微辣大排檔 (已結業)

創立於澳門嘅微辣，除左涉足娛樂演藝事業外，還染指飲食業，舊年喺沙田新城市廣場開始經營呢檔微辣大牌檔。老一輩未必人人認識微辣，經常流連短片網站嘅網民就應該心水清！微辣大牌檔嘅裝潢充滿懷舊氣息，亦玩味十足！店內劃分成唔同區域，有戲院、船艙、士多、娛樂場所等等。就連餐牌上面嘅菜式名都有濃濃「微辣」味，部分菜式名用上旗下藝人嘅名去改～～餐牌推介左10大必食菜式，我地都試左幾款。第一道上嘅菜係米酒雞 (原味)，拍片打卡菜式之一，荷葉完全包裹住隻雞，店員淋上米酒後，喺荷葉外層點火，待火熄滅後就可以享用。除左荷葉之外，所有食材都食得，荷葉外嘅係蒜子同馬蹄，馬蹄爽甜，吸入酒香。翻開荷葉，係全隻雞，雞肉嫩滑唔乾柴，帶荷葉香氣又夾雜淡淡酒香，內裡包裹住金針雲耳等配料，好豐富！好色豪Dee (蜂巢潮式蠔餅)，蠔餅酥脆，唔會好油膩，蠔仔肉都算飽滿，但蠔肉份量唔算多。霍哥JJ海虎蝦粉絲煲，虎蝦大隻，一煲有3隻，肉質爽口。醬汁調味香濃惹味，粉絲吸盡醬汁都唔會太鹹！額外加碗白飯 ($18/碗)，撈汁食一流！何伯爆屎渠 (酥炸豬大腸)，第一次見原條豬大腸吊住咁上桌！一剪開豬腸尾，內裡醬汁立即湧出，或者就係菜式叫「爆屎渠」嘅源由之一。炸大腸外皮脆卜卜，腸內乾淨，無羶味，肯定無屎！蘸酸甜醬汁食，好好味～～～懷舊蟹膏蝦多士，菜式賣相吸睛，蟹蓋內鋪滿蟹膏同蟹籽，蝦多士炸得金黃。蝦多士入口香脆，亦咬得到蝦膠，將蟹膏塗上面並加上少少蟹籽，蟹膏香味濃郁，蝦蟹味道在口腔內激發。加上脆脆蟹籽，口感層次豐富，好好食！！Yelo咖喱牛脷煲，厚切牛脷大大件，軟稔易咬！咖喱味道香辣，薯仔炆煮得夠稔，好入味～～同樣係撈飯一流嘅菜式！今次試到嘅菜式，基本上都滿意味道，有玩味之餘，質素唔差，係價錢稍貴。而且有點不足嘅係，茶錢收$10/位，茶唔夠滾熱。而且店內人手不足，點菜或加茶都比較難叫到店員招呼。店員雖然忙，但態度都唔會好差。…查看更多

