雅 ‧悠蔬食

有時食得太油膩都想食下素食◆Summary◇裝修比較公主風，坐得略顯逼夾，服務幾好頗主動。餐牌選擇好多，估唔到素食都可以咁多花款。最中意手卷同小漢堡，食素的朋友不妨一試————————————————————評分高至低👇🏻1️⃣◆香芒牛油果苜蓿芽手卷◇HKD38好清新的手卷，本身好擔心入面全部喺飯，原來紫菜包住的全部都喺苜蓿芽，搭配酸甜的芒果同軟滑的牛油果，超級match又清新🍃2️⃣◆手作小漢堡(三件)◇HKD78迷你的三個小漢堡，包身鬆軟得很，好似食緊中式蒸包，中間加了薄薄一層沙律醬，搭配“肉餅”同番茄，輕盈又飽足3️⃣◆泰式香煎如餅(兩件)◇HKD38口感真係同泰式魚餅極為相似，甚至有肉絲感。如能整得再厚身些少會更出色。4️⃣◆黑松露薯蓉焗大啡菇(三件)◇HKD158芝士和薯蓉融為一體，同多汁的烤菇頗為相襯，如果黑松露可以多d就好啦5️⃣◆黑松露椰菜花野菌忌廉意大利飯 配 香烤茄子◇HKD158呢碟的黑松露醬很濃厚，食落幾creamy，略嫌飯的粘性唔夠，如果可以多d咬口會好d6️⃣◆紅石榴蘋果汁◇HKD45蘋果味超級濃，一飲便知新鮮榨起7️⃣◆綜合水果茶◇HKD50好多生果，酸酸甜甜，不過我怕甜就覺得可以落翻少d糖回頭率：🌕🌕🌕🌗🌑服務：🌕🌕🌕🌕🌑份量：🌕🌕🌕🌗🌑味道：🌕🌕🌕🌑🌑價錢：HKD311/pal…查看更多

行經尖沙咀，想不到會有這麼舒服的素食餐廳整間餐廳也是紫色藍蝶花雪梨汁這飲品好清甜解渴，內裏有一粒粒雪梨，好像喝粒粒果茶的感覺，飲品色澤很夢幻，與餐廳顏色相配合。手作小漢堡這個小漢堡很小巧，中間的素肉球有很多的纖維，口感很像吃真肉球，同樣美味。黑松露薯蓉焗大啡菇十分特別的一個菜式，大啡菇味道香濃，上放了滿滿薯蓉，再加了芝士及黑松露令整個菜式有些點綴，味道更多元化。香芒牛油果苜蓿芽手卷第一次食素食手卷，很有創意，紙菜包着好高營養高纖維的苜蓿芽，味道好清新。牛肝菌煲有很多菇類食材，十分健康。椰香紫薯千層糕色澤美麗，每層都好分明，椰香味濃郁。餐廳有好多特色美食，令我眼界大開，想不到素食都可以有這樣的多樣化。令我愛上了吃素食。…查看更多

突然心血來潮想食素, 上黎openrice見到呢間評分唔錯, 就決定黎試下。餐廳既設計顏色幾柔和舒服, 但樓底唔算高空間感唔太大, 不過座位都算舒服。我地叫左一個晚市套餐再散叫幾樣菜式。 套餐既前菜, 睇落顏色好靚, 幾開胃大大隻啡菇配芝士, 都幾好食, 但唔算好特別呢個睇落幾得意, 食落都唔錯, 但就有D難處理, 個口又唔夠大一啖放入去, 最後要拆件咁食呢個幾好食! 本身以為手卷個底係白飯, 原來入面係苜蓿芽, 配搭新穎又健康!而且口感幾好, 好爽口。但可能因為紫菜有兩層, 可能原意係想避免入面個層濕左會淋, 但太厚好硬, 用番一層或者仲好D。冬陰公飯好好食, 飯粒好香冬陰公味都好入味, 只感又岩岩好唔會太淋太硬。少少辣幾香口。呢個意粉我都幾鐘意, D汁好creamy好rich, 配搭得幾好。整體黎講質素唔錯, 本身都會擔心食齋會好寡但完全冇呢個問題。唯一係價錢都唔平, 間中食下都ok。…查看更多

