貴族甜品 (元州街)

今次係我第一次食甜品放題! 之前見到團購$78可以任食1.5小時，所以就買左黎試下 因為預先book左位，所以一入到去就可以直接叫野食 甜品種類都算多，有凍有熱，有中式西式，總會搵到你想食既一款。雖然係叫「放題」，但有部分甜品每人只限每款叫一份，我地一行三人，限叫款式就食左:心太軟可配兩球雪糕，心太軟唔太流心，味道一般比利時窩夫窩夫軟身，易入口，配上吉士醬，味道不錯白雪黃金卷外皮好滑! 又大又甜既芒果肉，加上上層係芒果沙冰，口感一流!之後再叫多2款凍甜品:宇治金時沙冰味道不錯，喜歡「奶+綠茶」既朋友可以試試，紅豆好甜，適合配上丸子一齊品嚐。傾城之戀奶凍有濃濃朱古力味! 口感好滑! 出奇好味!食完凍甜品，就試下食熱!酒釀桂花雙丸酒味唔太重，配上桂花味道變得清新，但丸子數量比較小 百花蜜燉柿貝蘋果味道清甜，感覺好滋潤，冬天食最好!合桃糊同各大既合桃糊差不多，如果合桃味可以重小小會更好。木瓜雪耳糖水味道比較甜，木瓜夠淋，都幾足料糖不甩面層糖不甩配料味道岩岩好，唔太甜。丸子入面係芝麻味，可能係熱食既緣故，d芝麻仲好流心最後我地三個人總共食左10款甜品整體黎講，以呢個價錢可以食到咁多款唔同既甜品，真係抵食!如果你係鍾意食甜品、而又想樣樣都試d，建議你搵多d人一齊食甜品放題，咁就可以滿足你既要求…查看更多

本人喜愛食甜品, 前排老公係團購買左張1.5小時甜品放題,  好期待呀當日我地BOOK 了7點鐘，放工即搭車去深水埗食甜品..去到門口望入去，裝修普通，係裏面得3,4 人食緊野,入到去待應叫我地是旦揾個位坐, 之後比左張甜品放題的ORDER 紙我地Order紙有兩張, 第一張左下角的甜品，只可以叫一次，其他的就每轉每人可叫2樣,E個係佢個MENU, 望相片非常吸引，揾返個名再係ORDER紙度劃返就ＯＫ。。 　Ｅ，　想食果Ｄ都係晒只可以叫一次果度，　非常失望　及佢大部份甜品都有球雪糕係度我同老公前前後後叫左７樣甜品，　有D 普通野所以冇影相包括　１.北海道３。６牛奶燉旦白 旦滑, 唔錯2. 芒果河粉E個怪住食, 唔記得影相, 河粉好有椰香味, 加埋少甜既芒果，哇,可再多碗3. 薑汁芝麻湯圓唔太覺汁味喎4. 童趣覺得個名好得意喎, 叫左一個, 其實都係生果加雪糕5.宇治金時D粉團好頂胃, 個樣都幾靚6.心太軟只可選一次款.....識流ga 心太軟, 但整得唔太好食, 食落好似未熟咁, 加上對比出面食果d, e個太細個la7.吐司金磚 e個非常非常非常好食, 佢係只可選一次果d 款,好後悔叫左心太軟,我寧願要多個e個下面吐司好鬆脆，仲係熱既, 加少少凍凍地既本多啤梨雪糕一齊食, 好math...我地試過其他味雪糕如下次再黎, 單叫$43都值呀團購買2張卷$156, 我地計過我地兩個食左$227~~唔係有個吐司金磚頂一頂，我會比負評..唔會再去...不滿佢有d款只叫得一次~~…查看更多

我今次買左甜品放題團購，所以一試，食啲之前未食過嘅甜品。第一個食薑汁芝麻湯圓，只係普通湯圓，冇乜特別。皮薄，都幾好食。第二個朱古力心太軟配雪糕。呢個都ok，配兩個雪糕，但心太軟我覺得有啲細，因為正價都要$48架。不過亦有可能係團購放題所以細啲啦。第三樣甜品係紅豆相思呢個我搞左兩下先記得影相。材料都幾豐富下，粉圓同芋圓好有咬感，我覺得呢個幾好食。最後，第四碗，芒果河粉撈。我已經飽喇，食唔落呢個真係有點兒失望，因為自己本身都鍾意食芒果嘅，但真係好難食。啲白色河粉好甜，個底係芒果冰底真係唔合襯，如果係芒果西米的話應該會好多。最後講下嗰度啲服務。話差又唔係嘅，因為得一個姐姐喺度，客又多。有時想揾姐姐落單，佢又失左踪，一係佢就收緊錢，真係做唔切，因為見在場好多都食團購放題，最少都十二、三個客，一個人真係做死！姐姐都好友善，一見到我揮手都會過黎幫我落單。不過出甜品速度真係非常慢，整嘅起碼都十分鐘，我諗都係因為團購嘅關係啦。總括黎講都ok嘅，未係最差嘅。之後嘅日子都會幫襯。…查看更多