新派韓食館

假期去了親戚家中玩樂，玩到天昏地暗，午餐就在附近吃吧。看到這間位於屋邨裡的韓國菜館，喜歡四周圍嚐新的我們，便決定到此一試。店子光猛而闊落，四週放了很多懷舊物品如車衣機、收音機、舊式雙卡式錄音機、古董大鐘、舊掛燈，還有一些韓式電影/電視劇照，滿有feel的！先叫點凍飲醒一醒神，要了個韓國菠蘿冰及忌廉插柚子沙冰。韓國菠蘿冰～吃著用菠蘿肉弄成的沙冰，跟直接吃鮮菠蘿分別不大，反而更能將整個菠蘿的精華抽取出來，冰涼鮮香加甜中帶微酸的感覺就像回魂藥一樣，把我完全弄醒；相信某好友看到，一定會想來一試。忌廉插柚子沙冰～太太要了這個，同樣是非常實在的柚子味，很清新醒胃，加上忌廉香甜的口感，確係唔錯。回魂過後，開始有點肚餓，先叫些小吃開開胃，醬醃莞島飽魚及酥炸小生蠔相信是不錯的選擇。酥炸小生蠔～酥脆的外層內是潤濕潮香的生蠔，配上一旁的醬汁，更覺出色，每人幾粒很快便吃光了。醬醃莞島鮑魚～鮑魚有彈性卻不過靭，醃泡得宜，厚厚的質感吃起來非常滿足；胃口漸開的我們，不用兩三分鐘便吃個碟底朝天了。近大門的冰櫃有很多不同種類的韓國酒款，包括果汁味的燒酎、梅酒、米酒、啤酒.....等等，因昨晚已喝太多，還是選擇好味又不會太濃烈的梅酒吧。金箔梅酒～侍應的推介，梅味濃郁，甜度適中，細細支兩個人飲剛剛好。海軍八爪魚鮮貝鍋～主菜上枱，份量和種類之多遠超想像，可否完美KO，實在有點存疑！八爪魚、蜆、鮑魚、青口、生蠔、金菇、豆腐、扇貝、紅蘿蔔絲、生菜絲、蘿蔔片......烏冬；真的可以把你們全放進肚內嗎？侍應細心的把八爪魚剪到一口大小的size，口感滿有嚼勁。其他食材也都非常新鮮，尤其是蜆，別看它細細隻，味道卻很鮮甜。我倆不停吃吃吃，最後也只能吃下三份之二，真是很滿足的一餐。估不到屋邨內的韓國菜館水準也不錯，座位編排毫不逼夾；很適合辦一些人數較多的聚會，是茶記、酒樓以外的另一好選擇呢。…查看更多

這間新派韓式餐廳位於大圍新翠村商場裡，若非住在區內或友人介紹也不容易找到。餐廳空間寬敞，裝修佈置甚有心思，牆上滿是鮮豔奪目的噴漆塗鴉，座椅也選用不同顏色和圖案的配搭，整體上給人一種青春活力的感覺。店員有半數是韓籍的，加上長期播放著K-pop音樂，韓風味濃。食物方面選擇繁多，價錢大眾化，在餐牌設計上也別出心裁，圖文並茂十分吸睛，難怪開業至今仍有很多捧場客。<韓國菠蘿冰>菠蘿冰新鮮打成，以原個菠蘿盛載，賣相吸引。冰粒磨得幼滑之餘還附有少許果肉，甜度剛好，喝一口頓時透心涼快。<忌廉插柚子沙冰>這種倒插汽水的飲料越來越流行，兩者味道相夾，清新又解渴。<韓式大蔥蜜糖炸雞>雞塊外層炸得脆卜卜，炸粉卻不厚，肉質仍嫩滑不乾身。配上清甜的蜜糖，中和膩感，水準甚高。<火山脆皮豆腐>豆腐皮炸得香脆，內裡非常滑溜，蘸點少許甜辣醬汁加倍惹味。<醬醃莞島鮑魚> 鮑魚是先蒸熟後再以醬油及二十款配料醃製而成，冷藏過後以備食用，難怪味道豐富及非常入味。肉質細嫩有嚼勁，上檯時已切成細份方便客人食用。<卡邦尼粉絲年糕> 韓式年糕煮得軟硬適中，口感煙韌，粉絲爽彈。卡邦尼醬汁濃稠及creamy，夾雜著洋蔥清香和煙肉鹹香，令這fusion組合份外匹配。<漢拿山芝士蛋溶岩豚肉炒飯> 這個除了是餐廳推介外，有Oppa/韓妹專人為你炒飯也是賣點之一呢！眼看Oppa先將豚肉、洋蔥和紫菜等配料和辣醬倒入飯中，炒了一輪後便加入芝士蛋漿，手勢十分純熟，最後還細心地幫客人分成細碗。味道方面也不錯，飯粒較濕潤，微辣比不辣更惹味，加了芝士也很飽肚。…查看更多