Green Monday同朋友去左呢間餐廳食晚餐.呢到晚餐每人最低消費係$200, 一個set dinner就$230以上，食素一點都唔平呢.幸好食物質素都唔錯. 有好多選擇揀！二人叫左幾款食物share.手作迷你漢堡（$78）賣相精緻，肉煎得外脆內軟，雖然唔係肉既質感，但有點似薯容. 汁唔會太多，剛剛好.-泰式香煎如餅（$58）香茅味重，微辣.香脆！香芒牛油果手卷（$38/件）Japanese veggie roll: 食落好fresh, 紫菜好脆.-蘆筍青瓜手卷（$28/件）泰式炒金邊粉（$98）感覺同唔係食素既炒金邊粉無大分別，都係咁惹味！除左少左點蝦. 呢道菜仲可以走埋蛋添.伯爵紅茶乳酪蛋糕（$38）份量迷你，伯爵味濃. 食完甜品正好為一餐劃上句號.…查看更多

平時只是試過齋鋪的齋～但食全素的餐廳真的未試過！今日就膽粗粗來試下呢個朋友介紹的高級素食～地點非常方便，就係金馬倫道48號既大廈上面～地鐵站行過去唔洗5分鐘～餐廳安排左一個好舒服的位置俾我地，可以撐台腳～餐廳主題顏色係我最喜歡的粉紫色～好少女心呀！我地兩個人，叫左一個晚市set～餐湯黎了～周打黃耳雪燕忌廉濃湯～超級濃郁！有啖啖的雪燕味道，而且忌廉味都好濃～手卷-香芒牛油果手卷～有芒果有牛油果～非常甜美～紫菜都仲脆！呢個漢堡係我地額外加的～手作小漢堡～飽係用饅頭的質感～有好多沙律菜～一口可以食曬一個～中間的食落去一d都唔似肉～好特別～呢杯係奇異果汁～新鮮夠天然～主菜黎了～～～蘑菇汁百靈菇扒~配薯茸～濃烈的黑松露味道～我最愛啊～切落去好彈牙～口感好似肉啊～但係菇類～再追加～黑松露牛肝菌雲吞～又係好濃烈的黑松露味道～切開雲吞裡面都是菜～很健康～好飽好滿足～最後跟餐仲有甜品～杏汁紅豆糕同紅茶乳酪蛋糕～兩個味道都好特別～第一次食紅茶乳酪蛋糕～發現好match～飽到傻了～真係第一次食甘精緻的素食！…查看更多

早前和某位食素的朋友相聚，本來我覺得有點惆悵，因為我們吃葷的，往往要遷就素食者的習慣和口味，有時真的不知該去哪裡飯聚。但那位素食朋友，同樣對美食很有要求，今次她帶我來雅悠蔬食，她說這裡的菜式味道都很色香味俱全，所以她相信這餐我會很滿意。這裡的裝潢及座位以紫和白色為主，感覺相雅緻，光線亦相當充足，讓人感到很舒服。我們叫了一個晚巿套餐，份量都足夠我們二人了。前菜有三款素沙律，賣相都幾吸引，份量小小的但剛剛好足夠。前菜 (泰式香茅金柚鮮果沙律)，柚子的酸甜和香茅的配搭都相當夾，配以花生和車厘茄，讓味道多一點層次。前菜 (日式藜麥新薯球)，藜麥，苜蓿芽和薯蓉的組合，清新得來加添爽口感。前菜 (麻醬沙薑豆絲粉皮)，蘸了芝麻醬的豆絲粉皮，口感彈牙，有點像手撕雞。青瓜絲和黑白芝麻粒，加添了爽口感。手作小漢堡，小巧的漢堡，上下的麵包採用白色的包，夾住中間苜蓿芽、素漢堡、蕃茄等，色彩鮮艷奪目，相機食先及呃 like 必選。白包的質感像中式包點般鬆軟綿綿，以苜宿芽代替西生菜，咬落去相當爽口，中間那塊素漢堡扒，口感亦都彈牙軟腍，和肉類質感都幾相似，細細件都幾滋味。湯品：猴頭菇竹笙黃耳雪應子，用料相當十足。湯的味道相當清甜，絕不油膩，猴頭菇亦相當軟腍。香芒牛油果苜蓿芽手卷，外型精美，尤其是鮮橙黃色的芒果和嫩綠色的牛油果，令手卷的顏色更為搶眼。紫菜卷相當脆口，而咬下去並沒有米飯，而是清新爽口的苜蓿芽，配以香甜軟滑的芒果和牛油果，多重的口感既特別又美味。紅燒花菇獅子頭，同樣份量都相當豐富呢。大量的花菇和竹笙、白菜和獅子頭，舖了濃稠的冬菇汁，份外惹味。配以珍珠糙米飯，而白飯的比例較糙米飯多很多，所以米飯入口起來能夠維持到香軟度。獅子頭的口感亦跟肉類頗類似，感覺軟腍彈牙。甜品 (古法黑芝麻糕, 宇治抹茶紅豆乳酪蛋糕)，黑芝麻糕挺實得來口感彈牙，亦帶點黑芝麻的甜味。抹茶乳酪蛋糕味道偏酸，吃不出抹茶的甘澀茶香。這裡的素食小食和主菜，較坊間的中式素菜餐廳，多了幾份創意，食材都較為天然美味，以後我和食素的朋友們又多個聚腳點了。…查看更多

