媽咪雞蛋仔

講真呢排真係唔多出街，真係咁岩同媽媽過開黎旺角睇中醫調理身子..先至出去咁人多嘅地方。下午茶時間真係好口痕架醒起附近有間媽咪雞蛋仔，即刻流晒口水，我自從大學時期係紅磡知道左呢間野嘅存在..就幾乎冇食過普通街邊雞蛋仔..平時一定叫香蕉朱古力..但醫師話唔好食蕉wor..咁就試下抹茶啦，感覺養生啲？但其實..算啦，唔講呢啲咁掃興。朱古力都係唔可以少架曳埋今日啦！即叫即整，入面兩個真係好似媽媽咁嘅staff密密整，等左5分鐘度就有得食啦熱辣辣粒粒都大大粒，係實心架！開心粒粒都食到朱古力咁濟，媽咪都話正，哈哈佢真係外面小脆，唔係硬，入面又好似mochi咁，真係一粒接一粒，停唔到不過，我覺得下次再試抹茶應該會齋order抹茶，唔加朱古力，因為我唔太食到抹茶味lol好！下次再戰！…查看更多

媽咪雞蛋仔實在太出名太多人排 一直都好想試 終於等到有一日lunch time時間冇乜人排隊！！！！本身自己鐘意抹茶 又想食下甜野 就決定食抹茶朱古力雞蛋仔 即叫即整 所以都要等大約10分鐘雞蛋仔睇落都見倒好脆 粒粒都有餡啦當然 但係…………食落覺得抹茶味唔係好出 只有好淡既茶味 完全比朱古力蓋住左個味…………本身好期待抹茶味會好濃><下次都係試番剩抹茶味／其他特別口味先！…查看更多

是咁的，雞蛋仔對屈小姐黎講係一樣極其邪惡既香港小食，因為佢實在太好食啦！好食到會忍唔住勁食而暴肥！基於呢個原因，唔高質既雞蛋仔基本上係落唔到屈小姐個胃（唔知大家有冇睇過Chef Nic教人整既雞蛋仔呢⋯⋯？）但係賴生係屈小姐口中聽過不下十次佢讚《媽咪雞蛋仔》，所以今日專誠同屈小姐黎總店黃埔黎一試究竟！ (試野要食總店是常識吧?!)去到既時候真係花多眼亂，有好多種唔同風味既雞蛋仔呀！！有朱古力啦、芝士啦、抹茶啦、抹茶紅豆啦，抹茶朱古力同粟米紫菜等等，仲要有期間限定既栗子，真係少D決斷力都揀唔到！不過賴生一早睇穿左應該叫D咩味lu，而且黎度既時候好好彩，冇乜人，落完Order等5分鐘就有得食啦登登登登⋯為大家揭曉⋯⋯今次賴生叫既就係 ⋯抹茶朱古力雞蛋仔：⭐️⭐️⭐️⭐️⭐️要知道一個出色既雞蛋仔必需符合3個條件：1）外脆內軟，仲要最好係連接位仲勁脆邊，一啪就分到2）內軟既位置係要令人滿足，佔粒雞蛋仔空間大約6-7成而帶有Q軟既口感3）要有濃厚雞蛋香味！《媽咪雞蛋仔》係將上面3個條件做到，更帶出另一層次：流心！首先比一幅圖講解比大家知：從上圖我地可以明確見出，呢度既雞蛋仔係可以原粒啪出的，可想而知佢既脆口程度！的而且確係值得一讚，因為好多雞蛋仔都係要用手撕或者扯，先會扯到一粒出黎食，如果你一要用力扯就已經知道呢個雞蛋仔係Epic Fail，通常一係太油而整淋左，一係就溫度唔夠⋯講起溫度，即係火喉⋯亦係呢度既Bonus point! 從上圖可見，佢既朱古力係焗乾而係粒粒半溶帶流心既！證明佢火喉控制超水準，又要將雞蛋仔焗脆，又要唔令朱古力焗乾⋯可以話係鬼斧神工既雞蛋仔然後⋯我再用圖同大家說明⋯請容許賴生大口一咬，比個平面圖大家⋯See? 內軟而飽滿⋯佔室內空間6成左右⋯黃金比例！Q軟好味⋯不得不佩服《媽咪雞蛋仔》既功力！最後⋯我地講埋味道⋯既然佢叫得抹茶朱古力雞蛋仔，即係要有抹茶味同朱古力味啦？冇錯！佢有！仲要一食成口都係抹茶味同朱古力味，最離譜係佢居然抹茶同朱古力都分別做到回甘！！而且佢既抹茶味唔係果啲綠茶疑似茉莉花香精味~ 而係真會回甘既抹茶味  究竟點做到嫁⋯ ！(抹茶控你懂的~ ) 若真係要比一個缺點（雞蛋挑骨頭果隻）⋯ 朱古力粒鋪唔平均，有幾粒會朱古力味過重遮左抹茶味同埋食完唔會好似一陣風咁~最好就兩三個人share一底~ 如果唔係食完就掃唔到街啦賴生表示：難怪我會成日聽到屈小姐提《媽咪雞蛋仔》窩心提示大家一下：盡快即場食！會更脆更好味！#極度推薦#黎親黃埔都記得要食#數一數二雞蛋仔#鬼斧神工#同妳食永遠都係最開心既#終於帶到你尼食<3…查看更多

旺角雞蛋仔，講創新又講質素就係人都知有呢間媽咪雞蛋仔，之前我一直食開朱古力雞蛋仔，自從試了抹茶紅豆後便愛上了。但又不能忘記朱古力的香，網上見到其他分店的餐牌有抹茶朱古力，但旺角店的餐牌卻沒有，我決定去問問店員，結果成功了！抹茶朱古力雞蛋仔！只看外貌已經好評了！一咬落去，脆卜卜，而且抹茶味已在口中流動，慢慢也有粒粒朱古力的味道，正！加埋見到粒粒朱古力真係特別開胃，只可惜朱古力味對比抹茶味真的太濃了，食耐了便不太覺得有抹茶味，如果加多點抹茶味就滿分喇！…查看更多