饅頭無分別。邊吃邊翻看舊舖食評時才醒覺有一樣食物我是好想好想吃的，那就是紫薯水晶糰$39﹗落單後，服務員細心地給我一個新碗和一隻叉。皮子煙煙韌韌，內裡塞滿紫蕃薯，薯蓉內包含少少蕃薯粒，增添咬口，紫蕃薯味不重，甜度極微，乾桂花也是無味，再者沒有添加糖分，結論這是一款淡味甜品，但就是絕對健康。看到隔離食客在津津有味地吃酸辣湯麵，引到我口水流，雖然已經差不多飽肚，最後只加一碗酸辣湯$30(少辣)。份量只有一飯碗，一人用就剛好﹗配料相當豐富，有荀﹑木耳﹑蛋絲﹑肉絲及豬肚，我平時好少飲酸辣湯，所以見到有豬肚都覺得好新奇呢~湯汁不會傑到好似鼻涕，也不會稀如水，味道既酸又辣，雖然已經是少辣但對我來說是好刺激呢﹗店內的服務員們，態度良好，禮貎周周，手腳勤快，細心到位，估不到有"名氣"的小店，員工們也保持良好的服務質素，很是難得~我在收銀處正付款的同時，有以下對話。老闆娘："你坐0個個位係咪好熱呢﹖我見你有撥扇啊..."(內心驚左驚)我："哈...係我越食越熱....我份人好大汗0架"老闆娘："咦，乜係呀﹖咁你下次再0黎，我俾個涼d 0既位置你坐喇，咁你就唔使咁熱喇..."。回顧返剛才我食到半路的時候，因汗不斷流，餐廳冷氣也不夠涼，我就將幾張A4張紙在臉前撥來撥去，產生少少風吹下自己。估不到我這個小動作會給老闆娘看到，也估不到她會說出這些貼心話，縱使她不知道我會不會再有下次。頓時之間，有一陣暖意爬上了心頭。…查看更多