小妹由於宗教關係最近開始初一十五都不吃肉。但由於本身唔太鍾意食澱粉質類食物，所以通常只係烚下菜食就算，食足全日，有時都幾慘，但為咗宗教信仰唯有堅持頂硬上。老公唔忍心見我次次都咁慘，所以特意打聽到依間位於尖沙咀〈雅。悠蔬食〉好味得來又有創意，所以今晚帶我去試試。上到去未入門口已經見到餐牌，都幾多選擇而且價錢唔算貴。入到去差不多係座無虛席，好多人喔！！我們點了一個套餐和兩個小食，先介紹小食部分其實即是泰式魚餅，口感雖沒有真正的魚餅那般彈牙，但味道和真的魚餅無異，而且香矛味好香，充滿泰式風味手作小漢堡是老公友人推介必定要點的小食！！小漢堡的麵包好得意，居然係用饅頭麵包但依然無損漢堡的口感，而且咬下去那刻我真的有一絲懷疑自己真的不是在吃肉嗎！！無論口感和味道真的和一般漢堡無異介紹完兩個小食後便到套餐的部分。這個餐前小食有三小類，我特別喜歡紅色邊柚香紅菜頭什果合桃沙律。什果沙律沾滿帶有柚子香味的紅菜頭汁，清甜又爽口，而合桃乾爽香脆，夾埋鮮什果一起食超正！！手卷最令我驚喜的是紫菜真的脆到《索索聲》！！我真係井底之兔，從來係街未試過食過咁爽的紫菜再配上甜甜的芒果和軟滑牛油果，好好食有時我好怕吃好深色既蔬菜，尤其是波菜，因為好怕果陣草青味。不過依個波菜湯令我完全改觀！沒有草青味，但忌廉的奶香味很濃，再加上像啫喱仔般的桃膠粒，口感有層次外亦很好味接著便是主菜部分，第一眼已經被〈酥脆腐皮卷〉吸引著！！擺得像金字塔的腐皮卷炸得又香又脆，雖然只是普通的做法，但造型別緻呢飯方面因為有著忌廉所以會比一般意大利飯更香軟棉滑。再加上香脆的松子和椰菜花蘆筍等的蔬菜菇菌一起吃，口感和味道都超match飲品方面當然不是普通的檸檬茶！！這個加了柚子蜜和蘆薈的比普通的檸茶多一份清爽和幽香。最後我選了黑加倫子乳酪蛋糕為這餐甜美作結蛋糕比較偏酸，可以吃到黑加倫子小粒，口感柔滑，我很喜歡呢…查看更多

原本西式嘢都係覺得一味醬醬汁汁太膩，但見哩間幾好評都要嚟試一試。結果食物有驚喜唔膩夠fresh, 服務好好又不斷添加暖水(有少少檸檬味); 收碟亦快。非常光猛潔淨，難怪情侶大伙兒一家大小咩客路都齊。黑松露薯蓉焗大啡菇 - juicy. 非常juicy, 粟米薯蓉上面加上芝士一啲唔膩，撈埋啲番茄汁，好fresh手作小漢堡 - 包係中式包，豆品漢堡素肉加啲沙律醬菜，中西合璧，好味大啡菇白松露薄餅 - 加咗松露油非常香，芝士亦唔膩特濃朱古力暖布甸配雪糕 - 朱古力布甸濃味偏苦正呀，其他vanilla 雪糕呀cream 呀正常味道，ok鮮果拿破崙 - 餅鬆化，cream 幼滑淡淡甜味，討好…查看更多