根據我們這些為食達人之經驗，很多時在一些不起眼的小區，隨時會 找到一些在旺區找不到的隱世食店，皆因在旺區一般租金較貴，要維 持生意唯有在食材著手，而在小區租金成本較平，所以能做好出品讓 一眾同好冒名而來。前陣子多得一位新界區的朋友帶路，讓筆者在大 圍發掘到一間抵食好味的韓式cafe。這Cafe坐落於大圍新翠村的屋村商場裡面，起初筆者心想，在舊 式屋村裡邊不是只有一些懷舊老店跟街坊小店，甚或冬菇亭的嗎？真 的會有新派的韓式Cafe？！但很快地証明了筆者的孤陋寡聞了， 去到新翠村外圍，已見到往昔的冬菇亭變了一間間裝修入時的餐廳韓 燒，去到商場入面，更像去了旺角區的美食商場，食市林立，不只韓 式Cafe，還有中式餐廳，高檔茶餐廳和星馬泰食店，讓筆者大開 眼界。來到餐廳門口，已見到大大個宋仲基全身紙牌放在側邊，果然是韓風 躲不了！餐廳入面亦很有年青氣息，面積很大，裝修前衛，牆上貼有 不同的美式漫畫公仔的畫像，亦有不少的韓國電影海報、懷舊用品擺 設，加上不同的格仔梳化 ，配上七彩繽紛的Colourful膠椅，形造出新舊交融的感覺。而且餐廳内的店員有很多 都是韓藉少艾，感覺就像在韓國用餐一般。這裡餐牌的圖片全是手繪插畫，誠意可愛，圖文並茂，而當中的 款式亦十分齊全，韓式醬蟹、醬醃鮑魚、韓式炸雞、炒豬什錦、部隊鍋 、煎餅、芝士拉骨、人參雞及石鍋飯皆見踪影，而且價格相宜。見到 這麼多美食，筆者當然不甘後人，點盡心頭好，飛機醬缸醃蟹、火焰 芝士拉豬仔骨、韓式原味炸雞、漢拿山芝士蛋溶岩豚肉辣炒飯全部都 要，還有兩杯特飲，韓國菠蘿冰和忌廉插柚子沙冰。點菜之後，店員即送上韓式前菜四小碟，這裡的泡菜、芽菜、青菜和酸蘿蔔絲做得都不錯。傳統味道，作為開胃前菜 爽口醒神。韓式原味炸雞，這裡的炸雞非常抵食，$42有5件，新鮮熱燙炸起 ，外皮香脆内裡嫩滑，炸皮薄薄的，不會滿口麵漿皮。而調味亦做得 剛好，像極在韓國吃到的風味。飛機醬缸醃蟹跟紫菜麻油伴飯，韓式醬蟹聽就聽得多了，食還是首次 ，既然店員説這裡的醬蟹每日由韓國新鮮空運到港，而筆者亦是生吃 主義的忠實粉絲，遂膽粗粗試它一下。韓籍店員將已斬件的醃生蟹端過來 ，戴上手套將蟹膏及蟹肉拌入紫菜麻油飯内，感覺食法地道，撈了蟹 膏蟹肉的紫菜飯十分鮮味，飯粒的清淡平衡了醬蟹的鹹香，飯粒分明 ，入口甘香，紫菜麻油香撞上醬膏香，出奇地匹配，感覺像在吃蟹膏 壽司，當然鮮味更勝百倍，令人回味。而除了蟹膏飯外，店員還剩一 些蟹鉗和蟹腳供客人自己拆肉享用，蟹肉入口十分滑溜，味道較撈飯 時醬香更濃郁，而且一點腥味都沒有，讓筆者食到停不了口。但始終 生吃海鮮存在著頗高的風險，都是考慮清楚身體狀況偶爾為之好了。火焰芝士拉豬仔骨，這道菜之前在韓國食過，在香港還是頭一趟，可 能因要專人去逐一幫顧客拉芝士，所以本地的韓店大多只淋上芝士汁便算了事。這裡的店 員先以慢火將芝士融化，再將芝士拉絲團團包住豬仔骨，賣相十分吸 引。豬仔骨醃得入味，肉質鬆軟，味道偏甜微辣，搭上份量勁多的芝 士後奶香滿瀉，濃香惹味，筆者這個芝士控完全無法控制食慾，食完 一件又一件，唯一挑剔的是因肉内帶骨，不能整塊連芝士放入口 中，吃起來不夠痛快，如能起出骨頭，芝士只捲著肉塊的話，將會更 加滿足。除了豬仔骨以外，鐵板側邊還有芝士爐邊蛋和粟米芽菜 ，芝士爐邊蛋經慢火烘焙，帶淡淡的芝士香，嫩滑得來蛋味亦很濃； 而粟米及芽菜的清甜，正好清一下吃得太多濃味食物的味蕾。漢拿山芝士蛋溶岩豚肉炒飯，另一款要專人服侍的美食，店員即席在 客人面前炮製，就像看表演一般。店員先將白飯、 泡菜及豚肉等配料放在鐵板上拌勻炒香，之後加入韓式辣醬， 炒勻後將飯粒堆成圓拱形，跟著倒入蛋漿和芝士將炒飯團團圍住， 外型真的儼如火山溶岩一般！最後加入紫菜， 將雞蛋及芝士拌入飯粒炒香後完成。炒飯份量不太多剛好兩碗，剛炒 起熱烘烘特別好味，飯粒炒得不太乾身，不似中式炒飯般爽口， 但仍粒粒分明，味道甜中帶辣，帶點豆醬香，芝士味反而不太突出， 但食落見到飯與飯之間的拉絲，還是感覺得到，整體味道不錯， 很有韓式風味。