山東小城 (西洋菜南街)

喜歡食餃子既我，經常尋找獨特又美味嘅餃子店。今日去太子經過 - 山東小城，正宗北方手作水餃，墨魚餃更是香港首創，睇見都想入去試吓。除咗太子西洋菜南街分店之外，總店在大角咀埃華街，兩間店同樣抵食又好食。店內設計以木系簡約裝修，環境舒適。自家製餃子每日新鮮製造，現包、現煮嘅傳統手工餃，除咗有上湯餃子、酸辣湯餃、生餃，亦有湯麵、菜飯、燉菜、餡餅、小食及自家製飲品 ; 依度嘅靚湯係用新鮮食材每日熬製，非常清甜絕無味精，用心製作。同埋呢度嘅下午茶餐價錢親民，值得一試。雙拼餃子 配 蟲草花南瓜雞湯            $62揀左獨創嘅墨魚馬蹄餃同紫洋蔥牛肉餃，餃子皮厚薄適中，煙煙韌韌，兩款餡料爆滿；墨魚馬蹄餃用上墨魚汁搓成餃子皮，包著彈牙墨魚同爽口馬蹄；另一款紫洋蔥牛肉餃，牛肉鮮嫩，紫洋蔥爽脆，有點咬口，與牛肉很配，鮮甜美味，肉汁非常豐富，配合清甜滋潤嘅蟲草花南瓜雞湯，美味可口。招牌三寶菜飯                 $60一碟有齊3種肉類，手撕雞+炸豬扒+牛肋肉，口感大滿足！手撕雞肉質嫩滑，厚豬扒炸至酥脆，牛肋肉帶少少筋，醬汁好入味，炆至軟身有些嚼勁，與菜飯拌勻食，令可沾上自家製蒜蓉辣醬更惹味。醉雞卷                $38小食醉雞卷是冷盤，雞肉肉質札實，好鮮嫩，酒味相當濃郁，不嗆喉，好味道。老醋海蜇頭               (+$15)另一款小食係老醋海蜇頭，是涼拌的，海蜇頭好爽口，多款蔬菜翠綠鮮爽，微酸嘅醋味，調得啱啱好，口感清爽，好啱天氣熱食用。凍冬瓜茶  (+$5)   及  凍檸檬茶  (+$5)冬瓜茶自然清甜，裡面有龍眼肉，飲起嚟回甘潤喉，檸檬茶口感冰涼清爽，好解渴。…查看更多

山東小城 - 太子西洋菜南街的家常好滋味平時叫開網上外賣平台外賣，今次試試直接去太子的山東小城堂食，選了他們的晚市套餐-招牌三寶菜飯，並追加了上湯西蘭花和煎鮮肉麻辣菜甫餃。這家店主打家常風味，三寶飯的豐富組合讓人感到滿足，整體性價比相當高。招牌三寶菜飯三寶飯的組合包括 生炸豬扒、手撕雞 和 牛肋肉，份量十足，每一樣配菜都展現了樸實卻細膩的家常味道。生炸豬扒豬扒炸得金黃酥脆不油膩，內裡的豬肉保留了適中的嫩度且肉汁juicy，調味簡單卻非常香口。手撕雞手撕雞保留了雞肉的鮮嫩多汁，口感滑嫩，淡淡的香料調味，若嫌不夠未店家還很細心的在碟上另備醬汁。牛肋肉牛肋肉做到嫩而不散，醬汁濃郁且滲透入每一絲肉中，帶有微微的甜香和豐富的肉味，讓人一口接一口，完全停不下來。上湯西蘭花西蘭花營養幾乎是蔬菜之冠，這道上湯西蘭花煮既時間剛剛好，保留了西蘭花的鮮綠色澤跟營養，口感爽脆軟硬恰到好處，上湯的鮮味融入西蘭花，無需再添加甚麼配料已成一碟下飯餸。煎鮮肉麻辣菜甫餃最後的 煎鮮肉麻辣菜甫餃 帶來了意外的驚喜，畢竟平常在網上外賣平台平台是沒得選。餃子外皮煎得金黃香脆，內餡是飽滿的鮮肉與麻辣菜甫，爽到剛剛好不會太辣，整體口感出奇地夾，菜甫的鹹度有好好被鮮肉中和，出來的結果是爽脆口感，帶鹹香又微滲鮮甜，看來是以後來這家店必點的菜。服務方面兩位小妹都很友善有禮有耐性，態度親切反應迅速。餐廳的空間雖然不算大，但佈置得十分整潔，地板、桌面都乾淨利落，讓人感覺很舒適。室內光線充足，即使是晚上用餐，整體感覺也非常明亮，沒有壓迫感。這樣的用餐環境，特別適合想要簡單放鬆、享受一整天辛勞後晚餐的顧客。…查看更多

今日出去太子行下，行到咁上下見餓餓地，就走左入一間小店。係俾佢招牌粒餃吸引到，墨魚水餃好似好特別，自問都算係半個餃控😂墨魚荢薺拼鮮肉波菜餃講吓黑萌萌嘅墨魚餃，未食就聞到墨魚味，個餡原來有墨魚粒重有d馬蹄，咬落有啲爽口。個皮會厚d但滑口。白色既就係比較少有的波菜餃，大大粒好足料。而且食落無左波菜既澀口，而個皮會比墨魚餃既薄，唔錯。招牌三寶菜飯一上枱望到菜飯好乾身，而且菜切得好碎撈勻係飯度，個菜飯好食。三寶就有生炸豬扒、手撕雞、牛肋肉，個人覺得個豬扒最好食，厚肉又唔韌，有肉汁。而手撕雞拼埋佢個辣汁好惹味，但如果再撕碎d更好。牛肋肉就比較普通。黑糖醋豬軟骨以為小食細細碟，無諗過多都食唔晒🫨味道甜甜酸酸，甜既比例會多少少🤏，而豬軟骨肉就夠淋，但軟骨就重差啲，唔可以連骨一齊食。但性價比超高。上湯菜心菜心嫩口，上湯就較濃味。凍蜂蜜百香果 + 凍龍眼冬瓜茶有我喜歡的百香果配蜂蜜，唔算好甜，唔錯。朋友的冬瓜茶都唔係太甜，但龍眼飲落潤d，但百香果就清爽啲。…查看更多