由澳門著名嘅YouTube Channel 微辣喺香港開嘅餐廳,一如微辣的創意精神,餐廳無論由裝修,枱櫈,餐牌,食物的presentation等都玩味十足,入到來餐廳處處都係打卡位,funny又盞鬼,周圍都有好多好搞笑嘅句子,就連啲碗碗碟碟上面都有啲好搞笑嘅說話,平時cool爆嘅老竇見到都笑咗出嚟呀！話晒微辣都係come from澳門,所以這家港式大排檔中亦會加入地道的澳門文化元素,好似麻雀枱餐枱,精緻的麻雀牆,賭場娛樂城區,賽馬大電視等,真係好搞鬼呀！🔸️前菜🔮拍蒜涼拌青瓜   水準表現蒜香辣味剛剛好,青瓜亦爽脆！ 🔮麻辣牛肚    🔮麻辣雞腎    上菜時已嗅到濃郁的椒麻香味,入口先麻後辣,略帶微甜,味道十足,牛肚絲和雞腎醃得非常入味,很有嚼勁,要讚一吓那個辣汁,香料和辣度非常足,有種愈辣愈想食的滋味呀！ 🔮泡椒無骨鳳爪     無骨鳳爪啖啖肉爽口彈牙,以泡椒酸菜落醃製,酸香醒胃 🔮少年江流 （老火湯）  其實即係冬瓜豬骨金華火腿,煲成的老火湯,湯料十足,豬骨煲得非常入味,又可以lun骨,份量也足夠四至六人用,只是湯味偏咸了一點 🔮霍哥蔥爆牛仔骨煲      霍哥搞笑好多fans都知,所以Menu上面都有一個霍哥JJ 煲系列,搞鬼一番!蔥爆牛仔骨都算是大排檔的其中一個經典菜式,連gas爐一齊上,一路暖住個沙窩,唔怕個餸會變凍;牛仔骨和濃郁的黑椒汁香味撲鼻,食落肉質軟腍,連骨頭位也非常入味,黑椒醬汁裡還大量的洋葱,薑蒜,紅椒段等,十分惹味,送飯真係一流呀！🔮米酒雞     簡單嘅餸如何出奇制勝真的要靠presentation,這款咪走雞真係用一個雞煲嚟裝住,真係好搞笑個紅色🐔雞煲蓋真係好鬼得意囉!笑死人喇🤣！侍應哥哥很貼心首先會讓我們同個巨型雞頭煲蓋影相先！然後就會用米酒淋係個煲邊焗幾秒再打開蓋,跟住就會點火令到酒香可以滲入雞入面,輕輕打開個荷葉濃烈的聞荷葉香乾蔥蒜香雞肉香等，差聞到都覺得好惹味；呢道菜嘅精髓係在於用手食,所以是侍應先會奉上手套濕紙巾等等大家可以用手撕開來品嚐原始風味，原隻雞烤完再焗，表皮甘香，雞肉撕開非常嫩滑又Juicy,就算連雞骨也非常之入味,這道菜真的好睇又好食呀! 🔮金沙椒鹽魷魚      去大排檔食嘢叫椒鹽系列都可以話係必點餸菜的其中之一啦吧！金沙椒鹽炸至表面金黃酥脆，火喉剛剛好，魷魚彈牙，咬落還有微微的鮮魷汁，鹹蛋黃+椒鹽+再加魷魚香,真的很有大排檔風味呀!🔮紅燒沙田友乳鴿       這個presentation都已經贏咗,完全冇諗過乳鴿係可以用一個磅來做器皿的，真係搞鬼又好笑，非常之打卡囉，個個都拎個手機出嚟影影影，未食之前都已經令大家開心一番，乳鴿炸得非常酥香，皮脆肉嫩很juicy，好味🔮古法避風塘豉椒炒蜆     這個菜可能就有一點兒失望，因為份量比我們想像中的少，而且那一個豉椒汁真的頗咸，可讚的是那些蜆都很新鮮吐沙吐得好乾淨 🔮豉汁果皮蒸鯧魚      蒸魚火喉剛剛好，魚肉新鮮嫩滑，豉汁配上陣陣的果皮香，將魚肉蘸一蘸豉汁，更能提高鯧魚的鮮味 🔮懷舊蟹膏蝦多士    這個烤多士絕對係必食推介，新鮮的蝦膠釀多士，入口香脆，最正嘅地方就係個甲羅蟹膏，非常鮮甜而且蟹膏的份量絕對足夠塗滿四片多士，我同肥妹食到Lam Lam 脷呀，不愧為微辣十大美食的Top one呀 🔮Yelo咖哩牛脷煲    $139原煲咖喱上，聞落有香濃咖喱香味，但係食落沒有想像中那麼濃的咖喱味，且咸了一點，不過牛脷厚切得來份量亦相當之多，肉質亦很軟腍，不過不失啦…查看更多

昨日閒逛新城市廣場，來到微辣大排檔門口，被它獨特的裝潢吸引住了，充滿懷舊元素的裝飾，很適合大家來打卡米酒雞，這味菜對於我來說講，不僅僅是食，更是一道表演，店員送上來開蓋之後，淋上米酒，用火點燃，瞬間荷葉雞被烈火包圍了🔥 雞肉腍啤啤，不用剪刀也可以撕開，雞肚裡面的雲耳，金針好好食懷舊蟹膏多士，香脆可口，配上蟹膏蟹籽食，絕了發記大香腸，上菜的時候想不到是原條吊著上的，這樣的上碟方式太特別了，香腸本身有少少胡椒味，再配著它的醬食，好惹味～椒絲腐乳通菜，這是今晚最好食的一道菜，炒得好有鍋氣，腐乳汁掛滿每根通菜，好入味有時間的朋友可以值得一試…查看更多