韓國菠蘿冰，用原個菠蘿挖空當成杯， 裡面裝滿以菠蘿汁打成的幼滑沙冰，當中還有菠蘿肉，滿滿菠蘿香， 味道清新蜜甜，清涼解渴。忌廉插柚子沙冰，原支飲品倒插杯中沙冰，是近年興起的新飲法， 讓飲料不間斷慢慢流入沙冰當中，配合沙冰溶化速度， 不會一次過啜清飲品而去到最尾只餘沙冰，變得淡而無味。今次筆者選了柚子配忌廉，柚子味的清香遇上味道較清淡的忌廉汽水，不會過甜，間中還飲到小粒柚子肉，夠fresh夠冰凍。正所謂大隱隱於市，原來形容食市也一樣貼切，完全意想不到在屋村商場裡面都能找到一間這麼有誠意、規模及質素的韓式餐館，最重要是一點也不貴，六百多元已食足幾款韓式皇牌美味，就連韓式醬油蟹都包括在内，如在旺區的食市相信動軋也要上千元消費，加上地方寬敞舒適，服務也不錯，無論三五知己或一大班人攪Party都可以照顧得到，性價比實在高！所以說搵食真的無分地區遠近，一些高質食市分分鐘就在你我屋企附近，今餐多得朋友帶路，讓筆者又發掘到多一間隱世食店，吃到捧著大肚子回家，下次一定要多帶幾個朋友仔來再試多幾款其他菜式。…查看更多

一講起韓國野，大家一定諗起尖沙咀韓國街啦! 不過跟得我哋A姐M佬，就梗係食特別啲，隱世啲嘅餐廳啦!!Sister Korean Cafe真係收得好埋，位於大圍新翠商場，唔係朋友J小姐住嗰度，我哋都唔知嗰度有間韓國餐廳。唔好以為佢喺屋邨入面就唔掂，餐廳有幾勁多韓妹Obba嘅侍應，好似去咗韓國咁。M佬，你唔好再望女啦，又渴又肚餓，快啲叫嘢啦!! 韓國菠蘿冰，用成個菠蘿做杯，影相呃Like一流，飲落好香菠蘿味，仲要有菠蘿肉，正!! 另外，忌廉插柚子沙冰都好好味，夠晒凍，啲忌廉不斷流落嚟。再嚟兩個小食醫下肚先!! 韓式原味炸雞，新鮮炸起，非常香口。火山脆皮豆腐，嚟到熱辣辣，加埋啲辣醬，好醒胃。我哋咁鐘意食蟹，就梗係要嗌韓國醬蟹啦! 呢度嘅醬蟹每日由韓國空運到港，非常新鮮。最正係佢配埋紫菜麻油飯，有勁Local嘅食法: 撈埋蟹膏蟹肉食，好鮮味!!!呢個亞之媽街頭炒豬什錦，真係好大呀，有豬腸、豬腩肉、豬腩片、魚糕，十分足料!! 識食就梗係食埋粉絲同椰菜，吸晒啲精華。嘩!! 漢拿山芝士蛋溶岩豚肉炒飯嚟啦，最特別係有專人喺你面前炒，好似睇表演咁!!! 因為M佬唔食芝士，可以叫佢唔好落!!! 嘩，好足料咁喎，落極都仲有。最後砌到星型，加埋蛋黃，搞掂。新鮮炒起，新辣辣，特別好味，少少辣，好香口。呢餐真係食到攬住嗰肚走，都係600零蚊，如果喺韓國街到食，一定會無咗張金牛!!!…查看更多

見到網上呢度好評都算多，今日終於一試，雖然身為新界人，但平日幾乎唔去大圍，所以真係唔知大圍屋村入面有間質素唔錯嘅韓食！一入門口就見到宋仲基…個紙牌，仲播緊《太陽的後裔》OST，正，完全係我杯茶。​  話哂黎緊12月第一次去韓國，呢排都食左幾餐韓國野，打定個韓食底，順便睇下自己有咩啱食。一坐低，睇睇個menu先，佢地個餐牌幾得意，圖文並茂！點完菜之後，店員就送上湯同小菜，呢度嘅泡菜居然啱我口味！（我本身真係唔多食，但最近成日睇《三時三餐》見到車嬸嘅手勢，就想試泡菜了）之後陸續上菜。​漢拿山豚肉炒飯 $128店員喺你面前炒的飯！店員雖然係韓國人，但都識英文同簡單嘅廣東話，溝通冇問題，所以我地都乘機同佢吹下水。原來佢係黎 working holiday，話一年之後都會繼續睇下有邊度可以去打工。店員首先將飯炒熱，再逐樣加入配料，超快速完成一個炒飯，我地都好多謝佢整左粒星出黎炒飯新鮮熱辣！男朋友仲話呢間嘅炒飯好食過炑八，佢話芝士少d冇咁滯呀！火焰芝士拉豬仔骨 $178超邪惡之選！勁大pat芝士！同樣地，店員都係會幫你處理埋。（否則你叫我自己搞真係太有難度）豬仔骨肉腍，芝士味好濃，omg之食完唔知又肥幾磅​不過都唔會理，因為食左先講！韓式大蔥蜜糖炸雞 $42/5件呢度嘅炸雞比較平！