兩姊妹涼皮有限公司 (柏樹街) (已搬遷)

有次平日7點前去到發現涼皮同涼麵都已經賣晒😭 但又唔想空手而回，都叫咗重慶小麵同黑糖五彩冰粉試下，之後搵咗一日去屯門分店又摸門釘，經過兩次mission fail，終於上星期有日6點去到太子店就買到了！大部分都有唔同辣度選擇﹕走辣、BB辣、微辣、小辣、中辣同香香大辣，初試咗BB辣先下次再試微/小辣都應該無問題😛•🥢 招牌兩姊妹涼皮(BB辣) $29涼皮比想像中闊同厚，但因為佢好彈同好滑，食落都唔會有負擔，而且好濕潤，即使我買完搭埋車返屯門隔咗成個鐘都唔會吸晒啲汁/乾晒~ 涼皮面鋪咗芫茜、蔥、青瓜絲、涼皮、花生碎、豌豆同芝麻，加上招牌涼皮係凍食，食落超級清爽開胃！呢個絕對會上癮！•🥢 重慶小麵(BB辣) $30 重慶小麵係熱食，BB辣係好少好少辣，反而花生味重啲啲，但又唔係擔擔麵嘅味道，同樣有唔少配料﹕雜醬、芫茜、蔥、花生碎、豌豆、芝麻，不過呢款唔太適合隔太耐食，唔係個麵會吸晒啲汁同好腍，真係要盡快食！•🥢 黑糖五彩冰粉 $25未食過冰粉，專登叫嚟試下😛 冰粉係跟個碗形容凝固，有啲似原舊啫喱，好軟好滑，唔使點咬，配咗黑糖、花生、芝麻、青提乾，青提乾嘅甜味超級出！呢個配搭都幾新奇，有啲細個就咁食提子乾嘅味道🤣 整體比較甜～…查看更多

兩姊妹涼皮有限公司今日出去太子針灸，見到一直想食嘅兩姊妹喺附近，於是去搵下。跟住Google地圖行，話已經到達，我再問人，佢話喺我後面條街，原來有兩個招牌，我眼望到就係無「兩姊妹涼皮有限公司」嘅招牌名，遠望以為一堆紅衛兵，搞到我唔敢行過去！😂😂😂招牌兩姊妹涼皮$29（8/10）叫左中辣，唔算好辣，辣中帶少少甜！麵超冰涼，爽口彈牙，其他鋪頭涼皮可能要搵海關，全部都唔涼，反而呢度真係會超冰涼，唔會呃人，非常正！@twinsliangpiltd地址：太子柏樹街15號地舖#兩姊妹涼皮有限公司 #涼皮 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

以前有得立食，但而家佢收起咗張長枱仔，唯有外賣返屋企/去公園食。*招牌兩姊妹涼皮 $28招牌不愧係招牌，當然厲害。首先，份量多，滿滿一碗。涼皮厚身、半透明，質地滑捋捋，口感似啫喱帶少少煙韌感。基本配料有蔥粒、芫荽、青瓜絲、脆豌豆、花生粒，我最欣賞脆豌豆，卜卜脆又唔過硬，而且炸得唔油。醬汁唔會太重口味，我揀BB辣，真係一啲都唔辣😂*雞蛋乾 (+$6)份量偏少，得五六片薄片，口感上同涼皮唔係太夾。*好多青瓜絲 (+$3)完全冇改錯名，好多好多青瓜絲，好似食緊青瓜麵咁，同滑捋捋嘅涼皮係絕配。…查看更多

