週末訓到晏一晏兩點幾幸福自然醒，最好就係和男友去食個下午茶啦，羅麥記上次都有青衣分店食過，唔係好伏食物正正常常，所以今次再來幫陪襯下。餐廳裝潢以懷舊示人，環境乾淨，門口都有人等位都幾好生意，埋位點餐要等一陣侍應先理，看來侍應人手不足。至於食物方面味道ＯＫ，而價錢都算合理。懷舊西多士 $33西多士炸得金黃四方靚仔，內裡塗了好多花生醬，口感一般欠了蛋香，倒左糖漿食比較美味。脆炸魚柳薯條 $45魚柳厚身又幾慷慨喎，外層炸粉薄咬落脆口，魚柳肉嫩，醮埋酸瓜沙律醬，非常開胃味美。薯條味道一般大小不一又長又短又薄又厚，咬落無咩薯肉沒有驚喜。凍可立克 跟餐餐廳竟然沒有凍華田，我地只好點凍可立克少冰，來到都係咁多冰，而且冰比較大粒，放耐點冰溶掉溝稀了可立克味道不少。…查看更多