不過個人認為味道就屬so-so，雖然蜜糖味都濃，甜甜地，不過塊皮就腍左d，感覺唔多炸。不過勝在價錢相宜，除左蜜糖味，仲有原味同火辣醬爆燒汁味。如果人多，叫多幾款都唔洗驚太貴。飛機醬缸醃蟹 $188（贈送麻油紫菜伴飯）老實講，喺香港食醬油蟹都真係50-50，始終係生野，再加上之前聽過好多新聞話有蟲乜乜乜…我就唔敢食，所以男朋友獨吞。有點驚訝係，呢度連醬油蟹伴飯都有人為你操刀！店員會幫你拆左部分蟹肉撈好個飯，真貼心！不過男朋友就話覺得呢個麻麻，所以話，生蟹真係好個人口味！唔知佢去到韓國仲會唔會想再食。飲品方面，呢度都有好多選擇。除左菠蘿冰貴d，其他價錢都係好合理。韓國菠蘿冰 $58呢個見到大部分人都有點的！都想試好耐兼有d期望！果然冇失望！​半個菠蘿入面滿滿的菠蘿冰，味道超好！好fresh！食完d比較重味道嘅野，一飲舒服哂，都幾建議點呢個試下喔！如果再凍d更好。忌廉插柚子沙冰 $38另一杯我地揀左柚子，呢個都好fresh，柚子味唔假，配埋忌廉，想難飲都難。而且比其他韓國過江龍餐廳嘅飲品平一截，讚！整體黎講，呢餐都幾滿意。食韓國野真係要約埋幾個朋友食先抵，又唔洗好似我地咁，乜都想試，捧住個肚仔走呀！​推介：漢拿山炒飯、芝士豬仔骨、菠蘿冰！同埋當日星期日下午，客人都幾多，居然都維持到咁嘅服務，呢個位係我地都好欣賞。希望下次帶朋友黎嘅時候都一樣keep到！仲要免加一！如果你住大圍沙田呢一帶，都值得過黎一試。不過如果話住得遠嘅，就自行考慮。同埋臨走見到佢地平日一至五有平價午餐！…查看更多

自從上次來過大圍新翠商場的韓式餐廳 Sister Korea Cafe！  值得再回味！  況且，晚上有好姊妹請我到德福睇戲  <愛麗絲夢遊仙境 2: 穿越魔鏡>！一於請她食一頓韓式午餐吧！ 相約她先到大圍港鐵站等，帶她到這個陌生的地方大圍新翠商場，由大圍港鐵站行過來，需要大約 5分鐘！ 位於屋邨商場的韓式餐廳 Sister Korea Cafe，意想不到的大間！  同一層附近還有其他餐廳，做街坊生意！這裡的型格而色彩繽紛裝潢，完全令我們眼前一亮！   給人充滿活力的感覺！ 桌上備有韓式辣醬及燒汁，增添風味！ 大部份店員是韓國人！  既然店名叫 Sister Korea Cafe，也不乏女店員呢！有一班韓國姊妹花坐鎮，  相信廚房部也是韓籍師傅吧！ 打開色彩奪目的餐牌，見到特色的韓式美食，實在惹人垂涎嘞！ 韓國菠蘿冰 $58她喜歡味道清的食物，這款飲品最適合不過！  最好笑有一塊菠蘿放面，証明真材實料！  入口涼浸浸而香甜美味，味道較天然，解渴又可降溫，她飲得一口滿足！ 忌廉插柚子沙冰 $38汽水插上凍飲是近年至潮的飲法！哈哈！ 走到韓國餐廳，我想飲韓式飲品，柚子特飲之類…正合我意！  竟然有款忌廉插柚子沙冰，聽起來幾玩“味”！ 兩者顏色差不多，我個人不太喜歡飲汽水，忌廉混合沙冰，少了那種濁喉感！反而更好！兩者都幾夾！  夾雜柚子粒，意想不到的口感！教人驚喜！ 當食物尚未送上，店員先為每位送上芽菜及泡菜！ 芽菜清爽而帶鹹及麻油香，至於爽口的泡菜則酸辣入味，打開味蕾很醒胃！ 海帶湯味清而調味剛好，混合了豬肉碎，有助減低海帶本身的草青味！  含豐富營養價值，對健康有滋補作用！ 飛機醬缸醃蟹 $188由於，我不吃生食，只有淺嚐一湯匙！ 入口 creamy 鮮美而口感濕潤！  生蟹我卻不敢嚐試！ 火山脆皮豆腐 $48微脆的外層炸至金黃色，內裡是的豆腐嫩滑可口， 橙色的酸甜醬，酸甜惹味帶微辣提味不少又開胃啊！ 海鮮韮菜薄餅 $82煎得薄如紙的韓式薄餅，外表金黃香噴噴！ 混合蔥粒、魷魚、蝦肉…等，入口淡茂茂，  全靠濃郁酸而鹹的醬汁提升味道！蘸上韓式火山豆腐的酸甜醬汁也很夾！漢拿山芝士蛋溶岩豚肉炒飯 (不辣) $128韓籍女店員在我們的桌子面前即席炒飯，香氣洋溢，實在惹人垂涎！ 濕潤而入味的炒飯還帶有焦香，雙重口感，混合了不少芝士，食出啖啖芝味！  芝士更有拉絲效果！  加入雞蛋、紅蘿蔔絲，豚肉…等配料！混合醬汁後，味道甜美！口味豐富有層次感！ 平均每人二百幾，作為午餐相對有點貴；如果作為晚餐會更覺合理！…查看更多