雅 • 悠蔬食是一間新派素食店，店內以白色及紫色作主色調，配合簡約的英倫傢具設計，營造出優雅及帶點女性化的風格。 身處追求健康飲食的年代，坊間的素菜店越開越多。要在云云素菜店中突圍而出，質優的菜饌與富心思的設計是取勝的不二法門。在一個平凡的週二晚，雅 • 悠蔬食仍然幾近滿座，實在予人期待！ [精選短片] 是次二人同行，簡單以一客五道菜的精選晚餐作底，再追加數項散點美食，平衡便捷與偏好這兩個因素。 飯餐的前菜，由一客三色小碟開始。在一個豆形的碟具上，由左至右分別擺放了羅馬蕃茄藜麥伴胡麻醬、泰式鮮果沙律及四喜烤麩三款小吃。清甜多汁的羅馬蕃茄是推介的美食。純粹個人喜好，建議追加沙律的芒果份量。 泰式香煎如餅不論賣相、口感與味道勻與真魚餅十分相像，尤愛甚富泰菜風味的香茅味道，推介。 有別於一般漢堡，手作小漢堡以中式包點製作，醬汁味道調較甚佳。相同一片鮮茄，置於迷你漢堡中的效果尤其明顯，成功令整體食感變得水潤吸引。 焗大啡菇一向是筆者至愛的小吃之一，平日閒時亦會在家自製品嚐 (相關連結：芝士焗大蘑菇 · 蜜糖雞翼 · 海鮮鍋)。這碟黑松露薯蓉焗大啡菇，面上的薯蓉混入了芝士、粟米及馬蹄後十分誘人，既香且爽。下方的大啡菇經焗製後仍然保持相當份量的水份，菌香突出。 香芒牛油果苜蓿芽手卷明顯揉合了和風原素，苜蓿芽擁有蓬鬆的口感與原始的味道，配合香芒的甜潤與牛油果的細膩，效果予人驚喜。平日吃手卷，最怕紫菜走氣變韌，單是這項要求已難到很多日本料理。這件手卷落在手中仍見乾爽，入口香脆，已交出很好的成績。 蟲草花竹笙蓮子黃耳冬瓜燉湯沒有刻意賣弄濃郁的味道，相反，清澈的湯汁予人一種平和舒適的感覺，特別適合當下炎炎夏日的天氣。黑松露美國蘆筍南瓜紫薯鮮豆包焗千層麵是西式素菜，面層芝士半溶起絲，混入了搶香的黑松露是穩勝的組合。美國蘆筍潛伏在芝士之中，取用嫩綠的部份，食感固然甜爽。在層層疊疊的千層麵間，夾雜了一塊厚厚的腐皮，還有相當份量的紫薯、南瓜、薯仔等等，選材同樣以甜味為主，味道層次豐富。紫淮山米湯浸有機時蔬屬相對平實的素菜。平日碰到的淮山多數是白色，產自日本的紫淮山比較少見。入口細味，一如預期帶來一份微黏泛爽的食感。紫淮山以翡翠苗相伴，青葱原始的氣息盡滿齒縫間。有些朋友對於這份青葱味道甚為抗拒，正氣平和的米湯則有助調緩這份味道。 雙檸乳酪蛋糕是套餐可選的甜品之一，因有雙檸介入，在胃納有限的情況下亦不覺負擔。檸檬糕的質感富彈性，有點似馬蹄糕。清香的檸檬味道不會一步到位，而是慢慢滲出。相比之下，檸檬乳酪蛋糕的味道強烈多了，容易令人留下印象。追求滋補甜蜜的味道，可選桂圓紅棗雪耳茶；追求清熱解膩的感覺，可挑養生牛蒡茶。 總括來說，雅 • 悠蔬食的用餐環境理想，菜式設計創新，味道優越。吃完整頓飯，難得有「不覺吃過齋菜的感覺」，特別適合少吃素菜的朋友。 …查看更多