敏華冰廳 (德福廣場1期)

今日約左朋友去參觀位於九龍灣機電署，所以我們約定在德福廣場食早餐。每次來到德福，我都會不其然的望一望這間冰廳，因為平時經過都見人頭湧湧，都想找機會來試下這裡的早餐。可能今天是星期六，早上沒有想像咁多人，故我就走去排隊，等了10分鐘，終於到我們。由於食客眾多，所以我們都快快點餐。朋友點了一個忌廉雞湯火腿通粉拼炒蛋配歐式軟多士。火腿通粉口感可以，忌廉雞湯濃郁，炒蛋好滑，多士厚而軟，好食！而我就點了沙茶牛肉公仔麵拼炒滑蛋配歐式軟多士，沙茶牛肉我覺得味道麻麻，公仔麵煮得還可以，唔會太腍，炒蛋好香滑，軟多士都烘得好好，又夠厚。餐飲是熱檸水和熱咖啡，熱檸水冇特別，熱咖啡朋友說唔夠香。其實味道同一般茶餐廳差不多，只是個炒蛋比較滑，但唔明點解會咁多人咁心排長龍。…查看更多

德福廣場呢間敏華冰室長期都排長龍星期日我大概十點左右黎到排左20分鐘左右 都唔算係超耐嘅我因為減脂中 每星期只會有一兩餐外食 加上餐茶廳啲野出名高卡路里 所以已經好耐無食過茶餐廳嘞偶然放縱一下啦我叫左個早餐忌廉雞湯火腿通粉 配 炒雙蛋 牛油厚多士加埋一杯熱飲共$33個通粉湯底加左忌廉雞湯 味道同細個飲金寶忌廉雞湯個味一樣 不過就無咁thick 通粉軟硬度適中好好味至於個炒蛋 好滑好creamy 略嫌多左啲油厚多士夠熱夠脆 牛油分開上 我可以控制份量唔用哂一舊牛油 👍🏻題外話 佢有麵包外賣 透明玻璃窗睇住成個制作過程 企喺度排隊時聞到濃濃牛油同烘焙香味 仲有個牌寫左各款包點嘅出爐時間 雖然今次我無食佢嘅麵包 (因為爆卡路里嘞） 但之前試過佢菠蘿油真係好好味 我屋企人都好鐘意佢嘅墨西哥叉燒包推薦指數：9🌟/10…查看更多

2018年5月19日。晴。九龍灣。唔理係咪食飯時間，每次經過文華冰廳，外面都係大排長龍所以一直都想試下，睇下有咩咁吸引，朝早11點幾，見唔算超級多人排隊，於是就排埋一份排隊規定要齊人先可以入座，前面有成20人，排咗20分鐘左右入到去店員安排咗我哋坐門口附近嘅卡位，座位唔算闊落，但幾乾淨，裝修比起普通茶餐廳靚同光猛睇餐牌發現早餐供應到12點，原來大家都係為個早餐而排隊嘅早餐選擇都係大同小異，五香肉丁、沙爹牛肉、火腿麵、米粉、通粉嗰啲，仲有佢嘅招牌菠蘿包我揀咗忌廉雞湯火腿通粉拼炒蛋牛油厚多士，飲咖啡男朋友揀咗五香肉丁公仔麵拼炒蛋牛油厚多士，飲牛奶另外因為聞到啲菠蘿包嘅香味，所以嗌多個貓山王脆皮榴槤包，$9落咗單無耐，個炒蛋同牛油厚多士就到啦但係我唔會叫佢做牛油厚多士，只可以叫牛油白方包塊包烘嘅時間好短，一啲都無多士嘅效果，如果真係無時間烘耐啲，不如用塊薄啲嘅方包，至少咁樣無咁乾曾曾，塊牛油又完全唔融，好難先哽得晒成塊包不過！炒蛋就做得非常出色！香滑得來味道帶鹹，但食得出唔係鹽嘅嗰種死鹹，鹹得來帶鮮味，唔知個鮮味配方係加咗啲咩材料呢好好味，個人覺得比澳牛同華星嘅炒蛋都好味，會俾9分！五香肉丁麵同火腿通零驚喜，普普通通，平平無奇，火腿通仲略嫌偏淡另一出色食品係個貓山王脆皮榴槤包，其實即係榴槤餡菠蘿包細細隻包，榴槤味好香，真果肉，食落唔覺有香精味下次經過可以打包幾個新鮮出爐嘅包試下！…查看更多