很掛念韓國，聞說沙田屋村中發現有一間韓式餐廳，於是相約同樣都是哈韓人士一起吃飯吧！找到了屋村之下，踏進了韓國餐館，仿如置身另一個世界，感覺頓時變了另一番新景象，是否跌進了時空隧道嗎？牆上顏色繽紛的噴畫、格仔布梳化卡座位、彩色塑膠吊燈、舊韓國海報家具等布置，都充滿著懷舊氣氛。Sister Korea Café佔地寬敞，即使全場滿座，用膳時也不會感到格外擠迫。點了一隻飛機醬缸醃蟹、醬醃莞島鮑魚兩隻、春川炒辛辣雞鍋加SISTER炒飯組合、火山脆皮豆腐、韓式大蔥蜜糖炸雞，飲品是忌廉插柚子沙冰(名字有點突兀)和韓國菠蘿冰。飛機醬缸醃蟹和醬醃莞島鮑魚一隻飛機醬缸醃蟹和醬醃莞島鮑魚兩隻首先奉桌，擔心用手吃會很麻煩，錯了！原來擔心是多餘的，因為餐廳方面非常貼心，特意請侍應(就即是oppa)即場將蟹肉拆出，那就不用擔心吃蟹會不方便。生的蟹經過醬油及二十款配料醃製後特別鮮甜，配上麻油紫菜拌飯一起吃，已經有種說不出的美味來。醬缸醃蟹是由飛機從韓國每天運送過來，可以確保衛生及新鮮情況。兩隻鮑魚已預先切好一片片，吃得非常方便，醬汁適中不會太鹹，整體鮑魚有咬口不會韌。春川炒辛辣雞鍋春川炒辛辣雞鍋材料十足，有韓國粉絲、金菇、青辣椒、韓式魚蛋、年糕、雞肉及菜等等，多樣配料加上韓式辣醬，侍應會係客人面前把雞鍋材料拌勻至炒熟。朋友間只是一邊吃一邊聊天，不用動手自己煮。細心服務真是值得一讚。SISTER炒飯組合當差不多吃完雞鍋時，侍應會再來將白飯、蛋醬、紫菜和芝士一起放在鍋裡，將鍋裡餘下的辣醬汁一起炒飯。一鍋兩樣吃法，不用浪費，炒時更有一陣陣香味傳來。之前炒雞肉時，濃厚的醬汁已經有雞肉的肉香。所以當鍋裡餘下剛剛炒雞肉醬汁和飯一起炒，那麼炒飯也會有剛才炒辣雞的味道，再加上其他配料，便會成為有雞肉味道的雞蛋芝士炒飯。韓式大蔥蜜糖炸雞韓式蜜糖炸雞和韓國的炸雞味道差不多，細件而且沒有骨，容易入口。用生菜放在炸雞底部，可以吸走多餘油分，配以少量白蘿蔔。就算食了很多炸雞，只要食一兩塊蘿蔔就不覺得“膩口”。只是蜜糖份量不夠多，只有一兩件炸雞有蜜糖味道，略為失色。火山脆皮豆腐火山脆皮豆腐中豆腐被炸至金黃色，豆腐皮變得香脆可口，但內裡的豆腐依然嫩滑，不會煮過老而變得太硬。再加上酸甜的醬汁一起吃，非常惹味。韓國菠蘿冰飲品有餐廳的獨有特色，韓國菠蘿冰是將沙冰放在整個菠蘿裡一起喝的，不會太甜，冰凍又清新，非常解渴。忌廉插柚子沙冰忌廉放入柚子沙冰在香港餐廳中比較少見，柚子沙冰加上忌廉一起喝，每口都喝到柚子在內，忌廉可以減低柚子的酸味，而柚子也可以減輕忌廉的甜味，再一邊吃炒辣雞，配搭一流。Sister Korea Café不單食物好吃，價錢合理，服務態度認真，還有韓國帥哥侍應招待。下次朋友聚會又可以多一個好選擇。…查看更多

最近韓食實在是非常流行, 有時候想吃地道的韓菜的話新界的朋友可能說要去尖沙咀或旺角但最近和朋友發現大圍屋村內竟然開了一間韓食餐廳, 而且食物可說是應有盡有, 當然要去吃!