終於終於黎到試佢啦 好野✌🏻入到去已經比裝修吸引住❤️❤️分左唔同區，有微辣士多、微辣娛樂場等今次我就坐娛樂場果面 張台好搞笑🤣🤣🤣有麻雀做台面其他都有打卡位好啦 開餐！飲勝🍻必點之選～懷舊蟹膏蝦多士淨食蝦多士已經好好味蝦肉好彈牙而且唔油配埋蟹籽蟹膏，層次更加豐富少少貼士，記得將啲蟹籽蟹膏攪拌會更加好味 必點之選～咪走雞一上枱比佢個外型好吸引，好似以前認識嘅Angry Birds咁 好得意呀店員會預備一啲酒然後點火再淋落雞上面等火熄左就可以食啦店好貼心咁準備左手套、鉸剪、鉗方便我哋食打開荷葉之後，雞入面仲包住啲金針、雲耳、梅菜好豐富呀 雞肉好幼嫩再點埋米酒汁簡直係絕配🤤🤤🤤🤤🤤打於之選～發記大香腸完全俾佢個外型深深吸引覺得佢係似紅腸，然後加咗啲黑椒喺入邊都係好彈牙啦 口感一流同時可以自己剪番啱自己嘅大細適用厚切有得薄切都得椒絲腐乳通菜 炒得好有鑊氣，份量都好大碟 一個字！ 正！整體份量都好大足料同埋都好適合一大班朋友嚟一齊打卡食飯…查看更多

新城市廣場推出咗期間限定蠟筆小新市集，作為超級粉絲嘅我當然唔會錯過😆，行完之後就順便喺度搵餐廳食晚餐，並揀選咗位於三期嘅「微辣大排檔 」。我哋想嚟呢間餐廳好耐，因為喺IG見環境好靚，嚟到發現真係每一個角落都係打卡位📸，裝修花咗好多心機呢。不過麻雀餐枱靚係靚，但就坐得唔係好舒服，因為好易頂腳🀄️。大排檔伙記態度唔錯👍，雖然忙碌，但仍樂意主動介紹菜式。佢推介我哋試吓微辣十大必食，而且仲講到佢哋雲集咗五間著名港澳米芝蓮品牌嘅美食🇭🇰🇲🇴。米酒雞($249)，呢個係招牌菜，大大個「雞」鍋送到面前🐔，憤怒鳥造型嘅煲蓋好可愛啊。開蓋後店員會倒入米酒，然後點火燒燒佢🔥，呢個時候記住要準備相機啊。當火熄咗後，就可以剪雞，將佢肢解。米酒雞帶微微酒香🍶，兼且用咗好多蒜頭同蔥調味。呢隻雞肥美好肉，同埋炆到好入味，雞肉勁易離骨，肉質軟腍唔嚡。雖然佢無富貴版嘅鮑魚花膠冬菇，不過原味都已經幾正。懷舊蟹膏蝦多士($129)，雖然佢話懷舊，但我反而覺得係新派，哈哈。🍞蝦多士一客有四件，全件炸至金黃酥脆；而中間蝦膠層則好彈牙🍤。小食同時仲配有蟹膏蟹籽🦀，即係好似日式甲羅燒嗰種，刮一啖放上多士一齊食，可算係鮮上加鮮。發記大香腸($79)，🌭大香腸本身吊喺架上，好盞鬼，但食嘅時候都係要拆落嚟剪開。香腸好大條，可以切到成十粒有多。香腸外皮微脆少硬，味道濃郁，鹹得嚟又辣辣哋🌶，如果沾埋芥辣就更重口味，不過我鍾意。椒絲腐乳通菜($99)，💚炒通菜係相對大路嘅菜式，不過佢整得幾惹味。通菜爽脆無渣，而且索滿椒絲腐乳汁，鹹度同辣度得宜。雖然碟菜係貴啲，但份量都比平日多。總括嚟講，微辣大排檔嘅菜式別具特色🥢，定價係偏高，不過一試無妨嘅，而且佢哋將傳統港澳風味重新包裝，令年輕一代都有興趣認識同品嚐，做到「港澳飲食文化輸出」嘅理念。…查看更多

一直都想去微辣大排檔打卡因為好鍾意豪Dee去到都果然無失望好多微辣藝人嘅相成間鋪裝修玩味十足啲碗碟都好靚我見其他人張枱係麻雀枱好搞笑平日夜晚去食都勁多人仲有部大電視播綜藝餐牌都設計得好用心啲名又霍哥Yelo個啲講返野食先好多枱都有叫呢個米酒雞個蓋好得意影完相後待應會打開蓋加酒落去然後可以拍片會燒一陣打開荷葉入面係全隻雞雞包住木耳金針等材料好入味至於雞肉係淋嘅質地點埋個汁幾好食 好濃嘅酒香燒完後嘅相呢個蝦多士好正夠脆、多蝦肉又多蟹膏咁樣夾埋一齊食真係好夾推介椒絲腐乳通菜都唔錯份量多估唔到呢個發記大香腸係會咁樣放影相都影得好開心仲有兩款醬可以點黃芥末同辣醬食到太飽嚟緊要食返啲減肥餐先…查看更多