兩姊妹呢間真係都幫襯過幾次😋依然能保持水準 都係咁好味 係禁堂食既晚上 當然要叫呢間黎食😝😝😝😝-👯‍♀️招牌兩姊妹涼皮 $28叫左微辣 都辣得好夠麻 好夠辣😝 涼皮夠晒凍 晶瑩剔透 而且口感唔會太硬 煙韌得來掛汁力強 每一條涼皮都能索到麻辣醬汁🤩🤩 配料 有莞茜 青瓜絲 炸豆 口感豐富😝😆 🍴🍽 總結🍴🍽餐廳主要做外賣生意 無堂食供應而且繁忙時間更加要排長龍🙈🙈但呢間的涼皮醬汁 真係做得好出色😋😋 辣辣地 勁開胃 勁驅寒😆 另外 呢度既色色涼粉 都十分解辣🥰🥰…查看更多

💛兩姊妹涼皮有限公司💛經過2次都無開😣😣上星期六再去搏一搏~終於有開,😯🤤🤤但口水雞賣哂..唯有淨係試招牌涼皮$28可以揀辣度, 唔食得辣可以試微辣..涼皮好滑,好正!👍🏻👍🏻炸豌豆炸到好香脆~個汁調教得好正,又唔會油～2個人share 一碗係絕對唔夠😆可以再加配料，感覺會豐富啲😆加左酸豆角同雞蛋乾酸豆角再加強左川菜既感覺🤪椒麻雞$52雞唔算多～但啖啖肉同埋都幾嫩滑👍🏻好香麻味🤤絕對會再encore 既良心店😍😍店員友善～等得都唔耐夏天食涼皮好爽🤓下次想試口水雞…查看更多

經杜生介紹，嚟到難得黃嘅川菜小店，點知見到超多人排隊﹗但真係好想食涼皮，所以就買完諗住係車到等，行到門口已經聞到好香嘅麻辣味，真係聞到已經開胃又肚餓。美食都可以多人支持，願意排隊，要等成20幾張飛我買完都有少少後悔，最後等咗9個字左右，實在太多人同好多大單，特別星期六，大家要有心理準備﹗而家暫時只提供外賣。食物嚟講，㨂咗招牌涼皮＋雞蛋乾＋牛柏葉＋木耳，份量適中，佢嘅涼皮同一般嘅口感好唔同，入口嗰下勁冰涼，做到好似一條條凍冰冰嘅啫喱咁，而且都幾索汁，食落勁開胃好正好正﹗基本配料比一般嘅少，大家可以加多幾款配料﹗好回味﹗而家諗起都好想再食多碗 …查看更多

//#黃店地圖系列間野叫：兩姊妹涼皮有限公司邊度黎：太子柏樹街15號地舖🌝：LateShow Yellopenrice小店之一 參與罷市 捐款予星火和支持運動的網店 不接受wechat或支付寶付款▪招牌兩姊妹涼皮 $288分涼皮食唔少 但係兩姊妹呢款嘅口感係與眾不同 超級滑劣劣 相比起普通涼皮更加厚身透滑 帶微煙韌 有少少似蒟蒻嘅質感 掛汁一流 相當冰涼 醬汁方面嗌左微辣 味道係酸麻辣 帶少少甜味 下次嗌小辣搶一搶陣甜味 相信會更加惹味 另外+$9配左牛柏葉 本身已經有滷水味 再索埋個辣汁 夾埋芽菜 蔥花 青瓜絲 爽口開胃 唯獨是份量比較少 所以建議大家一人一碗唔好爭…查看更多

今次第二次黎食，第一次食完之後實在太掛住個麻辣，所以決定再幫襯兩次食都係叫左「招牌兩姊妹涼皮」，可以加餸我就揀咗牛肚，佢地好細心切成一片片。第一次叫左小辣，但覺得唔係好夠辣，所以今次叫左中辣。如果都食得辣嘅可以叫比平時高一級，仲有佢地辣同酸真係調教得啱啱好。雖然舖頭細細間無位坐，都有一張長方形枱，叫完比埋錢就圍住枱食，大概容納到八至十人左右。啱哂趕時間，或者只係想食少少嘢嘅朋友想飲野嘅，舖頭入面都有自動販賣機。份量真係啱啱好，非常適合唔大食嘅女仔…查看更多