哈哈店內環境寬敞, 座位多所以晚飯早點去的話可以不用等位, 順帶一提店員均是韓國人呢 春川炒辛辣雞鍋 $178辣度蠻高的, 雞肉不會過老, 旁邊附有金菇, 白菜和年糕等其他配菜以鍋形式奉上, 可保持其溫度, 但要小心雞肉不要放太久就對了吃完雞鍋後可加$38 SISTER炒飯組合, 韓國男店員會即場炒飯XD炒飯在炒的期間吸收了鍋裡剩餘的辣汁, 店員會再加上蛋和芝士, 然後把飯包住滑蛋與半融芝士, 配上微辛的飯, 滿足 海鮮泡菜煎餅 $82對比起上一個辛辣雞鍋, 這個煎餅一點兒也不辣, 適合不愛辣的朋友們餅身比較軟, 海鮮也不太嘗到, 不過蘸了汁之後就可以提味了醬醃莞島鮑魚 $119鮑魚新鮮, 醬汁算是入味, 已分件起殼方便進食, 肉質彈牙卻是易咬不會過韌, 大愛韓式大蔥蜜糖炸雞 $42炸雞炸漿不算薄但入口不感油膩, 蜜糖與大蔥很配, 個人比較愛甜吧涼拌腩肉生菜包 $78腩肉肥瘦適中, 配上生菜可減去其油膩感, 生菜包內還可自行加入辣芽菜絲和想濃味一點的話可蘸點醬汁飛機醬缸醃蟹 $168之前我沒有吃過醬蟹, 今次終於得嘗所願哈哈如圖所視, 新鮮而且多肉, 蟹膏也算多店員會幫你起膏拆肉, 再加入海苔飯中一起進食, 不用怕弄污手之餘也不會過咸海軍隊長鮮貝鍋$188鍋內有蠔仔, 青口, 硯等海鮮, 故湯底十分鮮甜鍋內有烏冬, 烏冬吸收了湯汁剛剛好, 但記緊快點進食, 不然烏冬會發漲XD火山脆皮豆腐 $48甜辣汁很開胃, 豆腐外層的脆皮得來又有點煙韌, 配合入面滑滑的豆腐很有趣!飲品方面, 韓式菠蘿冰以原個菠蘿呈上有霸氣XD味道天然不做作, 菠蘿沙冰夠清甜而不會過淡最後是忌廉插柚子沙冰, 倒轉瓶子並不陌生但忌廉加上了絲絲柚子蠻挺清新解膩!…查看更多

近排好Hit嘅韓國餐廳，上過飲食男女，而且開係屋邨，價錢平民，無理由唔去試下。好左我地戈一日無咩人，唔洗等好耐，都係大約10分鐘就入得去。黎之前，我當然做定research食咩喇係網上見到唔少人都有話"飛機醬缸醃蟹"可以一試，咁我緊係試下喇！醃蟹又真係有好多膏原來係每日係韓國新鮮運黎嘅。不過正當我地無從入手點食之時，有位Oppa就過黎幫手整佢先將蟹膏蟹肉整出黎，再撈落個麻油紫菜飯到，令每粒飯都沾上蟹膏蟹肉，雖然有少少腥，不過又真係幾香，同鮮甜！鮑魚醃得非常入味，而味道就好似好多人都熱愛嘅甜豉油一樣。口感都幾腍，店鋪仲好細心，切好一片片，方便我地食一問先知，鮑魚係先蒸熟，再用二十幾款配料醃製，所以非常入味。睇個名我第一時間諗到火山爆發拎黎時候，賣相都幾似，豆腐疊成山形，再鋪上紅色嘅辣醬。辣醬酸酸甜甜，唔算太辣，帶有韓國風味，而且好開胃！皮尚算香脆，豆腐亦非常滑，可以話入口即溶，做餐前小食都係一個幾好嘅選擇。不過要快啲食，唔係啲辣醬會好易整腍個皮，咁就會一patpat。嗱！又有Oppa黎整野食喇今次先拎一個氣爐同裝有飯嘅碟形鑊過黎，之後將飯扒鬆，再拎加入配料，當中有紅蘿蔔、紫菜同餣好嘅豚肉。炒到咁上下，就將飯堆成一個小山，然後平均咁將蛋漿倒去飯嘅周邊，最後加埋芝士。Oppa細心將佢分成4份，仲幫我地裝入個碗仔。蛋漿整到半熟，所以非常嫩滑，芝士又整得岩岩好，可以做到拉絲而且每啖飯都可以食到蛋同芝士，仲有辣辣地嘅豚肉， 真係唔錯，值得推介。中意滑蛋同芝士嘅朋友，記得試下喇！份量十足，又似火柜！味道清新，但可惜柚子味較淡，如果濃郁一啲，會更清香。原隻菠蘿上，小朋友一定中意。味道天然，酸酸甜甜，絕對無飲藥水感覺…查看更多

想食韓國菜, 不然要到尖沙嘴韓國街走一趟, 要不然到旺角, 銅鑼灣, 都有零零星星的韓國餐廳可供選擇. 近來, 韓風殺入屋邨, Korea Sister Café開設在大圍新翠商場, 並以韓國懷舊風作主題, 甚有特色, 而有一半的店員都是韓國人, 不說會以為來了韓國朝聖呢!飛機醬缸醃蟹 ($168) (附送Sister麻油紫菜伴飯)第一次吃生蟹真是毫不畏懼!! 連生牛肉他他都曾經吃過, 生蟹簡直是輕於鴻毛!!吃醬蟹是有專人代勞的(而且是oppa), 他把蟹肉全部拆出來, 客人是完全不用動手的, 等食即可! 拆完蟹肉後, 會把蟹肉拌進麻油紫菜飯中, 只嚐其味不見其形, 即使是第一次吃生蟹的人也會覺得極易接受!醬蟹每日由韓國直送, 新鮮程度無需多講. 醬蟹的蟹黃鮮香甘美, 沒有腥味, 令人齒甲留香, 雖然是用醬油醃蟹, 但也不鹹啊! 