主要分咗4個區域 - 港澳渡輪雅座、港鐵車廂、娛樂空間麻雀枱、大排檔風格舊式冰室，各有特色，好啱打卡。四色搞搞震 （四色豬肉餃子8隻）用咗唔同顏色嘅餃子皮包，餃子炸得非常香脆，餡料亦有唔同嘅配搭，其中一個係粟米豬肉餃，粟米同豬肉嘅比例剛好，粟米嘅甜味加埋豬肉嘅香味，層次感豐富。懷舊蟹膏蝦多士多士上面蝦嘅份量好多，有厚度，鮮蝦彈牙配上香脆多士，一直係本人至愛，依家唔係太多地方有得食。旁邊嘅蟹膏入口香軟細膩，鮮甜微鹹，必點！紅燒沙田友乳鴿上枱好特別，乳鴿放係一個秤上面，大家第一時間都係打卡。乳鴿表皮炸得非常香脆，仍保持肉汁，肉質嫩滑。臘味滑雞火山石煲仔飯店員超好服務，會幫你落埋豉油，同埋焗一焗個煲仔飯，最驚喜係底部有香脆焦黃鍋巴，後來先知原來微辣大排檔雲集左米芝蓮品牌嚐囍。…查看更多

在沙田新城市廣場揾食，OpenRice 見呢間微辣大排檔幾多好評👀 一於就試下佢餐廳個名係微辣，係澳門網媒呢，餐廳餐牌裏面嘅食物名都好搞笑，都係有啲故仔，睇唔明就上網追下微辣先啦😉😉餐牌有都好多野揀，我們叫咗三樣嘢，分別係咪走雞（原味）、椒絲腐乳通菜、懷舊蟹膏蝦多士。餐廳裝修都別有一番特色，我地張枱係麻雀枱呢 🀄️🀄️餐廳上菜快手，有大排檔嘅效率😆😆話咁快上菜就係呢個咪走雞，有個咁得意既angry bird 蓋裝住左店員打開蓋，香氣撲鼻雞有荷葉包住，好香、好嫩、好滑，熱騰騰的，同時料都好多，好好食，大家食的同時都讚不絕口。椒絲腐乳通菜幾有鑊氣，腐乳配通菜總是好夾。😗旁邊果兩枱都有叫懷舊蟹膏蝦多士，證明呢個係好出名，蝦多士十分之香脆可口，岩哂喜歡食炸物的朋友；另外配搭好濃郁的蟹膏蟹子，好creamy，好食。呢間餐廳仲有好多得意小食，好似有豬仔包、豬扒包、玻璃辣魷魚、格仔餅、雞蛋仔等等⋯⋯下次一定要試下😉…查看更多

朋友問我識唔識微辣，我就反過來介紹佢微辣大排檔。呢度嘅裝修花咗唔少心思，唔同區域有唔同嘅佈置，主題都係環繞住澳門，嚟一轉就當自己衝出咗香港。餐具都甚有特色，茶壺夠晒正。首先揀個小食，懷舊蟹膏蝦多士熱辣辣又新鮮，蝦膠好彈牙，麵包又唔會太油膩。最正嘅就係配埋混有蟹籽嘅蟹膏，令蝦多士更加香口。金沙椒鹽魷魚份量勁多，而每片魷魚就比較薄身，食起上嚟更有口感。米酒雞上枱時仲有隻凶神惡煞嘅雞喺度怒啤住我。入面原來係用荷葉包住嘅原隻雞，店員會即場淋上燃點中嘅米酒，真係色香味俱全。雖然店員放咗鉸剪喺枱上，但其實鉸剪只係用嚟剪開荷葉，而入面嘅雞肉嫩滑得完全可以一夾即起。原隻雞入面仲釀入雲耳，入晒味好好食。發記大香腸係原條大香腸吊起嚟賣，然後店員就會幫我哋一一剪開。大腸頓時變成小腸，味道有啲似台式腸，甜甜地幾好味。椒絲腐乳通菜正常水準，腐乳味夠香，最緊要就係份量夠晒多，啱晒最鍾意營養均衡嘅我。…查看更多