我一直都好想試呢間位於太子既小店，上星期日終於試到！舖頭每日晏晝2:30 至開門，不過未開門已經有人排隊！我就試佢呢個招牌涼皮。涼皮，食落有D似雞絲粉皮既粉皮，但因為用左木薯粉製作，食落好爽滑彈牙！雖然我本身唔食得辣，叫左微辣，但我覺得佢既「麻」同「辣」做得好出色，食前聞一聞，已經有一陣「麻」香味，食落嘴唇👄會有少少震，而「麻」繼續係口腔慢慢擴散。雖然味覺上你會覺得有少少痛，但你依然會想繼續食落去，呢樣就係佢做得好出色既地方👍🏻！唔食得辣既朋友記得叫唔辣/ 微辣。呢碗粉口感我就覺得唔錯，上面有D爆脆碗豆，少少硬，但脆口，同涼皮好大對比🆚，豐富左口感！我就加左兩個餸—木耳同雞蛋乾。木耳比較爽口，而且同辣味非常相襯。雞蛋乾比較少見，口感都唔錯！總體上我覺得25蚊真係好抵食！另外，我覺得呢碗粉調味既感覺做得唔錯，因為有時有D低質既雲南粉麵舖，會用好多不明調味劑，令色同味都好恐怖😱！但呢度唔會！同埋唔好睇少呢碗粉，木薯粉食完隔一陣就會發漲，所以係食得飽人！！！咁抵咁好食，快D去罰佢啦！…查看更多

咁岩經過太子見到就醒起之前喺Facebook見過介紹即刻買1碗返公司當下午茶😋鋪頭雖然唔係主要街道但地鐵站D出口行去都算近🚇(出地面後向汝州街行少少)鋪面好細，得企位啱啱14:30開鋪已經企滿人每一款麵食都有簡單可愛嘅介紹俾我更易去揀自己想食咩🥣招牌兩姊妹涼皮加牛𦟌🥣($25+11)🍯重慶黑糖冰粉🍯🥣涼皮嘅口感好特別冰涼又滑溜溜咬2啖就可以呑落肚咁其他地方未食過食多兩啖就feel到辣勁慢慢滲出黎🌶夏天食一碗好消暑但牛𦟌既份量偏少，得好細嘅3-4塊以$11既價格都算貴🍯冰粉對我黎講吸引力唔算大簡單感想係好滑嘅啫喱加黑糖糖水注意，有花生、芝麻、青提子乾餐牌都有寫明📝個到附近街道都幾多特色餐廳下次再經過可以encore涼皮😋餐廳逢星期一休息…查看更多

最近係太子新開左間涼皮店叫「兩姊妹涼皮」，顧名思義係指兩個閨蜜開既餐廳，主要買四川重慶食品。首先環境方面，店鋪較狹窄，只可以提供企位俾客人食用，主要外賣為主，營業時間下午2:30開始，憑星期一休息。其次食物方面，小編叫左招牌涼皮同四川涼麵，先講涼皮，涼皮好滑，透亮，醬汁香濃入味，食後嘴巴有麻麻既感覺，入口有酸酸辣辣既味道，充滿四川風味，至於涼麵軟硬適中，加上冷冷既醬汁好適合夏天消暑食，再者不得不提係配料，有芫茜、醋、芝麻、黃金豆、青瓜等，令整個麵更香更好食。最後價錢方面亦便宜，招牌兩姊妹涼皮25蚊，重慶涼麵25蚊，如加其他食材，例如牛肚、牛栢葉等就需另收費，份量適中，適合女士進食，男士就要加一加份量！整體而言，餐廳環境還好，食物品質優良，服務還好，價錢優良，屬平民價，不妨一試！…查看更多

早前網上睇到有兩個空姐夾份開左間涼皮店仲要係太子今日有緣去試下今日星期六大約7:00去到已經排緊隊店入面只有約10個位所以要食就要早我買外賣個涼皮好爽口好好食辣度適中下次要試埋其他…查看更多