沒有遮蓋蟹本身的甜, 配合暖烘烘的紫菜飯同吃, 更能突顯蟹的味道.醬醃荒島鮑魚 ($168)究竟是來自韓國哪一個荒島就不得而知, 可能是濟洲島吧! 濟洲海女潛水採鮑魚也是鼎鼎大名的呢!鮑魚是在蒸熟後, 再加入醬油及二十多款配料醃製, 但也不過鹹, 鮑魚的鮮甜味也相當突出呢! 而且鮑魚一點也不韌, 質感非常柔軟彈牙, 只消兩三口就可以把它咬碎了!火山脆皮豆腐 ($48, 小辛)有一大攤橙紅色的醬汁, 貌似會好辣, 其實只是BB辣啊! 怕辣我我也可以應付得綽綽有餘, 醬汁味道像韓式炒年糕的泡菜汁, 甜甜辣辣, 十分惹味. 而炸豆腐外皮香脆, 內裡軟滑, 夾起來卻可以不散, 完整無缺, 是一塊稱得上好的炸豆腐!韓式原味炸雞 ($42/ 5件)雖然Korea Sister不是一間韓式炸雞專門店, 但也做得出奇地好啊! 好吃得令我一件接上一伴! 薄薄的炸粉有濃濃的蛋香, 而上面灑上韓國糖漿, 好似在吃著西多士一樣呢! 而雞肉雖不是用上新鮮雞, 但是用了雞扒, 都算啖啖肉.春川炒辛辣雞窩 ($178, 中辛)春川這一個小地方, 年前因為一套韓劇<冬季戀歌>火紅起來, 連同其著名菜餚- 春川辣炒雞也開始為人認識. 此道菜式在香港的韓國菜館比較少見, 想不到在這間店子可以找到!辣炒雞大大的一盤, 四個人吃都足夠! 吃這個, 同樣有oppa幫手, 先用大火烤所有的配料, 讓下層的蔬菜出水, 再把上層的雞肉及醬料混合同炒即可!雞肉像是雞脾肉, 甚為嫩滑. 而辣醬挺辣的, 並不像火山脆皮豆腐的汁醬般平易近人, 它是辣得來帶微酸, 就是泡菜的味道吧! 吃著吃著還是覺得挺惹味, 但怕辣的我要狂灌菠蘿冰呢!除了雞肉外, 其他配料也甚豐, 有年糕, 魚旦, 芽菜, 黃芽白, 韓國粉絲等, 吃得肚子也撐了!個人最愛韓式魚旦, 薄薄的一片, 貌似腐皮, 但入口非常彈牙, 可嚐到些少魚味,比港式魚旦還要好吃!而韓式年糕像豬腸粉狀, 非常吸汁, 入口煙韌非常! 韓國粉絲比普通粉絲煙韌!Sister炒飯組合 ($38)這個不點就笨, 因為可以吃盡春川辣炒雞的精粹!Oppa會在客人吃了七八成辣雞窩後, 為客人加入雞蛋, 芝士, 白飯同炒, 變成混合了辣炒雞的醬汁, 芝士及蛋的炒飯, 十分香濃惹味, 雖然罪惡感甚重, 但是是非吃不可的!忌廉插柚子沙冰 ($38)整支玻璃瓶忌廉倒插在沙冰上, 真是蔚為奇觀, 原來這是韓國大熱的飲品, 除了可以倒插忌廉, 汽水外, 我還見過別的餐廳用蘋果酒, 果汁酒, 真露等等, 花樣多多.除了有”姿勢”, 亦有”實際”, 雖然是普通的柚子蜜加忌廉汽水味, 但柚子蜜甜度低, 有少許微酸+苦澀的味道, 反而和甜膩的忌廉汽水更為匹配!飲了一半, 沙冰自動吸進汽水瓶內, 好神奇! 要動動手把沙冰倒回杯子中, 好像以前上science堂做實驗般. 真的有得飲有得玩.韓國菠蘿冰 ($58)亦是韓國大熱的飲品! 用上原個地捫菠蘿, 先起肉, 然後把果肉打成沙冰再倒回菠蘿殼中, 是一道需要花心機的飲品. 以為會好酸, 但其實是甜多於酸, 菠蘿味道清爽天然! 是解渴解辣的妙品!這裡還有很多特色小食, 是聞所未聞的, 例如真露醉雞翼, 揉合了韓菜及中菜的精粹, 下次來定必一嘗!…查看更多

又一韓國餐廳進註大圍， 是韓國人主理的Cafe Sister, 大圍人有福了。收工趕過來，還好未到7pm， 未現人龍。座位蠻多，裝潢好有街頭特色。翻開餐牌，美食飲品多得很， 與朋友倆點一兩個菜已非常飽了。來杯忌廉插柚子沙冰，有固定工具把樽身固定，不怕倒翻； 忌廉與柚子都是甜甜的， 配搭大量沙冰，正好用來解辣。醬油蟹吃太多，所以試試吃醬醃莞島鮑魚，醬油及20款配料醃製的, 先蒸再醃， 保証熟透啦! 餐廳已預先把鮑魚切片，更入味亦更易進食， 鮑魚很爽身，醬汁味道是淡淡清甜的，這種涼拌鮑魚都不錯。火焰芝士拉豬仔骨是必食的，微微甜辣的豬仔骨相當惹味， 我不等卷芝士了，先吃條滿足一下舌頭， 肉質鬆軟，骨肉易分離。芝士沾了豬仔骨的醬料，顏色更美，拉絲令人看得興奮， yummy ~亞之媽街頭炒豬什錦(中辣)跟白飯， 除了豬雜(豬腩片、豬粉腸、豬腸)是熟的，其他配料都要經炒熟的店員會幫忙炒菜， 我們等食就可以了， 炒到差不多把所有材料及醬汁均勻後， 就感到香辣氣味及豬腸味。食剩至一半時，就可加白飯再炒， 嫌白飯太寡，可加$38 換成 Sister炒飯組合(白飯、蛋漿、芝士、紫菜)， 這樣吃得更得豐富。多份量的韓食，下次要跟同事們一起來，才可試多幾個菜式呀！…查看更多

上年去完韓國, 吃了非常地多的食物, 韓燒, 鐵板, 烤雞啤酒, 泡菜, 買了無數的化妝品, 因為實在非常平! 在韓國吃一個正常的餐大多都介乎10000WON~20000WON左右, 也就是$75~$150港幣! 而且份量很大, 大胃王也吃得飽飽的...一年過去, 剛剛又去完日本, 但我又牙癢癢想吃韓國菜...而且在香港要找便宜的韓國菜異常困難, 尖沙咀韓國街價錢起碼貴韓國一倍多喔! 大圍的朋友說沒關係, 屋邨有你要找的東西! 一班姊妹們走啊走, 在車站幾乎走了15分鐘才到達這個在屋邨內的韓國餐廳, 怎麼可以這麼多人...如果不是雙腿發麻還以為去了SCHOOL FOOD呢等了30分鐘, 差不多8點時終於有得坐了! 雖然外面很熱很擠, 但裡面還是坐得很舒服, 侍應走來走去還是遊刃有餘的因為太熱啦, 所以先叫凍飲! 忌廉插柚子沙冰超特級好飲, 柚子味超濃, 反而忌廉既汽水味只是點綴, 沙冰入口即溶極冰凍暢快, 見到忌廉隨著時間慢慢流入杯中, 驚覺發明這設計的人實在很有才華!好少吃炸雞的我, 已經好久沒有去KFC, 如果不是韓國有熱潮...韓國炸雞同KFC不同, 他們炸完會用好多不同的醬汁去加味, 加一點蜜糖去炸更加脆口而且更加熱氣雖然加蔥令雞件沒那麼肥膩, 但我比較喜歡沒有加蔥, 比較原汁原味漢拿山不知道是不是地方名? 有個韓國女仔把豚肉飯加上芝士蛋一起炒, 真的很有溶岩的效果, 看到蛋漿嗎? 盛著飯就像一個小山一樣, 韓國辣椒醬不會太辣, 好適合夏天吃, 因為很開胃, 而且加了蛋更易入口, 半生熟蛋沾上了辣醬更加好味!!!這大醬炒野菌什菜鍋比較清, 一整個鍋都是菜, 不過並不淡, 大醬是韓國醬汁之前比較咸的醬, 配上清新無油的新鮮蔬菜效果十分好, 吸收了蔬菜水份的大醬變成了可以沾的醬汁, 菇菌類又入味, 不過太清淡了, 在韓國吃過的都沒有它那麼清呢, 不夠韓國FEEL一次過滿足你買個願望的火焰芝士拉豬仔骨! OK, 其實沒有那麼誇張啦, 會有一些任你隨時可以吃的圍爐蛋, 喜歡半生熟, 全熟或者全生請自己選個時間拿起來囉~芽菜本來就是韓式前菜, 熱食跟凍食都一樣, 其實沒什麼特別粟米煮熱後甜甜地, 肚餓時豬骨未熱嗎? 吃粟米醫肚也還錯~中間個芝士豬仔骨真是不得了, 溶了之後極吸晴, 一塊塊黏在豬骨上的滑身超邪惡芝士, 拉起來的芝士絲加上辣辣的醬汁, 絕對令人哇然, 啊, 難以抗拒的芝士不知要做多久運動才能消耗掉!…查看更多

星期日無聊呢晚餐既時間發現呢間新開小店，大家既評價又不錯就決定飛車去試下……六點鐘到步唔駛等位就入得，再遲多十五分鐘就有排等了！因為得兩個人食所以都唔叫得多!係屋村店都咁有心思既裝修設計已經好少見了！坐底order完就每人派一份……免費前菜及例湯!全場指定必叫……但要有特色既比堅尼已一早售罄，因為成支可以帶走的……兩個人食完呢個都已經包了，但因為係平底鍋好快就無湯，所以加水都加得好密價錢中規中矩啦…場內有韓國侍應生，有男有女當然有d不錯啦！…查看更多